المقالات
السياسة
ارشيف مقالات سياسية
رحلة البحث عن المليون دولار.. بلاغ للنائب الأول..!!
رحلة البحث عن المليون دولار.. بلاغ للنائب الأول..!!
12-19-2012 05:45 PM

تراسيم


رحلة البحث عن المليون دولار.. بلاغ للنائب الأول..!!

عبدالباقي الظافر
[email protected]

يستعد قاضي شاب لترك السودان والاستقرار نهائيا في دولة الامارات ..مولانا عبدالعزيز عمل بالقضائية ثم تركها لاحقا بعد ان لاحت له فرصة اخري..مولانا عبدالعزيز حاج الزاكي التحق بالعمل مستشارا قانونيا بشركة جياد للصناعات المعدنية..في هذه الشركة طاب له المقام وابلي بلاء حسنا..هذا الشاب سيترك كل هذا ويبحث عن فرصة اخرى في الخليج بسبب الاحباط.

في أحد الايام اوكلت له شركته مهمة النظر في خلاف مع أثنين من رجال الاعمال.. الرجلان تعاقدا مع جياد لانشاء مصنع حديد..بعد ان تأخرا في الايفاء بالتزاماتهما فضت الشركة يدها عن مشروع الشراكة..القاضي السباق طلب منه النظر الى هذا الملف وطرح رؤيته القانونية..اجتهاده كمتخصص رأى ان شركته ستكسب اى دعوى قانونية ان وصل الأمر الى التقاضي امام المحاكم.

رئيسه في العمل كان له وجهة نظر اخري..كبير المستشارين يرى التحكيم اقصر الطرق لحل مثل هذه المنازعات..المستشارالاستاذ شاكرعبدالجابر يصبح أول اثنين اختارتهم الشركة في قائمة المحكمين..بالأصح الرجل اختار نفسه فالنفس هنا اولى من الصاحب.. هنا يبدأ تضارب المصالح ..المحكمون الاربعة يجتمعون ويختارون الدكتور اسماعيل الحاج موسى رئيسا للجنتهم الموقرة.

بدأت لجنة اسماعيل الحاج موسى اجتماعاتها وهمها الأول تحديد قيمة الاتعاب..لجنة الخبراء اقترحت مبلغ مليون ومئتان وخمسين الف دولار..الدفع هنا ياسادتي بالعملة الاجنبية..هذا المبلغ من المفترض ان يدفعه الخصمان مناصفة..شركة جياد ابدت استعدادها للدفع..بالطبع كلما زادت قيمة الاتعاب هنالك واحد من متخذي القرار في الشركة على رأس قائمة المستفيدين..الخصوم الذين يعرفون ماذا تعني مليون دولار وربع طالبوا بتخفيض المبلغ..انتهت الصفقة الي مليون دولار ثم الى ستمائة الف دولار في بلد لايجد مرضى الكلي الدواء فيخرجون الى الشارع محتجين..حتى هذه القسمة الجديدة لم ترضي التجار الذين امتنعوا عن الدفع فيما كانت شركة جياد دائما على اهبة الاستعداد.

حينما اصبح حلم المليون دولار غير يسير للجنة النائب اسماعيل الحاج موسى..بحثت اللجنة عن طريقة اخرى للحصول على العملة الصعبة في الزمن الصعب..اللجنة طلبت من الطرفين دفع مبلغ مائة الف دولار..القاضي الشاب احتج على الفكرة وتسائل على أي بند تدفع وعقد المشارطة لم يوقع بعد..كبير المستشارين من مصلحته ان تدفع الشركة وصغير المستشارين لا يرى منطقا..الجدال ينتهي لأن تدفع شركة جياد خمسة وثلاثين الف دولار..السؤال المحرج هل دفع الاخرين مثلما دفعت جياد من أموال الشعب السوداني.

هنا اصبح هذا المستشار غير مرضي عنه..بصورة دبلوماسية سحب الملف من تحت يديه..رئيسه بدأ يكتب عنه تقارير ضعف الاداء..الشاب كتب شكوى واخري لرئاسة الشركة ولا أحد يتكرم بالرد..اخيرا وصل المستشار الشاب الى فكرة الرحيل الى بلد يتسم بالشفافية والنزاهة.

سيدي النائب الأول هذا مختصر ملف فيه شبهة فساد واضحة تحتاج ان تقلب اوراقه قبل ان يصبح شاهد الاتهام لايمكن الوصول اليه..أخي الاستاذ والقاضي السابق على عثمان المستندات تحت الطلب.


تعليقات 20 | إهداء 0 | زيارات 3967

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#540907 [حسن شكلة]
0.00/5 (0 صوت)

12-22-2012 08:52 AM
ما يكون الشاب دا صديقك الوفى


#540245 [شوننتود]
0.00/5 (0 صوت)

12-21-2012 06:52 AM
مافيش حد يجيب خبرك انت تعبان قوق كم


#539888 [عبدالواحد المستغرب أيما إستغراب!!]
3.00/5 (1 صوت)

12-20-2012 04:45 PM
الحاجة:يا عبد الباقى يا جنى حشاى قول بسم الله ..أصحى الصبح قاعد يأدن.. ما يفوتك!!
(عبدالباقى ينهض من السرير بتثاقل)..والله يا أمى شفت لى جنس حلم!!
الحاجه:خير ..اللهم أجعلوا خير شفت شنو؟!!
عبد الباقى: حلمت بأنى كتبت مقاله عن الفساد ووجهتها لنائب الرئيس عله ينظر فيها!!
الحاجه:سمح..الحصل شنو بعد داك وده ما شى عادى وإنت وزملاك ما إتهريتوا كتابه فى الحاجات دى بالذات..وبسببا قفلوا جريدة صاحبك ابو نضارات؟!!
عبد الباقى: تذكرة بأن الرئيس كان أنشاء مفوضيه عشان ينظر فى الفساد..وقام بتعيين مفوض للمفوضيه إسمه ابو قنايه !!
الحاجه:ابوقناية ساكت كده حافى؟ الشى ما عندو أبو؟
عبد الباقى:ظنيتو ده إسم جدو!! وبعض الزملاء بيقولوا ده فى الحقيقه الركن الرابع فى مثلث (الغول والعنقاء والخل الوفى)والحقيقه الراجل منذ تعينه نسمع بيه ولم نراه إطلاقا!!
الحاجه: طيب ياوليدى البيزعجك شنو؟
عبد الباقى:المزعجنى وشاغل بالى ..الناس ديل يجو يشيلو العده!!
الحاجه:سجمى.. الخلم ساكت كمان سبب يشيلو بيهو العده؟!!
عبد الباقى: الناس ديل إنتى ما بتعرفيهم ذى كده.. والله اليومين ديل هم بقو فى تولاتم والجيش بقى يمسيهم بإنقلاب ويصبحهم بإنقلاب .. والشكله بيناتم بقت للركب..وكل واحد بقى يقول (نفسى..نفسى وبعدى الطوفات!! الجيش سخن والشارع بات أكثر سخونه..والناس الفوق خالص ما دايرين زول يحلم بحاجه إسمهافساد!!
المشهد الثانى:فى منزل عبد الواحد المستغرب أيما إستغراب!!
الحاجه:مالك يازول إنت بتتكلم وإنت نايم قول بسم الله وقوم سريع الترحيل بيفوتك!!
عبد الواحدالمستغرب:أسكتى ساكت..والله شفت جنس حلم!!
الحاجه:أستر يارب..شفت شنو الليله كمان؟!!
عبد الواحد المستغرب:شفت اللهم اجعلو خير.. الصحفى الاسمو عبد الباقى الظافر كتب عن (شبهةفسادووجه كلامو لنائب رئيس الجمهوريه شخصيا على أمل او لعل وعسى)!!
الحاجه:جنس حلم ذى ده بخليك تتكلم وإنت نايم ...ماترانا كل يوم بنقراه قرايافى سجمهم البسمو جرايد!!
عبد الواحد المستغرب:الفرق؟ عايزه تعرفى الفرق؟.. الفرق إنى شفت عبد الباقى معلق من كراعينو فى ميدان ابو جنزير!!
الحاجه:ليه من كراعينو؟ راسو وينو؟!!
عبد الواحدالمستغرب:يا وليه إنتى عبيطه..ولا..بتستعبطى؟!! هو كان عندو راس بيكتب كلام ذى ده؟!!يعنى عشان نائب الرئيس يسوى شنو؟ هو رئيسو غلبو البيسوى جاى هو يحل ليه مشكله!!
الحاجه:إنت المزعلك هسع شنو..وقت كلو حلم فى حلم؟إنت تحلم وعبدالباقى يحلم والشعب الغبيان يحلم...

عبد الواحد المستغرب مقاطعا الحاجه:شوفى...عشان اريحك كمان... إنتى طلقانه..طلقانه بالتلاته!!
الحاجه:أها.. إنت كنت كايس ليك سبب ساكت..وإنشاء الله النومه الجايه ما تصح منهاكان إنت ولا عبد الباقى والا.. كان نائب الرئيس ذاتو هسع أنا ذنبى شنو..ده ما فسادالعملتو ده؟!!.
عبد الواحد المستغرب: كده..مزاج ساكت.. إشمعنى الناس ديل يحكموا شعب كامل بمزاجهم وأناعبد الواحد(على سن ورمح) يغلبنى أحكم زوجتى...وطالما الموضوع موضوع فساد ما كلنا نمارس الفساد إسوه وإقتداء بالغير..وعلى الاقل فسادى هو أبغض الحلال وكان كترتى حاإرتكب فيكى فساد فى الارض!!.


ردود على عبدالواحد المستغرب أيما إستغراب!!
United States [أبوهبة] 12-21-2012 12:59 PM
قوية شديد ياعبدو دى من مين ؟


#539687 [Alia]
0.00/5 (0 صوت)

12-20-2012 11:37 AM
ياخ الظافر اقرا مقال الاخ بكري الصائغ حول اموال المرحوم مجدي ورفاقه واستفسر عن هذه الاموال الي سيادة النائب الاول اين ذهبت ولا شنو


#539685 [عبدالله عبدالله]
0.00/5 (0 صوت)

12-20-2012 11:36 AM
أنت تخاطب النائب الأول وكأنه سيحل لك مشكلة! النائب الاول نفسه أكبر نصاب في تاريخ السودان وهاك هذه القصة: حي الفتح (أو المجاهدين- لست متأكداً من اسمه) كان ملكاً لرجل أعمال سوداني مسلم (مسلم لا يحل ماله إلا بالتراضي) وكانت الأرض تسمى كيلو عشرة. عمد النائب الأول علي عثمان طه (رئيس الحركة الإسلامية السابق) فنزع الأرض بقرار رئاسي ثم أعطى صاحب الأرض 120 مليون جنيه قبل أن يوعز لزميله وزير الإسكان بتحويل القطعة إلى درجة أولى ويبدأ في بيع الأرض قطعة قطعة. خصص النائب الأول جانباً ضخماً من الأرض لأخواته. القطعة حالياً في ذلك الحي تصل إلى 300 مليون! ولكي يتأكد النائب الأول من أن صاحب الأرض الأصلي لن يلجأ للقضاء أدرج اسمه في القائمة السوداء فإن جاء السودان أمسك به رئيس الحركة الإسلامية السابق وأدخله السجن! النائب الأول قد استولى حالياً على كل البيوت المجاورة لبيته في الرياض بل واستولى على دار المؤذن وجعل منها قطعة (نجيلة) لكي (يتبوبر) بها أمام زملائه! هنالك امرأة تسكن في نفس الشارع الذي يسكنه هذا المشئوم ولها دكان استأجره أحدهم فلم يستطع العمل بسبب تواجد ناس الأمن والهيلمانة الفارغة التي تصاحب وجود النائب الأول وذهابه فترك المستأجر المحل وذهب بينما لا زالت المرأة صاحبة المحل تدعو الله صباحاً ومساءاً على ثورة الإنقاذ المزعومة! عرض عليها ناس الامن شيكاً (على بياض) لكي تكتب المبلغ الذي تريده فيدفعه لها النائب الأول (من أموال دافع الضرائب طبعاً وليست من أموال تلك القطعة التي استولى عليها) وينزعوا بيتها فمزقت المرأة الشيك وقالت لهم (لا آخذ مالاً حراماً) واستمرت في الدعاء على النظام. هذا هو الرجل الذي يريد أن يصير حاكماً للسودان والذي تتعشم أنت أن يحل لك مشكلة! فإن كان البشير لا يعلم بالقرار الرئاسي الذي نزع به النائب الأول قطعة ذلك الرجل فهي مصيبة وإن كان يدري فالمصيبة أعظم)


#539563 [عبد المغيث ابو شيخة]
0.00/5 (0 صوت)

12-20-2012 09:27 AM
الأخ الاستاذ / الظافر - تقدم شكوى للنائب الأول ونسيت مصطلح ( خلوها مستورة ) ؟؟؟؟؟؟؟؟؟؟؟؟؟؟


#539543 [ادروب]
5.00/5 (1 صوت)

12-20-2012 09:12 AM
ياجماعة الخيراسماعيل الحاج موسي ده اكبر رجل انتهازي ومتملق وبتاع كل حكومة وضميره وخلقتة كلاهماخرب وقبيح اما الدلوكة داك حق الشعب والظلموقتل الابرياء جاتو في حلقومو.. ده غير حساب الاخرة برضو تقول لي خط هيثرو مااهو الحرامي مدحت طلع براءة..


#539440 [فرقتنا]
0.00/5 (0 صوت)

12-20-2012 05:02 AM
يا ابوي الشكية لغير الله مزلة هسع عمك البتشكي ليهو دا بي الف دولار ح الم القضية وزولك دا خلي اسافر وبلاد الله واسعة ونحن مع المافية دي مافي حل الا الاسقاط ونزع السلطة والعاجبو عاجبو والما عاجبو امرق لينا برة نفس كلمات قوش التافه لا اكتر ولا اقل وهاك الاحباط دا


#539419 [واحد تانى]
0.00/5 (0 صوت)

12-20-2012 02:37 AM
قال ليه أخى.....!!


#539408 [المعلاوي]
5.00/5 (1 صوت)

12-20-2012 12:53 AM
امرك عجيب يا الظافر انت بتشتكي لمنو انت يا زول لسع ما فهمت البلد دي ماشة كيف النائب الاول والرئيس وكل الشلة ماخدين عمولات يعيني يا عمي حاميها حراميها وقصة براءة المستشار مدحت ليست ببعيد بع ان بح صوت طاهر ساتي وجف مداد قلمه


#539395 [zahi]
0.00/5 (0 صوت)

12-19-2012 11:48 PM
والله انت متخلف ........... ده كل القدرك عليه الله ؟؟؟؟؟ مليون دولار و موظف ؟؟؟؟؟؟؟؟؟


#539362 [زول]
5.00/5 (1 صوت)

12-19-2012 10:21 PM
ده التحت يديك الملحد بالكوم ودي مشكلة انت كصحفي والراجل معرفه لكن في ألف وألف شخص ساكت لانه محمول وماعنده مخرج وعنده ألف سبب لسكوت ياخ ناس آكلو قروش الحجاج وباعو الأوقاف وعمل مجسم تدريب الحجاج بعشرات الملاين وسرقو قروش منظمة حسن الخاتمة لدفن الموتي ورئيس يقولون له أخوك حرامي والمعاك حراميه يقول اثبتو زوجتك حراميه يقول اثبتو الورق واحد سرق امس عشان طول لسانه قال معاي ناس بدخلهم القاضي طلعو براءة ياخ انت وأنا محكومين من شلة تلب نطاطين الحيط وتلب ارحم لانه بسرق ملايه وليس دوله والله يسهل له في ابوظبي زولك ده كان يصبر ويصبر لانه السودان أولاء به


#539352 [fan]
0.00/5 (0 صوت)

12-19-2012 09:50 PM
1. Million dollars is nothing compared to billions of dollars that went into palaces and multiple wives for the so called ISLAMEEN
2. Millions live in exile and most of them are honest, educated, men and women who can't work for Giad and even if they were given a chance most of them wouldn't work for a company that's owned and run by Albashir intelligence


#539341 [وحيد]
0.00/5 (0 صوت)

12-19-2012 09:18 PM
يا عزيزي لو ما خربانة من فوووووق ما خربت تحت ..... لا رجاء في علي عثمان و لا في رئيسه الراقص و لا ابو عصايةاو قناية


#539331 [awad]
5.00/5 (2 صوت)

12-19-2012 09:05 PM
تلف وتدور وتحلق وتهبط أدخل فى الموضوع وقول فى هبرات وسيبك من البتشتكى ليه ده لأنه هو الرأس المدبر لكل ماهو ملهوط فى البلد الهاملة دى وأترك كتير الثلج ودى نصيحة لك.


#539312 [الفكي أبو جدادة]
0.00/5 (0 صوت)

12-19-2012 08:21 PM
ببساطة....

كدة.... بوظت القضية.... وورطت الراجل ورطة كبيرة......

على اﻷقل كان تخليهو.... يتخارج أولاً.....القصص الزي دي كتيرة.... وﻷنها بتمس.... رؤوس كبيرة....

فصاحبك دة..... في وضعية خطيرة....


ردود على الفكي أبو جدادة
United States [فرقتنا] 12-20-2012 05:08 AM
ههههههههههههههههههه بس دا المطوب والولد لازم اسمأ كلامك يا مألم..... فكي بس وريناحكومة دا امشي متين


#539307 [ابوالنون ع ص]
5.00/5 (2 صوت)

12-19-2012 08:05 PM
انت يا ود الظافر منتظر الحرامى يحل ليك المشكلة دى .. شئ غريب !!


#539299 [صادميم]
5.00/5 (1 صوت)

12-19-2012 07:55 PM
انا فاهم القضية شنو لكن اذا كانت القضية تتحدث عن فساد ارفع امرك لله تعالى و ما تستجير من الرمضاء بالنار و اظن اي واحد طفش البلد دي عنده نفس المشكلة و خلي صاحبك يتوكل على الله و يفرتق


#539294 [سم زعاف]
5.00/5 (3 صوت)

12-19-2012 07:42 PM
كدي يا صحفي يا شاطر إقرأ هذه الجملة من مقالك وورينا الخطأ فيها "هل دفع الاخرين" نصحناك عشرات المرات باعودة إلى صفوف الدراسة وإلا إلتحق بدورات دراسية في النحو والقواعد وبعدين تعال راجع وستجد موقعك في انتظارك. الله أكبر ويا مثبت القلوب


#539268 [حزب الراكوبة عضوية رقم (1)]
5.00/5 (1 صوت)

12-19-2012 06:40 PM
مادام منتظر كبيرهم الذي علمهم السحر
مستنداتك دي بلها وأشرب مويته
ولا أقول ليك شوف ليك أقرب محل لبيع الطعمية للإستفادة من هذه الاوراق فيما ينفع الناس


ردود على حزب الراكوبة عضوية رقم (1)
United States [رمز الراكوبة] 12-20-2012 05:11 AM
دا الكلام التمام عايز صاحبك ابيع الموية في حارة السقايين وابيع الجرايد للصحفيين


عبدالباقي الظافر
عبدالباقي الظافر

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة