المقالات
السياسة
ارشيف مقالات سياسية
الرئيس نميرى...فى... احلام البشير
الرئيس نميرى...فى... احلام البشير
11-03-2012 08:22 AM

الرئيس نميرى...فى... احلام البشير

منتصر نابلسى
[email protected]

ان يختار الشعب الحاكم او الرئيس الذى يتولى امره فهذا هو الامر الطبيعى ، فان كان صالحا كان الشعب هوصاحب الكلمة فى الاختيار، وهو الذى وضعه بمحض اختياره ،وفى هذه الحالة لينعم اهل الراى السديد بمشورتهم واختيارهم الصحيح وقد يكون – اى الشعب -عليهم نصيب كبير، من التبعات ان كان الرئيس فاسد، وجلب لهم الشقاء وعدم الاستقرار، واما ان يحكم شعب حاكم استلب الحكم استلابا ، واخذ الحق عنوة وتسلطا واغتصابا، ثم بعد ذلك كله اشبعهم من الظلم ماالله به عليم، وارســــــــل زبانيته بعيثون فى الارض فسادا وجحيم، ونكلوا بالناس واتعب حالهم ، وضيق عليهم ليكون مجلبة للشر والدمار، وتغيص العيش وزيادة الوبال، وفساد الاحوال فهنا تنقلب موازين المعادلة ، فـهو حاكم بامـر نفسه وعصابته ويكون خلعه هــــــو الواجب، الذى يحتمه العــــــــدل والمنطق ويحاسب عليه الشــعب نفسه ان امتـد حكمه وزاد ظلـمه......
لا نامت اعين الجيناء – نام البشير – وعلا الشخير ...وطارت به كوابيس اعماله وسوء افعاله .. وهو يعلم حاله... وهو بين احلامه .... راى فى منامه ... كانما نميرى امامه...فارتعشت اياديه وارتجفت قدامه.... وقال بصوت مرتجف:
- الرئيس ن نميرى؟؟
- مالك ياعمر بهدلت السودان كدا ؟
- انت زعلان منى ياريس؟
- انتو ما فى حد حى ولا ميت ما دعى عليكم خربتو البلد وهلكتم الناس؟
- تقصد انو البلد خربت فى عهدنا نحن؟
- انتو ايه انتو ما بتحسو ما بتشعروا خليتو شنو ياعمر التربية دمرتوها الاقتصاد سرقتوا بالعصابة المعاك الصحة بدون صحة العسكرية الصامدة الصادقة زعزعتوها كل شبر فى البلد خربتوهو انت متخيل البلد دى حقتك ولا حقت..... جريتا للدمار كـــــفايا مهازل يابشير..
- بالعكس الناس مبسوطة جدا ....وحالهم اتحسن نحن بناكل مما نزرع ونل.....
- لسه انت مصدق كضبك يابشير؟؟ الدولار وصل كم ؟؟ صادراتك شنو؟ الاسعار كل يوم زايدة .. امكانيات البلد ادمرت الناس ما لاقية تاكل. بقيت البلد شماته السودان بقى ملطشة فقد مكانتو بسببك !!!
- ضربة اليرموك دى تخطيط اسرائيلى نحن مستهدفين!!
- اليرموك براها كم من المرات السودان يضربوهو من الخارج وانت عامل فيها بطل... وليه السودان من دون الدول التانية يابشير؟؟
- لانو نحن نحن.....
- انتو خربتوها وقعدتو فى تلها داير تلعب بى ديلك مع ايران ياجربان وتعرض الناس للخطر وبانى المصنع وسط الاحياء... وين وزارة دفاعك التافهة.... ياضيعة الوزارة الكانت اسمها الدفاع
- انا عملت كبارى وحاجات وعملت ال....
- قسمت البلد اتخليت عنها رخيصة شاورت منو من الشعب لمن وقعت نيفاشا؟؟ انت اكبر مصيبة وقعت على راس السودان ولسه مصر على الاوهام والغش .
- كان لازم نقسمها اصلو امريكا ما ادتنا فرصة.
- امريكا لقت ليها رئيس رقاص... هجاص....سهل عليهم المهمة ... العاجبك شنو فى حالك المايل دا بترقص ليهو؟؟؟.
- اصلو الرقص دا .... انا اتعلمتو فى...
- فى المؤتمر الوطنى ياعمر ولا فى كافورى؟؟
- بس انا حكمت السودان 23 سنة يانميرى؟؟
- انت سرقت السودان 23سنة واكثر ياريتك لو ماحكمت يوم واحد ... انت يا.... مين اقنعك انك رئيس انت فطيس انت خسرت البلد 23 سنة يابشير ....
- البلد اصلها خربانة من زمنك وانا ببنى فى المشروع الحضارى
- برضك مصدق جعجعتك الفارغة قول المشروع الحمارى انت جيت ومعاك جماعة حرامية سرقوا البلد ونهبوا حقوق الناس ... البلد بسببك انتهت
- انت ما عارف انو مجلس الامن طالب يقبضنى تخيل قالوا انا مجرم حرب؟
- انت اكتر من مجرم حرب انت اجرمت فى حق السودان وفى حق الشعب وفى حق نفسك ودى نتيجة عمايلك الشينة... واساليبك الملتوية فضحتك والنهاية خلاص قربت صدقنى....
- انا اعمل شنو داير امشى من الحكومة دى لكن فى ناس ماسكين فينى...
- لو فى زول دايرك امكن تماسيحك المعاك ديل
( يرى البشير فى حلمه كان الارض قد ابتلعته وحوله جماعة يحملون السيوف يريدوا ان يقطعوا راسه ... وهو يصرخ .... راسى لا.... راسى لا..... مش الحــــكومة دى خليتا.. خليتا على الطلاق خليتا)


تعليقات 7 | إهداء 0 | زيارات 1822

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#501511 [kamy]
5.00/5 (1 صوت)

11-03-2012 03:05 PM
مقال سخيف لايستحف القراءة يصور النميرى كحاكم ديمقراطى شريف نظيف يأخى لاتضحك على عقول الناس بهذة
التفاهات فالنميرى لم يحكم قبل مائتى عام فشهود حكمة مازالو احياء والوثائق طازجة هو من بدأ
الفساد اول ماعرف الناس الدولار والمتاجرة بةفى عهدة لفد كان السودانين يحملون الجنية السودانى
فى جيبوبهم ويصرفونة فى جميع انحاء العالم النميرى اول من وضع مسمارا فى جسد الأقتصادى السودانى
وأول من حكم البلد أمقنيا ورحل الفلاشا فى عملية موسى والنميرى مارس القتل فى ابشع صورة اقرأ عن
بهاء الدين وخضر الشريف وشريف التهامى وغيرهم الكثير لقد طبقت الانقاذ كثيرا من اساليب نميرى
فى طريقة حكمها السائد الان


#501487 [سملتود]
2.00/5 (1 صوت)

11-03-2012 02:33 PM
رحم الله الرئيس نميرى كان رئيس له كارزمه وكان له حضور قوى جدا فى المحافل المحليه والاقليميه والدوليه وكان السودانى عريز جدا وله هيبه فى دول المهجر وقف على قبره شخصان قال الاول للثانى وين بيت نميرى قال الثانى ماعنده يادوب لقى اهو ده واشار للقبر سبحان الله


#501275 [كاره الكيزان]
5.00/5 (1 صوت)

11-03-2012 10:46 AM
وهل نميري هو الرئيس العفيف النظيف الذي حكم السودان والم يسرق هو ومن معه ومقولة ابو القاسم الشهيرة (في عهد مايو دا الغنى غنى والما غنى اركب هنا )واشار بالسبابة ولم دري ان هنالك مجرمين اقوي واعتى منهم .كم من عدد المواطنين الذين قتلهم نميري ؟؟؟؟ كم قتل في الجزيرة ابا ؟؟؟في ود نوباوي؟؟؟ جنوب السودان ؟؟؟كلهم ظلمه ابناء قحاب ..حاقدين على هذا الشعب ...ويبدو ان النابلسي ينتمي الى حزب فاطمة عبدالحمود


#501242 [awad]
5.00/5 (1 صوت)

11-03-2012 10:26 AM
ده أحلامه دائما فزع وخوف وأرتعاش ,اكيد مابنوم ألا بفاليوم وقاتل الروح مابستريح وتأتيه الكوابيس أنما حل فكم من الملايين قد قتل حتى رفقاءه ماسلموا منه بالله كيف ينوم. نميرى رغم أختلافى وأختلاف الكثيرين معه لكنه كان أرحم من البشير,نميرى لم يفرط فى شبر وعمل بعض البنية الأساسية ولم يكن حرامى وحتى الذين حوله لم تكن الا قلة قليلة ومعروفة فى اللهط والسرقة,أما الخنزير البشير فهو رأس الأفعى التى لهطت وسرقت وأخوانه وعشيرته وكل الحواليه ومؤتمره الوطنى وأرزقيته سلرقوا كل شىء وماخلوا حاجه, ده غير كابوس فاتو المنتظراه فى اللفه. يارب تحقق لينا نحن الشعب الغلبان ده حلمنا بأن يتم القبض على مجرم الجنايات الدولية وبقية عصبته وأرجاع كل ما نهب وترجع الديمقراطية الرشيدة التى يحكم فيها الشعب والفانون هو الفيصل بين الحاكم والمحكومين والمواطنة لكل الأعراق والتساوى فى الحقوق والواجبات.


#501188 [هدهد]
5.00/5 (2 صوت)

11-03-2012 08:51 AM
الانسان الذى يحلم بأخطائه هو الرجل الذى له ضمير يؤنبه لكن امثال هذا الراقص السارق قوت شعبه لن ولم يحلم بمثل هذه الاحلام الروحانية . هذا يحلم بأنه يملك عقارات وشركات فى ماليزيا والخرطوم ويحلم بأنه اعدم اربعين من معارضيه وانه انتصر على ثورة الشعب بعد تعذيبهم ووو ... وهلما جر .


منتصر نابلسى
منتصر نابلسى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة