كلمات متقاطعة
11-12-2012 11:19 AM

كلمات متقاطعة

الفاتح جبرا
[email protected]


أفقى:

1- إسم مستوصف يخرج منه المريض سليماً (ما تتعب روحك) - من وسائل الدفاع الجوي (غير الدفاع بالنظر) – تجدها في (سواطير)
2- يأخذها شرطي المرور (قيمة المخالفة يا وحشين) - يمكن شراؤة بالأقساط (غير الخروف) - إقتربت ذكراها السنوية .
3- تستغرق صيانته سنتان ونصف - – قضية ناااامت (غير الأقطان) - لم يسافر رحلة نيلية منذ شرائه -
4- تدفع للمستوصف قبل معالجة المريض – عملة لم توجد ضمن العملات التى سرقت من منزل المسئول – (نغششك ليها .. الشيكل .. الشيكل) !
5- ريئس حزب تجاوز الثمانين (وعايز يحكم تاااني) – من مؤهلات مذيعاتنا (غير الحناء المنقوشة) – إسم لدواء غير مغشوش
6- مسئول تصريحاتو لا تفقع المرارة (صعبة لكن حاول) - مسئول متزوج من زوجة واحدة (دي إلا تخليها فاضية) – يفصلون الفتوى تفصيلا
7- تمتلئ بالحفر والمطبات– يأتي كل عام فجأة – تقوم بالإغارة وهي طافية نور
8- لا يسمح بالتصديق بها مهما تكون سلمية – إرتفعت نسبة متعاطيها من الشباب - تتناقص قيمته كل يوم (غير المرتب)
9- إختفي من صينية الطعام - وصل سعر الكيلو منه 60 ألفاً - لا توجد إحصائيات بأعدادهم
10- إسم يطلق على شارع (الخرطوم – مدني) – معدن نصدر منه 100 طن سنوياً لكنه لا يدخل الميزانية - كلف علاجها 33 ألف دولار من مال الشعب
11- ليس لها لون ولا طعم ولا رائحة (طبعن ما ممكن تكون الموية العندنا) - يعلمها المال السايب - شعيرة أفتوا بجواز الإستدانة للقيام بها
12- عاصمة عربية لا توجد بها مواصلات عامة – صفة لمن يخرج من حزبه لينضم للحزب الحاكم - يرمونهم في (الكوشة) لتنهشهم الكلاب الضالة
13- خدمة لا تدفع عليها رسوم (فتش إحتمال تلاقي) – إسم جامعة تمنح الدكتوراة لمن يدفع – إنتشرت لحومها في الايام الأخيرة
14- يحتفظ في ادراجه بملفات كتيرة (وبس) – يطالبون بزيادة مخصصاتهم بين الحين والآخر – النوم العميق
15- مشروع زراعي أسس قبل أكثر من عشرين سنة ولم ينتج (بصلة) حتى الآن – بلد يطبق الشريعة ويسعى لسن دستور إسلامي (أيه الحلاوة دي؟)

رأسى :

1- بلد أوروبي يذهب إليه المسئولون من أجل الإستشفاء – سبب هروب المستثمرين) – مساحة المدينة الرياضية (بعد الشرتمة)
2- حكم الزنا في نهار رمضان - يدفعها المواطن صاغراً - صاحب تصريح (أرجعوا أكلوا كسرة)
3- برنامج تلفزيوني يشدك لحضوره (دي دقني لو لقيت) – مرض يصيب الجيوب – يقضي الموظف في تناوله ساعتين (غير الفطور)
4- رسوم تجديدها 150 ألف جنيه (بخلاف رخصة القبادة) – تجدها في (ماكينة لحام) – تستنشقه في السوق المركزي (خلاف غاز النشادر)
5- عكس (البكور) – هيئة يوجد بها فساد (غير الحج والعمرة) – بمعنى (عارف)
6- إستراحة محارب (مبعثرة) – عملية يقصد بها وضع المال العام (على جنبه) – البلدوزر (مبعثرة)
7- أكثر فعل يقوم به النائم البرلماني – حق الرد (مبعثرة شديد) – ماكينات (معطلة) لصرف النقود -
8- من أدوات النصب (غير الزبيبة) – وجه الشبه بين الدلالية والبنك – السنة التي تم فيها تصنيع طائرة الانتينوف
9- يقضي فيه الخريج جل وقته (خلاف الضل) – الإسم الأول للنائب المثير للجدل – الإسم الأجنبي للواقي الذكري
10- جريمة عقوبتها غير رادعة (غير الإغتصاب) – لم نر لها أي اثر في المجتمع مع أنها تأخذ من الغني لتعطى للفقير - وزير يعمل بالبيزنيس (ما مهم أي واحد وخلاس)
11- نهضة لا ترى بالعين المجردة (غير النهضة الزراعية) – يتم عقد قرانهم في مسجد الشهيد و سيدة سنهوري – ما ينقص كرة القدم السودانية (غير اللاعب والجمهور والمدرب والملاعب والإدارة)
12- وباء قامت مؤخراًوزارة الصحة بالتحذير بالتحدث عنه – من اهم وظائف شرطة المرور (غير الكشات) – بمعنى (هرمنا)
13- الما بتشوفو في بيت أبوك - إسم هيئة لا يوجد مثيل لها إلا فى السودان (خلاف الذكر والذاكرين) – يتعاطاه المواطن يومياً (غير الصبر)
14- المنتج السوداني الأول (غير الكلام) – خبراتنا (مبعثرة) – أولوياتنا (معكوسة)
15- إسم الشهرة للمثل المصري (أحمد سعد) - طويل التيلة (الله يرحمو) – إسم من أسماء يوم القيامة (لو متذكرنو) – لحس الكوع (مبعثرة)

كسرة :
أرسل الحل لتفوز بجائزة قيمة عبارة فهامة (صينية) ... تصريح واحد و(تبوظ) !!

كسرة ثابتة :
أخبار ملف خط هيثرو العند النائب العام شنو(ووو ووووو ووو)؟ - قريباً الإحتفال بالذكرى السنوية -




تعليقات 35 | إهداء 4 | زيارات 7967

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#511016 [عاشق النامير]
5.00/5 (1 صوت)

11-14-2012 12:26 AM
حسه دى حقت الفيل و لا حقتك


#510972 [بت أمدرمان]
5.00/5 (2 صوت)

11-13-2012 10:55 PM
لعمرى أنت أذكى من مشى على الأرض. لك التحية أستاذ الأساتذة


#510809 [متقريف بالحيل]
5.00/5 (1 صوت)

11-13-2012 05:38 PM
النوع ده بتلم فيه وين ؟


ردود على متقريف بالحيل
Saudi Arabia [قهران] 11-13-2012 08:43 PM
اكد لي واحد انو ما بستعمل خااااااااااااااااااالص
تصور.......


#510689 [النون الساكن]
5.00/5 (3 صوت)

11-13-2012 02:50 PM
غايتو ياجبرا حكاية احمد سعد دي بالغت فوكها جنس بوليغ...اما المنتج السوداني غير الكلام طبعا دا الاحتفاظ بحق الرد...هههههه


#510633 [ود الخليفة]
5.00/5 (2 صوت)

11-13-2012 01:45 PM
والله يا أستاذ الفاتح انت من واحد من الاشياء الجميلة و البقت قلييييييييييييييلة جدددددا في السودان , ربنا يخليك و يديك الصحة و العافية


#510605 [عبدالواحد المستغرب أيما إستغراب!!]
5.00/5 (2 صوت)

11-13-2012 01:16 PM
المقاله دى بالذات نشرتها وين ياجبره ؟ ما ظنيتم وافقوا على نشرها فى الصحف المحليه الممعنه فى محليتها (أنا لا أقصد المحليات إياها طبعن!!) الكلام ده كبير خالص وأكبر من قاعدتهم!! و الناس العاملين مفتحين ديل قطع شك جلسوا عليه (فطابق شن طبقه)!!عيييك..عيييك ..أصحوا يا جماعة الخير الكلام دخل حوشكم وإنتو ما جايبين خبر وجبرا بيقول ليكم إياكم أعنى وأسمعوا يا أهل الحى، وعلى كل حال كلمات متقاطعه جات فى وقتها و يجب أن تطبع وتوزع على نواب المجلس الوطنى لكى يملوا بيها فراغم وينهمكوا فى حلها بدل القعاد ساكت أو الانهماك فى تعذيبنا ووأدنا قبل يومنا و يسرنى أن أنقل إليكم وعلى مسئولية (هيئة علماء السودان) أن اليد العاطله نجسه رواه(الطرطشانى) وأيده فى ذلك عموم (المطاريش)!!وعلى الاقل حتى (تحللوا) جايه من (المال الحلال)أحسن تتفهم غلط!!وأنا أقصد المرتبات والامتيازات البياخدوها على قلبهم دون وازع من ضمير إنشاء الله ما تنفعهم وتبقى ليهم نار حار على جتتهم!!. (هذه نسخه معدله) اخوكم فى الله عبد الواحد.





















المال الحلال) المرتبات والامتيازات البتاخدوها على قلبكم من بغير وازع من ضمير !!.


#510564 [أبوأسامة المهاجر]
5.00/5 (1 صوت)

11-13-2012 12:20 PM
والله رهيب ياجبرة الحلول في الإبريق


#510531 [abaaas]
5.00/5 (1 صوت)

11-13-2012 11:53 AM
15- إسم الشهرة للمثل المصري (أحمد سعد)


دي قوية...


#510489 [سودانى وبس]
0.00/5 (0 صوت)

11-13-2012 11:15 AM
15- إسم الشهرة للممثل المصرى أحمد سعد: عبد الرحيم محمد حسين ( المحارب المستريح دايما)


#510449 [عبدالواحد المستغرب أيما إستغراب!!]
0.00/5 (0 صوت)

11-13-2012 10:37 AM
المقاله دى بالذات نشرة وين ياجبره ؟ ما ظنيتم وافقوا على نشرها فى الصحف المحليه الممعنه فى محليتها (أنا لا أقصد المحليات إياها طبعن!!) الكلام ده كبير خالص وأكبر من قاعدتهم!! و الناس العاملين مفتحين ديل قطع شك جلسوا عليه و(طابق شن طبقه)!!عيييك..عيييك ..أصحوا يا جماعة الخير الكلام دخل حوشكم وإنتو ما جايبين خبر وجبرا بيقول ليكم إياكم أعنى وأسمعوا يا أهل الحى، وعلى كل حال كلمات متقاطعه جات فى وقتها و يجب أن تطبع وتوزع على نواب المجلس الوطنى لكى يملوا فراغهم فى حلها بدل القعاد الساكت وننقل لكم على مسئولية (هيئة علماء السودان) أن اليد العاطله نجسه رواه(الطرطشانى)!!وعلى الاقل حتى (تحللوا)من (حلال) المرتبات والامتيازات البتاخدوها على قلبكم من غير وازع او ضمير !!.


#510317 [دهشان]
5.00/5 (1 صوت)

11-13-2012 08:41 AM
دستور يا سيادى
بضبحوهو في العيد وبيقول بااااااع
ده شنو؟؟!!!!


ردود على دهشان
[عبدالواحد المستغرب أيما إستغراب!!] 11-13-2012 10:39 AM
امانا عليك تقطع إضنيك يا دهشان ده ما (السوسيوه؟)!!...جيب الجائزه يا جبان .


#510238 [wedhamid]
5.00/5 (1 صوت)

11-13-2012 02:09 AM
يا جبره نسيت .........متوسط دخل الفرد فى السودان بالدولار ......


#510167 [المنصور]
5.00/5 (2 صوت)

11-12-2012 11:39 PM
لورسلت ليك الحل
وطلع صاح
مابتقدر تقول صاح
ولابتقدر تجيب الجايزة
صاح وللا ماصاح


#510107 [أبو الغيث]
5.00/5 (1 صوت)

11-12-2012 10:12 PM
الله يديك العافية


#510091 [هجم النمر]
5.00/5 (6 صوت)

11-12-2012 09:53 PM
والله يا أستاذ كل يوم تؤكد أنك تمتلك ناصية الأدب الساخر وأنك تستغل هذه الموهبة الأدبية العالية والخيال الخصب من أجل الحق والخير لامتنا المغلوبة على أمرها .. وفقك الله ومتعك بالصحة والعافية وأنت تقول ما يعجز الكثير مننا من قوله ... دائماً مبدع يا رائع وتأكد إنك داخل قلب كل سوداني ود بلد ..


#510073 [عبدالله]
4.50/5 (2 صوت)

11-12-2012 09:27 PM
الشيكل دا باقي فكة ليفتني
هههههاهاهاهههههههاهاهاهك هاهههآآآآآآآآآحي


#510046 [صادميم]
4.88/5 (4 صوت)

11-12-2012 08:46 PM
والله نمرة 14 رأسي دي في الصميم فعلاً خبراتنا مبعثرة واولوياتنا معكوسة وما عندنا غير الكلام


#509997 [awad]
5.00/5 (2 صوت)

11-12-2012 07:30 PM
ياود جبرة أظنك قنعت من خيرا فيهاوبقيت تدخل فى الغريق لكن صدقنى لدغك ده أب درق مابقدر عليه.أنت وأنا والملايين الزينا قنعنا من خير الدنيا دى وطز فى حكومة المؤتمر الوثنى ونهبشهم فى محل بوجعهم وماعندنا شىء غير رويحتنا دى لكن المحيرنى الناس ديل جلدهم تخين الهبش ده كلووووو ما مؤثر فيهم ولا بحسوا والله دمهم تقيل على الاخر.واصل أبداعك وبقيت لينا متنفس يخلينا نضحك.بس يجازى محنك ياجبرة أبداع. أبداع .ابداع.


#509992 [تنجل]
4.94/5 (5 صوت)

11-12-2012 07:23 PM
من وسائل الدفاع الجوي (غير الدفاع بالنظر)؟ الشرك


#509984 [تنجل]
4.00/5 (2 صوت)

11-12-2012 07:10 PM
ربنايحفظك أستاذناجبرا.ملكةأدبيةعاليةوخيال خصب!


#509886 [مهاب الفاتح]
5.00/5 (2 صوت)

11-12-2012 04:58 PM
افقى دخل القش وماقال كش غير الظل ملفات وقضايا صور شاردة اسم للدولار واسم اعجمى


#509857 [رجاء]
4.50/5 (3 صوت)

11-12-2012 04:26 PM
من مؤهلات مذيعاتنا (غير الحناء المنقوشة) جربت اجابه اظهارالاصابع الناعمه و الضغط علي اليدين بطرقه..... و.......عند الكلام بس لم اجد الكلمه المناسبه

"عملة لم وجد ضمن العملات التى سرقت من منزل المسئول" لاول وهله افتكرتها السودانيه طلتعت الشيكل


#509854 [القرم تفاحة ابل]
5.00/5 (4 صوت)

11-12-2012 04:20 PM
ممنوع تقطع الكبري تمشي عل ثلاثة اساتك ==== رئيس دولة ممنوع يقطع البحر الابيض المتوسط


#509828 [سودانية]
5.00/5 (3 صوت)

11-12-2012 04:00 PM
وقفن فى بورتسودان وقالن للسعودية كش ملك0000


#509713 [Malcomx]
3.00/5 (1 صوت)

11-12-2012 02:02 PM
لك كل التحية والاحترام ايها المبدع ...


#509707 [ابن حلايب]
5.00/5 (2 صوت)

11-12-2012 01:59 PM
10 - طبلة ولد الطبلة و زير الماليه كلفت 33 الف دولار فى امريكا . آه يا زمن !


#509658 [hussein]
3.00/5 (1 صوت)

11-12-2012 01:13 PM
عايزين الحل ؟


#509643 [NASRELDEEN ALI]
4.75/5 (5 صوت)

11-12-2012 01:02 PM
ابداع وفلسفة عميقة
حبيناك من قلوبنا واخترناك يا حلو صحفيا لنا ( الواطين الجمر) وبقية الصحفيين بعاد منك كتير
ولو أن بعضهم فيه شوية رقشة ( لمعة ) وبعضهم داخل ( الرالى ) بى ( رقشة )


#509631 [الجغريو]
5.00/5 (1 صوت)

11-12-2012 12:48 PM
حيجى يوم حتكون مقالات الاستاذ جبرة كلها كسر ثابته


#509619 [مفجوع]
4.00/5 (2 صوت)

11-12-2012 12:40 PM
أنا غايتو عرفتلك تأتي للغارة وهي طافية الأنوار ...؟
طائرة كوستاريكا ...
وكمان وهيئة يوجد بها فساد ..؟
هيئة ديوان الزكاة .. وهاكي دي زيادة .. هيئة الذكر والذاكرين ...


#509567 [الزوُل الكَان سَمِحْ]
5.00/5 (1 صوت)

11-12-2012 12:12 PM
حاجة نتناولها فى الوجبات ( غير الكِسرة)( سى دى ) مبعثرة

عكس (الرادار)..نقبض بيهو الفيران

حاجة تدل على السفير ( غير البعرة )

حشاش بى دقينتو ( معارض ) يتحدث قليلا

بقرة تدر الحليب بإستمرار..جف ضرعها..( خارج السودان )


#509561 [ربش]
3.00/5 (1 صوت)

11-12-2012 12:05 PM
أستاذ جبره لك التحية و الإحترام ... كفيت ووفيت ... دي الأورام الخبيثة التي زرعها نظام الأبالسة و تجار الدين في جسد هذا الوطن الغالي . و عليه لابد من عودة الطبيب الألماني لأخذ العينة أو أن يسافر الوطن لألمانيا مع العلم أننا لانخشي النتن ياهو و لا غيرو .


#509555 [sugar]
5.00/5 (2 صوت)

11-12-2012 12:01 PM
اليلة كان اتعشيت في بيتكم نحن بكرة بنمرق الشارع- قال احمد سعد قال


#509534 [zahi]
0.00/5 (0 صوت)

11-12-2012 11:51 AM
نمره اربعه افقي دي غلط يا استاذ ... الاجابه الجنيه السوداني ........


ردود على zahi
Netherlands [NASRELDEEN ALI] 11-12-2012 01:48 PM
جنيه سوداني 414.000 اربعمائة واربعة عشر الف جنيه سوداني بالجديد
الاجابة الصحيحة هى الشيكلوذلك لوجود مبلغ : 414000 جنيه سودانى ضمن المبالغ ( المأخوذة ) حسب ماورد بالبلاغ الرسمى .


#509520 [ساطور]
5.00/5 (3 صوت)

11-12-2012 11:43 AM
ههههه و الله دى ما بخليك إلا تورينى ده محلو وين!! ياخ ده صنف غريب ده؟؟؟؟ الله يجازى محنك يا جبره.ههههههههههههه


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة