المقالات
السياسة
وين السد..الكان الرد..؟
وين السد..الكان الرد..؟
01-02-2016 11:57 PM


وين السد..الكان الرد..؟
زاهر بخيت الفكى..

اتكهربنا..
جوّنا أصلو مُكهرب..
ما جبناك ..من دون الناس..
ولا اخترناك..
تشقى عشانّا وتتعذب..
بس الصدفة وإنت الأقرب..
للخلاك تبقالنا وزير..
وغيرك ياما وياما كتير..
شايل خبرات فوق للعندك ..ما تنظير..
كم عالِم عندنا شالوا التهجير..
اختاروا العالم يبقى خبير..
ياريت لو جانا بقالنا دليل..
بالله عليك وين سدك..؟
خليهوا كلامك..
عن الصحفى الشايل قلموا..
وشايل هم الزول باقيلوا وكيل ..
سيبوا ملامك..
بالانجاز وريهم ردك..
كهرباء مافى وديمة بتقطع..
فى الحى السكنى ..
عندك برنامج زمنى..
تشهد بيهوا جرايد اليوم..
الفى كُتابا رميت اللوم..
أما المصنع ليهوا زمان ..
لا كهرباء فيهوا ولا انتاج..
من حقنا نسأل..
منك راجين الرد..
وين كهربتك ودوها..؟
وين الرد ..مروى السد..
قُبالوا سدود كانت تعمل..
صرفوا عليها وعلّوها..
وين بُرى ..؟
محطة بحرى القالوها..؟
قُصادا مصانع بالجملة..
واقفة عديل ..ما عادت تعمل..
مهما تزعل ..
حنظل نسأل..
وين سنار..؟
وين كهربة السد القلتوا زمان..؟
تكفينا وتكفى الجار..
طلعت بُخار..؟
الريح العاصف شالو وطار..؟
زى ما شال من قبلوا كتير..
الرد الرد..مهما تزعل..راجين الرد..

بلا أقنعة..
صحيفة الجريدة..
[email protected]


تعليقات 9 | إهداء 0 | زيارات 4936

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1395276 [زول خارج بلدي]
0.00/5 (0 صوت)

01-04-2016 07:34 AM
إن غلبك سدها وسع قدها – وما حدث للسد ينسحب أيضا على الاستثمار، فكم من إستثمار فشنك دخل البلد – حدثني زميل سعودي قائلا ما اذا تستفيدون من الاستثمار الاجنبي في بلدكم – والذي اعتبره استعمارا اجنبيا، فضرب مثلا في الاستثمار في محصول البرسيم، حيث قال أنهم كانوا يحشون البرسيم المزروع عندهم مرة في الشهر وبانتاج شحيح ، وأعرف الان من ذهبوا الى السودان واستثمروا في مجال زراعة وتصدير البرسيم واصبحو يحشونه ثلاث مرات في الشهر بانتاج غزير في أراضي زي الكبدة ويصدرون انتاجهم ويبيعونه بعملات اجنبية دون ان يستفيد أصحاب الحق.

[زول خارج بلدي]

#1395241 [خليل ابراهيم]
0.00/5 (0 صوت)

01-04-2016 05:21 AM
هل سمعت بكهرباء الفولة؟

[خليل ابراهيم]

#1395210 [المات رجاوء]
5.00/5 (1 صوت)

01-04-2016 12:55 AM
من خرج من داره نسئ هههههههه عذرا يا ليلي لكن انا ما كضاب بنفصل الشرق وناخد حقنا لانني ارباب ولو بالسيف

[المات رجاوء]

#1395174 [قساس فادي]
5.00/5 (1 صوت)

01-03-2016 09:01 PM
السد اتعمل يا استاذ وانخضفت تكلفة الكهرباء وتم تصدير الفائض الى خرابستان ودمارستان ... خليك متابع

[قساس فادي]

#1395037 [sidiqali]
0.00/5 (0 صوت)

01-03-2016 01:26 PM
ايه و الله راجين الرد و راجين السد

[sidiqali]

#1394944 [أنا سوداني انا]
3.50/5 (2 صوت)

01-03-2016 10:14 AM
سد النهضة!!! ههههااي

[أنا سوداني انا]

#1394763 [المات رجاوء]
3.50/5 (2 صوت)

01-03-2016 01:26 AM
نحن احفاد دقنه ناس موت رايكم شنو ههههههههههههههههه

[المات رجاوء]

ردود على المات رجاوء
[Lila Farah] 01-03-2016 02:56 PM
ههههههههههههههههههه
مالك نسيت وناكل النار ؟!!


#1394762 [المات رجاوء]
2.00/5 (1 صوت)

01-03-2016 01:26 AM
السد قاعد لكن ما للابد

[المات رجاوء]

زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة