المقالات
السياسة
ارشيف مقالات سياسية
الحكومة تشجعنا لخروج ( الشـارع )
الحكومة تشجعنا لخروج ( الشـارع )
11-11-2012 07:45 PM


الحكومة تشجعنا لخروج ( الشــــــــــــــــــــــــــــارع )

محمد حسن بوشي
[email protected]

......................................................................
غايتو كل يوم وكل ساعه تمرو بأكدو لي انو نظام الانقاذ اصبح اللقب المناسب معاهو هو ؛ النظام السابق ؛
انا متأكد انو في ناس حيقولو لي انت متفائل شديد ؛ ايوه بالجد انا متفائل جدا ومتاكد تماما انو كل الحسابات الموضوعيه بتأكد انو النظام عمرو انتهي ؛ مافي زول بقدر ينكر
انو المجتمع وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات ؛واكيد كلنا ملاحظين مثلا للزول الكان قبل سنتين ماشغال بالسياسه ولا بالوطن كيف سياسات النظام والجوع والغلاء والعطاله خلتو يتفاعل مع القضيه الوطنيه ؛ يعني النظام اجتهد في هذا الجيل ايما اجتهاد عشان يفرغو من محتواهو وبالمقابل بالغ النظام في تجاهل عقل الشعب واكثر في عدم احترام مشاعره و اهانة كرامته ؛؛ بس اكيد ا
لشي لما يزيد عن حدو بنقلب ضدو ؛؛ مش كده ؟؟
اذن معا من اجل الخروج للشوارع والعمل من علي اقتلاع نظام الفقر والجوع والمرض من جزوره ..

فيا شباب الشعب هيا ؛؛
وانطلق ياموكبي ؛
وارفع الصوتا قويا ؛؛
عاش صوت الشعبي ؛؛

بوشي


تعليقات 14 | إهداء 0 | زيارات 2615

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#509925 [جراداي في سروال]
0.00/5 (0 صوت)

11-12-2012 05:56 PM
مرمي الله ما بترفع


#509842 [العيكجو]
0.00/5 (0 صوت)

11-12-2012 04:10 PM
نحنا ماشايفين اي حاجة الكلام دا ماكلام زول ساكن الحاج يوسف !وين المظاهرات وين المواكب وين الاعتصامات وين العصيان المدني !قوم بلا لمة خلينا من حركات اركان النقاش البسقط النظام وتشكل الحكومة الانتقالية جوه الركن !نفتح التلفزيون نلقي استقبل الرئيس واستقبل النائب الاول واستقبل جورج واستقبل معيط وزعيط


#509724 [ahmed]
0.00/5 (0 صوت)

11-12-2012 02:09 PM
عاش الشعب والموت للكيزان


#509660 [osman]
0.00/5 (0 صوت)

11-12-2012 01:14 PM
من في الداخل هو من يسقط النظام وليس من هو في فنادق الارتزاق .


#509244 [العنقالي]
5.00/5 (3 صوت)

11-12-2012 08:04 AM
حاول يابوشى تكتب حاجات افيد من التعليقات بتاعة البرجوازية دى
الكلام عن سقوط النظام كأنوا حيطة قديمة تتداعى بفعل الزمن اصبح مستهلك , خلونا نتكلم عن من سيسقط النظام؟ ولماذا لم يسقط النظام سابقا؟ كشباب حروج خرجنا, تعذيب واتعذينا , خذلان واتخذلنا
حلونا نسقط اولا مايسمى بالقوى الوطنية من احزاب الغفلة وطلائع الاستعمار اللى هى فى الحقيقة جزء من النظام طالما بتعمل فى ظلو وبتشارك معهو ومعترفة بيهو


#509199 [ود قلبا]
5.00/5 (2 صوت)

11-12-2012 04:45 AM
( وخاصه المجتمع الشبابي فيهو تغيرات كبيره وتحولات في المفاهيم وطريقة التفكير والاهتمامات )اوافقك الراى ولكن للاسواء وخاصة الفئة العمرية ما بين 18 الى 25 . الناظر لهذه الفئة الهامة لايرى الا انحلالا وميوعة لا ينكرها الا مكابر . صبغ وفلفلة الشعر وصنفرة ومسوح ولبس ذلك البنطال السافر (السستم) وكذلك التى شيرتات الضيقة (ادينى حقنة) اما الاهتمامات تنحصر فى متابعة الفيس بوك وريال مدريد وبرشلونة والامبراطور واخبار حفلاته واخر صيحات الموضة . لااتحامل على هذه الفئة ولكنه واقع معاش لايستثنى منه الا من رحم ربى . الصحابى الجليل اسامة بن ذيد (حب رسول الله ) قام المصطفي عليه صلوات الله وسلامه بتعينه قائدا للجيش الغازى لامبراطورية الروم وهو دون ال20 من العمر . ليت شبابنا يدركون ويعون ونسال الله الهداية للجميع


ردود على ود قلبا
United States [Zingar] 11-12-2012 06:26 PM
الليله جبت الكلام الكبار كبار ده من وين...والله من جوه قلبى أهنيك على هذا التعليق المليان وفى صميم الصميم كمان.


#509195 [عثمان خلف الله]
0.00/5 (0 صوت)

11-12-2012 04:33 AM
يلا نحنا وراك


#509176 [سايكو]
0.00/5 (0 صوت)

11-12-2012 03:07 AM
كلام صاح يا بوشي النظام في اضعف حالاته و صراع مراكز القوي في الحزب مولع نار و في ناس زي علي عثمان ممكن يشاركوا في اسقاط النظام حتي و هم عارفين انهم بنتحروا لكن من شده ما حاقدين و قلوبهم سوداء ربنا عما بصيرتهم ، لكن السبب الاول البخليني متأكد من قرب سقوط النظام انه البشير فقد التعاطف الشعبي السادخ و السند القبلي او الجهوي يعني البشير بقي حايم (امفكو) ساي ، و الثوره لو ما وجدت ترحيب من كل فئات الشعب و خصوصا طائفته او عرقيته ما حتنجح بسهوله ، و الغالب البلد حتنجر للحرب و اكبر مثال العلويين في سوزيا لحدي الان بشار ما سقط بسببهم لكن حيسقط و نهايته حتكون شنيعه و طائفته حتتحمل معاه تبعات اعماله ، علي العموم نجاح الثوره السلميه في السودان مؤكد لكن بحتاج لعمل كبير و تضحيات حقيقيه ، و البشير ما عنده اي سند حاليا و بقي زي الزول الكان بعوم في البحر و وقع منه الخاتم بتاعه ، و بعد 23 سنه كان بياكل في سمك و سبحان الله لما فتح السمكه ما لقي الخاتم .


#509165 [محمد حسن بوشي]
0.00/5 (0 صوت)

11-12-2012 02:26 AM
لكم التحيه والتقدير والاحترام
ولنعمل جميعا لاسقاط هذا النظام الفاشي


#509081 [يسقط البشير!]
0.00/5 (0 صوت)

11-11-2012 11:27 PM
فعلا النظام فى الواقع انتهى ومنذ مدة منذ ان اتخذ كل وزير ومركز قوى مليشيات مسلحة خاصة بقبيلته وجعل وزارته او مؤسسته ضيعة خاصة للوزير واسرته وقبيلته


#508991 [كنى]
0.00/5 (0 صوت)

11-11-2012 09:58 PM
ياريت ؟اسويها الله يااخوى لو انى مقتنع ما تعمله الا الصدفه البحته المهم ما بعيد (انا محبط حبه)


ردود على كنى
Netherlands [سايكو] 11-12-2012 08:50 AM
تفاءلوا بالخير تجدوه ، ما تحبط يا صاحبي في امل


#508946 [الزُول الكَانْ سَمِحْ]
5.00/5 (1 صوت)

11-11-2012 08:45 PM
يا باشمهندس

المصيبة إنو الناس فى البلد دى ماعارف حصل ليها شنو؟؟زى المنومين مغنطيسياً.حاجة تحير!!!


#508943 [الجعلي الأحمق]
0.00/5 (0 صوت)

11-11-2012 08:38 PM
والله يا أخ بوشي كلامك صاح والنظام أصبح ميت دماغياً لكننا خائفين تكون زي ميتت شارون تطول بدون فائدة


#508928 [عصمتووف]
5.00/5 (3 صوت)

11-11-2012 08:05 PM
الشعبي يا تو


محمد حسن بوشي
محمد حسن بوشي

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة