المقالات
السياسة
ارشيف مقالات سياسية
البشير..بعد كل ذلك تجد من يدافع عنه
البشير..بعد كل ذلك تجد من يدافع عنه
11-08-2012 12:58 PM

البشير..بعد كل ذلك تجد من يدافع عنه

سامي الصائغ
[email protected]

دائما مايردد بعض اصدقائي في ليالي السمر اذا ما تطرقنا علي الوضع في السودان عن ان البشير (زول طيب..او مسكين..او بسيط..كل البلاوي دي من جماعتوا وهو ما عندو ذنب او ماعندوا علم) ويقول بعض منهم (هو الانسب.. او منو البديل.. او كل مايقال عنه لانه لايريد الخضوع لامريكا..او الحاصل استهداف اسرائيلي.. او .......)

اليس هو من يعين و يقيل دون اعتبار ودون احترام حتي للدستور الذي وضعه هو و افراد عصابته .. مثال بسيط علي ذلك تعيين الولاه بعد الانتخابات .. بعد ان يتم انتخاب مالك عقار واليا للنيل الازرق , تمرد ودخل الغابه , بصرف النظر عن ان مالك عقار علي حق او علي باطل .. تم تعيين واليا اخر من قبل البشير دون الرجوع لمواد الدستور , الم يكن بالدستور ماده تحدد البديل للوالي اذا تمرد او مرض او توفي .. اذا كان بها فلماذا يتدخل البشير و يعين واليا بديلا واذا لم يكن بالدستور ماده تحدد ذلك فاي دسنور ذلك الدستور (علي الارض السلام) .. كذلك الامر بالنسبه لوالي الشماليه الذي توفي في حادث حركه (رحمه الله) ..

اليس هو من تدخل و اوقف التحقيق مع بعض مجرمي مؤتمره الوطني كما حدث في التحقيق مع هارون في قضيه درارفور .. هذا من ماهو معلوم لدينا وكم من المرات تدخل دون علم الاعلام المنتمي او غير النتمي لسيادته .. والاجهزه الامنيه تركت خاله يتحدث ويكتب ويتشم من يشاء دون رقيب او حسيب و صحيفته لسان حاله هي الصحيفه الوحيده التي لاتصادر او تحجب الي ان اجج النعرات القبليه التي يتفتت منها السودان اليوم .. كل ذلك فقط لان مؤهله الوحيد انه خال البشير .. لكان السودان ملك خاص به وكأننا عبيد له ولاهله .. بعض اهله وقبيلته نفسها تعاني من مما نعاني فهم قوم كرام واصيلين لكنهم ابتليوا به ..

الم يسكت عن تصفيه الابرياء في مجزره بورتسودان و كجبار .. مرت سنين طويله ونحن ننتظر نتيجه التحقيقات في مجازر بوتسودان وكجبار املين (مجرد امل بسيط جدا) في ان يتم فقط او علي الاقل مسأله من نفزوا هذه المجازر لنعرف من اعطاهم الاوامر بالقتل اهو اسامه عبدالله ام عمر البشير ام شخص اخر ام ان العساكر اطلقوا النار للتسليه او للتدريب .. ياتري وهل معقول ان يضحي عمر البشير بقوميات كامله من اجل حمايه احد لا والف لا انا شخصيا اتهمه هو مباشرتا بان اعطي الاوامر بناء علي معلومات مغلوطه من اسامه عبدالله باطلاق النار في في كجبار مثلا .. لذلك هو لايريد للعداله ان تاخز مجراها ..

اما عن فساد المالي لاخوته و احدي زوجاته و وزرائه و اعوانه واعوان اعوانه وماحدث لمن تم اعتقاله في الماضي البعيد والقريب واستمرار هذا المسلسل الغير منتهي في كثير .. يعلم بها القاصي والداني .. ما ان يعتلي منبر الا وتجده يكيل السب واللعن لقبيله ما وما ان ينتهي من خطبته الاوتجد نيران وحروبا اشتعلت ولايرعوي ويكرر فعلته مرات ومرات حتي اعتقدت بان الله ارسل لنا هذا البشير عقوبه لنا لذنب اقترفناه .. حاولت جاهدا ان اقنع نفسي بان اعزره في تصرفاته وايجاد المبررات ففشلت لان مافعله ولاذال يفعله فوق حد التخيل ..... وما لانعرفه افظع واتمني ان لا اعرف المزيد لانني لن احتمل .... لابد من ايقاف هذا الرجل ..

بما ان البشير له بعض الصلاحيات في التعيين و الاقاله , وايضا يقيل و يعين احيانا دون اعتبار للدستور كان يمكن له ان يحسم الكثير من الامور لكنه لم يفعل .. عليه فهو لايصلح ان يكون رئيسا للسودان ..

بعد كل ذلك تجد من يدافع عنه .. من البسطاء لا اريد ان اقول (الجهلاء) ..



تعليقات 4 | إهداء 0 | زيارات 1486

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#506627 [مواطن]
0.00/5 (0 صوت)

11-08-2012 11:56 PM
للكاتب المصري الراحل يوسف السباعي رواية بعنوان ( أرض النفاق ) .
في رأييي أن هذا العنوان ينطبق على السودان ..


#506431 [الشعب الفضل]
0.00/5 (0 صوت)

11-08-2012 06:35 PM
نكتة
في جماعة من دول مختلفة بتفاخروا بابطالهم الاول عندنا واحد بدون ساقين وكان هداف كاس العالم والثاني قال عندنا واحد بدون ذراعين وينسج الجاد في خمسة دقائق ..... والمهم كل واحد قال العنده ولما جاء الدور للسوداني قال نحن عندنا احسن رئيس في العالم يحكم الدولةو ما عنده مخ


ردود على الشعب الفضل
Sudan [سامي الصائغ] 11-09-2012 05:15 PM
شكرا كثير علي تعليقك اللطيف
في احدي زيارات البشير لوادي حلفا .. اجتمع اعيان البلد لوضع خطط وبرامج الضيافه .. اقترح احدهم ان تكون الهديه مصحف جميل ومزركش ويغلف بطرقه جميله .. اعترض كل الحضور قائلين له (البشير بالذات لايفترض ان يهدي مصحفا) .. فكروا في البديله واستقر رايهم علي نموذج خشبي جميل .. تم الامر كما خططوا عليه سألهم البشير مازحا كأنه علم ما دار في شأن المصحف (انا امشي في اي حته بدوني هديه مصحف .. دي اول مره الهديه تكون مختلفه) .. رد عليه احدهم عاجلا (نحن قلنا انك عندك مصاحف كتيره .. اصلوا حتعمل بيها شنوا .. عشان كده نحن اخترنا هديه تانيه) ...

Norway [سايكو] 11-09-2012 07:16 AM
و الله صدقت دا لا عنده مخ لا عنده قلب ، جلد و شحم .


#506347 [خالد حسن]
5.00/5 (1 صوت)

11-08-2012 04:26 PM
يا ود الصايغ كلام البشير طيب
وقلبه ابيض وماعارف شنو والمشاكل الحاصله دي ممن هم حوله
ده كلام مابقوله الاغبي او يفترض فينا الغباء لنصدق هذا الهُراء
البشير ده لمن ركب دبابته وقلبها كان في زول شايل ليه سوط
ولالمن خج الانتخابات وزورها كان في زول شايل ليه سوط
ولمن وقع علي اعدام شهداء 28 رمضان ومجدي وجرجس كان في زول شايل ليه سوط
البشير العزل عراب النظام وشيخه وسجنه غالبه يتخلص من بطانته الفاسده دي
لو هو زول طيب وعلي نياته كما يقول الاغبياء !
البشير لو هو ماعارف الحاصل حوله وممن يعينهم المقعده شنو !
ولو عدم معرفته بتعفيه من المساءله يوم القيامه نحن عافينه
لكنها لن تعفيه .. لانه راعي والراعي مسئول عن رعيته


#506183 [man2]
4.00/5 (4 صوت)

11-08-2012 01:45 PM
هو غير الجهلاء السذج ديل الطلع ابو اهلنا شنو

لكن لانعفى النخب فهى من تسهم فى تنوير السذج بحقوقهم

لكن الادهى والامر فى السودان ان كل جاهل عامل فيها شيطان انو مؤتمر بطنى شان احمى مصالحه ومصالح اهله

حتى يئسنا من التغيير لكنه قريب قريب


سامي الصائغ
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة