متفرقات
10-04-2012 01:43 PM

متفرقات

الفاتح جبرا

* أخيراً عرفت لماذا تأخرت عجلة التنمية لدينا .. مش العجلة من الشيطان؟
* قال لي : لماذا يطلق الأزواج على زوجاتهم لقب (الحكومة)؟ .. قلت له : لصعوبة تغييرها مهما تسببت في كوارث
* إرتفعت نسبة تعاطي المخدرات كما جاء في الصحف مؤخراً .. بعد مرحلة (التحمير) غالباً تأتي مرحلة (التخدير)
* أراد له والده أن يتعلم لذلك لم يلحقه بالمدرسة
* العمل شئ جميل جداً بإستطاعتي أن أقف ساعات طويلة أراقب الناس وهم يعملون
* إبتسم اليوم عشان ما معروف بكره البحصل شنو
* الفرق بين الذكاء والغباء هو أن للذكاء حدودًا
* الشخص الغبي يضحك على النكتة ثلاث مرات .. المرة الأولى عندما يضحك الناس (وهو يعمل فهم النكتة) والمرة التانية (عندما يفهم النكتة) والمرة الثالثة يضحك (عشان ما فهمها من الأول) !
* بناء على الحالة الإقتصادية الراهنة فقد تم إطفاء النور الذي في آخر النفق
* قال له صاحب العمل مستهزئاً : هسه الغبي فينا منو؟ أنا وللا إنتا ؟ فأجاب الموظف : والله الشئ المعروف عنك إنك ما قاعد تشغل معاك زول غبي
* ليست هنالك أسئلة غبية بل يوجد مذيعون أغبياء
* للتلفزيون دور تعليمي هام فكلما فتحه الأولاد ذهبت إلى غرفتي لأقرأ كتاباً
* ورد في إحدى الصحف ( الأمريكية ) هذا الإعلان: أعزائي القراء كل الأخطاء المطبعية التي تشاهدونها في هذه الصحيفة مقصودة لأن هناك من القراء هوايتهم تتبع الأخطاء المطبعية لذلك وضعنا هذه ( الأخطاء ) تحقيقاً لإرضاء كل الأذواق !!
* لو أن الأمر بيدى لأمرت بجلد كل من (يروج) لحدوث (معجزة إلهية) من نوعية (شجرة في شكل آية) .. إن عظمة الخالق أكبر بكثير من نوعية هذه المعجزات المتوهمة و(المصنوعة) فقط فلينظر (الإنسان) مم خلق؟ وبلاش دجل وشعوذة وإفتراء على الله !!
* وصل سعر 3 كبسولات من (مضاد حيوى) 30 ألفاً يعنى (الحبة الواحده) بعشرة ألف .. إذا إستمر الحال على ما هو عليه فى إزدياد أسعار الأدوية الضرورية ح يجى يوم الواحد (يمص) حبة ويدى التانى .. مالو ما الفقراء إتقاسمو (الحبة) أقصد النبقة !!!
* تمتلئ الشوارع بآلاف من العربات (الفارهه) التى تحمل اللوحات (الإستثمارية البيضاء) كما تمتلئ بآلاف من الخريجين العطالى .. طيب الإستثمار ده في شنو؟
* عدد من أصدقائى كبار أطباء العيون إشتكوا من أن الدولة لا تعطى هذا الفرع من فروع الطب العناية اللازمة بداية من المقرر الدراسى (الهزيل) فى كليات الطب وإنتهاء بإنعدام التدريب وعدم وجود الأجهزة الحديثة فى المستشفيات ... الحكومة طبعا أحسن ليها إنو الشعب يكون (مطشش) !!
كسرة :
* بعد أن أصبــح سقوط طائرات (الأنتينوف) شيئاً عاديا ومتكرراً ياريت (هيئة الطيران المدنى) تقوم بتشييد (كشك) صغير فى كل مطار وتضع فيهو موظف ياخد من كل مسافر على هذه الطائرات (الهردبيس) اسمو وعنوانو .. ووصيتو لأم العيال..!
كسرة ثابتة :
* أخبار ملف خط هيثرو العند النائب العام شنو(ووو وووو ووو)؟


تعليقات 9 | إهداء 1 | زيارات 4699

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#483417 [الباشا]
0.00/5 (0 صوت)

10-04-2012 11:32 PM
* قال له صاحب العمل مستهزئاً : هسه الغبي فينا منو؟ أنا وللا إنتا ؟ فأجاب الموظف : والله الشئ المعروف عنك إنك ما قاعد تشغل معاك زول غبي - علشان أنت مغطى الخانة دى-


#483384 [حسكنيت]
5.00/5 (5 صوت)

10-04-2012 09:55 PM
مالك على طيارات الأنتينوف ...دى شايفة شغلها أحسن منى ومنك ومن المعارضة كلها


ردود على حسكنيت
United States [أبو علأمة] 10-05-2012 01:32 AM
حسكنيت ... والله دي قويييييييييييييييييية شديد !!! تسلم .


#483340 [mak]
0.00/5 (0 صوت)

10-04-2012 08:30 PM
دى من اين مع الامطار دى


#483287 [awad]
0.00/5 (0 صوت)

10-04-2012 05:59 PM
والله قوية ياود جبرة يعنى أولادنا الحكومة دى حمرنتهم يعنى جعلتهم حمير وبعد داك نشرت لهم المخدرات ليتخدروا وما يعرفوا شء عن الدغمسة عشلن كده حكموا 23 عام وأمكن يزيدوا لوما فك التخدير,لكن يظهر الجو عكر والتشائم زاد من الحال التى وصلت لها البلد فالخوف باكر ماتكون فى أبتسامة يعنى وصلنا الميز(ميز هلاك المواطن), حلوة منك الحكومة عايزة المواطن مطشش ومعمش ومعشعش ومحشش ويتكلم براه ومرة يضحك ومرة يبكى ما خلاص جنينا.


#483284 [ابو السيد]
0.00/5 (0 صوت)

10-04-2012 05:54 PM
يا استاذ خط هزرو ده طمم بطنا خلنا منو شويه وشوفلنا خط كسرو الحيرنا ده خبرو شنو


#483222 [الزول الكان سَمِحْ]
3.00/5 (2 صوت)

10-04-2012 03:44 PM
يا أستاذ

شايف الكسرات بقن عشرة..

العربات المركبة فيها لوحات إستثمار بيضا دى تصديقات طالعة لناس معينين عشان يحشوا بيها ويشيلوا فتيات اوتوستوب..ولو مامصدق كلامى ده..تابع واحدة منها..بس لازم تنك عربيتك يكون فل


#483221 [عبودى صالح]
0.00/5 (0 صوت)

10-04-2012 03:39 PM
لو أن الأمر بيدى لأمرت بجلد كل من (يروج) لحدوث (معجزة إلهية) من نوعية (شجرة في شكل آية) .. إن عظمة الخالق أكبر بكثير من نوعية هذه المعجزات المتوهمة و(المصنوعة) فقط فلينظر (الإنسان) مم خلق؟ وبلاش دجل وشعوذة وإفتراء على الله !!

والمصيبة بيجيبوا ليك اسم الجلالة مكتوب فى حيوان ولا جزمة ..


#483169 [امان]
0.00/5 (0 صوت)

10-04-2012 02:22 PM
* ورد في إحدى الصحف ( الأمريكية ) هذا الإعلان: أعزائي القراء كل الأخطاء المطبعية التي تشاهدونها في هذه الصحيفة مقصودة لأن هناك من القراء هوايتهم تتبع الأخطاء المطبعية لذلك وضعنا هذه ( الأخطاء ) تحقيقاً لإرضاء كل الأذواق


#483165 [بت حامد]
5.00/5 (4 صوت)

10-04-2012 02:17 PM
"بعد الحالة الاقتصادية الراهنة تم اطفاءالنور الذي في اخر النفق"
بعد اذنك ياستاذ الفاتح كسرة:
نكتة مشهورة
توقفت سيدة امام اشارة المرور اخضر اصفر احمر ثم ثاني مرة اخضر اصفر احمر ... ثم طال وقوفها ,,, فما كان من شرطي المرور الا ان تقدم نحوها قائلا لها " ياست ماعندنا الوان غير دي ..
والان اشارة الثورة تقول اخضر انطلق او احمر الوضع حرج ايضا انطلق وطال انتظارنا للانطلاق ومافي لون تاني حنظل واقفين لمتييييييييييييييييييييين .......


الفاتح جبرا
 الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة