المقالات
السياسة
ارشيف مقالات سياسية
قصيدة بعنوان : بكاء الوطن
قصيدة بعنوان : بكاء الوطن
11-14-2012 07:30 PM


قصيدة بعنوان: بكاء الوطن

محمد مصطفى خاطر
[email protected]

هذه القصيدة كتبتها بتاريخ 20/6/1997م بأمدرمان وكانت موجهة لزملائى الطلاب الكيزان بجامعة امدرمان الإسلامية:ـ
جرحك يا وطن دامى
انينك جوٍُِة وجدانى
صداه راجع دوام
بكاك يا حنين هزانى
أرجعتك السواقى سنين
اردتك الشواطئ قتيل
يا بلد ليه الشقا ليك
يهطل وينزل ؟
وحاكمك ليه يقتل ويعزل ؟
وشيخك ليه يخطب ويهزل ؟
فى المنابر فى المقابر هتاف معروف
لا بخرج من الأعماق
لا فى الجوف ليه صدى
جابو لك شباب السيخ
شباب غدار ودمو مسيخ
شباب طايع كلو فسيخ
شال السيخ وإنهال
على أعز صديق
على الشقيق والبعيد
وين الرأفة من ناسك ديل يابلد؟
وين الرحمة ؟ وين الحق ؟ وين الديمقراطية ؟
يا ما شفنا فيك غرائب يا بلد
أتريدون معرفة من أنا ؟
أنا أدعى قاطف الزبرجد والمرجان
أنا المقهور أنا المظلوم أنا الجوعان
أنا الحاكمانى شيوخ خرفانة ليها زمان
أنا الولهان أنا المشتاق
أنا الراجيك تغمرنى حنان
برسل ليك رسالة ود
بنفث ليك من القلب بركان
بكتب ليك دوام أشعار
بغنى ليك غنى الأوطان
حليلك حليل أيام زمان
أتريدون معرفة بلدى ؟
أنا من بلاد كوزستان
بلاد أتخذت فيه بيوتا
من القهر والقمعان
حامل السيخ فيه سيدا
راكب الموتر رامى البمبان
بلادى بلاد كوزستان
إنها من نمولى جنوبا
وشمالا إلى القرب من أسوان
وغربها الجنينة
وتشرقها بورتسودان
قلبها النابض أمدرمان
خلط المقرفصون على كرسى الرئاسة
بين الوريد والشريان
يسمون وريد الشمال شريان
إن الشريان يدر الدم الصالح
والوريد يعود بالطالح
أين إذن الشريان ؟
أين أنتم يا إخوان ؟
يا من أبتيعوا من السوق بالنسوان
يا من يقوا الماء بالفنجان
ألم تكن لكم عيون مفتحة ؟
ألم تكن لكم آذان صاغية ؟
تبيعون غاليكم برخيص أبناء كتشنر الطاغية
ألا ترونهم بلا هدف
يجوبون الحدائق والملاهية
إنكم لا تعرفون معنى الحرية
إنكم تخلطون بين الجيدة والردية
ألا تعلمون أن الشريان وضع أساسه
منذ أمد بعيد ؟
ألا تعلمون معاناة إخوتكم
مع قطار البأس الشديد ؟
إنه هو الواحد الوحيد
أنا من بلاد كوزستان
من لم يكن مواليا للحكم فيه
يمنع من الولادة كالخصيان
يحالون للصالح العام بشارة بنان
يحارب البعض ويكد
بينماالآخر قابع فى جوف أمدرمان
كوالالامبور بنك التخزين لأموالهم
وين مالكم يا تعابة يا غلابة ؟
يا الفى الحرب كل واحد دبابة
يا المبيوعين الداخلين فى بيعكم سبابة
يا الحارسين الثغور لغيركم رغم صعابا
يا الحامين الحمى يا الحارقين الغابة
يا الغيركم يصفق ويغنى على نغم ربابة
هاك يا كوز منى ليك رسالة
بالله أبعد وأترك الثمالة
قول وداعا يا خساسة ويا رزالة
وقول مرحب يا تكاتف
ويا رحمة ويا عدالة
إسأل نفسك راجع دفاترك
ما تبقى كوز غزالة
تخوض الحرب تهتف تقوال :
أرمو قدام ببسالة
أبقى كوز مكاتب
أبقى كوز مواتر
أكتب لكوز الحروب رسالة
قول ليه أرجع تعال
نبنى قصر الوطنية والزمالة
بالله يا كوز إصحا
وأنفض ريش الحثالة


تعليقات 0 | إهداء 0 | زيارات 1142

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد مصطفى خاطر
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة