المقالات
السياسة
ارشيف مقالات سياسية
الترابي! وحكاية جعفر كوستي!
الترابي! وحكاية جعفر كوستي!
10-17-2012 04:48 AM

الترابي! وحكاية جعفر كوستي!

عبدالله عبدالوهاب
[email protected]



توعدنا شيخ حسن بحكم إسلامي جديد تحمله إليه الديـمقراطية القادمه! بسم الله! فيا جماعة الترابي دا ما عايز يتوب من السياسة توبه تشابه توبة صديقنا جعفر كوستي من الخمره!
فالشاهد إننا وفي النصف الثاني من سبعينات القرن الـماضي تساكنا مع جعفر بالحلة الجديده كوستي فكان جعفر يعمل بالسكة حديد وكان لديه برنامج ثابت يبدأ برش الحوش ثـم تجهيز حلة الكوارع علي نار هادئه ثـم تجهيز كيس الصعوط ثـم تجهيز شراب الرديف العرقي نضيف ويظل جعفر يساسق مابين الحلة والسفه والبيبسي النضيف و قبيل منتصف الليل يدندن جعفر مبسوطا لأنه شرب آخر كاس وضرب الحله ووضع آخر سفه بـمزاج يحسد عليه فيخلد للنوم وقبيل طلوع الشمس يأخذ حمام بارد ويتجه للسكة حديد في الـميعاد
ولكن وفي ذات مساء مشاتر شبت مطارده بين كلب وكديس فدخل الكديس برج ناس حاجه حليمه بتاع الدجاج وهاك يا مطارده! واحد من الديوك ضرب حلة جعفر وقلبها واطاه فحاول جعفر تلافي الامر ولكن تـمت الناقصه ! إنكشح العرقي وتشتت التـمباك ! فلم ينم جعفر ولـم يذهب للعمل فقطعوا جزء من راتبه فتاب عن الخمر
الترابي هو ألآخر ظل لـمدة نصف قرن من الزمان جالسا بالقرب من فكرته هذه و عندما إستوت هجمت عليها ديوكه و كلابه و أباليسه فقلبوا عاليها سافلها وهو في أرزل العمر يجرجر ثـمانين عاما من التجريب وبدلا ان يتوب و يعتذر للشعوب السودانيه تراه يبشرها بنسخة منقحه للترابي القادم




تعليقات 6 | إهداء 0 | زيارات 2560

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#490899 [مراقب1]
0.00/5 (0 صوت)

10-18-2012 01:03 AM
ياراجل أنت مقطعو الخور مالك ما جنبه أنت نسيت عمك ( حامدين )له الرحمة


#490801 [المشتهى السخينه]
0.00/5 (0 صوت)

10-17-2012 08:13 PM
الترابى ما عندو ( عدة شغل ) غير الاسلام .. وعدتو القديمه لطشها منو المشير .. ركب المشير على ظهره ووصل الى القصر الرئاسى خالدا فيه ابدا مستغلا غباء الشيخ وتلاميذه .. ياعمى حسن ساعة الحظ واااحده بس .. ما عندك فرصة تانى .. مووووت بالمغصه ..


#490734 [شاهد على زمن]
0.00/5 (0 صوت)

10-17-2012 05:38 PM
تاني البشد حلة كوارع براهو منو وكمان كل يوم؟ وين الكلب البتجرأ ويطارد كديس؟ وين أبراج الدجاج اللسة مليانة؟
وألله تاني الواحد فيكم لما تصبح يقول يا ستار أسترني حتى المساء ولما تمسي يقول يا ستار استرني حتى الصباح.


#490382 [سليمان احمد]
0.00/5 (0 صوت)

10-17-2012 09:31 AM
ياهذا الترابى قوله هذا نية مؤمن فان تمت فلة الاجر وان لم فقد كتبت له فلااريد ان اخوض فى كلامك لان المسلم ليس بهماز


ردود على سليمان احمد
United States [NASRELDEEN ALI] 10-17-2012 11:53 AM
يا سليمان انت قاصد انو الترابى مؤمن ؟!
كدى ورينا مؤمن بى شنو وعلامات ايمنو شنو
والله لو ما الزيكم ديل كان البلد دى بقت فى وضع افضل لكن طالما الزيّك موجودين الله يلط بينا


#490349 [العطبراوي]
0.00/5 (0 صوت)

10-17-2012 08:38 AM
لا تخاف منه ولا تحزن عليه فانه يخطرف - وهكذا هم أمثال هذا الصنم البائد فدعه يموت من حقده - علما بأن هذا الشيطان وإن إعتذر للشعب فيقيني أن الشعب لن يقبل اعتذاره وانماسيزيد من لعنته عليه


#490341 [عمر]
5.00/5 (1 صوت)

10-17-2012 07:45 AM
من القائل:

مالك مرازي الناس تسكر تملح اونطه
مانحنا برضنا زيك لا في بنك لا في بوسطه....
شاعر من زمنكم الجميل زمن السكه حديد والافنديه ضاق زرعا من واحد نحله
خميتوها زمان واحنا المساكين في المنافي لا نادي كل يوم ولا انس جميل برغم أن البيره البارده حمانا الله علي بعد خطوات.
الجميل في زمنكم أن الحلال والحرام كان يعرف بمدي ضرره للمجتمع عكس..الزمن دا تسرق تكتل وتدمر مستقبل الأطفال بحرمانهم من التعليم الجيد في المدارس الحكومية ما مشكله بس ما تسكر جوه بيتكم


عبدالله عبدالوهاب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة