المقالات
السياسة
ارشيف مقالات سياسية
الامن فى السودان نمر من ورق
الامن فى السودان نمر من ورق
10-30-2012 10:25 PM


الامن فى السودان نمر من ورق

هاجر جمال الدين
[email protected]

اسرائيل استباحة الاجواء السودانية بكل راحة عسكرية جديرة بالتسأولات المنطقية حول جدوى وجود الجيش وسلاح الجو السودانى من الاساس ؟ فجميع معطيات الاحداث والانتهاكات الاسرائلية لعزرية الاراضى السودانية تتم وفق نظرية ( عينك يا تاجر ) ، لكأنما ارض السودان بالنسبة لسلاح الجو الاسرائيلى ميدان للتدريب بالزخيرة الحية ، او مجرد فضاء عريض يشكل مساحة مناسبة تستوعب النفايات السامة التى تريد الصناعات العسكرية الاسرائلية التخلص منها ، مما يلقى بظلال من الشك الكثيف حول السياج الامنى المطلوب بالدرجة المعقولة لصد الخروقات من ايا كان ضد السودان ، فالواقع بنأ على عدد من المحاولات الاسرائلية الناجحة التى نفذة اهدافها داخل العمق السودانى بالاضافة الى بعض المراهقات الامنية التى تصدر احيانا بمستويات مقبولة من بعض دول الجوار وتشكل علامة عشرة على عشرة من النجاح المخابراتى الذى يفضح المستوى المهنى للقائمين على امر الامن السودانى ، خاصة اذا استذكرنا ايضا الاختراق الامنى المهول الذى قام به افراد حركة العدل والمساواة وحاولوا من خلاله اسقاط السلطة القائمة من داخل عرين الاسد كما يقول البعض ، فان ابعاد كل تلك الاحداث لا تعفى بالضرورة من تحميل عمق المسؤلية الى اولئك الذين انتحالا يدعون صفة رجال المخابرات الاكفاء ، فمثل هذه المواقف توضح بجلاء كبير انهم اكثر بعدا من حقيقة المفاهيم المخابراتية المتواكبة مع ضروريات المرحلة التاريخية الراهنة ، فهم متخلفون مئة عاما من سرعة دوران العلوم الامنية المتطورة ، ولا شك فى احسن الاحوال يتحصلون بالكاد على سيل المعلومات المخابراتية من المصادر المفتوحة اكثر من اعتمال زكاءهم فى الحصول عليها من خلف الابواب المغلقة ، فمهنة الامن بالنسبة لهم مجرد سيارات فخمة واوضاع اقتصادية مقبولة ، وعنتريات على الفاضى ضد المواطنين ، واستخدام سلبى عميق لمصطلح السلطات ، وسذاجة مخابراتية للدرجة التى لا ترى غضاضة فى استباحة شعوب شرق اسيا لمكاتب القيادة العامة ودخول مكتب وزير الدفاع وترتيب اوراقه المبعثرة على المنضدة فى ظل غيابه بحجة اعمال النظافة ، واحتلالهم بصورة مؤلمة لكل متر مربع داخل المبانى العسكرية الفخمة ، والرؤية الرشيدة للامنجية فى ذلك ان شعوب شرق اسيا شعوب تتضور جوعا ، وارخص فى العمالة من السودانين ، فبدلا ان توظف سودانى ليتقاضى ثلاثمائة جنيه بالقديم ، الافضل ان تستخدم بنغالى ليحصل على مئتين وخمسين لكى توفر للدولة خمسين جنيه فائضا عن ميذانية النظافة قصاد كل عامل نظافة ، فهنا تتجلى العبقرية الامنية فى المحافظة على المكتسبات الاقتصادية للدولة ، فى حين ان الاقتصاد اذا ما تعثر امام مهام المتطلبات الامنية واخز مسئولى المخابرات يتخزون من ترشيده زريعة ليخطبوا بها ود المسئول السياسى الكبير ، فأن جميع النظريات الامنية ستسقط سقوطا مدوى يلفت انتباه كل طامع الى اغتراب النهاية المؤلمة التى تضع مقاليد تلك السلطة على مزبلة التاريخ ، هذا من جانب اما من الجانب المهنى الصرف فالحق يقال ، انه ليس هناك جهاز مخابرات جدير بالثقة يمكن الائتمان عليه فى حماية حدود ووحدة التراب السودانى ، فمنذ الفجر الاول لثورة الانقاز كان المستوى المهنى لافراد الجهاز الامنى محل تسأولات كل الحادبين على مصلحة البلاد والعباد ، فعلى مدار اكثر من 23 عاما هى عمر الثورة لم يحققوا نتائج تحترم جدوى استمراريتهم كرجال يهتمون بالشأن الوطنى اكثر من اهتمامهم بتضخيم العضوية والتوسع الافقى الذى ارهق الدولة وشكل حجر عثرة امام المنهج المخابراتى كنوع من العلوم الدراسية التى تتطلب الموهبة فى الانضمام الى ثلة ممتهنيه ، فالكثير من هولا المنتحلين هم مجرد هواة لا يحسنون ادارة وئد الاسرار بدواخلهم فصدورهم تضيق بأبسط المعلومات السياسية والاجتماعية المهمة ، لذلك زيارة قصيرة لاقرب بائعة شاى حول محيط مكاتب تلك الاجهزة المخابراتية العريقة كما يصر منتسبيها على تسميتها فأنك بلا شك ستجد من المعلومات السرية مالا عينا رأت ولا ازنا سمعت ولا خطر على قلب بشر ، فبمجرد ان تسئل بائعة الشاى عن لماذا شكل الكوب مائل للاصفرار قليلا ؟ فسيتبرع لك من لم تطالبه بالاخبار ليسرد لكل بالتفاصيل المملة اننا فى جياد او فى اليرموك نصنع اكواب بيضاء صافية للشاربين افضل من هذا الكوب المستورد من الصين ، واننا قد بلغنا مرحلة الصناعات الثقيلة فى مجمع اليرموك الصناعى ، بعد ان تجاوزنا صناعة الدبابات والراجمات ، وسيحدثك عن الاسرار العسكرية العليا للدولة كما لم يتحدث به الصحفى المصرى مصطفى امين للمخابرات الامريكية ، وستجده اكثر رحابة صدر فى الرد على معرض التسأولات التى تسئلها عنها ، فهو على استعداد ان يفصح لك عن رتبته وعن المرتب الذى يتقاضاة واين يسكن ؟ ولماذا انتسب لهذه المؤسسة المتهالكة كما يدعى ، ويمكنه ايضا ان يسرد لك بالقائمة الطويلة طبيعة المشهد المهنى بالداخل وكيف يتم التعامل مع دورة المعلومة ، واماكن الضعف القيادى واين يكمن الخلل السياسى داخل الجهاز الامنى ، والكثير الكثير من المعلومات المفترض ان تكون سرية ويراها هو مجرد بيانات عادية ، لهذا اعتقد انه ليس بمستغربا ان يكون افراد جهاز امنى بهذا المستوى المهنى الواطى سبب مباشر فى زعزعة استقرار دولة فى قامة السودان.


تعليقات 13 | إهداء 0 | زيارات 3182

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#500265 [ودالحاج جابر]
0.00/5 (0 صوت)

11-01-2012 07:16 PM
تحليل منطقى وياريت لو يقرو السجم المسئولين عن الامن لو بعرفو يقرو اصلا . حتى كمان بذكر كان طلعت شائعه انو الخرطوم حانتضرب قبل قوات العدل والمساواه ما تحصل الخرطوم بفتره دى معناها فعلا انو الشى ديل لمن تجيهم معلومه يلكمو بيها الغاشى والماشى


#500175 [محمد أحمد الريح]
0.00/5 (0 صوت)

11-01-2012 04:55 PM
مادام من يقومون بالتدريس فى أكاديمية الأمن العليا من أمثال المجرم القاتل حسن ضحوى الشهير بحسن كيس فماذا تتوقعين؟؟؟؟؟؟


#499957 [Shanabooo]
0.00/5 (0 صوت)

11-01-2012 11:51 AM
الاستاذه هاجر لك التحيه . جزيتى واوفيتى . لذلك لابد من تقويم الاجهزه الامنيه ولا اقول جهاز الامن وحده فكل الشعب السودانى محتاج الى تربيه وطنيه خاصه الاطفال عسى ولعل ان يتشبعوا بها فى المستقبل . وا اسفاى من الامنجى وبتاع المباحث المظهر طبنجته عشان تعمل حسابك يازول


#499611 [كباريت]
0.00/5 (0 صوت)

10-31-2012 10:12 PM
الفكرة جميلة وحلوة والتحليل منطقي. يا جماعة يا شباب هناك ظاهرة ربما تستحق الدراسة وهي أن الكتابة بواسطة أو عبر (الكي بورد) لابد فيها من أخطاء حتى ولو راجعها الشخص عشرات المرات. أنها تختلف اختلافا كبيرا عن الكتابة على الورق. لا تلوموا هذه الكاتبةالشابة ولا تغتالوا شخصيتها أيها المعلقين ومن كان منكم (بلا خطأ فليرمها بحجر)، معظم التعليقات فيها أخطاء شائعة سواء كانت إملائية أو نحوية أو غيرها من الأخطاء وكلها تنسب إلى الكي بورد والعجلة المتناهية خصوصا للعاملين في الشركات من أمثالنا من الذين يسرقون لحظات للقراءة والتعليق. أختنا هاجر يجب أن تزيدك هذه الانتقادات المريرة إلا إصرارا على إكمال المشوار فأنت مشروع صحفي مبشر بالنجاح ونرجو أن تقيمي علاقات صداقة مع الأخوات: المهندسة/ رباح الصادق المهدي، والأستاذ/ منى أبو زيد للاستزادة من خبراتهن الصحفية البازرة وقدرتهن غير المحدودة على الصياغة كما أرجو أن تقرأي كثيراً للناقدة القديرة الأستاذة/ ليماء شمت التي يفصل بينك وبينها في هذا العدد الأستاذ/ نوح الخليفة لتعرفي الكيفية التي تتلاعب بها هذه الشابة باللغة العربية ومكنوناتها الخ..... عموما دعيني أشد على يدك وأشجعك على مواصلة المشوار مع الاستفادة مما يقوله البعض بقصد تدميرك وتحطيم مستقبلك الصحفي..... لقد غبرت قدميك في سبيل الله وخضبت يداك بمداد المعرفة في بلاط صاحبة الجلالة..........


#499466 [سوداني ودبلد]
5.00/5 (1 صوت)

10-31-2012 05:51 PM
بالله شوفوا الرطانة ديل قايلين الكاتبة دي اصولها عربية... هي حلفاوية.. أي واحد قام يدي في محاضرة.. اسه لو سألتهم ماهي حروف النصب وحروف الجزم وحروف الجر.. كلهم بيقولوا نحنا رطانة.. هجموا على البت دي حسد وحقد وحقارة وعدم شغلة.. ياخي دا موضوعها الداير يقرأها يقرأه والماداير يقرأها يقتم.. يعني انتو بتعرف العربي اكثر من اهله.. والما عاجبوا بالعربي يترجموا برطانتو ويفهموا ويغتم ويقرض على كدا..
بطلوا فلسفة وجهل.. هي بقت كاتبة وصارت تفهم وتسيغ مقالات وتتكلم في شأن. انتو مع شنو يا ناس قريعتي ما لقيتها.. الواحد يدوب لما يشوف فيكم تعليق الزي وشو دا نزل تحت مقال يعتقد نفسه أن نزلوا ليهو مقال في الراكوبة.. بالله شوف العالم الفاضية دي...

خلاص اي واحد يترجموا على رطانته ولهجتو.. مالك ومال العربي تكتب مجرور منصوب مرفوع.. دا العربي المسبب ليكم الزهايمر دا... ولا حاقدين على لون البنت دا


ردود على سوداني ودبلد
Saudi Arabia [سوداني ودبلد] 11-01-2012 11:30 AM
كدي يا الاسمك غضنفر انت مثلا يحقدوا عليك في شنو؟؟؟ حتى لو الواحد فكر يحقد عليك مثلا يحقد عليك في شنو؟؟ كدي عندك شنو انت شايف منك يحقدوك فيه!! يعني في واحد قبل كدا قال ليك انك عندك موهبة عصية على البشر وشايف انك الوحيد اللي بتتمتلكها،،، ولا أقول ليك على اظنك انو ناس الراكوبة نزلوا ليك مقال قبل هنا يا ......اقصد يا القضنفر (ممكن.. بعدين الاخطاء الأملائية يعني المقال انت لو بتفهم شوية عربي المقال دا منزل بكتابة يد ولا بالة (كيببورد) فالاخطاء واردة.. وبعدين بكريمات بزيت بجاز لو عندك رغبة تدخل في اللون دا ممكن تسوي ليك كريمات يا ......... اوكي نوم بدري عشان بكرة امتحان النحو والبلاغة يا بتاع الاخطاء الاملائية والنحوية

China [الغضنفر] 10-31-2012 07:28 PM
والله انت شايلة مع المعلقين ديل حقد ساكت منك ... عليك الله لون البنت الابيض دا غيرك انت ذكروا منو بالله لو مرضان امشي اتعالج وبعد داك تعال علق. الناس ببتتناقش في موضوع الاخطاء الاملائية والنحوية انت قاعد تعاين للون الابيض يا ............. والله الانقاذ ليها حق تحكمكم 23 سنة واكتر. ثم ثانيا ما بغشك اللون الابيض الفي الصورة دا كلو كريمات؟


#499397 [فرحان بمشروعى الحضارى]
0.00/5 (0 صوت)

10-31-2012 03:46 PM
أولاً أنا دنقلاوى فتغاضوا عن لغتى الركيكة رجاءً !! الكاتبة غاصت طفيفاً فى تلافيف أمننا المتهالك بلغة ركيكة كما أبان وشرح أكثركم ياسليلى بنى يعرب ,, فالسؤال هو هل لامست شغاف الحقيقة أم تجنت بهتاناً وإفكاً ( والصفة تتبع الموصوف حسب فهمى المتواضع للغتكم الصعبة لغة القرآن الكريم ) ؟؟؟؟؟؟؟؟؟؟؟؟؟؟؟؟؟؟؟


#499357 [TIGERSHARK]
0.00/5 (0 صوت)

10-31-2012 02:57 PM
مقال كلو حقائق, اخطاء وله ما اخطاء مابهمني كتير, العبو غيرا يا جداد النت...الجيم مكسوره بعدين


#499353 [وحيد]
0.00/5 (0 صوت)

10-31-2012 02:50 PM
اذا كانت النظرة الامنية قائمة فقط على تامين النظام الحاكم و ليس امن الوطن فماذا تنتظر من جهاز للحماية الشخصية؟ مفهوم الانقاذ للامن هو وجود جهاز يحمي السلطة و يدين بالولاء لقيادات السلطة و ليس للوطن، لذلك اقاموا جهاز للامن مهمته حماية النظام و مراقبة المعارضة و قمع المظاهرات و تكميم الافاوه و الرقابة على الصحف و مصادرتها و اغلاقها... مهمة جهاز الامن الحالي لا علاقة لها بامن الوطن، الكارثة ان الانقاذ و لانها فقط تريد حماية السلطة قامت بتعيين افراد الجهاز على اساس الانتماء الحزبي و في فترة من الفترات كان كل جبهة اسلامية هو عضو في الجهاز و بعد المفاصلة مع الترابي اصبح التعيين يتم على اساس الولاء القبلي، و لان مفهوم الامن اصبح للحماية الشخصية لسادة النظام و للسلطة الحاكمة فقد عملوا على ان يكون جهاز الامن مؤسسة عسكرية موازية للجيش و للشرطة من حيث العدد و التسليح، فاصبح جهاز الامن عبارة عن مليشيا عسكرية من الموالين موثوقي الولاء و من جهويات المتنفذين في السلطة و ذلك لحمايتهم حتى من الجيش و من الشرطة في حالة انحياز الجيش او الشرطة لخيارات الشعب. اما مسالة العمل الاستخباراتي و امن الوطن فذلك ما لا يهم الانقاذ و لا يهم الجهاز..


#499266 [المشتهى السخينه]
5.00/5 (1 صوت)

10-31-2012 01:13 PM
الاخوة المعلقين نحن السودانيين لسنا عرب . ولذلك لن نؤاخذ اى كاتب على اخطائه الاملائيه . الموضوع جهاز امننا فاااشل جدا فى عمله الاستخبارى . وهمهم الرئيسى المحافظة على كرسى الرئيس الخالد الدائم ابدا . ولذلك هم نشطون فى بيوت الاشباح الاسلاميه لاغتصاب النساء والرجال واذلالهم .هذه هى رسالتهم المقدسه .. اذا مات الرئيس مات الجهاز وماتت الدولة وماتت الامتيازات .


ردود على المشتهى السخينه
Saudi Arabia [سوداني ودبلد] 10-31-2012 05:42 PM
انت براحتك ما عربي ما عربي بجازك مالك ومال الناس الباقية؟؟؟!! تتكلم بلسانهم نحنا منو اللي اداك الحق دا يا ياالمشتهي التركينية


#499239 [الغضنفر]
5.00/5 (1 صوت)

10-31-2012 12:46 PM
مع احترامي للمعلقين لكن معظمهم بينتقد (وضح.. أبن... أفصح) في ملاحظاتو القيمة وانا شخصيا بتفق معاهو مية المية وبعتبرها نقد بناء في مصلحة الكاتب اي كاتب بغض النظر عن الاخت صاحبة المقال فانها تحتاج الي حبة تركيز في النحو والتفريق بين الذال والزاي فهذه اشياء مهمة واساسية في الصحفي. اما بالنسبة للمعلقين ارجو ان تكونوا جادين والابتعاد عن المجاملات التي تضر بالكاتب اولا ثم انتم ثانيا .. لا ادري كيف تحكمون يا ايها المعلقون .. فكيف بمجرد فهم الموضوع او ما يرمي له الكاتب يجعلنا نتغاضي عن هفواته الاخري .. هذه الهفوات قد تنفر كثير من القراء والابتعاد عما يكتب هذا الصحفي.


#499128 [Malcomx]
0.00/5 (0 صوت)

10-31-2012 10:55 AM
مدام الفكرة وصلت ليكم يبقى مافي داعي للفلسفة ... سبحان الله كلكم بقيتو نقاد هسي في اللحظة دي


#499001 [محب الأكواز .. !]
5.00/5 (2 صوت)

10-31-2012 04:37 AM
يابتـّنا أنا غايتو قريت لغاية ( فإن جميع النظريات الأمنية ستسقط سقوطاً مدوي يلفت إنتباه كل طامع الي اغتراب .. ! ) و بعد كده وقفت عشان ما قدرت استمر في المجاملة .. الفكرة مفهومة لكن اللغة تعبانة شديد .. يعني مثلاً في الجملة الوقفت فيها دي .. الصـِّفة تتبع الموصوف .. يبقي طالما كتبتي سقوطاًً أتوقع بعدها مدوياً .. بعدين اغتراب من غربة و انتي تقصدي أظنك اقتراب .. المهم لا بأس من المشاركة و لكن عليك بذل جهد يلمسه القارئ لأنو مستوي الكتابة يجذب القارئ أولاً و بعدين المضمون .. و لا شنو .. ؟


ردود على محب الأكواز .. !
Sudan [قفة] 10-31-2012 12:08 PM
كلامك صاح اللغة تعبانة شديد أخطاء لا حصر لها وأنا شخصياً بتتعبني الأخطاء اللغوية لن تدع القارئ يركز في الموضوع منذ اكتشاف أول خطأين. لا ندعي المعرفة الكبيرة ولكن هناك بعض الأشياء لا بد للكاتب من الاهتمام بها


#498872 [وضح.. أبن... أفصح]
5.00/5 (2 صوت)

10-30-2012 10:40 PM
والله يا بتنا نحن ديل الطلعنا (نمور) من ورق... إلا إنتي بس... إنتي نمر لكن ما من ورق.
يا بتنا عليك الخلقك حاولي شوية كده تجتهدي في اللغة العربية... وخاصة في التاء المفتوحة والتاء المقفولة (لأنك بالطريقةدي فتحتي لينا رأسنا ده)... وكمان بين الزاي والذال (لأنك بطريقتك البشوفها دي بهدلتيهم وطلعتي عينهم)... وكمان لو حاولتي تربطي ربط متسلسل ومحبوك بطريقة كويسة بين فقراتك وعباراتك بتكوني قطعتي شوط ما بطال في التجويد... لأنو بصراحة فكرتك مقبولة ومنطقية (وأنا قاصد هنا فكرة المقال)... لكن (التمريرات بتاعتك) كعبة... أخدي وأقرئ كلامي ده من منطلق (كلام الببكيك)وأعملي بيهو.


ردود على وضح.. أبن... أفصح
[وضح.. أبن... أفصح] 10-31-2012 12:40 PM
يا ناس (البينظرو لي كلامي الفات نظرة سلبية)... نحن ما انتقدنا الكاتبة في موضوع مقالها... بل بالعكس قلنا فكرتها (مقبولة ومنطقية)... وهي (بلا جدال) عندها أساسيات العمل الصحفي (مع إنو الكتابة المقالية شيء ما ساهل في العمل الصحفي)... لكن بصراحة هي ما وصلت لدرجة إنها تكون صحفية من ضمن كواكب (الراكوبة)... فبالجد هي لسة كاتبة (خااااام)... عايزة ليها كتير صقل وتجارب (واحتكاكات)... والتجويد شيء أساسي ومطلوب في كل النواحي صحفية أو غيرها... والناس (الدول المحتضرة!!!) ما وصلت للوصلت ليهو إلا بالحرص على التجويد... ونحن أحق منها بكده... (فأنا) بشوف رأئي في المقال ده (رأى صائب) مية في المية... وعلى الكاتبة (أن لا تهمله).

China [حاتم عبد اللطيف] 10-31-2012 11:36 AM
انتو الحاصل شنو؟؟ الناس دى (فجأتن) بقت كلها بتدرس عربى؟؟؟ و العجب ناس الإنجليزى.!!! المهم فى الموضوع اننا فهمنا المقصود و خلاص..بلاش فلسفة معاكم.

[سيبوىة] 10-31-2012 11:06 AM
يا شيخنا بالفصحى .. بالدارجى .. باللاتينى .. فقد أفصحت بنتنا عما بداخلها تجاه الافلاس الأمنى الذى نعيشه مع بحبوحة الأجهزة الامنية فى الفارغة و المليانة .. بينما عورتنا مكشوفة من سوق الناقة وحتى تلابيب .. ولسنا فى مقام الادغام والغنة و التجويد ..و ربنا يهدى الجميع .

Sudan [yasso] 10-31-2012 10:57 AM
* اولا اشكر الكاتبة على فكرة المقال
* اما انت يابن افصح فقد اصبت كبد الحقيقة - وهي ملاحظة طالما تضايق منها القراء ليست لهذه الكاتبة فحسب ولكن لكثيرين من الكتاب والمعلقين
* ولما كانت ( الراكوبة) هي الاستراحة التي نتفيأ ظلها في هذا الزمان الاغبر فارجو من القائمين عليها مراجعة وتصحيح ما ينشر مقالا كان ام تعليقا لمصلحة من كتب ومن يقرأ

[وضح.. أبن... أفصح] 10-31-2012 10:12 AM
يا أبو أحمد لو إنتا ضابح ليك كرامة (ساااااكت)... خروف بلدي ودعول... وعزمتني في بيتك على أكلة شية منها... وجبت لي الشية دي من ناحية محروقة... ومن ناحية تانية مطبوخة طبخ (ملكلك) وما مبهرة كويس... وجايبها لي في صحن شايلو في يدك... وأخيراً ختيتو لي فوق الواطة لا فرشة ولا بساط... لما تقول لي (اتفضل) هل بتفتكر يدي ح تتمد عليها؟... بالتأكيد نفسي ح تكون طلعت من شيتك ومن الأكل عموماً (ده إذا اتجاوزنا حاجات تانية ما لابعتك فيها)... فلحمتك مافي أطيب منها لكن كوجنتها بـ(التمريرات الكعبة)... فالوضع في المقال بتاع بتنا دي وفي المثال نفسو... فالكاتب البيهتم بالنواحي الفنية والعملية لمقالو ما بيترك أذهان الناس تنصرف عن جوهر موضوعو بسبب (الهفوات)الإملائية والتعبيرية والإنشائية... وفي حال اهتمامو بالجوانب دي بيفتح نفس القراء ويترك فيها الأثر الطيب لفتح أذهانهم وعقولهم لكلامو... وألا مو كده؟.

Sudan [هدهد] 10-31-2012 09:24 AM
يا شيخنا مدام الكلام واقعى ومنطقى فلا داعى للفلسفة نحن يهمنا رأى الشخص اما اذا كانت هنالك اخطاء نحوية وخلافه فهذا شأن آخر . المهم الفكرة وايصال الراى ومشكورة الف شكر الاستاذة هاجر . وصدقتى القول حيث ان الامن عندنا اصبح عبارة عن عربة فارهة ووضع اقتصادى مريح وسلطة وظلم للمواطن !!!!!!! هذا هو الحاصل الان فى بلدنا مجرد ان لبسوك قطعة كاكى واعطوك مسدس اصبحت انت حكومة داخل حكومة وآخر فساد وقهر للعباد وسلب اموال الناس بالقهر والظلم . ملعون ابوكم حكام وجبر الله كسرك يا وطنى هذا عهد الوريبضة فعلا فقد ذكرهم المصطفى ( ص ) فى الحديث الشريف فليتنعموا ويفسدوا كما شاءوا ولكل اجل كتاب .

China [الغضنفر] 10-31-2012 05:59 AM
Rply to Abu Ahmed
you are very strange man.. how can advice him to ignorance the the grammar and Arabic spelling? what the interest and important articles without grammatical and correct spelling? how can we concentrate on the concept and the articles very chaos and disorder.

Sudan [Abu Ahmed] 10-31-2012 01:36 AM
Let us concentrate on the concept and forget about the grammar and Arabic spelling


هاجر جمال الدين
هاجر جمال الدين

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة