أفريقي أنا وسوداني
12-16-2012 09:43 PM

أفريقي أنا وسوداني

كلمات: حسين شنقراي
[email protected]

نبكي شهيد العزة
قيافة سمين ومغذي
الميت مكتول
في غزة
والدنيا عليهو مقلوبة
وننسي جبال النوبة
وكل المات
في دروبه
ونعيش النخوة
الفينا وكل عروبة
------
نكتل تيـه
العندو قضية
وكل ضحيه
وليها حقوق مسلوبه
ونحرق بيت راكوبه
ونبني قصور
أسمنت وطوبه
نعيش النخوة
الفينا وكل عروبة
-------
فصلنا جنوب
الناس الزُرقة
وما همتنا
كمان الفُرقة
إلا بكينا
النفط بحُرقة
ونسينا شمالنا
حقوق منهوبه
شرقنا غربنا
وسطنا أمم مغلوبه
وبرضو بكينا
عيال مشطوبه
وعشنا النخوة
الفينا وكل عروبة
-------
إيه الحاصل
يا سودان
وين الزهد
الفينا زمان
وين العطف
السايد والإحسان
كلو طلع أكذوبة
ولا بقينا
عرب لا نوبة
كوني أكون سوداني
ألا قي صعوبة ؟!!!!
سيبوا الجخ والبخ
أبدا مابتبقوا عروبة
إفريقي أنا
وسوداني
وعربي لساني
وليا بلاد محبوبة
وأنسي النخوة
وكل عروبة


تعليقات 0 | إهداء 0 | زيارات 939

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة