المقالات
السياسة
ارشيف مقالات سياسية
لن نقاتل مع النظام ولو كان العدو الشيطان ذات نفسو !!
لن نقاتل مع النظام ولو كان العدو الشيطان ذات نفسو !!
10-26-2012 02:03 PM

لن نقاتل مع النظام ولو كان العدو الشيطان ذات نفسو !!

محمد حسن بوشي
[email protected]


اولا كل عام وانتم بخير والوطن بخير.. وعيد سعيد ..
..
..
مش خلاص يا شباب العيد انتهي ؟؟
نتكلم في المهم بعد ده لانو في ناس بدأت تصطاد في المويه العكره وتستغل الضربه الاتعرض ليها مصنع اليرموك وبحاولو يوجهوها لمصلحة النظام كما حدث في ضربة هجليج .. باستخدام خطاب عاطفي مكشوف بالنسبه لينا (بقولو مفروض نقيف مع الحكومه لو كان العدو اجنبي )

طبعا ده كلام فارغ _ الخطاب ده هو الدايرو النظام وده البكفل ليهو البقاء اطول فتره ممكنه _
نحن لن نحارب احد في ظل هذا النظام لان اي معركه الان هي دفاعا عنه _ ولن نقاتل لطالما النظام يرتكب الحماقات في حق شعبه ولا يعرض لنا الحقائق بل يعمل علي الكذب والخداع ورسم الخطط تحت الطاوله والتآمر علي الشعب فقط من اجل ضمان استمراره في السلطه _ وانا حقيقة لا استبعد ان يكون النظام علي علم او متواطئ حتي مع الهجوم لطالما هذا النظام يرتضي ان يرهن نفسه وارادة البلد والشعب للاجنبي من اجل البقاء في السلطه واتفاقية نيفاشا التي جائت بأملائات امريكيه خير دليل علي ذلك _
فهل عصابه كهذه تستحق ان نصطف في خندقها ؟؟


تعليقات 50 | إهداء 0 | زيارات 7578

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#518085 [ابوعلي]
5.00/5 (1 صوت)

11-21-2012 06:46 PM
يااخي البوشي تبراء اول شي من البعث وحزب البعث المجرم الذي يرمي بالقنابل كل يوووم ع شعب سوريا الشقيق وبعدين تعال اتكلم ؟
كلكم مجرمون وماانتم بأشرف من الكيزااان ؟


#514402 [ALIIIIIIIIIIIIIIIIIIIIIIIIIIIIIIIIIIIIIII]
5.00/5 (1 صوت)

11-18-2012 02:34 AM
ده الكلام


#508102 [maha bit samira]
5.00/5 (2 صوت)

11-10-2012 07:36 PM
الى من يتشدقون بشعار الدفاع عن الوطن ليبررون للوقوف مع النظام فى وجه إسرائيل إن كان ذلك جهلاً أو غفلة منهم, إسرائيل ليست عدونا, ولم تكن ومنذ إنشائها عدو لنا, وهجماتها وغاراتها لم تستهدف السودان ولا السودانيين, فدعكم من ترديد الهتاف الضال والترهات التى لايسندها الواقع ولا المنطق, فلا نعرّف أنفسنا بهذا النظام ولا نحن نعترف به حتى نتحمل مسئولية سياساته, ولم يرفق بنا النظام حتى نحّن لحالة فنخرج للشوارع هاتفين بدعمه إلا اللهم أن نكون مصابين بحالة جنون جماعى, فعدوكم واضح وضوح الشمس ومقره كافورى وليس تل أبيب, فلا تعملوا بمقولة " اللى غلبها راجلها جات تأدب حماها" "وعينك فى الفيل وتطعن فى ضله", والى من يصب اللعنات على كاتب المقال ويدعو نفسه وطنى صادق لما تصب اللعنات وأنت مواطن فى دولة الشيطان ويحكمك الشيطان ؟؟؟ والبوشى لم يقل إنه سيقاتل مع الشيطان يا نبى آخر الزمان... بالله عليك أفهم مايكتب أولاً قبل أن تهدينا الى سبيل السواء والبعد عن الشيطان, وإذا كان الشيطان الرجيم ضد هذا النظام فمرحباً به فى صفوف المناضلين ضد هذا النظام الشيطانى...فإسرائيل ليست قضيتنا حتى لو قصفت القصر الجمهورى, ولا نحن فلسطينيون, ولا السودان قطاع غزه, قضيتنا أن نحرر الوطن من عدو الشعب ونحقق للوطن وشعبه مانصبو له, عندها فقط لو تجرأت إسرائيل علينا سنلقنها الدرس الذى فشلت فى تلقينه لها كل الدول العربية مجتمعة....وقع ليكم ياشباب....
ملحوظة: أحفظوا كلام بوشى دا سمممممح وأعملوا بريك من الأحاديث والآيات اللى بتستشهدوا بيها فى الهينه والقاسية دى وإقتنعنا إنكم مسلمين ومنزلين القرآن, بس اللى يقنع السودان إنكم بتحبوه وطنيين شنو؟؟؟؟


#499309 [وطني صادق]
1.00/5 (2 صوت)

10-31-2012 02:03 PM
لعنة الله تغشاك ياهذا هل تقاتل مع الشيطان


ردود على وطني صادق
[ALIIIIIIIIIIIIIIIIIIIIIIIIIIIIIIIIIIIIIII] 11-18-2012 02:35 AM
والله الواحد يقاتل مع ابليس ذاتو خليك منك انت سمعت مع ابليس ذاتو شخصيا لو امكن ذلك ولا مع الكيزان

[محمد على] 11-17-2012 04:15 PM
إن لم تصبه فمردها إليك .. لا يحق لك أن تلعن أحداً ياهذا ..فهو لم يقل سأقاتل مع الفريق الآخر بل قال لن أقاتل فى صف الدولة أيَّاً كان العدو ...كان يمكن أن تقول له:(عليك أن تختار أحسن السيئيين)لأنه يري القائمين على ألأمر سيئون وبالضرورة الشيطان أسوأ..أليس كذلك؟


#498832 [فاروق بشير]
4.00/5 (2 صوت)

10-30-2012 09:30 PM
تقول(لمصلحة النظام كما حدث في ضربة هجليج)
ما الذى كان فى مصلحة النظام بعد هجليج؟ الم تعقب هجليج اقوى مواجهات شهدتها الانقاذ؟
هجليج فى ابريل والتظاهرات فى 26-6
شوفوا نحن على مدار الثانية يحرسنا القانون الدولى .
لو رفع عنا لنصف ساعة, لاحتلت ارضنا دول من الجوار وفى دقيقة واحدة.
ولو اعترفت اسرائيل لطالهامنه قرار.

ثانيا القضية الرئيس مواجهة النظام,حيث لا يقبل لا العرف الثوري ولا الرجالة البلدية ان يصرع لك الاخرون خصمك.

والغريب الجبهة الثورية حققت انتصارات كبيرة فى الاونة الاخيرة وحتى مطار الفاشر طالته نيرانهم,
وكسرالثوار السلمييون حاجز خوفهم فى يونيو المنصرم ولشهر كامل ولهم عودة ولا شك. فلم التخاذل؟
عندما يدين الامر للثورة الاتية ليس لنا من حارس الا القانون الدولي, والتحالقات الواعية المدروسة العلمية.
بعض الادوية تصمم بحيث لا تنفتح الا بعملية مزدوجة لتستعصي على الاطفال فلا يتضررون منها.
ونسال هل السودان اعجز من ان يمضي فى المسارين :اسقاط النظام والتمسك بالقانون الدولي ورفض خرقه من اي جهة. لانه فى الاصل حارسنا- كدولة عالم ثالث- على مدار الثانية.


#497794 [الكارب]
3.38/5 (4 صوت)

10-29-2012 04:07 PM
صدقت يابوشي كلام عين الصواب الجماعه ديل متواطين لو ماكده ليه الطياره ماضربت البشير ذاتو ياخي ديل ضربو بتاع السوناتا من حلتنا ونحنا في الحله مبنعرفو البشير ده لو مامتواطي مافي هدف اوضح منو!!!!!!!!!!!!!!


#497785 [محمد وداعة]
4.50/5 (4 صوت)

10-29-2012 03:49 PM
الاخ بوشى
لكم تحية و كل عام و انتم بخير
اننى شخصيأ اتفهم دوافعك لمثل هذا الموقف، لا اريد ان يكون الياس من التغيير دافعأ لنا لاتخاذ موقف تبدو عليه ظلال اختلاط ما يتعلق بالوطن بما يتعلق بالنظام ، عليه اعتقد اننا كوطنيين يجب ان نقف فى صف الوطن مدافعين عنه غض النظر من هو الحاكم واى كان راينا فيه ، و نحن فى ذلك نميز بوضوح بين واجبنا الوطنى و محاولات النظام الاستفادة منها سياسيا، ووقوفنا هذا بجانب الوطن فيه فضح بعجز النظام عن حماية البلاد ، كما انه بزج البلاد فى اتون الصراعات الاقليمية دون دور واضح لبلادنا فيما يجرى و دون اى مكاسب استراتيجية تجنيها فهو انما يدفع بلا مقابل و نحن نتكفل بالضحايا و الخسائر ، عليه اخ البوشى نحن ضد اى عدوان على البلاد و سندافع عنها بغض النظر عن من يحكمها لان المتضرر الحقيقى فى النهاية هم ابناء و بنات الشعب السودانى ، وعلى هذا النظام ان يعلم انه بدون جبهة داخلية موحدة ودون حكم وطنى ديمقراطى فان الضربة السادسة فى الطريق


#497646 [محمد حسن بوشي]
1.00/5 (1 صوت)

10-29-2012 01:03 PM
لكم التحيه مجددا واخص بالتحيه الذين عقبو اخيرا ..
واشكر الجميع علي اثراء النقاش
واثق في نوايا الجميع فالكل همه علي البلد ..


#497590 [sudani sudani]
4.50/5 (3 صوت)

10-29-2012 11:50 AM
والله بمجرد حدوث الضربةتبادر الى ذهني ان يكون النظام نفسه متواطئ و لولا توافق هذا مع ما فكرت فيه لما كتبت هذا التعليق و الدليل على ذلك هو لماذا هذا الوقت بالذات؟ الوقت الذي اصبح فيه النظام في عنق زجاجة و عنق البشير.


#497492 [ابو ايمن]
3.00/5 (2 صوت)

10-29-2012 08:39 AM
يا وليد ما تعمل فيها بطل


#497354 [مهدى]
1.50/5 (2 صوت)

10-28-2012 10:16 PM
هيئ البشير ضربو؟ كيفن الكلامدة ياالجنيات؟حررررم تانى لو عملوها علا يشوفونجوم القايلة.. يعنى يضربوناونقعد ساااااااااكت كدى؟ قوم شيل عصايتك نمشى للذول دة .إت ماك ......ولاشنو؟دى ماحفارة عديييييل كدى...


#497286 [احد ضحايا الالغاذ]
0.00/5 (0 صوت)

10-28-2012 07:14 PM
انا اتفق معاك على علم الاجهزة الامنية بما حدث والا لماذا نجا الطاقم الامنى المكون من ثلاثون شخصا والذي يرابط بالبوابة وداخل المجمع


#497241 [whiteniless]
3.00/5 (3 صوت)

10-28-2012 04:45 PM
الله يشفيك من مرضك
عندما تدافع وتحارب انك تحارب عن الارض والعرض والشرف والوطن وحب الاوطان من الايمان
الحكومه زائله ومصيرهم جميعا الى نار جهنم وبيئس المصير
با ىفعلوه فى دارفور وفسادهم فى الحكم واى قرش نهبوا سوف ناخذه من عيونهم
لكن الدفاع على الوطن شئ واجب ولو اعتدت دوله كافره ضد مصالح البلد وضد ابناء البلد فوجب الجهاد حقآ على كل مسلم وهذا امر الدين والشرع فكونك تقول حتى لو كان عدوهم الشيطان وانت تتفرج فهذا شئ لايشبه نضالك ومشوارك البطولى الذى كنا نحترمه ونقدره
لكن الان اتيت بشئ مخالف تمامآ
فيجب عليك ترك النضال وترك الكتابه وان تذهب الى اسرائيل حتى ان تتشبع بجرعات شيطانيه زياده


ردود على whiteniless
Oman [Abu Al Khair] 10-29-2012 05:42 AM
نضال مين ياعم الجماعة ديل ، اذا لم اكن مبالغا هذه التمثيلية عملوها وصدقوها
اسرائيل السودان ليس في حساباتها
السودان بلد افريقي واهله قراقير ليس لهم صلة بالعروبة
وبعدين بلد فقير وحالته بالبلاء ، بس يكون الكيزان هم الذين سريو هذه المعلومات عشان يحصل هذا الموضوع
واتنمى الا تكون قد نسيت موضوع تسليم كارلوس وعرض تسليم بن لادن للرئيس كلينوتون الذي رفض الهدية
وحتى ضربة هجليج دي فيها نوع من الشو والتمثيل
واتحداك لسه أن تقرأ وتتطلع على تاريخ اولاد الترابي ،وتاريخهم الملوث بدماء الشعب السوداني
حيث قتلو الملايين في الجنوب ودارفور وبعد ذلك يتنازلوا والشهداء دمهم يروح شمار في مرقة

والله انت Whiteniless اظنك ما متابع او تكون كوز


#497189 [كيسمايوا]
5.00/5 (1 صوت)

10-28-2012 02:09 PM
يجب أن تفرق بين السودان الوطن حاضن الجميع وبين المؤتمر الوطنى ولا الجبهة الاسلامية - نحن لسنا معهم ولكن السودان الوطن يخضنا جميعاً وأتمني أن نحافظ عليه.


#497178 [mazar]
5.00/5 (1 صوت)

10-28-2012 01:49 PM
عيدك سعيد يا البوشي ولو انو العيد مع الكيزان اولاد الهرمه ديل طعموا غير..طبعا الايام دي الكيزان مشغولين بفكروا في طريقه للردالصاع صاعييين وعايزين الشعب المسكين يقيف مع حكومتوا وغالبا مايتكرر فلم هجليج ويلا كلناندعمالقوات المسلحه عشان نرد كيد المعتدين لكن علي منو خلاص فهمنا الدرس ي كيزان وبعدين انتوا وكت ماعندكم شي بتهبشوا اسرائيل ليه؟ انتوا قايلنها دي الصومال ولا شنو ؟اول حاجه يعملا الشعب يكنس الزباله الموجوده حاليا دي بره وينتخب لينا حكومه ديمقراطيه ماعايزه اقول نافعه لانو الكلمه دي عندي حساسيه منها والدنيا صبــــــاح


#497078 [خالد البوشي]
4.75/5 (3 صوت)

10-28-2012 09:59 AM
يقول المثل مامن يد الايدالله فوقها ومامن ظالم والا سبلى باظلم...فكيف لنا ان نقف مع من ظلمونا وجردونا من حقوقنا الانسانية والمدنية والدستورية كيف نتعاطف مع من من لايعرفون معنى العطف كقيمة انسانية بشرية ...كلا والف كلا ووالله لوجدناهم بالنار لزدناهم وقودا وحطبا...هم العدو الاول والاخير لابناء الشعب السوداني ولا عدو لنا نحن ابناء السودان غيرهم...


#497027 [حواء تودي]
5.00/5 (1 صوت)

10-28-2012 04:57 AM
كل عام وانت طيب وجميع الشعب السوداني بخير
نتمني عقبال لمصنع الجياد وشوية ارهاب لكافوري .... يا رب في هذه الايام ياقادر يا كريم.........


#496996 [محمد]
4.35/5 (6 صوت)

10-28-2012 01:45 AM
رد علي رؤوف السوداني وبالانجليزي كمان
In which category do you define yourself. Does it give you the right to decide who can find another country and who can not
In addition, you might not be one of them, but for sure, you are running after something because no good man would support these criminals. For your information, what have been attacked was not Sudan. It was one of the devil's territory.

Neither me nor any Sudanese (with white heart like Boushi) should keep quite if we have respect for ourselves.


ردود على محمد
[غسان] 11-01-2012 06:15 PM
ينصر دينك يامحمد.....
برضو بالانقليزى .

Saudi Arabia [ابومصطفي] 10-31-2012 07:19 PM
nice & nice & nice 4ever >> give hem another punch


#496994 [ابراهيم الكدرو]
5.00/5 (1 صوت)

10-28-2012 01:43 AM
أنا لاأصدق أن هنالك أشخاصا لا زالو يعتنقون فكرا عفي عليه الزمن وثبت فشله في تقديم شي للبلاد العربية سوي القهر والتسلط والتخلف.. ياأخ بوشي كان أحسن ليك تبقي علي بطولتك مع نافع وبس.


#496978 [Raoof alsudani]
3.00/5 (2 صوت)

10-28-2012 12:45 AM
Alsalam aliekum


First of all I want to say you need to find another country for yoursef and any one who adopt your your view and don't think I'm getting any favours from this government I'll never hand myself and view to someone else that will never happen but when my belvoed country is attacked by another country I will defend it even if you are the one who is ruling it not Omar Albasheer


#496972 [محمد]
4.99/5 (9 صوت)

10-28-2012 12:33 AM
رد علي اقمار الضواحي.

قلته شنو؟؟ اذناب امريكا واوروبا ولا شنو؟؟قلته معارضه الفنادق؟ والله انته مجرد بوق تردد مايقوله هؤلاء الفاسدين لياكلو لحمنا. ولانته اشد منهم سوءا. انته (كالحمار يحمل اسفارا) مشكله السودان ليس هؤلاء الكيزان فقط. وانما لمتسلقين امثالكم والذين مصو دم اليلد كلها.

انتم اخر من يتحدث عن الرجاله. هل الرجاله في سرقه مال المسلمين. مال الذكاه والحج؟؟ هل الرجاله في اغتصاب النساء والرجال؟؟ ام هل من الرجاله استعباد النساء والرجال الذين يعملون في خدمتكم. ولكن سياتي اليوم لحسابكم وسترون ماذا سيفعل الله بكم ايها الظلمه.

انا الان اعيش في اوروبا من عرق جبيني وقد وفر لي النظام هنا مالم يوفره لي بلدي المسلم وساظل ادافع عنه مادمت حيا. ايها الظالمون السارقون الفاسدون البلا ضمير ولا انسانيه. والله انت اسوا من ابليس نفسه. تفهههههههه. اخيرا, مفتكر اسرائيل هي الضربت المصنع؟؟لانك جاهل ومن انصاف المتعلمين تفتكر ذالك. هذه الطائرات ارسلها المولي عز وجل استجابه لدعاء المستضعفين من الذين يعيشون فيالداخل والحارج لانكم شردتوهم واهنتوهم وجلدتوهم واغتصبتوهم. الجاي اكثر فانتظرو انا معكم منتظرين.


ردود على محمد
United Arab Emirates [جحا] 11-13-2012 07:09 AM
وانت كمان عايز تعيش من فتات الاوربيين واعانتهم وعايز تصعلق مع عيالك هناك


#496904 [مكتوي]
3.50/5 (2 صوت)

10-27-2012 09:26 PM
اخي محمد الحسن بوشي كل عام وانت بخير وربنا يخليك للشعب السوداني ويخلي لينا مثالك والله انت ارجل سوداني لقاني الله يحفظك ويحفظ امثالك انت مثال نفتخر به ولله والتـــــــــحيه لك


#496795 [مواطن]
4.77/5 (9 صوت)

10-27-2012 04:38 PM
الأخ بوشي كل عام وأنت بخير ... والسودان بخير ... ونتمنى أن تكون نهاية بني
قريظة عمر البشير وعلى عثمان محمد طه ونافع الى آخر القائمة القذرة من
الكيزان قد اقتربت ... واصل الكتابة أخ بوشي ولا تلتفت للمعلقين المثبطين ..
نحتاج الى الكتاب الشباب ... وأحييك على شجاعتك لتكون قلما اضافيا في
الراكوبة ..


ردود على مواطن
Ireland [mohammed mustafa] 10-29-2012 03:48 PM
يا اخى المواطن الكريم لمرة الف كل سنة وانت طيب والسودانين جميعاً ونتمنى من الله الكريم السلام فى بلدنا السودان البحث العربى تحدث عن العروبة ونحن مامحتاجين العربية ا العروبية نحن محتاجين لبعض كسودانين بدون زكر القومية نحن قومينا السودانية هى الاهم نحن كشباب نريد مخرج للاجيال القادمة وانا اعرف كويس عن حزب البحث بس ما تفهمى غلط وبمناسبة السودان كلها مبني غلط من الاساس وكل الاحزال التقليدية مبني على الغلط بدون مؤساسات فكرية وكلها ليست لديهم افكار مستقبلة فى امداً بعيد وغبر وطنيين لهذا لا
نريد فى وقت الحاضر احزاب او حزاب بسم غير قومى ويا عزيزى اذا تريد تبني السودان انت شاب والسودان والسودانين محتاجين ليك واترك اسم البحث العربى والبحث العربى السورى والعراقى والاردنى كلهم بتحدثوا عن العربة ولهم الحق نسباً هم العرب ولكن نحن فى السودان مامحتاجين العروبية نحن محتاجين المساوة والحقوق والعدل واذا انت من حزب البحث العربى غيير افكارك واذا انت سودانى حقاً وشكراً

Sudan [مواطن] 10-29-2012 02:43 AM
الأخ المحترم محمد مصطفى ..... قال الأستاذ ميشيل عفلق مؤسس حزب البعث العربي
الاشتراكي :
العروبة جسد روحها الاسلام
وقال عن السودان والسودانيين :
الوطنية السودانية هي العروبة .
فالعروبة يا أخي ليست عرقاأو لونا فهي لسان في المقام الأول ..
واذا أردت المزيد عن حزب البعث العربي اقرأ كتاب :
( في سبيل البعث ) للأستاذ الراحل ميشيل عفلق مؤسس الحزب
تجد فيه كل المعلومات عن الحزب وأهدافه ..بنقرة في جوجل فقط تستطيع
أن تتصفح هذا الكتاب . مع مودتي وتقديري لك ..فردك لي يدل على
أخلاقك العالية ..وكل سنة وأنت بخير والوطن بخير ..

Ireland [mohammed mustafa] 10-27-2012 10:35 PM
رد على الاسمو مواطن احيك يا اخى المواطن كل سنة انت طيب واهلاك واسرتك الصغيرة واكبيرة بخير السودانيين جميعاً بخير انا ليس اختلف معك من المبدا والفكر لكن الاسم (البحث العربى) هذة الاسم فيها علامات الاستفهام لية بحث العربى هل حزب اللحث العربى داه فى السودان ام خارج السودان اذا كان خارج السودان وما عندو اى علاق بالسودان ماليش انا اسف واذا كان لية علاقة بالسودان سودان ليست الكل عرب اذا كتن مش عربى الحزب اسمو حزب البحث عربى كيف واحد مش عربى بيكون عضو وهو موه عربى واذا كان حزب البحث العربى عنده برنامج لسودان عام ولسودانين وفليغير الاسم باسم بحيث الاسم يكون اسم قومى بدون قبلي والعربية فى السودان جزو من القوميات السودانية زيه وزي اي قومية اخرى ولذا اذا بدانا نسمى احزابنا بقبائلنا لن تحل المشكله السودانية يا عزيزى المواطن وهذا نظرتى الشخصى وشكراً ودائما الختلاف وجهات النظرفى حد ذات نجاح والتقدم محمد مصطفى ونريد نعرف اكثر عن البعث العربى و شكراً


#496786 [mohammed mustafa]
0.00/5 (0 صوت)

10-27-2012 04:15 PM
احيك يا بطل الكبير كل سنة وانت طيب وعيد مبارك عليك واهلال بالسودان وااجميع لالف خير انا معاك فى ضرب النضال من اجل السودان ومة تجل الحرية والرخاء لكل الشعب السودانى من الحلايب الى واو والجنينة و ارجوك تغير اسم حزبكم الايسمو حزب البحث العربى بدلا ما تسميوه بحث العربى غيره بالحزب السودان القومي يا عزيزى الكريم وانت مش رجل ساهل بجد والبطن الجابتك والله ماتندم والله يخليكىِ يا امى الطيبة الله سعدك فى حياتكِ ويبارك فى زريكِ اخوك فى الله( محمد مصطفى} وانت يا محمد بوشى غير مع الزمان والمكان والسودان محتاج امثالك اترك الطائفية ودائماً ابحث القومية واترك افكار الجيل القديم الدئماً تفكيرهم بيتركز فى الزواياء الضيقة[email protected]


ردود على mohammed mustafa
Sudan [مواطن] 10-27-2012 08:06 PM
يا اخي حزب البعث العربي ليس ملكا للبوشي ولا لغيره وهو ليس حزبا طائفيا أو عنصريا ..
ودام نضال الشعب السوداني ...فلماذا لا تغير بقية الأحزاب أسمائها كحزب الأمة
والحزب الشيوعي والحزب الاتحادي؟ ...اذا كنت من معارضي حزب البعث العربي فاطرح
أفكارك للنقاش في هذا المنبر أو غيره من المنابر .. وكل عام وأنت بخير ..


#496712 [عبدالعظيم]
1.13/5 (4 صوت)

10-27-2012 02:01 PM
خلاص يا البوشى بقيت تكتب بالعافية.... اتنمى ترسل معلومات عن ابناء الدستوريين الفاشلين حتى اتمكن من نقدهم حتى استدردر عواطف السودانيين.


#496682 [الوليد]
3.29/5 (8 صوت)

10-27-2012 01:06 PM
تحب الإنقاذ…… تكره الإنقاذ
تحارب معها
تهرب من المعركة
تعيش في السودان
تطلب لجوء
أي حاجة علي كيفك
فقط تأدباً ومن أجل رسول الله الذي تآذي من اليهود وآلهم وآتباعهم ومن علي شآكلتهم
رسالة من أجل آخرتك … تذكر أن هنالك حجر سينطق ويقول يا مسلم هذا يهودي فأقتله
تحكموا في أقلامكم وأحكموا كلماتكم وإتقوا يوما لا ينفع فيه إلا العمل الصالح.


#496535 [shiekhedrees]
2.75/5 (5 صوت)

10-27-2012 09:34 AM
والله يالبوشى بقيت زى وردى ،يعرف يغنى وما يعرف يتكلم ،وانت بتتكلم ولكن الكتابه حقو سيبك منها.


#496437 [ود قلبا]
1.07/5 (5 صوت)

10-27-2012 02:07 AM
(عدو مبين) هذا مازكر فى القرآن عن الشيطان. تجرؤك على نافع اكسبك حب الناس فلا تفقده بمثل هذه الشطحات . من حق كل انسان ان يعادي الحكومة ولكن ليس من حقه ان لايعادى الشيطان . والنصوص القرآنية واضحة فى هذا الشان لاتاخزنك العزة بالاثم .عد الى رشدك واهناء بحب الناس لك مع نمنياتى لك بالتوفيق


ردود على ود قلبا
United States [Zingar] 10-27-2012 12:22 PM
والله إبن كثير جنبك بقى إبن قليل

تعادينى وتجافينى وتترك قلبى للحاسدين


#496418 [njomy]
3.00/5 (3 صوت)

10-27-2012 01:17 AM
al boshy i agree with you all what you said is really right


#496401 [خالد حسن]
3.07/5 (9 صوت)

10-27-2012 12:24 AM
البوشى كل عام وإنت بالف خير والحجه بألف خير
نسينا نعيد عليك أعذرنا
شكرا على الرساله شفت الحلقه فى ال ANN
كانت ممتازه والتحيه العلام مهم ياباشمهندس .. من هنا للمناضله نجلاء سيد أحمد
سنفتقد فيدوهاتك يا أستاذه .. إن شاءالله تكونى جندتى ليك كم زول فى السودان
عشان التوثيق يستمر . وكل عام كل المناضلين الشرفاء بألف خير
وإن شاءالله لايأتى العيد القادم وإلا قد تحررنا من المستعمر الإخوانى


#496399 [خالد حسن]
4.40/5 (9 صوت)

10-27-2012 12:12 AM
نحن حانقول لنظام الخواذيق ده
إذهب إنت والكيزان فقاتلا
إنا هاهنا قاعدون
بعدين إسرائيل دى ما عدونا ولاعندنا معها قضيه ولاهى محتله الفشقه ولاحلايب
نحاربه عشان شنو وفوق شنو ؟ عشان مصنع للأسلحه؟ المصنع ده مش البضربوا بيه الشعب السودانى
ولا إتحررت بيه الفشقه ولاحلايب ؟
بعدين جيش الخنا بتاعنا لو إدمر ماعندنا بيه شغله لأنه طوال تاريخه ماحصل أطلق طلقه على عدو
كل حروبه ضد شعبه . وياسودان معليش حكموك ناس الجيش
الفلسطينين فى غزه عايشين أحسن من ناس كافورى حوش بانقا ونحن الهبل
نشيل ونرسل ليهم نجوع أولادنا عشان ناس حماس يركبوا مارسيدسات ؟
شخصيا أصبحت كافر بقضيو فلسطين
ومن هنا نشكر إسرائيل لضربها المصنع الذى تأذى منه الشعب كثيرا فى جبال النوبه ودارفور والنيل الأزرق.. VIVA ISRAIEL


ردود على خالد حسن
[البروف] 10-27-2012 02:17 PM
كل عام وأنتم بخير لجميع أحباب الراكوبة وجميع افراد الشعب السوداني
الشايلين هم البلد جوة القلب .
يا خالد حسن عبرت عن كل ما اردت قوله وكفيتني الرد على المفضوحين
الذين لا يستحون وقد ضلوا الطريق ويضللون .


#496369 [محمد]
4.22/5 (7 صوت)

10-26-2012 10:39 PM
كثير من الاماكن الخاصه بالكيزان مؤمنه تامينا شاملا. خصوصا تلك الاماكن ذات الخصوصيه الامنيه والعسكريه. اليرموك واحد من تلك المواقع. لابد ان كثير من الكيزان كانو بداخله. نحن نريد معرفه العدد الحقيقي للذين ماتو بالداخل وليس بالخارج. هل صحيح ان العدد يزيد علي 500؟؟ ارجوكم دلوني فانا اريد ان اعرف بالظبط كم عدد الذين انتفم منهم سبحانه وتعالي. كم عدد الجلادين الذين الهبو ظهورنا بسياطهم قد الحقو بصف جهنم. اموت لاعرف كم من الطغاه الذين عاثو في سوداننا الحبيب فسادا. نرفع ايدينا الي السماء راجين من المولي العلي القدير ان تكون نهايه كل الكيزان بذات الطريقه ولت تتفشه غبينتنا الا بها. امين يارب العالمين
اني احذر اي من الكيزان بحشر اسم الله او الرسول او الاسلام في هذه القضيه. فانها انتقاما منه في المقام الاول


ردود على محمد
Kenya [اقمار الضواحى] 10-27-2012 08:09 AM
الخذى والعار لكم اذناب امريكا واسرايل يا اشباه الرجال وةلا رجال
السودان برى من امثالكم تتوهمون النضال وانتم خلف الابواب المغلقة
وداخل فنادق فرنسا والمانيا وغيرها من اسيادكم ويموت الغبش فى الادغال
ان كانت لكم قضية وتتحدثون عن الغبش فتعالو اليهم واسكنو معهم وافترشو الارض
والتحفوا السماء مثلهم
موش تتبنو قضاياهم وتتحدثو باسمهم وانتم غارقون فى اللهو والمجون
ونتحداكم ان تكون بينهم لانكم عمركم ماعيشتو عيشت الغبش الكادحين
وما بتعرفو بياكلو شنو وبيشربو شنو لانكم بعيدون عنهم كل البعد
فيا اشباه الرجال ولا رجال اتركوا الغبش وشانهم

United States [محمد حسن بوشي] 10-27-2012 01:38 AM
يا خبر الليله بفلوس بكره يبقي ببلاش


#496368 [ودالنيل]
4.07/5 (5 صوت)

10-26-2012 10:35 PM
الاخ البوشي لك التحية وكل عام وأنت بخير لاحظت كثير من الاخطاء الاملا ئية في مقالاتك لذا لزم التنبيه لذلك؟
في هذ المقال القصير وحده وجدت هذه (الجملة) من الاخطاء
نتكلم في المهم بعد ده....... دة
بدأت تصطاد في المويه العكره....... المياه العكرة
وتستغل الضربه الاتعرض ليها مصنع اليرموك ..... التي تعرض لها
مكشوف بالنسبه لينا...... بالنسبة لنا
وده البكفل ليهو البقاء.......يكفل له
اطول فتره ممكنه..... اطول فترة ممكنة
نحن لن نحارب احد في ظل هذا النظام ....نحن لن نحارب اي احدظل هذا النظام
لان اي معركه الان هي دفاعا عنه ..... لأن اي معركة الآن هي دفاعا عن النظام
ولن نقاتل لطالما النظام يرتكب الحماقات في حق شعبه...............لن نقاتل طالما النظام يرتكب الحماقات في حق شعبه
استمراره في السلطه ... استمراره في السلطة
وانا حقيقة لا استبعد ان يكون النظام... انا لا استبعد حقيقة أن يكون النظام
لطالما هذا النظام يرتضي ان يرهن نفسه...طالما؟ تضاف اللام في بعض الحالات الظرفية
ان يرهن نفسه وارادة البلد والشعب للاجنبي ....ارادة الشعب لا داعي لارادة البلد
واتفاقية نيفاشا التي جائت بأملائات امريكيه خير دليل علي ذلك... جأءت باملاءات أمريكية
فهل عصابه كهذه تستحق ان نصطف في خندقها ؟ عصابة

حق لنا يا بوشي انا نسمعك ونراك وانت تسحل نافع سحلا


ردود على ودالنيل
Canada [سودانى طافش] 10-27-2012 04:34 PM
صدقت .. وأهم شيئ ضرب القيادة العامة فهى سبب كل المصايب للسودان .. أما مصنع ( جياد) فهو مصنع للأسلحة أيضاُ وحكاية ( سيارت ) دى للتمويه وهذه معلومة مهمة لأسرائيل الشجاعة وعليهم الأتصال بى لأؤكد ذلك !


#496360 [المشتهى السخينه]
4.38/5 (6 صوت)

10-26-2012 10:11 PM
عيد سعيد للبطل البوشى الشجاع ..اسرائيل منذ سنة 1948دخلت حروب مصيريه ولم تقتل من العرب حتى اليوم خمسين الف .. المشير الرئيس الدائم الخالد فى كرسى السلطة قتل من شعب دارفور وحده ثلث مليون مسلم وشرد ثلاثة ملايين ..هربوا حتى وصلوا الى اسرائيل لتحميهم من بطش الاخوان المسلمين بقيادة خليفة المسلمين الاعرج المفوض من السماء .. تحطيم مصنع الاسلحة الايرانى فى الخرطوم يوضح بجلاء ان السودان الباقى تحكمه عصابة اجراميه .. يخافها حتى الكهنوت الدينى العنصرى القديم بقيادة المهدى والميرغنى .انها معركة استقلال جديد لبلاد السودان .. نكون او لا نكون ..


ردود على المشتهى السخينه
United States [محمد حسن بوشي] 10-27-2012 01:36 AM
فعلا هي معركة استقلال يا صديقي


#496356 [محمد]
2.50/5 (4 صوت)

10-26-2012 10:06 PM
يقال ان امرأة نكد زوجها عيشتها فلجاءت الى الحاكم وكانت فى غاية الجمال فاتى الحاكم بزوجها وقال له ما بك تعذب وتهين هذه المراة اما يجدر بك ان تحميها فقال الرجل هذا حقى عليها... فقال الحاكم ليس لك حق فيها بعد اليوم فاي تختارين يا سيدتى الطلاق منه وتتتزوجينى اناام اقتله اواتزوجك فقالت المراة حلمك يا مولاى طلقنى منه ودعه يعيش ليري ما ساكون من نعيم فيه واربط سلسلة على عنقه ودعه يعمل بواب للقصر فيموت فى اليوم الف مرة. ........
يا اسرائيل طلقينا من هذه الحكومة ودعيها تعيش فى الذل . انتهى


ردود على محمد
United States [محمد حسن بوشي] 10-27-2012 01:34 AM
عذرا عزيزي محمد لن يطلقنا من هذه الحكومه احد الا انفسنا لاننا نحن اصحاب الوجعه لا احد غيرنا


#496315 [صالح]
3.75/5 (4 صوت)

10-26-2012 08:35 PM
اهلا بكل يا رئيسنا القادم!نعم والله انت رئيس عدييييل واهم شيء لا تنسي اهل الهامش وانا واحد منهم


ردود على صالح
United States [محمد حسن بوشي] 10-27-2012 01:30 AM
تسلم كتير يا صالح


#496291 [سايكو]
3.75/5 (6 صوت)

10-26-2012 07:48 PM
كلام في محله يا بوشي ، و كما عودونا الكيزان عايزين الناس تتعاطف معاهم ، لكن الشعب السوداني عرفهم علي حقيقتهم و انتهي زمن التدجين و الخداع ، النظام خلاص انتهي و اكبر دليل انفضاض الناس من حولهم و حتي البسطاء التما استدراجهم في ايام هجليج المره دي ما طلعوا ليهم ، و كل الطلعوا 300 رباطي و 3 جدادات من (اخوات نصيبه) و لما خطب فيهم البائس اليائس علي عثمان في وجود البقره المنهزمه العاجزه (الصامته) المسرطنه ، دي كانت اكبر علامه علي نهايه النظام . اما انصار التطهير العرقي في الهامش و دعم حماس و ايران و حزب الات في لبنان و بشار المجرم ، الجداد البكاكي هنا احسن تشوفوا ليكم حته تاني تبثه فيها سمومكم ، و اي زول زعلان علي المصنع و بدافع عن الكيزان بحجه الوطنيه و الخوف علي البلد و الناس انا بساله : اغلي المصنع الايراني و بالمناسبه (هو ما حقنا) و لا اغلي ارواح اهلنا في دارفور و جنوب كردفان و النيل الازرق ؟ المصنع دا ما كان بصنع سيارات و لا ادويه و لا حتي مصنع سفنجات بلاستيك ، دا كان مصنع سلاح و ذخائر يقتل بيها اطفالنا في دارافور و جبال النوبه علي يد جيش الخزي و العار ، جيش البشير و ابورياله ، الجيش الساكت علي اباده و احراق دارفور، و بعدين احنا تالت افشل دوله و خامس افقر دوله في العالم ، احنا عندنا شنو عشان نعادي دوله قويه زي اسرائيل و نتحرش بيها و نهدد امنها القومي بتهريب السلاح لحماس و الجماعات الجهاديه التكفيريه و بعد دا نجي نتشكي و نتبكي علي سيادتنا و كرامتنا ؟ ما دام احنا ضعيفين و هزيلين كده بنعرض روحنا للتهلكه ليه ؟ و كمان عشان خاطر عيون الفلسطينيين و الليبنانيين الما معترفين بينا عرب زاتو ، و حتي اذا افترضنا انهم عادننا عرب زيهم ، ليه احنا بس نحارب اسرائيل برانا و باقي العرب اصدقاء لاسرائيل و اكتر ناس عندهم علاقات معاها هم الفلسطينين انفسهم ! مافي زول بنكر انه الشعب الفلسطيني تعرض لظلم و عندهم قضيه لكن الاهوال الاتعرض ليها اهلنا في دارافور علي يد النظام افدح ، اولي نخلص روحنا من الاحتلال الكيزاني الاجرامي الذي ارتكب جرائم ضد شعبه اكثر مئه مره من جرائم اسرائيل ضد فلسطين . قبل ما نفكر في مساعده الاجانب ، دي ما حربنا و ديل ما بمثلونا و لو الطيب مصطفي و البشير و الهنجوكه علي عثمان عايزين يحرروا الشعب الفلسطيني هم حرين ، يسوقوا جدادهم و مجاهدنهم الحقيقيين و طوالي علي غزه و انا شخصيا بتبرع لولد نافع و لي خالته سناء حمد بحق المهربين في سيناء و كدي نشوف الرجاله بتاعتهم . و غصبا عن عين الكيزان و جدادهم تحيه لاسرائيل علي هذه الخدمه الجليله و كلنا اسرائيل عاش نتنياهو و نافع يلحس كوعه .


ردود على سايكو
United States [محمد حسن بوشي] 10-27-2012 01:29 AM
شكرا ع المرور يا سايكو

Saudi Arabia [واحد تانى] 10-27-2012 12:41 AM
تعليقك ده افضل من 100 مقال ...!1


#496286 [Abu Areej]
4.54/5 (6 صوت)

10-26-2012 07:36 PM
فهم غريب جداَ.. لا تقاتل مع النظام واسعى لاسقاطه كما تريد ولكن ليس بالشماتة في الوطن .. ان تكن كارهاً للنظام ليس مبرراً تنزع الغيرة على البلد... وهذه اسرائيل .. فمن يواليها فهنالك مليون استفهام.. لا اعتقد بمثل هذه الطرق سوف تستطيع ان تسقط هذا النظام او اي نظام كرتوني


ردود على Abu Areej
United States [Zingar] 10-28-2012 06:04 AM
والله إنت الفهمك غريب يا أبو أريج والفرق بينك وبين المناضل بوشى إنك قبلت ضهرك للوطن وقاعد ترضع فى حليب المراعى أما بوشى فليهو الله من ماء الشرب الذى تتأفف منه البهائم وجيوش البعوض من جراء المجارى الضربت منطقته.....خلينا من ده إن شاء الله بتدفع ضرائبك فى مواعيدها للوطن الغالى.

United States [محمد حسن بوشي] 10-27-2012 01:25 AM
الانقاذ هي اكبر عميل لاسرائيل


#496255 [man2]
2.25/5 (3 صوت)

10-26-2012 06:04 PM
مرحبا بك كاتبا فى الراكوبة ايها الرجل الشجاع


ردود على man2
United States [محمد حسن بوشي] 10-27-2012 01:23 AM
شكرا وتسلم كتير يا مان


#496242 [زيزو]
4.07/5 (6 صوت)

10-26-2012 05:10 PM
استبعد ان يكون النظام علي علم او متواطئ حتي مع الهجوم ؟؟؟ ليهم حق الكيزان اولاد الكلب يحكمونا مليون سنة اذا كان هذا فهم كادر من كوادر حزب البعث المعارض ؟؟ هسي ده فهم دة عليك الله ؟؟ تابع الاحداث وتابع الصحف والاخبار والقنوات الفضائية خليك صااااحي ياخي؟؟؟ لو داير تسقطوا النظام بي فهم زي دة واطاتكم اصبحت ؟


ردود على زيزو
United States [Zingar] 10-28-2012 05:46 AM
وإنت يا زوزو فى الأول غير إسمك بعدين تعال إتكلم فى تغيير النظام

United States [محمد حسن بوشي] 10-27-2012 01:24 AM
اخي زيزو ركز في القرايه قبل الرد.. ولك التحيه

United States [اكرامى حسن] 10-26-2012 07:22 PM
قال لا استبعد وليس استبعد,عيد مبارك عليكم رواد الراكوبة.


#496239 [حماميزو]
4.07/5 (6 صوت)

10-26-2012 05:04 PM
كل عام وانتم بخير ..
اتعرف لماذا جلس هذا النظام الدكتاتوري الفاسد علي كرسي الرئاسة وإحتكر كل شئ لنفسه طيله هذة المدة ؟ اتعرف لماذا ؟؟
لان لايوجد فكر ثقافي للمعارضة . بل لاتوجد معارضة اصلآ ؟؟ انظر الي رموز المعارضة من تيسير مدثر مرورآ بي الصادق المهدي وآل المهدي والميرغني وآل الميرغني وحتي الحزب الشيوعي ظل مختفي دهرآ؟ كلهم تقلدوا مناصب وعملوا مع هذا النظام سواء بطريقة مباشرة او غير مباشرة وليس غريب علي احد هذا .
جائ الان تقول لينا شيطان وماشيطان ؟؟


ردود على حماميزو
United States [محمد حسن بوشي] 10-27-2012 01:21 AM
لك التحيه اخي حماميزو .. وخليك عارف انو البعمل الخير لي نفسو والبخون برضو لي نفسو


#496225 [عبداللطيف]
1.00/5 (2 صوت)

10-26-2012 04:33 PM
يا خى انت فى زول منتظرك تحارب..والله سجم خشمنا ان كنا منتظرين منك تحمينا


#496192 [khalid m ali]
4.60/5 (8 صوت)

10-26-2012 03:08 PM
بدأت بى الماعاجبو شوارعنا مايستعملها وشواذ افاق وشحاتين والحسو كوعكم وكل الفاظ الترسو , يوم الحاره ديرنا كان ليك .


ردود على khalid m ali
United States [محمد حسن بوشي] 10-27-2012 01:19 AM
لك التحيه اخي خالد .. والما بقدم السبت ما يرجي الاحد مش كده ؟؟


#496191 [الزُول الكَانْ سَمِحْ]
2.75/5 (3 صوت)

10-26-2012 03:06 PM
يا باشهندس

نحن نقول للبشير إذهب أنت وزمرتك وقاتلا..إنا نحن المتقاعسون..
خطاباتهم التعبوية يخدعوا بيها الرجرجة والدهماء من مؤيديهم..والذين ضاقت بهم سبل العيش وصاروا يسترزقون من فتات موائدهم..

كل سنة وأنت وأسرتك ..وأخص الوالدة الكريمة الماجدة بتحية خاصة


ردود على الزُول الكَانْ سَمِحْ
United States [محمد حسن بوشي] 10-27-2012 01:17 AM
شكرا كتير يا زول يا سمح وربنا يحقق الاماني


#496184 [هيثم الخلا]
4.18/5 (7 صوت)

10-26-2012 02:52 PM
أخي الصادق البوشي، عيدك سعيد وكل عام وأنتم بألف خير يامن تحمل جراحات الوطن بن جناحيك وفي أضلعك ،، الوطن مستباح طولا وعرضا من هؤلاء الشياطين وآظن أن الشياطين نفسها ستتبرأ منه يوم المشهد العظيم،، لا نتعاطف معهم أبدا فجرائمهم على أهلنا في كل بقاع السودان تزكم الأنوف، وظلمهم لنا فات الحدود، يجب على الشعب السوداني كنس هؤلاء الأراذل فقد بلغوا حدا من الفاحشة والتفاحش لم يبلغه في هذه البسيطة. هذه الحقيقة المجردة وغير ذلك يبقى أوهام فقط،، وضحك على الناس ،، على كل سوداني أن يفهم أن البشير وزمرته ما هم إلا اسم من أسماء جهنم تحكم السودان الآن فلماذا الصبر على كل هذا العذاب والهوان.


ردود على هيثم الخلا
United States [محمد حسن بوشي] 10-27-2012 01:16 AM
لك التحيه هيثم وتعود الايام ..
ولنعلم ان الظلم ليلته قصيره


#496176 [يسقط البشير]
3.38/5 (4 صوت)

10-26-2012 02:36 PM
هل اشرك النظام الناس والشعب فى صنع سياسات البلاد الخارجية واختيار تحالفاتها ومواقفها من القضايا الاقليمية؟؟؟ باى حق يقحم البلاد والعباد فى اتون حروب بالوكالة لاتهمنا ولا تفيد مصلحة بلادنا ولاشعبنا؟؟ وهل نحن قادرون على الدفاع عن ارضنا حتى نتجود بمساندة الاخرين؟؟؟ اليست سوريا والاردن والعراق ولبنان اولى بدعم الفلسطينين؟ وهل حماس نفسها متفق عليها من كل الشعب الفلسطينى؟؟؟ لا والف لا لادخال البلاد فى مغامرات باسم الدين والعروبة والاسلاموية وكل الشعارات الزائفة التى يطلقها النظام ليقتات من مصائب ومعاناة الشعب؟ على الشعب السودانى ابعاد هذه الطغمة الفاسدة قبل ان تزهب البلادا دراج الرياح بسبب حروب الوكالة المدفوعة الثمن من امن ومدرات البلاد! الوطنية الحقة هى تجنيب البلاد ويلات معارك ليست معاركنا وقضايا ليست من اولوياتنا اسلحة تهرب لغزة بينما الفشقة وحلايب محتلتين؟؟؟؟ سبحن الله يا بجاحة النظام؟؟ نظام كهذا يجب ان يحاكم بتهمة الخيانة العظمى لا ان يتكلم بكل وقاحة عن الوطنية ويوزع صكوك الوطنية وهم اخر من يحق له التحدث عنها!


ردود على يسقط البشير
[ALIIIIIIIIIIIIIIIIIIIIIIIIIIIIIIIIIIIIIII] 11-18-2012 02:45 AM
ياقمر الضواحي الخزي والعار لك انت مليار خزي وعار لك ياواهم ياعبد الكيزان اذهب واصنع تمثالا للبشير واعبده ان اردت ايها الكوز الدنئ...ومين القال ليك انو المغتربين البرة او السودانيين البرة عايشين حياة لهو ومجون اذا كنت تتحدث عن اللهو والمجون فلتذهب الي قصور اولياء نعمتك لكي تري العجب العجاب ايها القذر

Kenya [اقمار الضواحى] 10-27-2012 08:08 AM
الخذى والعار لكم اذناب امريكا واسرايل يا اشباه الرجال وةلا رجال
السودان برى من امثالكم تتوهمون النضال وانتم خلف الابواب المغلقة
وداخل فنادق فرنسا والمانيا وغيرها من اسيادكم ويموت الغبش فى الادغال
ان كانت لكم قضية وتتحدثون عن الغبش فتعالو اليهم واسكنو معهم وافترشو الارض
والتحفوا السماء مثلهم
موش تتبنو قضاياهم وتتحدثو باسمهم وانتم غارقون فى اللهو والمجون
ونتحداكم ان تكون بينهم لانكم عمركم ماعيشتو عيشت الغبش الكادحين
وما بتعرفو بياكلو شنو وبيشربو شنو لانكم بعيدون عنهم كل البعد
فيا اشباه الرجال ولا رجال اتركوا الغبش وشانهم

United States [محمد حسن بوشي] 10-27-2012 01:13 AM
عذرا صديقي .. من قال ان الانقاذ تدعم القضيه الفلسطينيه ؟؟ يا صديقي الانقاذ ليس له من الاخلاق تجعله يفعل ذلك ..
والدليل ان ما يحدث هو عباره عن تجاره ليس الا هو طرد قيادات حماس واغلاق 67 مكتب لحماس في السودان ارضائا لستهم امريكا وابنها المدلل اسرائيل ..
هذا النظام هو اكثر الانظمه العربيه تواطئا وتمريرا لخطوط اسرائيل وحفاظا لمصالحها وجريمة فصل جنوب السدان خير دليل علي ذلك


#496172 [الاغبش]
2.19/5 (6 صوت)

10-26-2012 02:23 PM
كلام في الساعة ديك سوف تبدأ في إصطيا التنك وكل من يزايد عليه متخاذل فلننظر أولاً لمصلحة السودان ومن الذي أدى الي تمزيقه وتفتتيه وجلب له الذل والعار
لماذا ترب اسرائيل السودان
لعلم الجميع اسرائيل في إنتظار أي تهور من حكومة الإنقاذ صطياد كل الروؤس الكبيرة في السيارة ولا في البيت أواي جحر لأنه اسرائيل لاتساوم ولا تترد في حماية شعبها وأمنه
ومبهمها شعرات النائب طه مثل عزتنا وكرامتنا ومشروعنا الحضاري
والموية تكضب الغطاس
وكل عام وانت والوطن بخير الصديق المناضل البوشي


ردود على الاغبش
United States [محمد حسن بوشي] 10-27-2012 01:05 AM
وانت بالف خير وربنا يحقق اماني الجميع يا اغبش


#496167 [كدارى]
4.19/5 (6 صوت)

10-26-2012 02:16 PM
لن نكون فى خندق الانقاذ

ولكن قل لى هل تؤيد ثوار سوريا ...


ردود على كدارى
Norway [سايكو] 10-27-2012 02:48 PM
كل الاحترام ليك يا بوشي

United States [محمد حسن بوشي] 10-27-2012 01:01 AM
انا اؤيد الثوره ضد اي دكتاتور واين ما وجدت ..

Norway [سايكو] 10-26-2012 07:55 PM
ثوار سوريا اصحاب حق لكن انا زاتي يهمني راي البوشي في الحكايه دي ؟


محمد حسن بوشي
محمد حسن بوشي

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة