المقالات
السياسة
ارشيف مقالات سياسية
ماذا تريد الانقاذ من قطر؟
ماذا تريد الانقاذ من قطر؟
12-24-2012 02:26 AM

ماذا تريد الانقاذ من قطر؟

مدحت عروة
[email protected]

دعم مالى لان البلد مافيها احتياطى من العملة الصعبة للحفاظ على قيمة العملة الوطنية وبالتالى التضخم!!!
ولشراء الوقود(الجازولين) لانه بدونه لا زراعة ولا نقل ولا متحركات عسكريةالخ الخ الخ!!!!!
ولشراء القمح وغيره من الاشياء الضرورية من الخارج!!!!
يعنى نظام الانقاذ على حافة الهاوية وهو يريد ان يشترى الزمن بدعم مالى قطرى حتى يتم الاتفاق مع الجنوب بشان تدفق النفط وشوية دخل للخزينة ويمكن عندهم اكتشافات بترولية ح تخش فى الانتاج والتصدير!!!!
الانقاذ داخلة فى مشكلة مالية كبيرة وعندها من المشاكل ما يشيب لها الراس!!!!
هل اذا دعمتها قطر هل يوجد ضمان بان الانقاذ ستقضى على التمرد والمعارضة وتدعم الانتاج وتؤمن الاشياء الضرورية للشعب وتوقف التضخم وانهيار العملة!!!!
ده عايز ليه كجور كبير وخطير لان التاريخ يقول لا يمكن القضاء على التمرد والمعارضة الا بالمفاوضات يعنى شغل سياسة!!!!
يعنى قطر اذا دفعت دولار لا يمكن ان تضمن حل المشكلة بل ستطلب الانقاذ المزيد والمزيد لان راعى الضان فى الخلا يعرف انه بدون شغل سياسى وطنى من خلال مؤتمر قومى دستورى واثنائه تتوقف جميع العدائيات يعنى الكل ياخد راحة الا السياسيين يكون راجيهم شغل تقيل لاخراج البلد من عنق الزجاجة الى التوافق والاتفاق الى العمل السياسى السلمى والى السودان الارحب المتوافق اهله بدون شرط من احد وبدون ان ياخذ احد كل مطالبه ولابد من التنازلات ليعيش الجميع فى اتفاق الحد الادنى من خلال دولة مدنية تكون فيها الحريات وسيادة القانون والمواطنة والمساواة الخ الخ هى الاساس!!!!
الانقاذ لو قعدت تانى 23 سنة وبمساعدة قطرية او غيرها لا يمكن ان تحل مشكلة الحكم فى السودان بدون توافق اهل السودان ولا تنفع قطر ولا غير قطر!!!!
معقول الانقاذ وليها اكثر من 23 سنة ما عارفة الكلام ده واى زول ريالته كآبة يعرف صحة هذا الكلام؟؟؟؟؟؟
معقول وصل بنا الحال بعد سودان المحجوب والازهرى وصحبهم الكرام الماتوا وما عندهم من حطام الدنيا شىْء الحلوا مشكلة مصر والسعودية وكفكفوا دموع العرب بعد النكسة وقطعوا علاقاتهم مع الغرب الكان صاحبهم وساعدوا مصر بالمواشى والمنتجات الزراعية قدر قدرتهم ورفضوا عرض الملك فيصل الزعيم الكبير رحمه الله بتخصيص مبلغ للسودان لانه محتاج زيه وزى دول المواجهة ورفض الازهرى بكل اباء وشمم حتى لا يقال ان السودان استلم قيمة عمله العربى الكبير!!!!!
نجى الآن وبكل تاريخنا وشخصياتنا السياسية العظيمة فى العهد الديمقراطى وليس العسكرى او الشمولى وبكل مساحة ارضنا الكانت اكبر من اى دولة عربية او افريقية وبكل مواردنا الطبيعية التى تؤهلنا اذا كان عندنا نظام ديمقراطى زى الهند ان نكون اليد العليا وليس اليد السفلى ودولة غنية وقوية والناس يجوا عندنا للاستثمار نطلب المساعدة من قطر او غيرها وعندنا كل هذه الامكانيات المادية والبشرية؟؟؟؟
مفروض اى بيت فى السودان يعمل فراش ويتلقلى العزاء فى السودان البلد المفروض يكون عملاق والانقاذ او الحركة الاسلاموية جعلته قزمابل مزقته وتواصل تمزيقه وتستجدى الآخرين لبقائها بدلا من جمع اهل السودان فى مؤتمر جامع كجنوب افريقيا لحل مشاكل البلاد حتى يحترمنا الجميع!!!
الحل هنا فى السودان وباهل السوان معارضين سلميين او مسلحين حتى نكون ارض الاحرار بلد الشجعان والشجاعة فى النهاية هى شجاعة الراى والعقل وليس شجاعة السائحون والمجاهدون والدفاع الشعبى والجيش والامن المفروض يكونوا فى مواجهة اعداء السودان الخارجيين وليس اهلهم ومواطنيهم والذين من المفروض ان يتنافسوا فى كيفية بناء وتطوير السودان ويختلفوا فى ذلك سلميا والشعب يختار البرنامج البيعجبه ويكونوا يدا واحدة وقلب رجل واحد فى مواجهة اعداء وطامعى الخارج!!!!
لماذا لا تريد الانقاذ الحل الوطنى داخل البلد انشاء الله فى راكوبة وتفضل حلول الاجانب والخارج؟؟؟
هل هم لا يعترفوا او يحترموا معارضيهم وان حواء لم تلد زيهم؟؟؟؟
مع انهم فشلوا فى كل ما قالوه فى بيانهم الاول الذى لا يستطيعوا انكاره!!!
واذا الناس عارضوهم فهذا لا يعنى انهم على حق ويردوا فشلهم للمعارضة الداخلية والخارجية لان من اهم اسباب النجاح هو وضع خارطة للوطن وبتوافق اهله لخلق استقرار سياسى ودستورى قبل بناء الطرق والكبارى وهلم جرا!!!!
البناء السياسى والدستورى بتوافق الجميع هو الانقاذ الحقيقى وليس تنفيذ برنامج فصيل واحد وفرضه على الجميع هو الانقاذ!!!
عبود مع ان نظامه كان عسكرى وديكتاتورى سلم الحكم لحكومة انتقالية وحوكم افراد نظامه ولم يجدوا عليهم شىء من فساد او غيره!!!!
هل ياترى الانقاذ خايفة من مثل هذه المحاكمات؟؟؟
الزول الما عمل فساد او جريمة واخطأ سياسيا ما بيخاف من شىء وما يقول ناس الانقاذ انهم خايفين على وحدة واستقرار وازدهار البلد او ضياع شرع الله لان هذا الكلام مضحك والواقع يكذب ذلك!!!!
اهل السودان كلهم يدركوا ان لا يمكن لاى فصيل او عرق او قبيلة او حزب ان يحكم السودان لوحده وباجندته ويفرضها على الجميع لان مافى زول ارجل من زول ولو اى واحد بيفكر فى ذلك فمن الافضل ان تكون هناك عدة دول او وطن واحد متنوع كل واحد يحترم حق الآخر فى كل شىء ويخلقوا وطن موحد قوى مزدهر فلسفته المواطنة السودانية والتنوع فى ظل الحرية والديمقراطية وسيادة القانون وفصل السلطات وعدم تغول سلطة على اخرى هو قوة وثراء فى كل شىء!!!!
الانقاذ حقو يستجيبوا للعقل والوطنية و يحلوا مشكلة الحكم سلميا وما يخافوا من المساءلة كالرجال او يرجوا الراجيهم والخارج قطر او غيرها لا يمكن ان تستمر فى دعم نظام لا يؤدى الى استقرار وسلام الى ما لا نهاية!!!
وفى النهاية لا يصح الا الصحيح وناس الانقاذ او الحركة الاسلاموية ما عندهم الحكمة وفصل الخطاب دون سائر اهل السودان ويبطلوا مكابرة!!!!




تعليقات 5 | إهداء 0 | زيارات 1582

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#543888 [حسن شكلة]
0.00/5 (0 صوت)

12-25-2012 06:08 PM
التحية لقطر وحكام قطر ولحكومتنا ولشعبنا ولقوات المسلحة الباسلة


#543670 [Mohd]
0.00/5 (0 صوت)

12-25-2012 02:12 PM
قطر دي عاملة زي الزول المروض له اسد(مخلوع الاظافر والانياب-السودان)

شوف قطر جنب السودان

كديسة جنب اسد

عجبي


#542773 [ابو ايمن]
0.00/5 (0 صوت)

12-24-2012 02:20 PM
مغصتك وعشان تجيك ملاريا


#542752 [الضعيف]
0.00/5 (0 صوت)

12-24-2012 01:56 PM
وقال ليك منو الإنقاذ عايزة حاجة.. يمكن هم زاتم عاوزين حاجة!!

وعلى العموم ناس الإنقاذ والحركة الإسلاموية ما بهم بلد يتفرزع يتشتت يتفتفت..إنشاء الله يحكموا شبر.. وما بيخجلوا من أي شيئ إلا أنهم يسيبوا كراسي الحكم لغيرهم..


#542414 [shamy]
0.00/5 (0 صوت)

12-24-2012 03:40 AM
there are nations who are Royal in their own fashion .they acts like kings so other nations treated them like kings .
and there are nations acts like slaves they are treated like one .
so sudan wake up from you slumber.enough is enough


مدحت عروة
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة