مخلوق ندى القلعة ..!!!
09-20-2012 06:36 PM

بالمنطق


مخلوق ندى القلعة ..!!!

صلاح الدين عووضه
[email protected]

* وماهو بمخلوق فضائي هذا الذي سنتحدَّث عنه في كلمتنا اليوم..
* وماهو بمخلوق خرافي - كذلك - في فيلم من أفلام الخيال العلمي..
* وماهو - أيضاً - بمخلوق (غريب) من شاكلة الذي قالت صحف قبل أيام إنَّه ظهر بمنطقة ما..
* وهنا قد تتساءل عزيزي القارئ - وعزيزتي القارئة - بكل ما تسعه جوانبك من فضول :( طيب ده يطلع إيه؟!)..
* أقول لكم ولكن بعد (تخريمة) صغيرة تزيد من درجة التشويق في نفوسكم..
*قيل أن راكباً مرَّ على الفرزدق الشاعر يوماً- قادماً من اليمامة - فسأله إن كان منافسه جرير قد أحدث من بعده شيئاً فقال له : نعم..
* فطلب منه الفرزدق أن يُسمعه جانباً من هذا الذي قاله ( ابن المراغة) - يعني جريراً- فطفق الراكب ينشد:
*هاج الهوى لفؤداك المهتاج...
*فقاطعه الفرزدق قائلاً: فانظر بتوضح باكر الأحداج...
* فقال الرجل: هذا هوًى شغف الفؤاد مبرح...
*فقاطعه الفرزدق للمرة الثانية صائحاً: ونوًى تقاذف غير ذات خلاج...
* فواصل الراكب مُنشداً: إن الغراب بما كرهت لمولع...
* وللمرة الثالثة أتمَّ الفرزدق شطر البيت مقاطعاً: بنوى الأحبة دائم التشحاج...
* فعجب الرجل وسأل الفرزدق إنْ كان قد سمع القصيدة من قبل فأجابه بالنفي..
*ثم أضاف الفرزدق قائلاً:ولكن هكذا ينبغي أن يُقال..
*ونمسك الآن بقرني عبارة (هكذا ينبغي أن يُقال) هذه ونجرجرها إلى حيث موضوع كلمتنا اليوم..
* نجرجرها من قرنيها بعد أن نتخيَّلها (مخلوقاً) ولكنه ليس المخلوق الذي أشرنا إليه في مستهل كلمتنا هذه..
*فقد قرأت في صحيفة البارحة خبراً عن (مخلوق) تحت عنوان( جديد ندى القلعة)..
* وجاء في الخبر المذكور:( دخلت الفنانة ندى القلعة في بروفات مكثفة لإنتاج عمل جديد بعنوان" المخلوق المهذب" من كلمات وألحان أمبو)..
* أمَّا ما قاله (أمبو) هذا من كلمات - حسب الخبر- فهو:
* المخلوق مهذب...
مازول شقي...
أمير الشباب...
في الحارة بتلقي ...
*ونتقمَّص نحن الآن شخصية الفرزدق ونبحث عن الذي (هكذا ينبغي أن يقال) تتمةً للكلمات (المخلوقية) هذه..
* ويوسوقنا بحثنا هذا - بمحض الصدفة- إلى زاوية (جمالية) صغيرة إلى جانب صورة ندى القلعة اسمها (لك سيدتي)..
* وفي الزاوية هذه نجد(مبتغانا) متمثلاً في جملة (ثلاث ملاعق من الدقيق النقي)..
* فهي جملة تصلح بيتاً ثالثاً بـ(امتياز) في قصيدة (أمبو) هذه..
* و(أمبو) هذا - بالمناسبة- لم أسمع به من قبل وإن كان الإسم قد ذكَّرني بأغنية لأحمد عدوية يقول فيها : (انسح اندح"امبو" ، الواد طالع لأبو)..
* وربما كان عدوية يغنِّي هُنا لـ(مخلوق) ما (برضو)..
*ولكنا نتحيَّز - بالطبع - لـ(مخلوقنا) السوداني(بتاع ندى القلعة)..
*فهو "مخلوق مهذب مازول شقي" !!!!!!


الجريدة


تعليقات 29 | إهداء 0 | زيارات 7662

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#475362 [البروف]
0.00/5 (0 صوت)

09-22-2012 09:00 PM
تستاهل وسائل الله مخلوق ندى يطلع شبه نافع عشان الطرب يحلى


#475331 [وحبد]
0.00/5 (0 صوت)

09-22-2012 07:46 PM
ياربي المخلوق دا يكون "الشريف"؟


#475327 [وحبد]
0.00/5 (0 صوت)

09-22-2012 07:44 PM
يا ربي يكون المخلوق دا"الشريف"


#474995 [العينو عورا]
0.00/5 (0 صوت)

09-22-2012 12:23 PM
شكيتكم لى الله يا امبو وندى القلعة
ده كلام ده؟؟؟


#474643 [اسامة]
0.00/5 (0 صوت)

09-21-2012 10:37 PM
ههههههههههههههههههه
حسبي الله و نعم الوكيل


#474590 [كوكاب مشرشر]
0.00/5 (0 صوت)

09-21-2012 09:06 PM
رحم الله الفن والفنانين في بلادي منذ ان سُرقت فكره برنامج نجوم الغد من البرنامج الامركي الشهير (امريكان ايديول).ما فُتات المتفننات في غناء اغاني اقل هبوطا من الهبوط .هل سمعتم للفنانه الهابطه والتي تتغني باسماء المحطات من الخرطوم وحتي الكلاكله وبعد نهايه كل مقطع تردد (البلد دي ما فيها شوايقه ول شنو )حتي الفن الرخيص دخلت فيه الجهويه ويا سبحان الله علي القيم الجميله التي صارت في خبر كان


#474550 [ود الأبنوس]
0.00/5 (0 صوت)

09-21-2012 08:07 PM
أقتباس : المخلوق مهذب...
مازول شقي...
أمير الشباب...
في الحارة بتلقي ...




ما يكونوا قاصدين بالكلام دة بشة يا ود عووضة اصلو انت من دخل محل بيكون فيه الرقاص دة ؟؟؟


#474421 [kamy]
0.00/5 (0 صوت)

09-21-2012 04:08 PM
انت البوديك تسمع ندى القلعة شنو يستاهل


#474244 [بت ملوك النيل]
0.00/5 (0 صوت)

09-21-2012 12:20 PM
ندي القلعة وما ادراك ما ندي القلعة...كما ذكراحد المعلقين بتغني اغنية بتنهي عن خضراء الدمن..واغنية بتصلي صلواتهاالخمسة في وغاتها او بلاصح اوقاتها..وغيرها وغيرها عن الفضائل والادب والاخلاق والنهي عن الطلاق وكشف الحال والرضاء والقناعة ووووووالخ حقا يقولون ما لا يفعلون. وكمية بتاعت اسفاف واغاني ملزقة وملصقة ما ليها اول ولا آخر ..وده كلو كوم والتقليعات العجيبة بتاعت لبسها كوم رسم والوان ودندشات وودع وخرز ويوم ضراعها بره ويوم بي سبحة ومرة بي جرتق منتهي الاسفاف والجهل والتخلف.
كسرة: ياريت فنانات بلدي يتعلمو الاناقة والبساطة من نانسي عجاج وآمال النور وقبل كده يتعلمو منهم الغنا


ردود على بت ملوك النيل
United States [عمر] 09-21-2012 07:02 PM
المشكلة انو أغانيها دي لا يمكن أن تصنف..فلا هي أغاني البنات الخفيفة ولا أغاني الحماسه التي اشتهرت بدارجيه سودانية فيها من البلاغه ما فيها خصوصا الكتبوها حبوباتنا.....دي غايتو أنا لي زمن بقول أنها لوثت اللغة. Contaminated the language
باريت لو تغني زي حنان بولو بولو في الثمانينات ناس حمادة دا و تريحنا من وعظ الغانيات لأنو عندنا وعاظ كثر لا يحق لهم الوعظ.....


ما دايرلاك الميته أم رمادا شح دايراك يوم لقي(أو لقا) بي دميك تتوشح


#474168 [صادميم]
5.00/5 (1 صوت)

09-21-2012 10:48 AM
تفتكر و ودعووضة الناس دي بتمشي لحفلات ندي القلعة عشان تسمع اغانيها ووتتمعن في كلماتها و الحانها الناس لديها مآرب اخري


#474067 [عمر]
5.00/5 (1 صوت)

09-21-2012 04:02 AM
والله دي عندها شاعر اسمو هيثم يشكل معاها ثنائية في الانحطاط اللغوي والفني غير مسبوقه0 صادفت سهره النيل الأزرق برعايه شركه تسليف وضحكت من شر البليه من الأغنية البتحزر فيها ندي القلعة من المتحررات والعلمانيات بالنص والادهي والأمر لمن تقول ما معناه اعملو حسسابكم من خضراء الدمن حسب الحديث الموضوع والكاميرا كانت مسلطه علي بنات ينطبق عليهم وصف التحرر الذي بالطبع لا يساوي الفجور...
لكن هذا هو زمان ندي القلعة والرساليين المنعمين ومنحرفين ويأمرون الناس بالصبر علي الشده والاستقامة ..
من سوء حظي أن كانت تلك اول ساعه اول مره اقعد قدام التلفزيون آخر يوم في الإجازة ....


#474049 [قدورة]
0.00/5 (0 صوت)

09-21-2012 03:09 AM
على نفس النسق:
المخلوق معذب
ما اصلا ما اصلا شقي
خلاص العمرو ضاع ما راح يتلقي
ا
الشعر المتل دا يا ود عوضه هين االمشكلة سماعو كتيرين وطبعا دا مقياس للزوق العام


#474022 [طيور الظلام]
5.00/5 (2 صوت)

09-21-2012 01:33 AM
و انت الشلاقة العليك شنو تمشى لاخبار نط القلعة ؟؟؟ خوفى عليك من قائل (الطيور على اشكالها...)


#473999 [Mujahed]
3.00/5 (2 صوت)

09-21-2012 12:44 AM
مقال غير موفق .. وكان بمثابة تضيع للوقت .... ندمت اني قريتو ما عهدناك هكذا والله يا عووووضة


#473980 [زرياب]
5.00/5 (1 صوت)

09-21-2012 12:15 AM
بلدا غاب تمساحها عنها يقدل فيها الورل .. كفانا الله شر المتشوعرين والمغنواتية ممن ساهموا فى افساد الذوق العام فى هذا الزمن الاغبر .. ومصيبتنا فى صحافتنا الفنية وقنواتنا الفضائية التى تخدع كل من هب ودب بانه سلطان زمانه شعرا كان ام نهيق ..


#473976 [الزول الكان سَمِحْ]
5.00/5 (1 صوت)

09-21-2012 12:13 AM
ياود عووضة

رحم الله على محمود التنقاري..وعائشة الفلاتية حين إلتقيا شعراً وأداءً فى أغنية

أنا بحبك يامهذب..إمتى ترحم قلبي المعذب

أمبو..خليهو جمب ندى..وكل إناء بمافيه ينضح


#473926 [الزول الكان سَمِحْ]
5.00/5 (1 صوت)

09-20-2012 10:30 PM
ياود عووضة

رحم الله الشاعر على محمود التنقاري وعائشة الفلاتية..شوفو قال شنو وغنت منو

أنا بحبك يامهذب..إمتى ترحم قلبي المعذب..

وكل إناء بما فيه ينضح


#473924 [داموك]
0.00/5 (0 صوت)

09-20-2012 10:25 PM
بلد الرئيس البشير وميدو شاعر وندى فنانة الله يرحمك يالا زهرة وعائشة الفلاتية وود الريح بلد بقت السوداني الشريف نادر


#473919 [الحسن]
0.00/5 (0 صوت)

09-20-2012 10:14 PM
شيخ المجاهدين عمر المختار قال للضابط الايطالي : ( ستكون حياتي اطول من حياة شانقي ) .

وسيكون عدد الناس المنتظرين لجديد ندي القلعة ... اكثر من قراْء صحيفة الجريدة مجتمعين ناهيك عن عمودك هذا ... هكذا هو مجتمعك ياسيد عووضة فسدد وقارب .


#473898 [رجمٌ بالحق]
5.00/5 (1 صوت)

09-20-2012 09:31 PM
الكل معجب بيه الا هو مجكس من كى

طبعاً {من كى} فى دارجتنا السودانية بتعنى {من كدا} ولو دايرين تعرفوا معنى {من كدا} أدخلوا قاموس اللمبى السودانى وافتحوا صفحة الطائرات التى ضربت مصنع الشفا.


#473873 [بت أمدرمان]
5.00/5 (3 صوت)

09-20-2012 08:37 PM
آمبو دة بكون البكتب لنجاة غرزة، و هذة مخلوق آخر متمسح بكريم آمبى . فهمتوا حاجة؟ أنا ما فهمت .آمبو دة جاء من وين كمان. أسناء عجيبة والله


#473855 [توفيق الصديق عمر]
5.00/5 (1 صوت)

09-20-2012 08:09 PM
وبعدين معاك يا عووضة
هي بقت علي ندي بس
ما هو الندي باين علي وجه القلعة ياخ
وما داير ليهو دليل
وهل في الامكان احسن مما كان في هذا السودان؟


#473844 [Shah]
5.00/5 (1 صوت)

09-20-2012 07:45 PM
والله يا عووضة ... ما قادرين نقول شى ساكت ... بقيت تسمع غناء ندى القلعة؟


#473842 [سهشاى...]
4.97/5 (8 صوت)

09-20-2012 07:42 PM
* المخلوق مهذب...
مازول شقي...
أمير الشباب...
في الحارة بتلقي ...
---------------------------

ده غناك بت القلعة !!!العايزه بيهو تجبجيى ؟
بعمل خروج نهائي و بجيييك جرى
ابقى متشوعر و ما بختشى
بديك غناء يطرب حمار العربجى
مافى فرق كله نهيق يا الدلعدى
معقول ده شعر!!! الله يرحمك يا ودالرضى
افسدتو الذوق فى زمن الانقاذ الردئ
مادام ده ذوقك خشمك عليك امسكى
شوفى الرقيص يمكن فيهو تنجحى


#473834 [القرم تفاحة ابل]
4.63/5 (5 صوت)

09-20-2012 07:33 PM
قال ماشي ليبيا وامكن ما يجي


#473831 [سمبلة]
4.00/5 (3 صوت)

09-20-2012 07:24 PM
يا استاذ مالك ومال الكلام الفارغ ده ،، قالوا البيباري الجداد بيوديه الكوشة !!!!!!


ردود على سمبلة
Sudan [نادر] 09-20-2012 08:37 PM
كما الانقاذ


#473830 [خالد عثمان]
4.50/5 (4 صوت)

09-20-2012 07:19 PM
عزيزى هذا زمن ندى القلعة.........زمن الانحطاط......


#473826 [هدهد]
3.00/5 (2 صوت)

09-20-2012 07:12 PM
نعم هى مخلوقات غريبة وجدت لها بيئة خصبة فى ظل هيمنة بغيضة تلعب وتتلاعب بمشاعر الناس وعواطفهم واصبحت السلطة والثروة توأمان انقاذيان توأم سفاح ونشأ فى ارض قذرة رضع من ثديها لبنا حراما نتنا لم يطب كسبه . فما أكثر بنات الحرام وابناء الحرام واصبحت حنان بلولو وندى القلعة عباقرة هذا الزمن الرخيص فهنيئا لهما


#473823 [عبد ألله]
5.00/5 (2 صوت)

09-20-2012 07:06 PM
لا يوجد حتى قدر بسيط من الشاعرية ينبههم الى أن مثل هذا الكلام ليس فيه من ماء الشعر ولا نقطة واحدة؟
حليل زمن الكانوا بقولوا:
يلوح للعين من نورك نور ___ شعاع الشمس على البللور


صلاح الدين عووضه
صلاح الدين عووضه

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة