المقالات
السياسة
ارشيف مقالات سياسية
استدعاء البشير إلى القاهرة .. انبطاح و إنبراش
استدعاء البشير إلى القاهرة .. انبطاح و إنبراش
09-16-2012 09:18 AM


استدعاء البشير إلى القاهرة .. انبطاح و إنبراش

شريفة شرف الدين
[email protected]

فلسفة الزيارة الدبلوماسية فلسفة متعمقة ذات دلالات ..ستظل زيارة البشير إلى القاهرة تتأرجح بين دعوة و استدعاء .. إليك أذهب أم إليّ تأتي؟ ما درجة البرتوكولية عند الاستقبال؟ هل تكون زيارة صورية للخروج بحكومة البشير من عزلتها الدولية؟ أم جوهرية تصب في مصلحة الشعبين؟ من سيتكلم و من سيصغي؟ من سيأمر و يطلب و من سيمتثل و يعطي؟

استدعاء أكثر منه دعوة تلك التي لباها البشير إلى القاهرة .. و تبقى العلاقة السودانية المصرية على مر التاريخ علاقة ترتكز على أساس استغلالي على حساب الجانب السوداني .. غرقت حلفا القديمة لتستضيء مصر .. بقر و أغنام و جمال يقابلها فشار و بطاطس مقلية .. لن يتطرق اللقاء إلى نبش قضية حلايب .. و لا قضايا السودانيين العالقين في السجون المصرية .. لن يتطرق اللقاء إلى الجوانب التعليمية .. سيكون إملاء من طرف واحد و تنفيذا حرفيا من الطرف الآخر .. أما لماذا؟ فالسبب هو ما همس به البشير في أذن مرسي.

مرسي: أزيك يا ريس .. دي مصر اتنورت
البشير: بارك الله فيك .. كل الشعب السوداني بهنيك بالرئاسة المصرية
مرسي: هو لسع فيه شعب سوداني و شعب مصري .. يا عم ده نحن أخوات و أبناء النيل
البشير: أنحنا واثقين من الكلام ده طبعا
مرسي: معليش .. ما تآخزنيش يا عمر يعني ما تزعلش عشان ما قابلتكش في المطار .. ده لسع كان عندي ضيوف و حتة حاجات
البشير: و إنت شفت حاجة يا ريس .. الزحمة بتاعة البرنامج الرئاسي ده عارفو كويس
مرسي: أهلا بالأخوان .. مش تعرفني عليهم يا عمر؟
البشير: طبعا .. بكري حسن صالح وزير الرئاسة .. على أحمد كرتي وزير الخارجية .. محمد عطا مدير جهاز الأمن و المخابرات الوطني .. و ديل وزراء الزراعة و الكهرباء و السدود و الثورة الحيوانية و الصناعة و مقرر المجلس الأعلى للإستثمار
مرسي: أهلا بيكم في مصر .. بس فين وزير الإسكان ما جاش و لا إيه؟
البشير: و الله يا ريس كان مفروض يجي لكن في ظرف منعو .. لكن الأمور حتترتب إن شاء الله.
مرسي: طبعا يا بشير إنت عارف البلاوي الورثناها من النظام السابق و زيد عليها الكثافة السكانية العالية العندينا .. و كمان عملنا وعود كتيرة أيام الأنتخابات للشعب و حاجات تلخبط الراس يعني
البشير: و الله عارفين و متابعين و انحنا معاكم إن شاء الله
مرسي: خلينا نتناول المواضيع الأساسية و باعدين نخليها للوزراء يعملوا الإجراءات التنفيذية .. طبعا إنت عارف إنو المصري مزارع من أيام فرعون و حرام يعني خبرة طويلة زي كده تمشي لدولة تانية غير السودان .. عندنا عشرة مليون غير الأولانيين اللي بعتناهم و السودان أولى بخبرتهم طبعا.
البشير: إنت تأمر يا ريس و أرض السودان تحت أمركم .. الأراضي جاهزة و منتظرة الخبرة المصرية.
مرسي: و عايزن برضو ترفعوا لينا زيادة الصادر الحيواني بنسبة 600% .. واخد بالك ده احنا بعتنالكم خبراء زراعة بالملايين.
البشير: بدون ما تقول يا ريس .. زي ما قلنا طلباتك أوامر
مرسي:على أيام مبارك أنا سامع ململة في دول حوض النيل و بتتكلم عن إعادة توزيع حصص مياه النيل .. أصلا دي دول ما بتستفدش من المية .. لذلك إحنا حناخد برضو شوية نسبة من مياهكم في السودان عشان نزود بيها الكهربا بتاعة السد العالي و لا مش كده يا عمر
البشير: تمام يا ريس .. تمام
مرسي: عندك حاجة تقولها تاني يا عمر قبل ما نخلي الوزراء يعملوا الإجراءات التنفيذية؟
البشير: لا ده كله تمام يا ريس .. بالذات حكاية خبراء الزراعة المصريين .. إحنا الزراعة عندنا لازم تنتعش .. بس في حاجة عايز أقولها لبك على انفراد.
يقوم البشير و يهمس في أذن مرسي لدقيقتين و في كل مرة يومئ مرسي بالإيجاب
مرسي: دي مصر ترحب بيك في أي وقت يا ريس!!

نشرة أخبار تلفزيون السودان بعد عودة البشير و الوفد المرافق إلى الخرطوم:
" بعد زيارة إلى مصر استغرقت يومين عاد إلى الخرطوم الرئيس المشير عمر البشير و الوفد المرافق لسيادته و قد كان في استقباله بمطار الخرطوم النائب الأول لرئيس الجمهورية الأستاذ على عثمان محمد طه و قد أجرى التلفزيون لقاء مقتضبا مع البشير صرح خلالها بالتالي: لقد قمنا بزيارة إلى الشقيقة مصر و التقينا فيها بالرئيس المصري الدكتور محمد مرسي و قدمنا إليه تهانينا و تهاني الشعب السوداني بانتخابه رئيسا لمصر و قد تباحثنا في كافة الأصعدة و القضايا التي تهم البلدين و قد عقد وزراء الدولتين جلسات مطولة قاموا خلالها بعمل الترتيبات التنفيذية لإنزال القرارات إلى حيز التنفيذ. و ستشهد الأيام القادمة حزمة من الإجراءات المصاحبة التي ستعود على البلدين بالخير في كل المجالات الإستراتيجية لما تميزت به الدولتان بالعمق التاريخي و الجوار و الدين".


تعليقات 11 | إهداء 0 | زيارات 2988

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#472444 [اجري يا نيل الحياة]
0.00/5 (0 صوت)

09-19-2012 08:40 AM
افة السودان مصر والمصريين .
والكارثة الكبيرة انو المجموعة الحاكمة بقيادة المنبرش اللي ما يهضم لا داخليا ولا خارجيا اصبحت شغالة لصالح الشعب المصري علي حساب الشعب السوداني ؟؟؟
الشعب السوداني اصلا ما يحتاج لمصر ولا المصريين بل العكس هم اللي ينهبوا خيراتنا منذ القدم والتاريخ خير شاهد علي ذلك: رجال اقوياء لحماية مصر , ذهب جبال شيبون وغيره , العاج وغيره من خيرات بلدي الكثيرة . لكن سياتي يوم يشوف فيه البشير السواد والويل اللي ما شافه ويرجع كل شي للشعب السوداني ويطرد فيه كل مصري لعين!!!!!!


#471635 [mathew]
0.00/5 (0 صوت)

09-18-2012 09:53 AM
ونحن لمتين نقعد و نحكى فى القصص الما عندها حد دى ....... لاحد ما نلقى السودان أختصر فى و لاية نهر النيل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كفاية ... كفاية ..... كفاية.


#470860 [الخجوقي]
0.00/5 (0 صوت)

09-17-2012 12:46 PM
ويهمس البشير في اذن مرسي .
مرسي : دي مصر ترحب بك في اي وقت
الشعب السوداني : أمتي بس يا ريس دا يكون يوم المني


#470375 [abuabrar]
0.00/5 (0 صوت)

09-16-2012 09:22 PM
الله يخليك لينا ياشريفة .. انت بارعة في تناولك للمواضيع .. الحمار هذا كما عودنا اسد علي شعبه ونعامة عند اسياده قبح الله وجهه .. لكننا سمعنا بان هنالك املائات اخري امريكية بلسان مرسي ورفع العصا فوق راسه وهو حينفذ . طبعا تنازلات علي صعيد المفاوضات الجارية باثيوبيا


#470089 [طشاش]
0.00/5 (0 صوت)

09-16-2012 02:46 PM
السودانيون يعرفون ماذا تريد مصر من السودان

والمصريون يعرفون ماذا يريدون من السودان

لكن السودانيون لا يعرفون ماذا يريدون من مصر؟

السودانيون كريمون ويقدرون الجيرة.

لكن الحكومات لا تفرق بين ما هو خاص وما هو عام؟

السودانيون يريون ان مصر لا تعاملهم معاملة الند للند؟؟؟

لكن من ينظر الي هذا الوفد يدرك لماذا لا يمكن ان يحدث هذا؟


#470031 [حسكنيت]
0.00/5 (0 صوت)

09-16-2012 01:41 PM
حيجى يوم وتونس ترحب بى سى مرسى ..شفتى إزاى؟


#470016 [ركابي]
5.00/5 (1 صوت)

09-16-2012 01:28 PM
لو كان الشعب السوداني يعلم الغيب وما سيأول اليه الحال ما كان عمل انتفاضة ابريل علي الاقل نظام نميري كان ارحم من النحنا فيهو ده ....لمتين حنقعد نتفرج علي مهزلة النظام ده؟؟؟؟


#469986 [omer ali]
5.00/5 (1 صوت)

09-16-2012 12:57 PM
ويساْل البشير مرسي:

سمعت انه مصر حتوقع علي مسودة المحكمه الجنائيه

ويرد مرسي: فشر يا فشر دا انتا حبيبنا دانا اقطع دراعي قبل ما اسلمك للمحكمه الجنائيه

ويضحك البشير ملْ شدقيه ويظهر ضرسه المسوس للرئيس المصري


ردود على omer ali
France [كاسترو عـبدالحـميـد] 09-16-2012 07:09 PM
والله اجمل واحلى نكتة قرأتها وقد ضحكت لما دموعى نزلت بحكاية ضرس البشير المسوس . شكرا يا اخ عمر عـلى وانت فعلا دمك خفيف وابن نكتة .


#469950 [مدحت عروة]
0.00/5 (0 صوت)

09-16-2012 12:26 PM
السودان دايما **** وحقير فى حكم العسكر ودى اصلا ما دايره ليها نقاش اما اولاد الرقاصات بيستغلوا حب العسكر للسلطة ويخموا من السودان خم ويدوه شوية ادوات نحاسية والمونيم بس اهم حاجة تثبيت الحكم العسكرى وطظ فى السودان وكرامته واراضيه ومياهه وناسه!!!!


#469856 [يسقط البشير!]
5.00/5 (1 صوت)

09-16-2012 11:04 AM
هههههههههههههه حقيقة هذه هو السيناريو المتوقع وبوجود هذا البشكير صار السودان مطمع ومغنم لكل دول الجوار من اثيوبيا ومصر حتى تشاد وارتيريا! بل ان دولة افريقيا الوسطى صارت اكبر مصدر للصمغ العربى المهرب من السودان ! البشير قاد السودان للهاوية وسيلقى به من الهاوية


#469766 [توتو كوكو ليزو]
5.00/5 (3 صوت)

09-16-2012 09:58 AM
والله لقاء جميل وساخر جدا لكن مؤسف لأن السودان في عهد البشير اصبح في الحضيص بلد ضعيف لشعب مغلوب على أمره مسلوب الإرادة ربنا يرحمه سودان شعرات مليون ميل مربع ضاعت أمالهبيد هذه الطغمة الحاكمة اضاغت خيرات السودان وألان تهب أرض السودان للجيران لتجد لها صديق مزيف


ردود على توتو كوكو ليزو
Saudi Arabia [ابو الليل] 09-17-2012 08:35 PM
صدقت


شريفة شرف الدين
شريفة شرف الدين

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة