التجنيب لغة
12-19-2012 09:40 AM


التجنيب لغة

الفاتح جبرا
[email protected]

التجنيب : هو أن يجنب (المسئول) جزءاً من إيرادات (المصلحة) ويضعها في حساب شخصي يتصرف فيها بمعرفته دون أن تخضع لمراجعة او يحزنون وهذا فساد لم يعرفه السابقون ولا اللاحقون ولا يقره شرع ولا دين ، ده التجنيب (سرقة) فتعالو معاً نشوف التجنيب (لغة) من معجم لسان العرب :
الجنب والجنبة والجانب : شق الإنسان وغيره . كقولك : وقفت إلى جنب المسئول في صف الصلاة (بتحلم طبعن) ، والجمع جنوب وجوانب وجنائب , والأخيرة نادرة ، وشكا الرجل جانبه (يعني قال جنبتي بتوجعني) وضرب الشرطي المتظاهر في جنبه ؛ أي : (إنتهى منو) . ورجل جنيب كأنه يمشي في جانب . وجانبه مجانبة وجنابا : صار إلى جنبه والجنب : معظم الشيء وأكثره والجار الجنب أي : اللازق بك إلى جنبك (الحيطة بالحيطة) والمجنبتان من الجيش : الميمنة والميسرة (ده لمن كانت الحرب بالسواطير) وفرس طوع الجناب - بكسر الجيم - إذا كان سلس القياد .
والجنيبة : الدابة تقاد ، واحدة الجنائب ، وكل طائع منقاد جنيب (زينا كده يعني) . والأجنب : الذي لا ينقاد . وجناب الرجل : الذي يسير معه إلى جنبه (يعني وزير الدفاع جناب الرئيس) . وجنيبتا البعير : ما حمل على جنبيه . والجنب : القطعة من الشيء تكون معظمه أو شيئا كثيرا منه . وجنب الرجل : دفعه (يعني دفرو) . ورجل جانب وجنب : غريب ، والجمع أجناب وكذلك الجانب والأجنبي والأجنب والجنيب : الغريب . وجنب فلان في بني فلان يجنب جنابة ويجنب إذا نزل فيهم غريبا ، فهو جانب ، والجمع جناب ، ومن ثم قيل : رجل جانب ؛ أي : غريب ، ورجل جنب بمعنى غريب ، والجمع أجناب .
ويقال : جنبته الشر وأجنبته وجنبته ، بمعنى واحد ورجل جنب : يتجنب قارعة الطريق مخافة الأضياف . والجنبة - بسكون النون - : الناحية . ورجل ذو جنبة ؛ أي : اعتزال عن الناس متجنب لهم . ورجل لين الجانب والجنب ؛ أي : سهل القرب . والجانب : الناحية ، وكذلك الجنبة . كقولهم (نوم على الجنب البريحك) والجانب المجتنب : المحقور . وجار جنب : ذو جنابة من قوم آخرين لا قرابة لهم والجنابة : المني . وفي التنزيل العزيز : وإن كنتم جنبا فاطهروا . وقد أجنب الرجل وجنب أيضا - بالضم - وجنب وتجنب .
وطعام مجنب : كثير . والجنب : مصدر قولك : جنب البعير - بالكسر - يجنب جنبا إذا ظلع من جنبه . والجنب : أن يعطش البعير عطشا شديدا حتى تلصق رئته بجنبه من شدة العطش ، وقد جنب جنبا وقيل الجنب في الدابة : شبه الظلع ، وليس بظلع ، يقال : حمار جنب . وجنب البعير : أصابه وجع في جنبه من شدة العطش . والجنب : الذئب لتظالعه كيدا ومكرا من ذلك . والجناب : ذات الجنب في أي الشقين كان .
وجنب - بالضم - : أصابه ذات الجنب . والمجنوب : الذي به ذات الجنب ، تقول منه : رجل مجنوب ; وهي قرحة تصيب الإنسان داخل جنبه ، وهي علة صعبة تأخذ في الجنب. يقال : جنب فهو مجنوب ، وصدر فهو مصدور . ويقال : جنب جنبا إذا اشتكى جنبه ، فهو جنب ، كما يقال : رجل فقر وظهر إذا اشتكى ظهره وفقاره . وقيل : أراد بالمجنوب الذي يشتكي جنبه مطلقا . وتقول : جنبت
الريح إذا تحولت جنوبا . وسحابة مجنوبة إذا هبت بها الجنوب .
كسرة :
كده عرفنا كلمة (جنابو) جات من وين !!
كسرة ثابتة :
أخبار ملف خط هيثرو العند النائب العام شنــ(12+1)ــــو؟


تعليقات 18 | إهداء 0 | زيارات 6663

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#540335 [nader]
0.00/5 (0 صوت)

12-21-2012 11:23 AM
انت عمك نهار مش قال ليك ملف هيثرو ده عند البشكير الرجعو عند النائب العام تانى شنوووو


#540276 [abuahmad]
0.00/5 (0 صوت)

12-21-2012 09:47 AM
في الخنجر في بلاد اليمن وسلطنة عمان يسمى الجنبية وهو خنجر معكوف الراس يلبس بحزام في الخاصرة كنوع من الرجالة والتراث اليمني


#539677 [محموم جدا]
0.00/5 (0 صوت)

12-20-2012 12:24 PM
الجنبينة أو الجنبينات في الخليج تعني الشوك أبسوربات من الكلمة الانجليزية Shock Absorber و هي عبارة عن ياي هيدروليكي يعطي مساعدة للياي الأصلي و تساعد السيارة في إمتصاص المفاجاءات في الشارع و كذلك المال المجنب يساعد المسئول في إمتصاص أموال الشعب بدون رقيب و مراجع عام و وجع راس أو حمى ملونة عشان كدا المراجع العام جنب الشعب السوداني و أعطانا الرقم إجمالي عن المال المجنب لم يفصح عمن جنبه و لمتين مجنب لحدي ما تنام عين الرقيب و الفرق بين المجنب و المجنن (نقطة فوق و نقطة تحت) لأنه المجنب دا حا يودي الناس للنقطة الفوق دا كان ما وداهم أصلوو الجنوب نفسه بقى مجنب تعرف ليه لأنه الجنوبيين جننوا الجماعة في التجنيب و بقت الحركة تجنب حقها و تقلع منهم حقهم رجالة كدا عشان كدا البند الوحيد في الاتفاقية الشاملة هو تجنيب الجنوب و الله يا جبرا جننت التجنيب زاتو


#539665 [عطبراوي آخر]
0.00/5 (0 صوت)

12-20-2012 12:15 PM
جانب الصواب ، أي أبتعد عن الصواب ،، والصواب أنو الجماعة ديل لمن جاءوا سنة 89 قالوا جئنا لأنقاذ البلد ، فأذا البلاد كلها حروب وهموم والطامـة الكبرى أنفصال جزء عزيز من الوطن بسبب مجانبتهم للصواب ، يعني ممكن نقول الأنقاذ دي مجانبة، وممكن بدل الأنقاذ نسميها ثورة المجانبة الكبرى ،، مع تحياتي لك يا أستاذ الأجيال الفاتح جبرا


#539426 [الغريب عن وطنو]
0.00/5 (0 صوت)

12-20-2012 04:40 AM
وكأن يقول ليك بتاع المرور جنب بي طرف الشارع ..
وعينك ما تشوف إلا الإيصالات ...


#539316 [خضرعابدين]
0.00/5 (0 صوت)

12-19-2012 09:31 PM
والله ياجبرا حبرة ونستبرا ياحليل زمن السواطير وركوب الحمير! كسرة وين الحاج ابو ساطور من دبابات وطيارات الجبال؟


#539293 [ربشة]
0.00/5 (0 صوت)

12-19-2012 08:42 PM
اسي موضوعك دا زاتو ما تجنيب


ردود على ربشة
United States [فرقتنا] 12-20-2012 01:45 AM
والله معاك حق لغاية ما انا شدة ماجنبت من الموضوع نعست


#539153 [أبوأسامه المهاجر]
0.00/5 (0 صوت)

12-19-2012 04:25 PM
وجناب الرجل : الذي يسير معه إلى جنبه (يعني وزير الدفاع جناب الرئيس) .

حلوة ياود جبرة يعني مثل ظله وأنا سمعت إنو بعد نهاية دوام الصباح وزير الدفاع بيمشي بيته يغير اللبس العسكري وعلى القصر على طول ومايفارق البشير إلا عند النوم وكمان هنالك أخبار بتقول إنو بيختار لوداد بابكر لون التوب البتقشر بيهو لو في طلعة رسمية.


#539140 [ابراهيم -الرياض]
0.00/5 (0 صوت)

12-19-2012 04:08 PM
والله يا جبرا حيرتنا عديل شنو حكايتك ارجع لملف هيثرو احسن لينا من جنبتك الما مفهومة دي


#539109 [awadamin]
4.00/5 (1 صوت)

12-19-2012 03:09 PM
يعنى يا استاذ الفاتح التجنيب قريب من التجاوز عند الملة دى ولا شنو؟ الناس دول عشان يأكلوا اموال الناس بالباطل بعملوا اكتر من كدى فحرموا حلالا واحلوا حراما ....قالوا الرشوة تسهيلات وقالوا عن الدفعيات الربيوية اجراءات بنكية وقالوا السرقة تجنيب ....وكمان قالوا اكل المال العام (تجاوز) ....صبرنا كمل لكن نصبر شوية


#539081 [كراكة]
4.50/5 (2 صوت)

12-19-2012 02:27 PM
الجنبة ده اهم شي


#539043 [ود الجد]
5.00/5 (1 صوت)

12-19-2012 01:37 PM
لله درك استاذي الكـــــــــــــــــــــــــريم... لخبط راسنا وجنبتو كمان وكان من المفروض ان تنحاز في المقابل لجانب التجنيب وتوفه حقه من المعاني التي جنبت الكثير منها ...لك ودي


#539007 [adil]
0.00/5 (0 صوت)

12-19-2012 12:50 PM
ياسلام
بس كان تركز على الجنب وارتباطها بغسيل الجنابة -يعنى اصلا ليس بطاهرة يعنى عديل كده حرام ولاشنو اشرحها شوية


#539003 [NASRELDEEN ALI]
4.63/5 (5 صوت)

12-19-2012 12:45 PM
وجاء فى غناء المسانيح ( وهم قوم ذوو شغف ) :
الجنبه دى أهمّ شئ


#538994 [ابوخالد]
0.00/5 (0 صوت)

12-19-2012 12:26 PM
مامعني كلمة رجل المرور جنب ؟ وافضل ان تجنب يدك علي جيبك علي اليمين يعني يمين الشارع.فهذه سها عنها جبرها ولها اخوات.بجانبها.


#538960 [abubakr]
4.75/5 (6 صوت)

12-19-2012 11:49 AM
والله ياالفاتح جبرا بلاويك لا تنتهي. لو كنت المسؤول لمنحتك دكتوراه فخرية بل قل عشرات الدكتورات الفخريات (بس ما تفرح وتفتكر البنات الدكتورات البعالجن الناس)واحدة في الذكاء المفرط (وليس الذكاءالصناعي أو المصتنع) وواحدة في السخرية وهو أدب لو تعرفون رفيع وواحدة في التمكن اللغوي (مش التمكين بتاع الجماعة دولك) وبعدين تاني في شنو أيوة واحدة في خفة الدم ولطافته وواحدة في تفريغ هموم الملحوسين نحنا دول، دول كم؟. بجيك صادي بعدين بعد ما أنحت الدماغ الخرب شوية. آه يافاتح لقد هرمنا، هرمنا من الانتظار.


#538926 [ساطور ادم ساطور]
5.00/5 (1 صوت)

12-19-2012 11:20 AM
البشير ذاتو مجنب من سلطاته السفر لأصوت لاهيبه ذيو وذي أي عنقالي لما كان بتكلم الجماعة فاتحين له حتي ست البيت اسع سنسر صوته ضرب مع الفلس بشتنه شديده


ردود على ساطور ادم ساطور
United States [بدر] 12-19-2012 02:09 PM
يامعلم البشير بقى شغال هزاز بس النغمات ماشغالة


#538842 [المشتهى الحنيطير]
3.75/5 (3 صوت)

12-19-2012 09:54 AM
و الله لمن جنبتى و جعتنى.!!! لله درك يا جبره قلت لى لمن كانت الحروب بالسواطير....


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة