المقالات
السياسة
ارشيف مقالات سياسية
يا للعار يا للعار ..الاردن يصدر للسودان الخضار
يا للعار يا للعار ..الاردن يصدر للسودان الخضار
12-25-2012 02:35 AM

يا للعار يا للعار ..الاردن يصدر للسودان الخضار

عبدالله أحمد (البروف )
[email protected]

ورد في يوم الاثنين 24/12/2012 م في صفحة أخبار (الشروق نت ) عنوان الخبر التالي ( الاردن يصدر الخضار للسودان ) وفي تفاصيل الخبر
الصادم أن المسؤولين السودانيين اتفقوا مع وزير الزراعة الاردني على استيراد الخضار من الاردن للسودان . لاحظ خضار !!!!!!!!!!
الخبر بكل الاحوال والظروف والملابسات صادم جداً لنا كسودانيين ولغيرنا وذلك لعدة اسباب , منها اننا بلد يجري فيه نهر النيل
العظيم وتهطل فيه الامطار الغزيرة ونحن الدولة التي يُطلق عليها ( سلة غذاء العالم ) وينتظرنا العالم كله لنطعمه واليوم لا نستطيع
حتى انتاج الخضار لنا . أليس ذلك من العار ؟! . عندما جاءت ثورة الانقاذ قبل 23 عاماً اطلقت شعارها الرنان ( نأكل مما نزرع )
وكتبوا له القصائد الحماسية والخطب السياسية ومزقوا له فاتورة استيراد القمح ورقصوا على أشلائها زاعمين اننا اكتفينا ذاتياً
من القمح , و االحقيقة اننا لم نكتف حتى من الليمون حتى هذا اليوم .
لا لاستيراد الخضار من الاردن . لماذا ؟
أولاً: أليس من العيب للسودان البلد الشاسع المساحة ( الحدادي مدادي ) الخصب الاراضي المليء بالانهار أن يستورد الخضار من الاردن ؟! هل تريد الحكومة أن تثبت علينا التهمة االمشينة التي يرددها علينا العرب ويسخرون بها منا أن السودانيين شعب كسول.
ثانياً: معلومة مهمة جدا وهي أن سلطات وزارة الزراعة السعودية اوقفت قبل مدة استيراد الخضار من الاردن , لأنه ثبت أن المزارعين الاردنيين يسقون مزارعهم من مياه الصرف الصحي والمجاري بسبب قلة المياه الصالحة للشرب والزراعة في الاردن , وقد ثبت أن الفيروسات تنتقل من مياه المجاري الى الخضروات . فلماذا تريد حكومتنا أن تضيف الى جوعنا الامراض ؟ ولماذا ولماذا تريد حكومتنا اهدار عملة صعبة في استيراد خضار نستطيع نحن انتاجه على احسن مستوى ؟ لماذا لماذا لماذا ؟؟؟
لا بد أن في هذا القرار قصر نظر وعدم وطنية , ادعو الجميع لمقاطعة الخضروات المستوردة عموما وخصوصاً الخضروات الاردنية,
فلسنا مكب نفايات .




تعليقات 10 | إهداء 0 | زيارات 1821

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#544095 [جرير]
0.00/5 (0 صوت)

12-25-2012 11:35 PM
الناس دي كلها فالحه تنظر بس،طيب انتو ماسودانيين ماتمشو تزرعوا ..الحكومه قالوا باعت الاراضي للمصرين قامت الدنيا وما قعدت..قالت ليكم ازرعوا عاوزين تاكلوا جاهز..خلاص قالت تستورد ليكم من بره،انتو لا دايرين تزرعوا ولادايرين الناس تزرع ليكم ولا دايرين الحكومه تستورد الخضار...والله لو انا من الحكومه افك البلد واشوف بعدين لو الصومال ما بقت جنه بالنسبه للسودان،شعب فاشل فالحين في التنظير...الكويس منو في البلد دي ..منذ الاستقلال مافي زول عاجبو التاني...الدمقراطيه ماعجبتكم العساكر ما عاجبينكم..العسكري مع خلطه شيعويه ما نفعت ...العسكريه مع خلطه اسلاميه مانفعت،الدمقراطيه تاني ماجابت حقها..تاني العساكر ..دي بلد شنو الناسا غالبهم اليسوه...قوموا لفو دي بلد عايزه استيراد مواطنيين موش استيراد خضروات


#543981 [wad kassala]
0.00/5 (0 صوت)

12-25-2012 08:31 PM
يا استاذ ديل مما مسكوا الحكم بخططوا لاشياء مثل هذه الامريكان بخططوا عشان يطوروا انسانهم وديل بخططوا عشان يطفشوا المواطن ويجدوا زريعة لمثل هذه الاشياء وثانيا لكي يعيش المواطن الذي لم يستطيع مغادرة البلد تحت رحمة المرض وبذالك يضمنوا بقاءهم في السلطة لامد طويل انهم مخططون بس لدمار اي شئ


#543801 [wudoof]
0.00/5 (0 صوت)

12-25-2012 04:19 PM
الخضار خليه....!!؟.. ناسك ديل قاعدين.... بكره حا يصدروا ليك المويه...؟؟؟!! فالناكل مما نزرع ونليس مما نصنع..ونضجك مما نسمع ..؟؟!!


#543513 [أبوأسامه المهاجر]
5.00/5 (1 صوت)

12-25-2012 11:32 AM
أعيد خبر الصيني جيا لمراجعة الدرس


بمزرعة مساحتها فدان،،الصيني ( جيا ) يزود منطقة بليلة بالخضروات

12-23-2012 07:21 AM
بليلة : عبدالوهاب جمعة
معتمرا قبعته المشابهة لقبعات الكاوبوي كما ترويها افلام هوليوود ومرتديا زي العاملين بشركات النفط ذو اللون البرتقالي المتوهج عند الغروب والليل ويقود جرارا زراعيا صغيرا من ( كوبوتا ) ، ينظر جيا جوونغ العامل والمزارع في شركة بترو انجري صاحبة امتياز مربع 17 بجنوب كردفان الى مستقبل صناعة النفط في السودان ، فقد عمد (جيا ) الى اطعام مئات العاملين بشركته من المزرعة الملحقة بمعسكر الشركة ببليلة ويباع الفائض من منتجات المزرعة الى مقاولي الشركات الاخرى بالمنطقة التي تزخر بعشرات من الشركات العاملة في استخراج النفط، يقول جيا انه حضر الى السودان قبل سبعة اشهر مشيرا الى انه يزرع اكثر من 34 صنفا من الخضروات ، والمزرعة التي لا تتعدى مساحتها فداناً ونصف الفدان غرس وزرع فيها جيا الاسود والفجل والعجور واللوبيا والبطيخ وشطة الفلفلية ، يقول الشيف سلامة الصالح ان مزرعة جيا توفر لمطبخ الشركة كل حاجتها من الخضروات ويلفت سلامة ان الخضروات الطازجة مفيدة لصحة العاملين بالنفط ، ومع بعد منطقة بليلة من المناطق التي تزرع الخضروات تظل مزرعة جيا المزود الاول والافضل لكل المنطقة ، ويقول احد المهندسين بشركة بترو - انرجي ان المزرعة تنتج اكثر من عشرة اطنان من الخضروات في الشهر مشيرا الى المزرعة تستفيد من فائض مياه المعسكر وتمنى المهندس ان يستلهم مسئولو الزراعة بالبلاد افكار جيا التي حولت ارضا فضاء مساحتها فدان الى ارض تجود بالعطاء ، وفي داخل المزرعة عمد جيا الى نصب اعواد تتسلق عليها نباتات اللوبيا والطماطم مما زاد من انتاجية تلك الاصناف ، وتؤكد عزيمة جيا ان ارض السودان بكر تنتج الغذاء والنفط وتتطلب ارادات قوية ورغبة ومقدرة صادقة في العمل.

الصحافة


#543481 [أبوأسامه المهاجر]
5.00/5 (1 صوت)

12-25-2012 10:52 AM
"هل تريد الحكومة أن تثبت علينا التهمة االمشينة التي يرددها علينا العرب ويسخرون بها منا أن السودانيين شعب كسول"

هذه ليست تهمة هذه حقيقة ويجب الإعتراف بها لعلاجها وإذا ظللنا ننكرها فمامن شك أن المشكلة ستتضاعف وسيطالب الشعب أمنا الحكومة (وأنا لست من أنصارها) بتوفير المأكل والمشرب والملبس والسكن.

الخضار البنستورده دا ممكن نكتفي منه ذاتياً ونصدره ونستحوذ على السوق الخليجي لو كل واحد بدأ بإستغلال حوش المنزل في زراعة مايحتاجه من الخضار وقد ورد في موقع الراكوبة قبل يومين خبر الصيني الذي يمول الخضار لعمال شركته في منطقة بليلة بإستغلال بزراعة فدان واحد فقط وكنت أتمني ألا يسحب هذا الخبر بسرعة حتى يتعلم منه السودانيين.


#543386 [أحمد ساتي]
5.00/5 (1 صوت)

12-25-2012 09:30 AM
لن يغير الله ما بقوم حتى يغيروا ما بأنفسهم


#543299 [omer A Elbasheer]
5.00/5 (1 صوت)

12-25-2012 06:34 AM
كيف نستورد الخضار من الاردن والاردن تستورد الخضر والفواكهه من اسرائيل


ردود على omer A Elbasheer
United States [Mohd] 12-25-2012 09:34 AM
ياخي انت فاضحهم مالك ؟


دا كله تكسير ثلج لاسرائيل عشان ما تضربهم تاني

الاردن لو كميته ما كفت اكيد حيجيب من هناك ويمكن الاردن دي ذاتها خاتنها كبري

ستارة يعني والاتفاق مع دواسيهم ومذليهم وفاضحيهم في العالم اسرائيل

يعني لازم تحكوها كدا

ديل بني كوز مستعدين يتعاونوا مع الشيطان نفسه

ان لم يكونوا هم الشيطان وابنائه


#543284 [اسمر]
0.00/5 (0 صوت)

12-25-2012 05:22 AM
ههههههههههههههههههههههههههههههههههههههههههههههههههههههههههههههههههههههههههههههههه
وتاني هههههههههههههههههههههههههههههههههههههههههههههههههههههههههههههههههههههههههه
وتالت هههههههههههههههههههههههههههه هههههههههههههههههههههههههههههههههههههههههههههههه
وو هاااااااااااااااا ههههههههههههههههههها وههههههههههههههههههههههههه


#543244 [فرقتنا]
3.00/5 (1 صوت)

12-25-2012 03:44 AM
العار العار يا كيزان بئس الاذلال لسعب السودان بكل صراحة غير الاغتيالات والثار لكرامتنا مافي حل هوووووي يا حركة شعبية مافي داعي للمثالية لو انتو بالجد بتناضلو من اجل شعب السودان والمثل والقيم نحن نريد تصفية وكدة كدة ميتين ميتين والافضل نموت بي كرامتنا ولا شنو يا شرفاء الشعب السوداني من يؤيد التصفيات اصوت حالا والما بعمل لايك ما ثوري


ردود على فرقتنا
United States [abubakr] 12-25-2012 01:16 PM
مليون لايك


#543230 [ابكر ادم ابكر]
3.00/5 (2 صوت)

12-25-2012 02:56 AM
يمكن خضار الاردن بيعمل الناس ( حمر) ، اى فاتحى البشرة. الاستعرابيين عندهم مرض اسمة العروبة. يعدين انت يا بتاع المقال ، هذا الخضار مصدر الى اهل مثلث حمدى. و الله العظيم نحن فى نيالا الكوم بالفين جنية للطماطم و البصل الاخضر الربطة ( نصف كيلو)، ، اما الجرجير ، فياكلة القليل. الفقوس و المنويج و ام باسا و العجور و من ثم الخيار موجودة بكميات لا تصدق و ارخص شيئ هى. كيلو الضان فى نيالا ب 17 الف و فى القري الناس بتاكل الغنم و الكيلو فى حدود 10 الف. الروب بس فى الصيف قليل ، اما فى الخريف فيتم تصريفة فى الرهود و المسايل بعد استخلاص السمن من لبنه ( مع ملاحظة انكم فى المثل تستوردون الروب من الامارات و السعودية - رائيت لبن و هو روب المراعى فى الخرطوم).


و الله طرق الانقاذ الغربي يصل هنا على جثثنا. انتم اذهبوا الى الجحيم.

صابون الحمام عندنا هنا اتى من الكمرون و هو ب 1500 جنية. الزيت عندنا من فولنا و فى معاصرنا. ازيدك ، الطرق القاري على بعد 24 كيلو من الجنينية و هو على مشارف ابشي فى تشاد. تعرف الطريق القاري هذا يبدا من ضفاف الاطلسي ، يعنى بعد 4 شهور ممكن اركب زلط من نيالا و بالزلط الى ياوندى فى الكرون ، كانوا فى نيجريا ، باماكو فى مالى ، نيامى فى النيجر ، بنن سيتى فى بنين ، داكار فى السنغال ، ايبديجون او ابيديجان فى ساعل العاج ألخ. و الله انا فولى معبية فى جوالات بلاستيك مكتب فيها بالانجليزية ( مصنع الحاج احمدى بيلو - ميدوغري - نيجريا)

نحن يبدو ربنا حلانا. انتم اكثروا من الدعاء و الاستغفار ، يمكن يجيكم حل. اخبار بترول الحشرات سنو؟


ردود على ابكر ادم ابكر
United States [حسن شكلة] 12-25-2012 06:04 PM
طيب ما تزرع بدل ماتسف السعوط . وانت عندك شئ غير النوم؟؟وغيركم مضيعنا ومضيع البلد الله يلعنكم

United States [Sudani] 12-25-2012 02:06 PM
يعني شنو انت سوداني؟
أحسن يكون دار فوري معزز مكرم لو ما في عدالة أحسن ليهو الانفصال. ... ناس دار فور ديل تعرضو للإبادة والتشريد والاغتصاب وقبل أسبوع اغتيالات بالجملة في جامعة الجزيرة...... كدي قول لي في كم مظاهرة طلعت لإدانة هذه الجرائم؟؟؟؟؟؟؟ ناس دار فور براهم حاسين بالوجع..... الجمرة بتحرق الواطيها .....
علي فكرة أنا من الجزيرة. لكن عندي الشجاعة والضمير الحي ولا ارضي الظلم لأي كائنٍٍ. كان ..... الشمال الجنوب الشرق الغرب فوق تحت وبالجمبات با كلنا مواطنين علي قدم المساواة لنا نفس الحقوق والواجبات يا كل واحد يشوف ليهو قبلة يصلي عليها

United States [طيب ما تتخارجو] 12-25-2012 11:30 AM
وما قلت لينا ياخ ملوة الطلق 9 ملي بي كم ؟؟

United States [فاضل الوزير] 12-25-2012 10:29 AM
لا تنسي يااخي انك سوداني وخليك من الكنايات العنصرية


عبدالله أحمد (البروف )
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة