المقالات
السياسية
العميد ود ابراهيم يرفض لقاء البشير ويخلي منزله الحكومي
العميد ود ابراهيم يرفض لقاء البشير ويخلي منزله الحكومي
11-28-2012 07:56 AM

image
الصورة تجمع بين العميد ود ابراهيم يسار الصورة والعقيد محمد زاكي الدين اقصي اليمين وكلاهما معتقل في المحاولة الاخيرة


العميد ود ابراهيم يرفض لقاء البشير ويخلي منزله الحكومي

ناصف صلاح الدين
[email protected]

ود ابراهيم لمعتقليه امامكم خياران :" إما ان تذهبوا بي للدروة او اطلاق سراحي (وما عاوز جيش معاكم) ..


إذا صح أن قوش وود ابراهيم يرتبون لتغيير النظام القائم او كانت ضربة استباقية للمجموعات الطامحة للاصلاح ، فإن الأمر في مجمله يعكس دلالات خطيرة وهي أن حالة الانقسام داخل الحركة الإسلامية والمؤتمر الوطني أصبحت عميقة جدا إلى الدرجة التي لا ينفع معها الحوار ووصلت مرحلة المواجهة وحتى اذا انجلى غبار المعركة الاخيرة فإن الثابت ان العميد محمد إبراهيم عبد الجليل الشهير ب(ود ابراهيم ) قد علا نجمة اضافة لكاريزميته وشعبية الطاغية وسط الجيش بفضل كفاءته العسكرية وتحلق عدد كبير من الاسلاميين حوله ، صار اقرب للشخصية الاسطورية .. تقول مصادر مقربة من رئاسة الجمهورية ان البشير ارسل في طلب ود ابراهيم لتناول الغداء معه الجمعة الماضية للخروج من المأزق خاصة بعد ردود الفعل الواسعة وسط الاسلاميين لاعتقال ود ابراهيم ومجموعته وتقديم مجموعات متعددة لمذكرات لرئاسة الجمهورية تطالب باطلاق سراحهم ، فالرئيس ما زال يكن كثير من الاحترام والتقدير للرجل الذي أسهم في إحباط مساعي انقلابية سابقة لصلاح قوش كما اخبر البشير بذلك إسحاق أحمد فضل وللمعلومية فان ود ابراهيم فيما يعرف في لغة الجيش في وضع (الايقاف التام ) في محبسه بالقيادة العامة قريب جدا من منزل الرئيس بحي المطار ، الا ان ود ابراهيم رفض لقاء الرئيس بمفرده واشترط وجود كل المجموعة المتهمة بالتخطيط للانقلاب وفي وقت متأخر من ليلة امس اتصل بشقيقه علي وطلب من اسرته مغادرة المنزل الحكومي بحي المزاد وقال لمعتقليه ان امامهم خياران :" إما ان يذهبوا به للدروة ( المكان الذي تجرى فيه تمارين الرماية بالذخير الحية للجيش ويتم فيها ايضا تنفيذ احكام الاعدام على الضباط والجنود) او اطلاق سراحه (وما عاوز جيش معاكم) ..
ود ابراهيم لم يعرف عنه أي نشاط سياسي، حيث اقتصرت مهامه على العمل العسكري، حيث كان ينتدب دائماً للمهمات الصعبة. إلا ان ظهوره السياسي بدأ منذ ان كان على رأس سبعمائة من الضباط وجهوا قبل عامين (عقب انفصال الجنوب مباشرة) مذكرة احتجاج شديدة اللهجة للرئيس البشير تحتج على أوضاع القوات المسلحة وسوء الإدارة فيها. بل تمضي الى ابعد من ذلك عندما طالبت القيادة السياسية بتجنيب البلاد الحروب المتوقعة بضرورة تحقيق وفاق وطني
ثم كان قد ورد اسمه في الصحف بأعتباره اقوى المرشحين لتولي وزارة الداخلية في التشكيل الوزاري العام الماضي من مواليد نهر النيل 1964 (ينتمي إلى قبيلة الجعليين) يحمل حاليا رتبة عميد بالجيش، وكان آخر المناصب التي شغلها هو الملحق العسكري للسودان بنيروبي لمدة أربعة أعوام قبلها كان مسؤول أمن رئاسة الجمهورية وخدم بجنوب السودان فترة الحرب مدة اثني عشر عاما، وهو شخص قريب جدا من الرئيس البشير وعمل معه بصورة لصيقة جدا كمسؤول أمنه الخاص لمدة تزيد على السبع سنوات ،كذلك يعرفه الرأي العام داخل الحزب باعتباره قائد (فرقة الدبابين)،معروف بالصرامة والحزم والتشدد وهو شخصية اجتماعية محبوبة ولكنه قليل الكلام ويؤثر الصمت
استعان به البشير مؤخرا في استرداد هجليج بمعاونة اللواء كمال عبد المعروف ، ود ابراهيم يحظى بشعبية طاغية وسط الاسلاميين ربما احست السلطة بخطره بعد ان اقام افطارا بمنزله ببحري في رمضان الماضي شهده نحو ألف من الاسلاميين المطالبين بالاصلاح (السائحون) كان بمثابة إنذار للسلطات خاصة بعد حضور غازي صلاح الدين للافطار الاخير
من الواضح ان السلطة تبحث عن مخرج من الازمة باقل الخسائر وسيتم تسوية الموضوع فالادلة لاترقى لادانة من تم اعتقالهم ( مكالمات هاتفية) لكن المؤكد ان هذه المواجهة قد أوصلت الأزمة الداخلية في النظام إلى مرحلة اللاعودة. فإذا كانت المجموعة بريئة مما نسب إليها، فإن الحكومة قد افتعلت صراعاً مع الجيش . إما إذا صحت التهمة، وكان الأمر قد بلغ بقيادات الجيش الملتزمة أنها قررت قلب النظام والتخلص من القيادات التي توصل كثير من أنصار النظام إلى أنها فاسدة وفاشلة ومقصرة، فإن الأمر يكون أفدح بكثير ..




تعليقات 20 | إهداء 1 | زيارات 12579



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#529540 [samra]
4.40/5 (19 صوت)

12-06-2012 04:24 PM
لن ننسى اياما مضت لن ننسى ذكراها..
اين ابناء العرين؟ اين الشرفاء؟ اين من ضرب بهم المثل في الشجاعة وطرد المستعمر؟ اين ابناء السودان؟
لماذا الصمت؟ اذا اعتقل ود ابراهيم هناك المئات بل الوف من امثال ود ابراهيم.
يقولون ان للرجل كاريزما..! اذن هو يعرف النهاية معهم ولكن ماذا عن الضعفاء من لايملكون كاريزما ود ابراهيم؟


#524152 [ام الحاج]
4.11/5 (23 صوت)

11-29-2012 10:02 AM
اللهم اجعل كيدهم في نحرهم . اللهم من نفسهم فصلت عليهم . اللهم ادرا الظالمين بالظالمين .
اللهم اجعل بلدنا امن وحالي من هؤلاء


#523857 [عابر]
4.57/5 (16 صوت)

11-28-2012 09:06 PM
ياخي رتب كلامك ده كويس ..
اولا اللقاء بتاع الالف كوز ما كان في بيت ود ابراهيم ، هو في بيت بشيل ليهو الف نفر انت كمان ؟ الموضوع بتاع رمضان ده ده موضوع تاني خاص بترتيب انقلابي شكت فيهو الحكومة وكان فيهو ناس بسيطين غالبيتهم ضباط ناقمين على عبدالرحيم ابوريالة .. الالف كوز ديلك اجتمعوا في حتة تانية ..


#523804 [كمال /شندي]
4.65/5 (14 صوت)

11-28-2012 06:55 PM
( اقام افطار في منزله ببحري شهده الف من الاسلاميين )-- عميد الجن دا لقا سكر وين فطر بيهو الف نفر مع انو السكر في رمصان كان في ازمة شديدة العزومة دي عايز ليها بالميت 20 شوال سكر --- يمكن الجماعة عملوا( شيرنق ) SHARING تبقي حاجة تانية ( تنظيم خلية سرية لتقويض الدستور ) هنا تكون الحكومة كلاما صاح الولد عايز يبقي رئيس و ما في حد احسن من حد كلنا عمدا و كلنا اولاد جعل( جهل )
الناس نست حكاية الشريعة كانت سلم طلعوا بيهو ورمو و اتكسر تاني احرف كوز ما يقدر يلملمو .


ردود على كمال /شندي
United States [الزوُل الكَان سَمِحْ] 11-29-2012 09:22 AM
يا كمال شندى

سكر شنو؟؟ ديل السائحين وأجرك على الله..يشربوها موية زرقا سااااى


#523757 [موسى عبد العزيز]
4.37/5 (20 صوت)

11-28-2012 04:25 PM
Same Shit, Different color,

يعني حيعمل شنو ، ما خلاص الفاس وقعت في الرأس وكلو من امثال هؤلاء ، لماذا لا يطلق عليه الرصاص ، الم يتم القبض عليه في محاولة انقلابية ؟؟؟
إن مصيرهم كلهم ان يطلق عليهم الرصاص، هؤلاء الخونة والكلاب


#523644 [,ود النوبه]
3.75/5 (23 صوت)

11-28-2012 01:44 PM
بطولات مزيفه وعسكريه ذايدنها مويه ،بالله شوفو ود ابراهيم العاملين ليهو قومه وقعده ده كرشو قدر شنو ،مع انو نابليون كان بشيل الحزيه بالطبنجه ،وبعدين ياخي من اين لك هذا لكي تقوم بعمل الولائم الضخمه دي،ومرتبك كم، الاجابه بسيطه جدآمال الشعب المسكين ده ،ووالله البتعاطف معاك الا كان مخو مركب بالغلط ،ما هو انت زي البشير واحد سرقت وقتلت ونهبت ،يعني بالواضح كده مجرم حرب


#523603 [تمساح الدميره]
2.01/5 (16 صوت)

11-28-2012 01:13 PM
اولا ود ابراهيم من قبيلة الجعليين ومعروفين بي الكرم بيته قبله لكل اهل السودان (تكيه) ودرج علي الافطار الرمضاني من قبل ان يصل رتبة ملازم اول وهو ليس في حاجه الي اموال الحكومه اذهبو الي بيته لتحكمون بانفسكم وللذين يقولون انه لم يحرر هجليلج اذهبو الي اليوتيوب وانظرو وشاهدو كيف كان يقود الجيش لاسترداد جزء غالي من الوطن ولل\ين يقولون انه قاتل وكوز الخ هل كل من قال لا اله الا الله كوز وقاتل ؟؟ انه ضابط حر من قوات الشعب المسلحه وطني غيور علي بلده لهذا دفع ثمن وطنيته


ردود على تمساح الدميره
United States [زول حر] 11-29-2012 12:57 PM
هو يا تمساح انت ماك نصيح طيب دكتور خليل ما كان داير يغير النظام واسد بالجد كان بحرر توريت وكت كانت مولعة نار والله مع احترامي لقبيلتك لكن الكلام البتقولوا ده كلو شعارت واعلام كرم ورجالة وعلي بالطلاق دي حماقة الرجالة ثبات وما تاريخ المهدية مننا ببعيد..دي فتنتكم انحنا ما دخلنا اتكاتلوا براكم والبيفضل منكم انحنا حن......

United States [sudaneseonline] 11-29-2012 12:15 PM
يعنى شنو من قبيلة الجعليين؟؟؟ يعنى مافى كرماء فى السودان غير الجعليين؟؟؟؟؟أها طلعوا حرامية من عمر البشير لود ابراهيم العميد العازم ألف واحد فى بيته........خلاص قرفتونا بى حكاية الجعليين دى .............

United States [عاشق النامير] 11-29-2012 12:11 AM
ود ابراهيمك ده ما شاف حلايب و الفشقه ليه؟؟؟؟؟؟

United States [Osama Kshoma] 11-28-2012 02:48 PM
Ya man, I don't think anybody care about this man. I hope him and all the killers who killed thousands of my country men go to hell. He is still a dirty Kooz and I don't think he's better than the 28 real army men who got killed by his master in Ramdan 23 years go..

United States [متابع] 11-28-2012 02:32 PM
يكفي انو كوز حتي يكون مجرم وقاتل لان الساكت عن الحق شيطان اخرص. انا ما قادر استوعب رغم ما فعلوه بالبلاد والعباد وبعد ده تدافعو عنهم .ياربي ده من شنو؟؟؟؟؟؟؟!!!!!!!!!!!!!!!!!!!1


#523579 [حسن روكا]
3.36/5 (16 صوت)

11-28-2012 12:47 PM
بالله عليكم انظرواالى وجوه هؤلاء الجرزان وقارنوها بالصور التى التقطت لبابكر النور وفاروق حمدالله وهاشم العطا بمعسكر الشجرة حيث كان بينهم وبين الموت ساعات او انقص منها قليلا .. من اين اتت هذه الوجوه ؟؟؟؟


#523568 [mohd]
1.68/5 (19 صوت)

11-28-2012 12:40 PM
حلوة عبارة "وطلب من اسرته مغادرة المنزل الحكومي بحي المزاد"..!!!!

حيروحوا منزل إيجار أو إلى الباوقة ولا حي المجاهدين والذي منه...


#523509 [abdelhamid]
3.91/5 (16 صوت)

11-28-2012 11:41 AM
هجليج القا ل ليك منو حرر ها هز ا المجر م القا تل بطلو كذ ب جيش الحنو ب ا نسحب منها و لم يتم تحر ير ها انت صد قتو الكضبة الكيزا نية


#523504 [Abdullah]
4.04/5 (23 صوت)

11-28-2012 11:31 AM
اقام افطارا بمنزله ببحري في رمضان الماضي شهده نحو ألف من الاسلاميين!!!!!
اصلو دا عميد في الجيش والا عميد في الجيش ......


#523471 [سوداني مغترب مظلوم]
2.23/5 (24 صوت)

11-28-2012 10:48 AM
اللهم أفتنهم في بعضهم - ليرى الشعب السوداني ما فعلوه فيهم هؤلاء الخونه الذين مزقوا لابلد وفصلوا الجنوب وجوعو الشعب السوداني وشردوه في بقاع الدنيا الواسعة . حسبنا الله وعم الوكيل وحسبنا الله ونعم الوكيل ....


#523437 [MURTEY]
3.95/5 (22 صوت)

11-28-2012 10:08 AM
ماذا تعنينا مهنيتة العالية تعنى بالنسبة لنا سحق المواطنين العذل بدم بارد لا نقبل باى حال من الاحوال من يد يدة الى السفاح البشير واعانة فى قتل اهلنا فى دارفور وجبال النوبة والنيل الازرق واهلنا فى الشرق والشمالية --- اما موضوع هجليج وبطولتة هى فبركة لا غير لان قصة هجليج معروفة لدى الكل والذخم الذى تم حولها مفهوم للجميع وكانت فبركة من المؤتمر الوثنى وفطيرة وعلية سوف يكون الحساب لكل من مد يدة دعما للمجرم البشير وعصابتة ولا ننسى عصابة الامن الموجودة فى موقف شندى لنا معهم لقاء قريب وسيكون مصيرهم الحرق التام هم وموقعهم عليهم انتظار ذالك اليوم وهو قريب ليس ببعيد


#523436 [khalifalsudani]
2.66/5 (17 صوت)

11-28-2012 10:08 AM
حاجة تحير بالجد !!!! ضابط وبرتبة عميد يعزم 1000 (الف) لوجبة غذاء ؟؟؟؟ دي تكون مكلفة كم مليون ؟؟؟ اذا الخروف وصل سعرة مليون جنيه فدعوه الناس ديل تكون دايره كم خروف زائدا الخضروات ووووووووو ؟؟؟ فمن اين له هذا ؟؟؟؟ نقدر نعرف من اين له هذه الامكانيات المادية دي ؟؟؟؟؟ الضباط برتبته والمعتمدين علي راتبهم وملحقاته يادوبك ساتره حالهم يجي ده يعزم 1000 شخص ؟؟؟!!!!


#523417 [ابو الهول]
3.61/5 (24 صوت)

11-28-2012 09:51 AM
يبدو ان علقية الحكم في السودان ما زالت رهينة للعسكر وللاسف ونحن في الالفية الثالثة حيث نرى الدول من حولنا تحكم بالديمقراطية وكيف راى الجميع انحياز الجيش المصري للشعب في الثورة الاخيرة مما اكد ويوكد ان مهمة الجيش هي حماية الوطن من اي اعتداء خارجي وليس التسلط علي الشعب وحكمه عن طريق الانقلاب كما فعلت هذه المجموعة الانقلابية الاخيرة وينبقي ان هم ارادو الحكم ان يتخلو عن مناصبهم العسكرية اولا ويتجهو الي صناديق الاختراع التي هي الفيصل والحكم الحقيقي والشرعي وعلى الجميع اخذ العبرة من الانقلابات العسكرية السابقة ابتداءا بإنقلاب عبود ومرورا بنميري وانتهاءا بالبشير وكيف ونحن خلال تلك الحقب ان السيايسة السودانية قد تراجعت للوراء وكذلك التنمية والتي هي الاخري لم تشهد تقدما يذكر والسبب هو اجهاض الحكم الديمقراطي مما ادى الى مذيد من كبت الحريات و تفتت النسيج الاجتماعي وظهور عدد من الحركات المتفلتة في انحاء السودان وتفاقم البطالة وهجرة العقول الى الخارج والذي ذاد وبشكل ملفت في عهد الحكم الحالي لذا ينبغي على العسكر التفرغ لامورهم العسكرية وتطوير قدراتهم ومهاراتهم العسكرية من اجل حماية البلد والبعد التام عن الامور السياسية وترك الحكم لاهله حتى نلحق بركب الامم من حولنا وترسيخ مبدا الديمقراطية للحكم .


#523402 [تمساح الدميرة]
3.81/5 (23 صوت)

11-28-2012 09:38 AM
كلهم مرتزقة وخونة ووصوليين ركبو سفينة نوح التى أوشكت على الغرق ثم أرادو النط قبل يوم القيامة أف لكم يا دجالين.


#523383 [كوكاب]
3.59/5 (24 صوت)

11-28-2012 09:16 AM
ما تشكرو الراكوبة في الخريف انه دباب وقاتل وتحرير هجليج بطولة زائفة زي حكاية المك نمر اسف المك جري وكان هو راجل صحي وبحب السودان ورايه مسموع كان يحرر حلايب والفشقة بطولاتكم كلها في المدنيين العزل ومعاركهم في دارفور كلها خاسرة والله لم يكسبو معركة واحدة فالتذهب انت ومعك الضباط القتلة الي المزبلة غير ماسوف عليكم .


ردود على كوكاب
United States [sudaneseonline] 11-28-2012 11:50 AM
بكل أسف فقدخلقوا من ود ابراهيم هذا أسطورة عسكرية....لاأعرف لماذا؟وهو فى الحقيقة ضابط أقل من عادى وأعرفه جيداوهونفسه قد يكون مستغربا لما يقال عنه ....حاجة غريبة


#523365 [ودابوك]
1.71/5 (27 صوت)

11-28-2012 08:56 AM
ود ابراهيم او العميد ود ابراهيم و محاولات التلميع المستمره من كم يوم هو ببساطه
1- تحلق عدد كبير من الاسلاميين حوله = كوز و صاحب نفس العقليه التي اوصلتنا الي ما فيه نحن اليوم
2-هو شخص قريب جدا من الرئيس البشير وعمل معه بصورة لصيقة جدا كمسؤول أمنه الخاص لمدة تزيد على السبع سنوات .دي فعلا حاجه تشرف و تطمئن بان الرجل رجل مبادئ.
3- كذلك يعرفه الرأي العام داخل الحزب باعتباره قائد فرقة الدبابين،معروف بالصرامة والحزم والتشدد.دي ما محتاجه الي اي تعليق و الكل يعلم نوع العقليه التي يتميز بها هؤلاء الدبابين

الرجل باختصار النموذج الامثل لما تمثله الانقاذ من قيم و مبادي و ان تحرك ضد رئيسه فليس لصحوه ضمير من احل عيون المعذبين من ابناء الشعب السوداني الذين شارك هو بصوره مباشره في خدمه جلدهم بل لانه يري ان سادته و رؤسائه قد قصروا في مهمتهم اتجاه هذا المشروع النازي المسمي المشروع الحضاري فالرجل ليس الا اداه لهذا النطام القذر فكفوا عن تلميعه و تقديمه لنا علي انه الفارس المنقذ


#523358 [يسقط البشير]
2.15/5 (15 صوت)

11-28-2012 08:51 AM
يا سلام فجاءة وبعد 24سنة تفتحت عين العميد على كل مصائب وبلاوى وفساد الانقاذ؟؟؟؟كلهم فاسدين وعنصريين وطغاة هذا صراع شياطن ربنا يحرقهم كلهم


#523322 [الضعيف]
3.35/5 (18 صوت)

11-28-2012 08:19 AM
ده جيش شنو

الجياشي الجد ما بعرف سياسة- هو مفترض يكون حامي البلد فقط-- وما عندو دخل بالسياسة--
وشنو جياشي اسلامي دي!!!!!

زول عمل عمل لصيق مع فرعون والنظام الفاسد ده منو رجا!!

للأسف كما أرى من كاتب المقال هذه محاولة تلميع لهذا العميد..


ردود على الضعيف
United States [khalifalsudani] 11-28-2012 04:04 PM
هي وقفت علي كلمة تلميع - بت الناس - ؟؟؟ يامواطن الجميع يعلم ان الجيوش تنشأ لحماية الاراضي السودانية من اي اعتداء خارجي لكن لاحظ انهم هنا يعددون انجازاته الحربية وكلها ضد المواطنين السودانيين - جنوب السودان - دارفور - هجليج وليس بينها معركة او مناوشة واحدة ضد عدو خارجي - طيب الاراضي السودانية المحتله من دول اجنبيه كاحتلال مصر لمثلث حلايب بشمال شرق السودان واحتلال اثيوبيا لمنطقة الفشقة بشرق السودان !!! فلا ذكر لها لامن القياده السياسية كما لم يتصدي اي عسكري وينتفض حمية ويدافع عن شرفه العسكري - ان كانت لهم حمية عسكرية كما نعرفة في جيوش الدول الاخري - فجميع العسكريين بالسودان ان كان جيشا او دفاع شعبي او خلافه بدلا من الدفاع وحماية شعب السودان الا انهم وبالعكس اصبحت ترقياتهم لرتب اعلي وتلميعهم كقاده عسكريين تقاس الان بمدي ابادتهم لمواطنيهم السودانيين - يامواطن بصريح العبارة ليس للسودان اي جيش كجيوش الدول الاخري وماتراه امامك ماهم الا عصابات مسلحة جميعهم اياديهم ملطخة بدماء مواطنيهم فاذا قلت ان هناك من بينهم شرفاء - فاقول لك شرفهم منقوص طالما انهم لازالوا يلبسون الكاكي ورضوا بالصمت علي زج الجيش لغير مهامه الاصلية


ناصف صلاح الدين
مساحة اعلانية

تقييم
4.68/10 (16 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة