المقالات
السياسة
ارشيف مقالات سياسية
بشري سارة : بعد شفاء الحبال الصوتيىة يصدح الريس باعياد الاستقلال.
بشري سارة : بعد شفاء الحبال الصوتيىة يصدح الريس باعياد الاستقلال.
12-17-2012 01:34 PM

بشري سارة : بعد شفاء الحبال الصوتيىة يصدح الريس باعياد الاستقلال.

عباس الشريف
[email protected]


[red]في حوار مع " افريقيا اليوم أجاب نافع على نافع القيادي في حزب البشير في سؤال عن صحة الرئيس البشير بعد العملية خصوصا أنه مقلا الآن في ظهوره؟ فقال : "الرئيس طلب منه ألا يتحدث كثيرا، لكنه غير مقل في الظهور، يمكن يكون مقل في الكلام، لأنه العملية في الأحبال الصوتية، لكن الرئيس موجود في كل الافراح والاتراح وفي الاجتماعات الراتبة في مكتبه ، فالرئيس ليس مقلا، وليس مقلا في متابعة الدولة، ولكنه مقل لفترة فقط عن الحديث الجماهيري الكبير نأمل ألا تطول هذه الفترة. وان شاءلله سيخاطب الناس في أعياد الإستقلال."[/red]

بالله عليك الله بلد تدار سياسيا بحبال صوتيه ما بتخجل يا نافع انت حسي مستشار رئيس جمهورية استغفرتك يا مالك روحي طيب ياخ مره واحده ضم عليك ((الحوت)) محمود عبدالعزيز واشتغل ليهو منسق حفلات
اتبشرنا بتعافي صوت الريس والظهور في اعياد الاستقلال يعني خلاس مشكلتنا اتحلت وملك الطرب عمر البشير سوف يظهر بعد غياب طويل من علي مسارح الهواء
والي الان مستمرين في غيكم وكذبكم وضايرو في فشلكم وإن تعافت حبال الريس هل سوف تكون مجازيا حبال عشميق لكي تجر السودان وتنتشله من ازماته الاقتصادية والاجتماعية والانسانيه
قال حبال بتضحكو علينا ....فعلا حكومة مسخرة وشلة مهرجين سياسين .
قال ليك مسطول راكب عجلة ماشي اشتري ليهو فول ورغيف صدم قدرة الفول صاحب الدكان ضخم الجثة والمسطول نحيف كرعينو ما شايلاتنو بتاع الدكان طلع ليهو بره طاخ طراخ جابو الواطة
المسطول قام تاني اتفاصح ..... انا بشتكيك للبوليس
صاحب الدكان طاخ طراخ كبسو كم شلوت وبنيه ورماهو في الارض ورسم ليهو دائرة موقع الجريمة بطبشيرة وقال ليهو يلا اتصل علي البوليس وخليهو انصفك الجريمة ورسمتها ليك وكان راجل اتحرك من هنا الله لا كسبك ضيعت لي ايراد اليوم كلو
وصاحب الدكان راجع لي دكانو سمع ليك المسطول كاااااااااااااااك اضحك
كسر نور العجلة والميزان
وتاني هو راجع للدكان سمع ليك المسطول كاااااااااااك اضحك
شرط لساتك العجلة وكسر البدال
وتاني هو راجع سمع ليك المسطول كااااااااااااك اضحك
شال نار قدرة الفول حرق بيها العجلة وجسمو كلو اترقط وارجف مشي للمسطول والغضب يتطاير من عينه قال ليهو اسمع انت عايز تجنني هرستك هرس وكسرته عجلتك والقاك تضحك علي .....
المسطول قال ليهو انت كل ما تديني ضهرك انا بلعب عليك واطلع كراعي من الدائرة الرسمتها لي.
طوالي احنا في دائرة الكذب والغش وانتو شغالين قرف بي ورانا في السودان كسير ونهب نسوي شنو نضحك يا نافع خلاس الحبال قربت تشفي...
طيب منتظرين حفل راس السنة.
السيد/ المستشار قال حبال صوتية منعت الريس من الظهور الي جمهور المعجبين وسوف يتم تاجير المسرح والاستعدادات لحفل الاستقلال والدخول مجانا ممنوع اصطحاب الاطفال والحفاظ علي كراس الجلوس ما تنسي المواعيد والزمان وما تشيل هم مادام مجانا كسير كراسي مافي وقت ما عايز الريس اجينا مافي مشكله انشاءالله اتاخر 24 ساعة ويلغي الحفل ونحدد يوم عشرة بداية السنة وعيد الاستقلال كلو جائز مافي مشكلة بالله بلغ الريس قول ليهو ما تستعجل للظهور مافي زول منافسك بي راحتك تعال لينا بعد ان تشفي وتبقي طيب والشعب في شوق لانتظار خطبك.
اخوانا المصريين الاتوكحو بكيزان مصر وبفتشو زينا المخارجه من نكاتهم :
قالوا للريس ما حاتقول خطبة تودع بها الشعب.
قال لهم ليه هو الشعب ماشي وين ؟؟؟؟
أهو في انتظارك وشكرا كتير ليك يا نافع وصلنا خبر الحبال وتعافيها.




تعليقات 7 | إهداء 0 | زيارات 2474

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#538181 [البروف]
4.07/5 (5 صوت)

12-18-2012 12:02 PM
بالله ةتذكرة الفنان الحماسي دا بكم ؟؟؟؟؟؟؟؟؟؟؟!!
اكيد الحفلة ما حتكون مجانية عشان تدعم الميزانية
الناقصة قروش ما عارفين مشت وين .


#537846 [نميري]
4.07/5 (5 صوت)

12-17-2012 11:18 PM
ههههههههه ياخ انت ظريف والله صحي البشير يصدح بألحان الاب الروح لفناني الانقاذ قيقم كلمات بلال موسي ههههههه


#537818 [سامي]
4.07/5 (5 صوت)

12-17-2012 09:50 PM
شكرا يا شريف أمتعونا بالمقال الساخر الجميل قبح الله نافع وربما اخرس البشير


#537638 [سمير]
4.19/5 (7 صوت)

12-17-2012 04:18 PM
ماذا يقول الرئيس بعد شفاء في اعياد الاستقلال كمان ،والوطن نفسه تقلص ، وتراجع ، وتخلف ...
المواطن كفر به او كادانعدم الافق واسوِد تماما امام جيلا كاملا بل كل الاجيال وطن يُقتل الطالب فيه لمجرد نه لا يستطيع دفع الرسوم، يالها من باهظة منطق معوج يا تدفع، يا كمان نكتلك !
هذا الرئيس وشلته وحزبه لم يعد لديهم مستمعين ابدا ...يستحوا قليلا ويتفكو مننا


#537576 [أب كدنكة]
4.07/5 (5 صوت)

12-17-2012 03:04 PM
ياخ دا شنو دا


#537543 [عبدالله عبدالله]
4.18/5 (9 صوت)

12-17-2012 02:09 PM
الله أكبر! دكتور نافع الساذج يحسب أن هناك من يهلل لأن الرئيس سيخاطبنا في العيد! أبعد كل المعاناة التي نعيشها في ظل رئاسة البشير، يبشرنا هذا الفاشل بأن البشير سيخاطبنا في العيد؟ البشير الآن لا يهمنا في شيء إلا إن أراد أن يتنحى وأتحداه أن يقوم باستفتاء بين غير المنتفعين والانتهازيين من المؤتمر الوطني وسيدهشه ضخامة عدد الذين يريدون منه أن يذهب غير مأسوفاً عليه! الله يطيره!


#537535 [واحدة فاضية]
4.07/5 (5 صوت)

12-17-2012 01:59 PM
لماذا يشتكي أهل المسرح من غياب النصوص الكوميدية ؟ بوخك يلوي .


عباس الشريف
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة