همتكم يا شباب
12-23-2012 08:15 AM


همتكم يا شباب

سلوى محمد عبدالله
[email protected]

image

ليس اقصاء لإ احد علي قول ناس السياسة
لكن مما أدخلوا فيها عجايز الأحزاب القديمة همدت الثورة وكتر الجدال والقيل والقال .
بقوليكم ياشبابنا الله يديكم الغافيه انسو الناس ديل ليس استصغارا لكن ياجماعة التاس ديل مدة صلاحيتهم
في السياسة انتهت الله يديهم كلهم طولت العمر . وبعدين دا جيل قواعد تربيته برضو غير صالحة للإستعمال
البشري . دا جيل اتربى على السمع والطاغة العمياء.... جيل شعاره من لم يوقر كبيرنا ويممرمط ويحفر صغيرنا
ليس منا. جيل أسمع الكلام يا ولد وطي صوتك يابت . والواحد أكان فتح خشمة عشان ما يعطس يقولوا لي بترد علي يافليل الادب .
اتذكر مره مشيت الدكتور مع أبوي وانا تقريبا سبعة سنين كنت أعاني من وجع شديد في الاضان وكان من المفترض أعمل غسيل للأذن حسب كلام الدكتور. لما مشينا للممرض بدأ الممرض يغسل لي في عيوني ولما
احتجيت بصوت عالي لغاية ابوي ماسمع وكان بتكلم مع زول تاني برا ضرخ فيني يابت اسمعي الكلام وطي صوتك
دا وواصل الممرض وغسل لي عيوني وانا من الزعل كضمت وبشقاوة الاطفال ماكلمت ابوي إلا بعد وصلت
البيت قلت يايابا بس الممرض غسل لي عيوني ما أضاني .
- وساكتا ليه يا ممسوحة وضحك
طبعا لو فتحت خشمي كانت بقت فصاحة, ورحعنا تاني واضتطرينا قابلنا الدكتور لانه عيوني التهبت.
وكل ماكان الطفل مغلوب علي أمره اصبح مضرب مثل في العقل .
دا غير في أي مناسبة يترمي للآطفال بي باقي الصنية بعد ماياكلو الرجال وبعدهم الحريم وللآطفال
فتات الموائد
خلاصته كيف ينتظر من جيل اترى على التهميش ينتج ثورة ويغير مااااااااااااأظن والنتيجة واضحة ونحنا على أعتاب العيد السبع وخمسين للإسغلال. ولسه راجعين لي وراء نحنا محتاجين ثورة فكرية .
همتكم ياشباب ....


تعليقات 2 | إهداء 0 | زيارات 784

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#542439 [بكري الصائغ]
0.00/5 (0 صوت)

12-24-2012 06:50 AM
أختي العزيزة،
صدمت صدمة شديدة مازلت متكمنة في كل دواخلي عندما طالعت خبر المظاهرة المليونية التي قامت بسبب لاعب كرة القدم هيثم!


#541761 [ود البلد]
0.00/5 (0 صوت)

12-23-2012 11:01 AM
هو الشباب ذاتو وينو ، شباب بقو مشغولين بالفيس بوك والمنتديات والجكسات ومافاضي للي حاصل عليه من تدهور في الصحة والتعليم وجميع حياته اليومية ومع ذلك نايم نوم عسل ، يعني تفتكرو انتو يا شباب اذا انتو ما قمتو بالتغيير من حيقوم يغير ليكم ، خليكم نائمين لحدما تلقو بلدكم ذاتو اتباع في سوق النحاسة من الكيزان


سلوى محمد عبدالله
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة