الإختشوا .....
11-14-2012 04:16 AM

الإختشوا .....

الفاتح جبرا
[email protected]


تنبيه :
عزيزي القارئ : لو كنت ممن يعانون أي مشكلات لها علاقة بالقلب أو البنكرياس أو الفشفاش أو المرارة (أخد الحبوب بتاعتك) ثم إقرأ معي هذا الخبر الذي جاء بالأمس :
• عاد إلى الخرطوم الإثنين 12 نوفمبر السيد رئيس البرلمان السوداني أحمد إبراهيم الطاهر بعد مشاركته في أعمال المؤتمر الخامس عشر لمحاربة الفساد والذي عقد في العاصمة البرازيلية برازيليا في الفترة من 7 -10 نوفمبر الجاري وفي مداخلته أوضح السيد رئيس البرلمان كيفية السبل وخلق الآليات التي إتبعها السودان في القضاء على الفساد والتلاعب بالمال العام .
إذاً لا تندهش عزيزي القارئ لو أنه قد جاء في الأخبار :
• عاد إلى الخرطوم السيد رئيس الهيئة العامة لمواصلات العاصمة بعد مشاركته في أعمال الندوة العالمية التي نظمتها الهيئة العالمية للمواصلات الداخلية في المدن والتي عقدت في العاصمة البلجيكية (بروكسل) وفي مداخلته أوضح السيد رئيس الهيئة العامة لمواصلات العاصمة (كيفية السبل وخلق الآليات المتبعة في السودان) في مجال المواصلات الداخلية مما جعل العاصمة السودانية ترشح كأفضل عاصمة في درجة إنسياب وسهولة حركة الباصات والحافلات والأمجا(دات) .
• عاد إلى الخرطوم المدير العام لشركة مياه الخرطوم بعد مشاركته في أعمال المؤتمر العاشر (عن صحة مياة الشرب) والذي عقد في العاصمة النرويجية (أوسلو) وفي مداخلته أوضح السيد المدير العام لشركة مياه الخرطوم (كيفية السبل وخلق الآليات المتبعة في السودان) في مجال تنقية مياه الشرب وتحديث الشبكات وإستدامة وتوفر المياه النقية للمواطنين .
• عاد إلى الخرطوم وزير الصحة السوداني بعد مشاركته في أعمال الندوة العالمية لوزراء الصحة في العالم والتي عقدت في العاصمة الفنلندية (هلسنكي) والتي جاءت بعنوان (إدارة المستشفيات العامة) وفي مداخلته أوضح السيد وزير الصحة (كيفية السبل وخلق الآليات المتبعة في السودان) والتي جعلت من المستشفيات العامة السودانية مثالاً عالمياً يحتذى به من حيث توفر الخدمات الصحية وجودتها الشئ الذي جعل دور المستشفيات الخاصة يقل لدرجة الإنعدام .
• عادت إلى الخرطوم وزيرة الرعاية الإجتماعية بعد مشاركتها في أعمال الندوة العالمية لوزراء الرعاية الإجتماعية في العالم والتي عقدت في العاصمة النمساوية (فيينا) والتي جاءت بعنوان (الضمان الإجتماعي للمواطنين) وفي مداخلتها أوضحت السيدة الوزيرة (كيفية السبل وخلق الآليات المتبعة في السودان) والتي جعلت المواطن السوداني لا يخشى الكبر أو المرض أوالعطالة أو الخروج إلى المعاش !
• عاد إلى الخرطوم وزير الطرق والكباري السوداني بعد مشاركته في أعمال الندوة العالمية لوزراء الطرق والتي عقدت في العاصمة السويدية (إستكهولم) والتي جاءت بعنوان (نحو طرق آمنة) وفي مداخلته أوضح السيد وزير الطرق والكباري (كيفية السبل وخلق الآليات المتبعة في السودان) والتي جعلت من الطرق الداخلية وطرق المرور السريع تتفوق على جميع الطرق في أنحاء العالم من حيث الجودة العالية والإلتزام بالمواصفات العالمية .
• عاد إلى الخرطوم، وزير الزراعة السوداني بعد مشاركته في أعمال المؤتمر الثالث عشر لمنظمة الأغذية والزراعة العالمية والذي عقد بالعاصمة الإيطالية (روما) لمناقشة المشكلات الزراعية في العالم الثالث وفي مداخلته أوضح السيد وزير الزراعة (كيفية السبل وخلق الآليات المتبعة في السودان) والتي جعلت من البلاد ( سلة غذاء العالم) .
• عاد إلى الخرطوم رئيس الإتحاد العام لكرة القدم بعد مشاركته في أعمال الندوة العالمية للإتحاد الدولي لكرة القدم والتي عقدت في العاصمة السويسرية (جنيف) والتي خصصت لمناقشة ظاهرة (شغب الملاعب) وفي مداخلته أوضح السيد رئيس الإتحاد (كيفية السبل وخلق الآليات المتبعة في السودان) لمحاربة هذه الظاهرة مما جعل الجمهور السوداني يرشح لجائزة (السلوك الراقي) للعام 2012م .
• عاد إلى الخرطوم، وزير الأوقاف والشئون الدينية بعد مشاركته في أعمال المؤتمر التاسع عشر للمجمع الإسلامي العالمي والذي خصص في دورته هذه لمناقشة (التسهيلات التي تقوم بها الحكومات الإسلامية لحجاج بيت الله الحرام) وفي مداخلته أوضح السيد وزير الأوقاف والشئون الدينية أن وزارته لا تتاجر بهذه الشعيرة الدينية وأنها وزارة خدمية تنشد الثواب من رب العالمين!!

كسرة :
عليكم الله الناس دي مش بتبااااالغ !! هسه لو البرازيليين ديل سألوهو (مثلاً) عن أخبار (الخط) وللا (الأقطان) وللا الشنو ما عارف .. يقول ليهم شنو؟ صحيح الإختشوا ماتوا !!

كسرة ثابتة :
أخبار ملف خط هيثرو العند النائب العام شنو(ووو ووووو ووو)؟ - قريبا الإحتفال بالذكرى السنوية-




تعليقات 41 | إهداء 0 | زيارات 7953

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#517844 [ابو عزام]
0.00/5 (0 صوت)

11-21-2012 01:15 PM
عاد إلى الخرطوم، وزير الأوقاف والشئون الدينية بعد مشاركته في أعمال المؤتمر التاسع عشر للمجمع الإسلامي العالمي والذي خصص في دورته هذه لمناقشة (التسهيلات التي تقوم بها الحكومات الإسلامية لحجاج بيت الله الحرام) وفي مداخلته أوضح السيد وزير الأوقاف والشئون الدينية أن وزارته لا تتاجر بهذه الشعيرة الدينية وأنها وزارة خدمية تنشد الثواب من رب العالمين!!..... المؤتمر ده كان في اي عاصمة ... ما قلته لينا عشان الواحد يتخيل ... لك الله ياوطن المظاليم


#512710 [ام الحاج]
5.00/5 (1 صوت)

11-15-2012 08:31 PM
مقالتك عن الفرحة بعودة البشير ما بشبهك ياجبرة يا تري ما الدفع لذلك؟؟؟؟؟؟؟؟؟؟


ردود على ام الحاج
United States [بالغتي يا أم الحاج] 11-18-2012 05:13 PM
جبرا شنو البكتب فرحاً بعودة مسئول؟ الظاهر تشابه عليكي البقر يا أم الحاج .. والظاهر إنتي ما بتعرفي معدن الراجل ده .. ورينا الكلام ده وين عشان ناخد موقف لكن بيني بينك مية المية تكوني قاصدة زول تاني وغلطانة غايتو أنا مستعد أديكي عشرة تالاف دولار أكان جبتي لينا النجيضة


#512397 [النون الساكن]
0.00/5 (0 صوت)

11-15-2012 01:06 PM
استاذ الفاتح جبرا ...اوصي كل مصاب بالقلب او المرارة المفقوعة او الاورطي المخنوق بالابتعاد عن كتاباتك...فهي خطرة علي الصحة العامة...فمشرطك لا يراعي حالات الاغماء و الدوخة النكدية التي يعيشها محمد بن احمد المقهورابي المزمزوني


#512336 [منظراتي]
0.00/5 (0 صوت)

11-15-2012 12:02 PM
يا أستاذ الفاتح، بعيدا عن السياسة، أظن دي أمور بروتكولية ولا بد من المشاركة، يعنى هسى انت لو بقيت رئيس الاتحاد العالمي لكتاب الأعمدة: ح نسمع بعودة الاستاذ الفاتح جبرا من لوكسمبورج بعد حضوره الندوة الخاصة بكتابةالعمود بالموجود، ورغم ما تتصف به أ،ت من نزاهة وتقشف،لكن ما ح (تختا) ليك فتيل ريحة للمدام، ولبسة لبستين للشباب، (تجابد) حقها من دولارات النثريات.


#512212 [ود الجد]
0.00/5 (0 صوت)

11-15-2012 09:58 AM
استاذي الكريم الفاتح جبرا
لك ودي وخالص احترامي
لدي اقتراح بسيط وهو طباعة جميع مقالاتك المحتوية علي كسرات خط هيثرو في كتاب وذلك بمناسبة مرور سنة علي هذه الكسرة واقترح علي كتاب وقراء جريدة الراكوبة المساهمة في طبع الكتاب لأننا ندري ان استاذنا الكبير ليست لديه الامكانية لانجاز أعمال الطبع


#512053 [nader]
0.00/5 (0 صوت)

11-15-2012 01:44 AM
يا شيخ جبرا القروش الصرفوها على السفريه الهايفه دى لو جابوا بيها امصال للحمى الصفراء الفتكت بناس الغرب ما كان كسب اجر احسن من الاستشهاد البفتش عليهو ده


#511984 [سمبلة]
5.00/5 (3 صوت)

11-14-2012 11:18 PM
والله الراجل عنده حق مش يمشي البرازيل ده يمشي اي مكان براس مرفوع كمان ،،،اتحداكم لو لقيتوا 10 قضايا فساد في كل السودان ، يعني الواقع يحكي عن نفسه اذا مافي اي قضايا فساد في المحاكم يبقي اكيد مافي فساد ،،،انتو ابو قناية وين؟؟؟ طبعا اكيد اكيد استقال علشان يريح ميزانية الحكومة التعبانة اصلا من ماهيته لانه اصلا مافي فساد في البلد القاعد ليها شنو ،،،
قالو من اطال الجلوس في المرحاض لا يستطيع ان يشم الروائح النتنة ,
حرقتوا دمنا واعصابنا وذاتوا الدواء اللي نتعالج بيهو بقينا ما قادرين عليه . وبس


#511754 [عثمان سليمان]
5.00/5 (3 صوت)

11-14-2012 06:06 PM
اليوم فى الأخبار السودان ينظم مؤتمر دولى لإدانة إسرائيل لقصفه مصنع اليرموك !!!
بخت ناس الفنادق و شركات الطيران و موظفى المراسم
و يا بختنا نحنا بالإدانة الدولييييييييييية و ينصر دينك يااااااا خليييييييييييييييييييفةاااا


#511685 [أبو محمد الجابري]
5.00/5 (1 صوت)

11-14-2012 04:54 PM
الصاح يا أخونا الفاتح إنو سعادة رئيس المجلس كان ينور المؤتمر بإنو الفساد الأصلي (الما خمج) بيعملوا كيف..وأنا متأكد إنو في (الحتةدي) هو مؤهل أكتر من غيره..لأنه يحمل شهادة عالمية من منظمة الشفافية بأن بلده السودان هو التاني على نطاق العالم في الفساد.. يعني قالوا بعد الصومال (إذا كانت هناك فعلا الآن دولة واحدة تسمى الصومال) تصور يا فاتح لو إنك تحمل وثيقة مثبتة بإنك تاني زول في العالم في تخصصك (الدقيق) مش حيكون ليك الحق تحاضر في هارفرد أو كمبردج أو أكسفورد (الأصليات طبعامش حقات أمين حسن عمر التابعات لمعاهد كشا مشا في جنوب إفريقياويحملن هذه الأسامي زورا وبهتانا) وبالمناسبة أمين دا جاب القروش دي من وين؟ )دا طبعا (مثلا) بس! لأنو اللستة الكاملة دايرا ليها سيرفر براها.. ما هو يا الفاتح برضو إسمو (أمين!) فالعجيب شنو لما يحاضروك كبار الحرامية في كيفية محاربة الحرامية؟(يا أخي خلي العيش لخبازه ولو !ياكله(كلوا!)مع تحياتي


#511628 [صدقونى]
0.00/5 (0 صوت)

11-14-2012 03:48 PM
كلامك صاح يا ود جبرة
صدقونى أرسين لوبين البرلمان مستعد شان الفسحة والنثريات يسافر الواق الواق
وهو فالح في الكلام وطبعو طبع اللئام
هم موزعين الادوار والسفريات
صدقونى هو ما براهو كل المسئولين لازم كام مامورية في السنة لزوم النثريات
ده غير البوانص
الكبير نصيبو 5 مليون والمراسلة المسكين 300 ج
صدقونى ده حاصل في كل المرافق الحكومية


#511622 [sudaneseonline]
5.00/5 (1 صوت)

11-14-2012 03:40 PM
يعودظهر اليوم من السعودية أسدأفريقياالمشير الركن(حامل الماجستير)البشيربعداجراء عملية صغيرة جدا فى حنجرته كللت بالنجاح(كان ممكن اجراؤهافى أى شفخانة فى السودان )لكن سعادتو مستعجل وعنده لقاءات جماهيرية تتطلب تجهيز الحنجرة...........الكلام دا علشان ماتنزعجوا وتشفقوا وكله تمام


#511537 [بدر النهار]
0.00/5 (0 صوت)

11-14-2012 02:08 PM
ياخوانا القصة حجة وتجارة كان الطيارة وقعت إتحصل علي الشهادة وصندوق لرعاية من خلفه وكان رجع إتحصل نثريات الرحلة ميت واكل عايش واكل .


#511517 [مفجوع]
0.00/5 (0 صوت)

11-14-2012 01:49 PM
وهاك دا تلخيص ووصف سريع للإنقاذ ...
هي الفساد يمشي على قدمين ...


#511499 [gasim]
0.00/5 (0 صوت)

11-14-2012 01:34 PM
وبالمناسبة دية دكتور ابو قناية وين ما سمعنا له صوت من زماااااااااااااااااااااااااااان وقت ماعينوه يادابو


#511494 [ادروب]
0.00/5 (0 صوت)

11-14-2012 01:28 PM
الله انا قريت الموضوع ونسيت ابلع حبوب المقص والضغط والسكرى والمصران الغليظ الله يكون فى عوننا زورونى فى المستشفى او المقابر متنسونا من الدعاء


#511486 [مراد حماد]
0.00/5 (0 صوت)

11-14-2012 01:20 PM
يا ود جبرة حتعمل كيف مع الواوات الكتيرة دي السنة الجاية ؟
أنا بقترح يكون في واو كبير يمثل السنة أو العشرة شهور . الحكهية دي ما حتنتهي قريب.


#511481 [عشرة من عشرة]
0.00/5 (0 صوت)

11-14-2012 01:16 PM
أول نقطة في الموضوع تديو تقييم 10/10
• عاد إلى الخرطوم الإثنين 12 نوفمبر السيد رئيس البرلمان السوداني أحمد إبراهيم الطاهر بعد مشاركته في أعمال المؤتمر الخامس عشر لمحاربة الفساد
شر البلية


#511473 [كمال]
4.75/5 (3 صوت)

11-14-2012 01:09 PM
خفف عنك شوية فقع المرارة مع الضغط والسكري العندك بعملوا ليك بواسير ، وإلى أن تحتفل بالواو السنوي كان ردو عليك بالحس كوعي


#511448 [عصام الدبن عوض محمد البشير]
1.00/5 (1 صوت)

11-14-2012 12:42 PM
ياسادة ياكرام ، رفقا بالمؤتمرجية

رفقا بالصحابة ،

إنها الأيادي المتوضأة ، والجباه الساجدة ، وسيماهم في وجوههم من أثر السجود ، الصادقين الورعين الأطهار الذين يصومون النهار ويقيمون الليل ، همهم الآخرة ولا لدنيا قد عملنا.


#511417 [Hamid]
0.00/5 (0 صوت)

11-14-2012 12:21 PM
بعد شوية يعودوا وما يلقوا زول واحد قاعد عشان يحاربوا ليه الفساد


#511388 [ابو مبارك]
0.00/5 (0 صوت)

11-14-2012 11:59 AM
انت عارف ياحبيبنا ياجبرا مستوى الحياء في السودان بقى زيرو%
وقديماً قيل اذا لم تستحي فاصنع ما شئت


#511368 [مدحت عروة]
0.00/5 (0 صوت)

11-14-2012 11:42 AM
عشان تكافح الفساد لابد من حرية وديمقراطية وقصل سلطات وسيادة القانون وحرية الاعلام الخ الخ!!!ناس الانقاذ ديل جهلة او فاسدين اصلا مافى احتمال ثالث نهائيا واحمد ابراهيم الطاهر ضيع قروش البلد بسفره للبرازيل لكنه اكيد استفاد هو شخصيا من هذه السفرية دولاريا!!!!! وفقنا العالم اجمع فى الجهل والفساد وبقينا مضحكمة العالم اجمع فى هذا العهد الانقاذى التافه!!!!!


#511361 [أسامة]
0.00/5 (0 صوت)

11-14-2012 11:36 AM
نسيت أن تضيف يا أستاذ جبرة أن جميع تلك التجارب كانت "فريـــدة ورائــــدة"


#511349 [إسماعيل العباسي]
1.00/5 (1 صوت)

11-14-2012 11:29 AM
ليتهم ما عادوا


#511339 [ابو مبارك]
0.00/5 (0 صوت)

11-14-2012 11:25 AM
يا حبيبنا ياجبرا لمن شفت الموضوع بتاع البتاع اللي مشى يساعدهم في محاربة البتاع تعجبت!!!! وقلت للاخوان المعاي بالله عليكم اقروا البتاع اللي في البتاع دا. فتعجبوا!!!!!!!!!!!!!!!


#511321 [محموم جدا]
0.00/5 (0 صوت)

11-14-2012 11:13 AM
هو دا ما الفساد بي عينه لماذا رئيس البرلمان و ما الدكتور أبو قناية أو النائب العام؟
يعني كان في فساد و بي سبلهم دي و آلياتهم قضوا عليه طيب لو سألوا واحد من المؤتمرين عن بداية تاريخ الفساد دا يكون رده شنو قبل عشرة أو عشرين سنة كدا ؟؟
الحكاية كلها تصب في حاجة و احدة فساد في فساد لأن العالم كله عارف الديون حقته على السودان وين بتتبلع و عارف الشعب السوداني طريح المستشفيات في عنابر الحمى الصفراء و الخبيثة و اللعينة و الملاريا و التايفويد و الكوليرا و الحمى البتطير في الرأس و يكون عارفين إنو الناس ديل كلهم طايرا ليهم حمى من النوع السوداني
وحقوا تكلم إسرائيل تاني ما ترميناو لا يرموك باي حاجة كفاية كدا نحن بنهضرب من الحمى الطايره في رأسنا ما عندنا التدعك عشان تخاف منو


#511320 [صبري فخري]
0.00/5 (0 صوت)

11-14-2012 11:12 AM
نعم نحن الافضل لاننا الوحيدون في العالم في تطبيق الشريعة الاسلامية

0123652351


ردود على صبري فخري
Sudan [سلطان الحقيقة] 11-16-2012 04:31 PM
شريعة في عينك وعين اي متاسلم مترزق يا امنجي يا كلب

Saudi Arabia [ود بحرى] 11-14-2012 12:25 PM
يا صبرى عندك اراضى ولا مكتب عقار لزومو شنو رقم جوالك


#511317 [حسكنيت]
5.00/5 (6 صوت)

11-14-2012 11:08 AM
غادر البلاد تسعة مليون سودانى ، وفى مداخلتهم أوضحوا أن بقية الكغاءات فى طريقها للمغادرة


#511309 [عبدالواحد المستغرب أيما إستغراب!!]
5.00/5 (1 صوت)

11-14-2012 10:59 AM
هى جنس مبالغه وبس؟وأكادأجزم بل أجزم.. إذا نبى الاسلام ذات نفسو وبقية الانبياء الذى جاء نبينا صلوات الله عليه وسلم متتما لرسالاتهم بعثوا من أول وجديد لمواجهة هذه الشرزمه وحاولوا أن يفهموهم بأنهم ما جاءوا إلا لاخراجهم من (عبادة الفساد لعبادة رب العباد) لشوحوا لهم بإيديهم مستنكرين دعاويهم .. طيب يا أبو احميد كان ترسل واحد غيرك لحضور هذا المحفل على الاقل كان حيعزروه وهو بيكضب عليهم، ثانيا:إنت ما إطلعت على التقارير المتعلقه بالشفافيه ومحاربة الفساد الصادره من منظمات عالميه..وهى موضع ثقة العالم كله!! ماهو حدود علمك فى أن السودان إحتل بجداره الرقم كام؟!!ولا دى حاسبنها على إعتبار أن هذه المنظمات (تستهدف الشريعه)؟!!ثالثا:هل تعلم بأن الشعب السودانى حتى ذلك الذى يرعى الابل فى الفلاء يعلم بأن ذهابك لذلك المحفل هو أيضا نوع من الفساد المقنن؟!! رابعا:هل يعلم فخامته أن تلك الجهات لديها تسجيلات وثقة خطاب البشير فى مسجد (الراعى الصالح) حسن احمد البشير عندما تحدث عن (الفساد المصلح)وإنه شرع فى إنشاء مفوضيه لمحاربة الفساد وسمى الفاسد الذى سيتولى آمر المفوضيه؟!!رابعا:هل يعلم سعادته أن الشعب لايعرف اى شىء حتى اليوم مصير المفوضيه إذا كان قائما او صارت ضمن منظومة الفساد الذى هو الاصل فى جميع ممارسات نظامهم الفاسد؟!! على كل حال يبدو أن ابو احميد كان قد خاطب الناس ديل بالعربى وأجهزة الترجمه الفوريه كانت معطله وقتها ولم يفهموا ما (دشه) او ربما أخذوه على قدر عقله وفوتوها ليه وإعتبروها ذى (قصة جحا مع سرواله الذى طار مع الهوى وحمد الله بأنه لم يك بداخله) وناس الغرب اولاد الكلب ديل أكثر ما يسرهم أن يروا (حراس بيضة الشريعه الاسلاميه) وهم يعملون ضد تعاليم الاسلام الحنيف!!والادله تذهب اليهم برجليها فرحان جزلا ليضيف لجريرة الفساد جريرة الكذب البواح،ولا أظن أن المجتمعين سوف يكذبون تقارير المنظمات الدوليه ويصدقوا احمد إبراهيم الطاهر لان جبهته بها (زبيبه)!!وعجبى .. ديل ما سمعوا رسول الله صلى الله عليه وسلم وهو يقول (إذا بليتم فأستتروا)مش تنظروا؟.


#511299 [د. اسعد حبة]
0.00/5 (0 صوت)

11-14-2012 10:50 AM
النفوض كان تكون المداخلة تكون في كيفة اصلاح المشاريع الزراعية في السودان واصبح دخل المزارع السوداني اكبر من دخل نظيره في هولندا


ردود على د. اسعد حبة
Greece [القرم تفاحة ابل] 11-14-2012 03:56 PM
اعد ======قابلني========يا دكتور


#511231 [أبو محمد]
5.00/5 (2 صوت)

11-14-2012 10:00 AM
في السودان يقال أن فلاناً مثل ديك البطانة .
فديك البطانة حينما يهم العربان بالرحيل يعلق من رجلية و رأسه الي الأرض فهو لا يدري من أين أخذ و الي أين رحل .
فالرجل مسكين ربما كان يعتقد أنه يتحدث الي منسوبي المؤتمر الوطني بأحد أحياء العاصمة الطرفية ( مسكين )
و السؤال هل هم صدقوه .


#511222 [Santos]
0.00/5 (0 صوت)

11-14-2012 09:52 AM
عاد للسودان السيد رئيس الجمهورية بعد عمل العملية وادي عمرة وطمن المغتربين بان حال البلد زين يومي مستثمرين جايين والناس مرتاحة والغربة كان قارصاكم ارجعوا..شفته كيف ياجبرة التجدع ده


#511212 [awad]
0.00/5 (0 صوت)

11-14-2012 09:45 AM
يا ود جبرة صحيح الأختشوا ماتوا وهذا المتوضىء والعابد لله ليله ونهاره(أجمد أبراهيم الطاهر) الكذاب والذى لا يخاف ربه فى مداخلته هذه والتى لم يخش ربه قد برهن للعالم جميعا وبرهن على من يراهنون بطهارتهم أمه قد أتى بالنغيض لما ذكره فالشعب يعرف هذا الرجل المنافق جيدا واما من كان يأمل فى طهارة وصدق هذا الرجل الان قد أنكشف لكم.ياود جبرة بلعنا حبوب الضغط قبل أن نقرأ ماكتبته وليتنى لم أقرأ فقد أرتفع الضغط.والله الناس لو ما قتلونا بالجوع والأمراض يقتلونا قهر.حسبى الله عليهم ولكن عزاءنا أن الغد أجمل بعد ذهابهم.


#511186 [دفع الله]
5.00/5 (1 صوت)

11-14-2012 09:30 AM
ده ياجبرا كلام (كيزان) لايقدم ولا يأخر


#511129 [awadaseed]
0.00/5 (0 صوت)

11-14-2012 08:48 AM
شكرا لك يا استاذ على روعة السرد ويحق لي ان اصفك بالمتتبع الجيد لحالنا المرير في السودان

كل المؤتمرات التي ذكرت لا ينبغي ان يدعى لها السودان او يشارك فيها لانه في زل القائمه او الداون لفل فيها ..ولا اقول ليك احسن حاجه انا ماشي ادمدم انوم ..لانو كترت على الهموم ........


#511128 [المشروع الحضارى]
5.00/5 (2 صوت)

11-14-2012 08:47 AM
انه عصر اللامعقول .. اذ لم يكفى اجتراءالكذب و تصديقهم له .. حتى وصلنا مرحلة التصدير للخارج..


#511122 [كنى]
5.00/5 (1 صوت)

11-14-2012 08:33 AM
الجماعه وهطوا الفساد يالداخل وبدوا مرحله تصدير اليه الفساد لللدول الصديقه""اصبحنا خبراء فى الفساد وعمالقه فى النهب والسلب فطاحله فى الدمار جهابذا فى الموت ؛؛


#511121 [ahmmed]
4.47/5 (14 صوت)

11-14-2012 08:32 AM
الفات الفات وفي جيبو
مزرعة وعمارات
والبلد الوقعت في البير
وحاكمها جعلي ومشير
والضار العامل فرعون
والنايب راقد فوق الراي
ومعاهو جماعة السراي
وهناي مخبوت اسرائيل
قالولك ابليس ورزيل
والصحة الميت ومدفون
كاتلها سيد الزيتون
والقطن المسروق ياخال
لبعوه السادة الانزال
والحج الاصبح مبيوع
اوقافا مالها مشيوع
وخط هيثرو اللهطوه سربيع
ودجبره في واو يضيع
والفات الفات خلوه
شوفو الجايات اكان انجن
منو ابدومات
وبلادك وقعت في البير
وات قاعد نزهي وعوير
والفات الفات


ردود على ahmmed
Saudi Arabia [مفوت] 11-14-2012 12:24 PM
لدرجة الاندهااااااااااش.... إلى الأمام ...

Saudi Arabia [الطافى نورو ,, وخفى مرورو] 11-14-2012 11:33 AM
لايك كبير يا أبو حميد ...


#511119 [دهشان]
5.00/5 (3 صوت)

11-14-2012 08:30 AM
سافر للراحة والاستجمام وكمان الفين تلاتة الاف دولار لزوم النثريات
وتلقاهو نايم في المؤتمر
حسبنا الله ونعم الوكيل


#511111 [عاشق النامير]
0.00/5 (0 صوت)

11-14-2012 08:07 AM
فيل ....؟ده


#511108 [kotomoto]
5.00/5 (5 صوت)

11-14-2012 08:00 AM
عفوآ هناك خطأ مطبعى غير مقصود .. والصحيح هو ان سعادة رئيس البرلمان قد اوضح فى المؤتمر كيفية تقنين الفساد و نهب المال العام السائب .. مع استحداث نظريات التجنيب .. و تشكيل لجان التحقيق لقفل و حفظ قضايا القتل و الفساد مع تبرئة المتهمين و ترقيتهم لمواقع وظيفية اعلى .


ردود على kotomoto
Saudi Arabia [ابوبكر] 11-14-2012 01:50 PM
نسيت التكتيك بتاع فقه السترة


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة