المقالات
السياسة
ارشيف مقالات سياسية
قاعدين بتعملو أيه ما تقومو تروحو
قاعدين بتعملو أيه ما تقومو تروحو
12-12-2012 09:51 AM

قاعدين بتعملو أيه ما تقومو تروحو

ميرغني النقي
[email protected]

قاعدين بتعملوا أيه
ما تقوموا تروحو
*******
يا نظرة تؤذي العينْ
يا هم يفوق الدينْ
يا عار كشف عرضينْ
يا حر فراق قلبين
في رأسي ستين سينْ
وما عارف أسأل مينْ
ما دمتم أهل الدين
ليه جيتو متخفينْ
من حقي يا العارفين
ليّ توضحو
*******
يا حسرة الدارينْ
قولو لي ليه ساكتينْ
وروني ليه قاعدينْ
وحصيلة العقدينْ
من كل أسرة سجينْ
وفي كل حفرة دفينْ
وأطفال صغار عارينْ
أيتام بلا والدينْ
وفي المية فوق تسعينْ
دمعاتن بطفحو
*******
وروني قاعدين ليشْ
والخطة طلعت بيشْ
ومافيش سوى مافيشْ
ومحاكم التفتيشْ
وبرغم من مافيشْ
الحي مصيرو يعيشْ
والغاية ماها العيشْ
والعلِّة جهل وطيشْ
والحل في إنو الجيش
يرجع مطرحو
*******
يا ليل ظلامو أمواجْ
ما ضوّ فيه سراجْ
في جوفو بائس داجْ
وفقير مريض محتاجْ
أزمات بلا إفراجْ
تعليم معيشة علاجْ
ومافيش سوى الكرباجْ
وصفارة الإزعاجْ
والغدوتم فراجْ
بالطبلة خلف التاجْ
في موكب الحجاجْ
لسة بيمدحو
*******
يا إخوة الشيطان
يا غيمة الأحزان
تاجرتو بالأديان
وابخستو في الأثمان
ورجعتو بالخسران
للشعب والسودان
وللقاصي والجيران
أدمنتم العدوان
فإن هبت أم درمان
كالعهد يا ما كان
والشعب هب وثار
في قسوة الإعصار
أو ثورة البركان
أو أعلن العصيان
وروني يا صبيان
وين حا تنزحو
****



تعليقات 0 | إهداء 0 | زيارات 831

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ميرغني النقي
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة