المقالات
السياسة
ارشيف مقالات سياسية
الحرب الامريكية الانقاذية (المارينز و الدفاع الشعبي )
الحرب الامريكية الانقاذية (المارينز و الدفاع الشعبي )
09-15-2012 04:55 PM

الحرب الامريكية الانقاذية (المارينز & الدفاع الشعبي )

محمد الخضر
[email protected]

في بدايات عهدهم كانوا يغسلون الادمغة وخصوصا لصغار السن لسهولة التاثير عليهم , كان ضجيجهم عاليا ولا تسمع الا اصواتهم التي تشبه اصوات الحمير, مزعجة تصيبك بالتوتر والاكتئاب وتدعوك للغثيان, الصحف مع قلتها لا تتكلم الا كما يريدون , الاذاعة والتلفزيون لا تتكلمان الا كما يريد حزب السماء وكما يريد فرعونهم الرقيص .
كانوا حريصين جدا علي ادخال اسم حبيبتهم في الباطن و مبغوضتهم في الظاهر في كل جملة غير مفيدة يقولونها وخصوصا العداء لها .
( امريكيا) روسيا قد دنا عزابها علي ان لاقيتها ضرابها .
داون داون USA ولن تحكمنا ال CIA .
الطاغية الامريكان ليكم تسلحنا (طبعا اتسلحوا ب شنو ما عارفين حتي الآن) .
ويا بوش يا جبان نتلاقي في الميدان (كلام اشبه بالهزيان طبعاً)
المهم في الموضوع انه نحن عارفين انه المنافق يظهر خلاف ما يبطن دائما وليس لدينا ادني شك بانهم منافقين ولصوص ودجالين كمان .
بالامس وكلنا عارفين طلعت مظاهرات لتهتف ضد امريكا مجرد هتاف وبالكتير المتظاهرين حا يرددوا شعارات النظام التي تبناها كثيرا وبعد داك كل واحد حا يطلع جبله ..
الحصل انه العصابة لا ترضى الحقارة واساليب العوارة وخصوصا تجاه حبيبتهم وسيدتهم ام ريكا فقد راينا النيران تشتعل في محيط السفارة الالمانية واحداث التخريب تطال السفارة البريطانية مع قرب السفارتين من رئاسة وحدات الشرطة الكيزانية ...
طبعا الاهم عند حزب العصابة هو ام ريكا تلاتة مرات وبعد داك نشوف الباقيين.
فيقال واليقين عند الراوي والجزيرة بان.
أربعة متظاهرين قد قتلوا فتارة يقال بان تلاتة منهم قتلوا بواسطة المارينز (( العدو)) الأول للعصابة بالنسبة للشعب الفضل طبعا, والرابع بواسطة قوات الحلفاء دهساً تحت العجلات الشرطية ...
ويقال ايضا بان الاربعة قتلوا دهساً بواسطة عجلات الحلفاء الشرطية.
خلاصة الموضوع وهو المهم وهو الخلانا نكتب السطور اعلاه انه وحدات من قوات المارينز الامريكية تتوجه نحو الخرطوم والخبر مصدره رويترز وموجود في الجزيرة ...
ورونا يا شطار رايكم شنو في الحكاية دي ...
واحد يقدر يخمن تاريخ الحرب الانقاذية المارينزية حا تكون متين ...


تعليقات 4 | إهداء 0 | زيارات 1322

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#469528 [ود ابكريك]
0.00/5 (0 صوت)

09-15-2012 10:57 PM
يا محمد خضر لن تكون هنالك حرب انقاذية مارينزية بالمرة لسبب بسيط وهو ان الانقاذ اتت من اجل خدمة امريكا وتمت صناعتها ضمن المنظومة المعروفة باسم جماعات الاسلام السياسى اما مايظهر فى العلن فكلوا مدروس ومحسوب لاجل اقناع السذج والبسطاء واستمالتهم واستقطابهم لصالح هذا البرنامج ، ليعلم الجميع ان ماتحققه جماعات الاسلام السياسى بكافة اشكالها والوانها لصالح امريكا لا تحققه كافة القوى السياسية الاخرى ومنظمات المجتمع المدنى التى تقوم على العقلانية واحترام الانسان وحقوقه الطبيعية لذلك فان مايجرى فى الساحة السياسية ماهو الا مسرحية عبثية يراد بها شغل المجتمعات العربية والاسلامية عن قضاياها الحقيقية وذيادة حدة التخلف فيها حتى تستمر فى برامج التبعية


#469419 [MOHAMED]
0.00/5 (0 صوت)

09-15-2012 08:07 PM
هم سمن علي اكتر من عسل زكرتني هرطقة كيزان ام ضريوة لم كتبو مرة في مظاهرة ام ضريوة تحذر امريكا واحد صحبي مسطول ضحك وقال لي ديل مجانين امريكا لو جابت طيارة من بان امريكان خليك من تكون عسكرية وتطير فوق ام ضريوة بيوتا كلها تتهدم من صوت الطيارة بس


#469407 [بت الخرطوم]
0.00/5 (0 صوت)

09-15-2012 07:48 PM
الغباء وقلة الفهم بتعمل اكتر من كدا غايتو نحن متفرجين نشوف ناس الدفاع الشعبى بقرودهم بكشو جداد ام ريكا ويصدق قولهم ليكم تسلحنا يلا خموا وصروا


#469346 [wudoof]
0.00/5 (0 صوت)

09-15-2012 06:21 PM
هؤلاء عندما كانوا يغنون ويهتفون -قد دنا عذابها..!!.. -ليكم تسلحنا..؟؟!!.. كانوا يقصدون الشعب السوداني المسكين.؟!.. الذي كان مثل ديك (المسلميه يعوعي وبصلتو في النار) ولم يكتشف ذلك الا بعد مضي ربع قرن من الزمان .؟؟!!..
من الذي ذاق العذاب .؟؟..ومن الذي اصطلى بنار ذلك السلاح..؟؟
ارجو ان لا يتكرر ذلك..!!.. والعاقل لا يلدغ مرتين..!!


محمد الخضر
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة