المقالات
الشعر
أسماء الجنيد
احلقوا دقونكم والبسوا الرحاطة
احلقوا دقونكم والبسوا الرحاطة
11-04-2012 11:55 PM

احلقوا دقونكم والبسوا الرحاطة

أسماء الجنيد
somy_moon@hotmail.com

احلقوا دقونكم والبسوا الرحاطة
افشل حكومة مرت على السودان في كل العهود السابقة،وحكام اشرف منهم كل نساء بلادي الحرائر.
ناقصاكم الرحاطة للرقيص ، مامعروفين بي شيء غيره!واحلقوا دقونكم البترقصوا بيها في الفارغة ومقدودةو تتاجروا بيها في الدين وتتراجلوا بيها على الحريم.
فضايحكم كل يوم بتتمدد بالعرض والطول,وخيابتكم وصمةعار في جبين الوطن الجريح’ محسوبين علي السودان ومشوهين سمعته
بعمائلكم السوداء البتشبهكم براكم !!
السوداني الحر الأصيل بريء منكم براءة الذئب من دم يوسف...
الزميلة سمية هندوسة كاتبة لا يشق لها غبار,عرت النظام الكسيح بقولة الحق وبقلمها الجريء’ لم ولن تهاب في قولةالحق لومة لائم, زلزل قلمهاالمصادم خفافيش الظلام في قصورهم وهزتهم عباراتها الصادقة القوية وجعلتهم يرجفون تحت لحفاتهم , وبلا خجلة يرسلون مناديبهم القذرة للإنتقام منها ورفيقاتها اللآئي انجبتهن حواء السودان , رضعن في حكور لم تعرف غيرالصبر والعزيمة وتوسدنا شرفهن الذي حافظن عليه بالروح والدم رغم كيد الظلمة وجبروت حكام الغفلة ,,,
كالعادة لم تخيبوا ظننا فيكم يا ناهبي السلطة ليللا.. وتحكرتوا في سدة الحكم بخج الإنتخابات والتزوير’ لم ننتخبكم ولم يختاركم ابناء الوطن .
ردكم دائما بالضراع والعنترية وفي الضلام, وعنتريتكم دائما على النساء الحراير!!!
خيبتكم عمت الداخل والخارج , فلاحتكم ما ظهرت ليه وقت الحارة ؟؟ ليه ما رديتو وإتعنترتوا لما جوكم الرجال وهبتوكم في محلكم؟
مااتحشرتوا في جحوركم وفرفرة ما قدرتو فرفرتوها !.
لابدين في القصور الإغتصبتوا حقها عنوة من عرق ودم المطحونين.
ما عندكم غير حلاقيمكم الماكنة تصرحوا بيها كذبا وبهتانا من خلف الجدران, زيكم زي الجرذان..
مجندين ليكم شوية صعاليق بي قروش البلد المنهوبة وفاكنها زي الكلاب السعرانة في الشعب الساكت عليكم ومتحمل كل مصايبكم!!
سكات الناس خلاكم تتمادوا وتطاولوا على الضعفاء و النساء والقصر!!
الموجع المبكي , كل يوم نصبح ونمسى على جريمة اكبر من القبلها ولسه الناس نائمة نومة اهل الكهف!!!
الحصل لي أختنا سمية وغيرها من حرائر البلد المظلوم 23 سنة.
الحصل حجر الدموع في المآقي ومزق كل القلوب البتحس , ويحرق جوف اي رجل له ذرة نخوة وشهامة.
ويقوم ألف وألف ثورة لكن هيهات !!!!!
والمؤلم حقا إنه ما زال حاصل لي عشرات الحرائر على مسمع ومرأى الجميع !!
اختنا جليلة خميس المناضلة الجسورة الصبورة المظلومة من حكومة الذل والهوان عيدين محرومة من اسرتها خلف القضبان!
مسجونة ظلم وجبروت من عصابة إتخصصت في إذلال شعبها واتفننت في ظلم وتعذيب الحرائر!!!
لن تسكتنا عمائلكم وخيباتكم ولن نهادن ولن تهيبنا جعجعتكم ورجالتكم الهشة .
لا نملك غير إرادتنا القوية من الله سبحانه وتعالى وحبنا للوطن ولأهلنا الكرام، وعزيمتنا وإصرارنا وأقلامنا التي تأكدنا تماما إنها كالسيوف في رقابكم،وكالخناجر في قلوبكم الضعيفة .
حسبي الله ونعم الوكيل عليكم جميعا ,, يمهل ولا يهمل ,,,

متاوقة
سؤال للرجال الفضلوا في بلادي.. ماذا تنتظرون ؟ ان تذبح بناتكم ونسائكم كالشياه امامكم ؟؟؟
لايكرمهن إلا كريم ولا يهينهن إلا لئيم......



تعليقات 28 | إهداء 4 | زيارات 5242

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#513550 [مهيرة بت عبود]
0.00/5 (0 صوت)

11-17-2012 01:14 AM
ليه الاسلوب دا ياعزيزتي اسلوب غير جميل اطلاقاهذا اولا .
ثانيا الا ترين انك قللت من قدرالمرأة في جملتك"،وحكام اشرف منهم كل نساء بلادي الحرائر".


#503810 [Mohd]
0.00/5 (0 صوت)

11-06-2012 09:44 AM
والله كلامك صح

حتى الشعب داير رحاطة

ودي فكرة استثمار جيدة تخيلي تعملي مصنع صغير يبيع له اكثر من عشرين مليون رحط ويصدر عشرين مليون لبره

لقد اسمعتي لو ناديتي حيا ولكن لا حياة لمن تنادي

لقد نجح هؤلاء القرود في تمزيق ضمير المواطن السوداني واصبح لا يميز بين الصحيح والخطأ والادهى انه اصبح اجبن شعب في العالم
بلده تسرق وتباع لكل من هب ودب وتحتل من الجيران وهو يتفرج
ابنائه وبناته في بيوت الاشباح وهو يتفرج


#503802 [abubakrmusa]
0.00/5 (0 صوت)

11-06-2012 09:37 AM
دائماً لغتك ركيكه قائمه علي الشتائم يا اختي ارتقي الوطنيه


#503763 [العمدة]
0.00/5 (0 صوت)

11-06-2012 09:12 AM
مقال ضعيف وهايف وكل المعلقين من خارج السودان وأدعوهم للمعارضة من الداخل وما يجعجعوا في الفارغ ساكت


#503613 [ودابوك]
0.00/5 (0 صوت)

11-06-2012 01:54 AM
سؤال للرجال الفضلوا في بلادي.. ماذا تنتظرون ؟ ان تذبح بناتكم ونسائكم كالشياه امامكم ؟؟؟
لايكرمهن إلا كريم ولا يهينهن إلا لئيم......

الكريمه اسماء الجنيد
يبدوا اننا( رجال بلادك) في انتظار الاسواء من الذبح


#503519 [أبوبسملة الجعلى]
5.00/5 (1 صوت)

11-05-2012 10:48 PM
لله درك ووالديك ايتها الاصيلة بنت الجنيد والتحية عبرك لكل مناضلات بلادى والحقيقةأن العيب قينا نحن الذين صبرنا على ارذل الخلق واهونهم على الله , سبحان الله تقول اولاد حرام كلهم زى بعضهم غطرسة وسطحية وقلة ادب وفاقد تربوى واخلاقى وسرقة وخيانةونفاق وقريييييب جدا وأقرب ممايتوقعون ستتزلزل تحت اقدامهم الارض حسبنا الله عليهم ونعم الوكيل


#503227 [zoal]
5.00/5 (2 صوت)

11-05-2012 04:21 PM
الاخت اسماء مين قال ليك انو ديل رجال؟ هم انفسهم مقتنعين انهم ناقصين رجوله بل لا علاقه لهم بالرجوله لا من قريب او من بعيد، و يكفي صيت كبيرهم الذي علمهم السحر و تاريخه الاسود في حنتوب (و مراحيض داخليات حنتوب).


#503218 [سوداني ون]
0.00/5 (0 صوت)

11-05-2012 04:15 PM
تقولو الكلام الفاضي يجو يظبطوكم تقولو عوووووووووووووك


#503093 [الفنجري]
0.00/5 (0 صوت)

11-05-2012 01:55 PM
أسد على وفي الحروب نعامة!!


#503060 [hamed]
0.00/5 (0 صوت)

11-05-2012 01:21 PM
لكم التحية أخوات مهيرة ... كل يوم تثبتون أنكم أبطال ... تتصدون للظلم والجبروت ... وعصابة الاجرام تستهدفكم ... بدأت التايه مشوركم ... وعوضية ختمته والآن سمية زينته ... أنا فخور بكم ولكم اتمنى أن أفديكم بروحي .... لكم التحية والاجلال يا بنات السودان ...


#502992 [جملون]
5.00/5 (1 صوت)

11-05-2012 12:04 PM
يا اسماء من ناحية الدقون والله حالقنها من زمان اما الرحاطه دى كان لبسناها البقطعا منو ؟


#502986 [مسلم غيور]
1.00/5 (1 صوت)

11-05-2012 11:59 AM
تسلم البطن الجابتك يا بت الجنيد والله كلامك ده ريحني راحة لانه ده الكلام البدور بخاطر كل سوداني اصيل وحر وقلبوا على الوطن ...وابشرك النهاية السعيدة ستكون قريبا وقريبا جدا..وابشري بالخير البلد ما زالت مليانة بالرجال الغيورين على بلادهم ونسائهم وان غدا لنظره قريب ..بس شوية صبر وربك يمهل ولا يهمل ...


#502898 [الضرس]
0.00/5 (0 صوت)

11-05-2012 10:52 AM
ياسلام ياسلام ايتها البطله سناء الجنيد وياسلام على حرائر السودان مقال بالجد عاوز رجال لكن حرائر السودان الان هم المناضلات مع اخوانهم حاملى السلاح بالجبهه الثوريه والشباب بالداخل ليس الاحزاب الخربه وقياداتها الحقيره امثال الصادق والميرغنى والاخرين من احزاب الكرتون لكم التحيه حرائر بلدى وشباب بلدى القابض على الجمر


#502860 [awad]
5.00/5 (3 صوت)

11-05-2012 10:12 AM
صدقتى يابنت الجنيد فالرحاطة لا يلبسها ألا نحن الرجال لأننا سكتنا وتقوقعنا فى داخل الكهوف ننظر ولانرى نسمع أنات المعذبين فى بيوت الأشباح ونشيح وجوهنا عنهم خوفا من أن يصلنا صوت الجلاد,لمتى الأنتظار بنى شعبى حتى تساق كل حرائرنا للجلاد ليفعل فيها مايشاء ونحن صامتون , هبوا من ثباتكم وشدوا على زنودكم وزلزلوا الأرض تحت أقدام نازيى هذا الوطن لا بد من أن نتحرك سريعا لأقتلاعهم وتقديم كل ما أقترفت يداه فى حق هذا البلد وحق بنيه.


#502849 [حمد النيل]
0.00/5 (0 صوت)

11-05-2012 10:04 AM
سلمت يداك ويراعك يا أسماء، كلماتك صواعق تحرق الاعداء والاحباب معا!؟ تحجرت دموعي في العيون ولم تنهمر.. فأين نحن وحرائر السودان يسومهن سوء العذاب اشباه الرجال الراقصين في الباردة والهاربين بأذيال الخيبة والعويل والخنى ساعة الحارة، كلما دكتحصونهم صواريخ بني اسرائيل، يستأسدون على أخواتهم يلهبون اجسادهن بسياط الذل والانكسار.
يا لخيبتنا نحن
نحن جيل الموت بالمجان جيل الصدقات
طحنتنا في المنابر حرب الكلمات
والطواويس التي تختال في ساحات موت الكبرياء
ومقالات الذيول الادعياء


#502798 [ام خالد]
1.00/5 (1 صوت)

11-05-2012 09:12 AM
مهما يكن ايتها الاخت الكاتبة لايمكن ان ندعوا الرجال(للبس الرحاطة وحلق الذقون) فمهما يكن من تقصير من ناحيتهم فهم رجال ولا ارضى لرجال بلدي بان ينادو نساء مهما كان ذلك ( عيب) ياسماء


ردود على ام خالد
Sudan [صبري فخري] 11-05-2012 12:30 PM
الأم مدرسة اذا أعددتها أعدت شعبا طيب الأعراق

وقال سيدنا أبوبكر رضي الله عنه عجزت النساء أن يلدن مثل خالد

نعم هنالك اشراقات ولكن سبب تأخر الثورة وميوعة الشباب وتدهور الاخلاق هو التفلير السطحي من قبل نسائنا وفتياتنا .. فالمرأة هي التى تصنع الرجال ولكن للأسف المرأة السودانية هي سبب الفساد ودونك شارع النيل


#502766 [هبة على احمد]
1.00/5 (1 صوت)

11-05-2012 08:35 AM
دة مقال ليك مستواك متدنى جدا عشان كدة الناس ديل حاكمنك مواضيعك هايفة جدا حاولى صلحى من مستواك شوية


ردود على هبة على احمد
[هنادى] 11-05-2012 03:55 PM
حرام عليك يا هند .. يظهر عليك أول مرة تقرأى لبنت الجنيد .. و دخلتى غلط .. ربنا يهديك و أرجعى لارشيفها بالراكوبة وأكيد سوف تغيرى رأيك لان هذا هو أسلوبها فى الكتابة باسلوب السهل الممتنع و مخاطبة كل العقول بالبادية و الحضر ..

Saudi Arabia [Abu Areej] 11-05-2012 02:56 PM
هذا هو رأيك اختي هبة ولكن بعض المعلقين لا يفرقون بين الرأي وفرض الرأي ولذلك يلجأون الي الشتائم والسب ..

الواجب احترام الرأي مهما كان انتماء الشخص .. اعجب حقيقة لمن يصفون كل من يخالفهم الرأي بالارتزاق والانتماء الى الحكومة وكلام من هذا القبيل ..

المفترض من الكاتب المقيمة بجمهورية مصر العربية ان تنتقد ومن حقها ان تناضل ولكن يجب التحري في اختيار الالفاظ وان كانت استفزازية .. وعجبني حقيقة احد المعلقين حين قال ان لبسنا الرحاطة فمن الذي يقطعها؟؟؟

ليس كل ما يكتب يمكن تصديقه..

اخيراً نأمل ان يستجيب (الرجال الفضلو كما قلتي) لسؤالك لهم .. وان ينصروك

Saudi Arabia [أبو ناهد] 11-05-2012 01:27 PM
يا هبة هداك الله قولي خيرا أو أصمتي، الأخت أسماء مناضلة يحرقها ما يجدث في بلادها من قبل عصابة الدمار الوطني، وأنتي تنتقديها ؟؟؟؟؟

أن كنت من المسترزقين والمنتفعين من هذا النظام البغيض فأعملي أن الله يرى ويمهل ولا يهمل وأن كل مال حرام سوف يضرم النار في أعشائك يوم لا ينلع مال ولا بنون.

Sudan [agrain] 11-05-2012 12:31 PM
انت حاسدة وحاقدة .. والما تلحقوا جدعوا..

Saudi Arabia [سودانى وبس] 11-05-2012 11:27 AM
هبة ، خافى الله واحترمى نفسك ، لو ما قادرة تحترمى امرأة شجاعة مهمومة بحب الوطن ، ومتيمة للعدل والمساواة .

Saudi Arabia [خالد برعي] 11-05-2012 10:29 AM
حرام عليك يا هبة ؟ ! راجعي موقفك . الكاتبة علي حق واسلوبهابلغة الغبش المحببه لدي الكثير من جماهير شعبنا الحبيب ارجوك راجعي موقفك اتمني لو اصبحت كل نساء بلدي الحبيب مثلها وفي رجاحة عقلها .
مع احترامي وتقديري


#502761 [ahmmed]
0.00/5 (0 صوت)

11-05-2012 08:26 AM
يابت ابوي صبرا
وباكر مناك بتم
فرح الفريق بيك
وغنوة التمتم
وبنده اناديك
ياجليلة فزعك الم
ياطيبة ياطاهرة
مسجونة شان الحلم
ياحالمة بي وطنا
فيهو الغبش تتلم
اسكت رصاص الموت
فرح الغلابة اتم
ياجليلة جلادك
خايف اجي قصادك
مرعوب من الفكرة
انو الجميع هابك
لابعتي لي صوتك
شغالة لي حسابك
لابوك من جابك
لي الارض لي ترابك
انت الجلال حابك
وانت السماح والنور
هدايا في ركابك
تسلم جليلة اخي
لا سرقة لا في غي
عشق الوطن ساكن
في جوف جليلة الحي


#502754 [أم ابوها]
0.00/5 (0 صوت)

11-05-2012 08:15 AM
حليل رجالنا الماتوا فى كوش و كررى ..


#502744 [هدهد]
5.00/5 (1 صوت)

11-05-2012 08:04 AM
نعم لايكرمهن الا كريم ولا يهينهن الا لئيم فقد تجلت هذه المعانى فى ظل حكم هذه العصابة القذرة فلن نرى طيلة عمرنا حكومة وطنية ولا حتى الاستعماريةة تجلد النساء والبنات باسم الدين !!! سبحان الله تجلد النساء والبنات بحجة انهن غير مستقيمات فى حين ينهب ثرواتنا الوطن الاخوان الشياطين ولا احد يقول شيئا بالله عليكم من هو اخطر ضررا واشد فتكا باقتصاد هذا الوطن عاهرة فى سوق الرزيلة ام وزير فى حكومة التجار هذه .واللخ لو حكمنا فجر القوم وعدلوا بيننا افضل منكم يا حكام السلطة والثروة . لم نسمع بقاموس تقسيم ثروة وسلطة فى وطن واحد الا فى عهد هؤلاء الخنازير لعنة الله عليهم .


#502729 [عصمتووف]
0.00/5 (0 صوت)

11-05-2012 07:05 AM
الرحاطه ساتره هنا الرجاله اسم فقط ماشين أم فكو ماتوا زمان وحاليا كل واحد بقول ياروحي لو منتظره ضوء في نهاية المصرف الصحي هاكي شنبي العزيز انتفي


#502676 [القرم تفاحة ابل]
5.00/5 (1 صوت)

11-05-2012 02:59 AM
متاوقة
سؤال للرجال الفضلوا في بلادي , ماذا تنتظرون ؟ ان تذبح بناتكم ونسائكم كالشياه امامكم ؟؟؟ الرجال الفضلوا في السودان زادوهم موية


#502670 [alx]
5.00/5 (1 صوت)

11-05-2012 02:31 AM
ما قصرت تب و الله يالاصيلة و مقالك دا لو بكره دي ما تور الناس غايتو العافيه تبراهاالسلامة يبقي خلاص ما في فايدة و رجال الشعب هم اليلبس الرحاطة يحلقو الدقون و يجهزو الحفر


#502662 [عاشق النامير]
0.00/5 (0 صوت)

11-05-2012 01:59 AM
اين الكاتب الصادق الرزيقى وما موقفه من هذا الحدث ؟
كلى امل ان يجاوب فى عاموده الراتب والا فعليه ترك الكتابه و حمل السلاح او الرحط


#502649 [واحد زهجان]
0.00/5 (0 صوت)

11-05-2012 01:08 AM
الكاتبة المحترمة
تحياتي
انتي عضو في منبر سودانيزأونلاين والخبر المنشور عن حلق شعر الصحفية سمية هندوسة ذكروا فيه ان مدير وحدة الجهاد الالكتروني وهو شخصية معروفة عندكم في المنبر ليه سكتوا عليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.
انتي وكل أعضاء سودان يزناونلاين استغربنا انكم قريتوا الخبر ومريتوا على حكاية مدير الجهاد الالكتروتني دي وعملتوا فيها نائمين
هذا الجبن هو الضيع الحقوق وخلى شرزمة النظام يعملوا الحاجات دي.


#502644 [اسامه التكينه]
0.00/5 (0 صوت)

11-05-2012 12:50 AM
والله يا اسماء حسستينا بإننا فعلا ما رجال ولو كنا رجال ما كان الكيزان اتحكًروا فوق رؤوسنا قرابة الربع قرن .
ليك حق في كل كلمة كتبتيها ، لكن أوعدك وعد رجال إنو زمن الخلاص اقرب مما تتصوري ويومها الحساب ح يكون ولد وحق هندوسه وغيرها من المظاليم ما ح يروح هدر


ردود على اسامه التكينه
Sudan [هدهد] 11-06-2012 12:02 AM
الدقون راحت مع الرجال يا سوما والرحاتة بقت للرجال والنساء . الرحاتة اصبحت الزى الرسمى لأحزابنا التعيسة . سود الله وجوه زعمائها الجبناء .


#502643 [بت أمدرمان]
0.00/5 (0 صوت)

11-05-2012 12:50 AM
الله ينصر دينك يا أخت أسماء والله كلامك دة يخليك ب 100 راجل سودانى و 1000 راجل من رجال الحكومة. الله يغطى عليك يا بت أمى


ردود على بت أمدرمان
Qatar [مندكورو] 11-05-2012 10:59 AM
ما لكن حربيات كده


#502630 [انالا]
1.00/5 (1 صوت)

11-05-2012 12:20 AM
وانتى شوهتى ناس الامن العرفك شنو امكن دقت نفسها براها وحلقت شعرهابراها ورمت نفسها فى مكان مهجور براها اى حاجه عاوزين ترموها فى ناس الامن -لازم يرفعوا عليك قضيه اشانه سمعه -


ردود على انالا
Saudi Arabia [بكره الظلم] 11-05-2012 11:53 AM
( انالا ) ، معرفة الحقيقة بسيطة وسهلة ، ناس الأمن يفتحوا بلاغ ضدها ، وبعدها الاجراءات القانونية تتخذ مجراها الطبيعى ، وفى النهاية سيظهر الحق وسيزهق الباطل . وكده زى وزيك رح يثقوا فى جهاز الأمن الوطنى ، وسنشعر بالأمن ونشارك معآ فى التنمية . رجل الأمن زى الدكتور والمهندس والمدرس و ... إذا احترم مهنته سيجد الآحترام والتقدير ، فّاذا مارس البلطجة فهو حقير ومنبوذ .


أسماء الجنيد
أسماء الجنيد

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة