المقالات
السياسة
ارشيف مقالات سياسية
قصيدة: يا اكتوبر الممكون سلام
قصيدة: يا اكتوبر الممكون سلام
11-12-2012 08:21 AM

( يا أكتوبر الممكون سلام )

صديق عبد الجبار ابوفواز
sddg_taha@yahoo.com

يا وطن هداه الأنين
و يا دمعة غاطيها العشم ...
ومتوسطة العبرات سنين
من شدة الخوف والألم ...
***
يا أفق مسدود
بي سطوة الأساطير والوهم ...
ويا طريق موشح
بي جراح مليانة هم ...
***
لمتين نشيلك في عيونا
ونبطل الاهات والندم ؟
وكيفن نختك في قلوبنا
ونخلي مشوار العدم ؟
***
سكتنا طالت يا عزيز
منتظرة من يرفع قدم
كل الصفات الحلوة فيك
من فارس شديد
لي تاني موفور الكرم
***
وين المواكب والمتاريس ؟
وين الهتافات
ضد المظالم ومن ظلم ؟
وين سيرتنا بين الناس !
نهد الباغي
بي خرطوشه
أو كان بي قلم !
***
يا أكتوبر الممكون ..
سلام !
والجايات روابح ..
نابتة من مليون سهم
فياضات مراكب النيل
دافرات عديل ..
رافعات علم !
***
انت البهينك ما اتولد ... !
وانت البعزك ؛
مليان علم ..
ومليان فهم ..
انت الأصيل ؛
انت المعتق ..
بالمصابيح والنغم !



"ابوفواز" أكتوبر 2012م


تعليقات 0 | إهداء 0 | زيارات 870

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




صديق عبد الجبار ابوفواز
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة