المقالات
الشعر
صهيل عينيك !
صهيل عينيك !
12-29-2012 11:28 AM


بسم الله الرحمن الرحيم

صهيل عينيك

عروة علي موسى
[email protected]

مدن تشهق نسايم الليل
وخاطر رف في حلم المناهو إجيها
مشاوير الصدى الريَّانة منِّها فيها
تشد ساعد مراكب الشوق
وتفرح بالمُنى الراجيها
صهيل عينيك
حنين بِلْداتنا لي عفرت صباح سيَّار
وحنين شتلاتنا لي التِعل البصب هَدَّار
دعاش الليل رابط عزو بي بهرج بريق عينيك
لهيب ضواي
بقود شوق المسافة إليك
وإدس وجع رجع الصهيل جواي
صهيل عينيك
حُجا الحبوبة لي فرحاً بِقالا وليف
تناجي صِغارا في جلسات ليالي الصيف
وحلم الطيف إفر من تالا وإمشيلم
وانز فرح الصغار عَمْران
وتتجمَّل ليالهم
صهيل عينيك
إنادي الكان عبير رقاش
وإنادي الماش
وقدلة شوقنا لي زولاً
صهيل عينيو وجع نواش
صهيل عينك
حد الموجة لي ساحل العِشم مشتاق
تشيلو الموجة تقلد بيهو
لي غيم السما الدفاق
صهيل عينيك
وجع جواني بتمدد مع صرخة صدى الآهات
صدى النظرات ، صدى الحسرات تفتش ليك
وتفتش ليك ...
مدن مشدوهة من نسمات صهيل عينيك
وخاطر رف في حلم المناهو إجيك
إقيف راجيك
مرابط في مضارب الحي
طالق للسمع رسنو
عشان إسمع صهيل عينيك ...

عروة علي موسى




تعليقات 3 | إهداء 0 | زيارات 2285

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#548166 [مرتضي ادريس عباس]
3.00/5 (1 صوت)

12-31-2012 11:16 AM
كلمات رائعة وجميلة لك الشكر


#546728 [adel abasi]
3.00/5 (2 صوت)

12-29-2012 02:50 PM
لافض فوك ياأبو موسي وماأجمل الانتظار علي مضارب الحي لإصطياد أسهم عيون وصهيل (لوحة )؟.
سيظل هذا الإستفهام قائمآ وفي إنتظار الأروع ولك التحية.


#546687 [خالد]
3.50/5 (2 صوت)

12-29-2012 01:40 PM
كلمات رائعة وجميلة
شكرا عروة


عروة علي موسى
عروة علي موسى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة