المقالات
السياسة
ارشيف مقالات سياسية

01-03-2013 09:39 AM

هل إنت سوداني ؟!

احمدالخير
[email protected]

إذا كان طولك خمسة أقدام وتلاتة بوصات …. إذا أنت سوداني
إذا كان شعرك قرقدي(ودي بقت مافي مع الجل) وعيونك عسلية …أنت سوداني.
إذا كان كراعك خف جمل ومشققات …أنت سوداني.
إذا كنت طيب والغنماية تاكل عشاك ...إنت سوداني.
إذا صحيت الصباح دخلت الحمام لقيت الموية قاطعة…أنت سوداني.
إذا وقفت منتظر المواصلات ساعتين وركبت شماعة وإتنشلت…أنت سوداني.
إذا وصلت العمل الساعة تسعة والساعة عشرة مرقت الفطور وجيت نهاية الدوام…أنت سوداني
إذا جاء المرتب نص الشهر وإنتهى بعد أربعة يوم …إذا أنت سوداني.
إذا رجعت البيت شايل عيش بجنيه وسلطة بدون طماطم للغداء…أنت سوداني.
إذا كنت طول اليوم مادي قدومك زي السمبرية…أنت سوداني.
إذا العيد جاء فجاءة زي رمضان وزي الخريف…إذا أنت سوداني.
أذا دخلت السوق يوم الوقفة ولقيت أجعص شي بي كم وكمين ورجعت حتى من غير خفي حنين…أنت سوداني.
إذا أشتريت شبط أمس بي عشرين جنيه وجيت لقيتو اليوم بي ستين جنيه…أنت سوداني.
إذا كنت تعتقد إنو الهلال وللا المريخ ح يجيبو كأس خارجي…أنت سوداني.
إذا كنت بتتكلم أكتر مما تفعل وتعمل…أنت سوداني.
إذا كانت كل حقوقك ضايعة وإنت ماقادر ترجعها وللا تطالب بها…أنت سوداني.
إذا كانت ما عندك مواعيد وجنك تركب الناس مواسير…أنت سوداني.
إذا كنت دايما ما تأجل المواضيع وتهتم بسفاسف(حلوة سفاسف دي)الامور...أنت سوداني.
إذا كان دخلك الشهري الف ووتمنمية دولار ...إذا انت سوداني.
إذا كان منتظر الثورة تقوم من المعارضة ...إذا أنت سوداني.
إذا كنت تدرس وتتعلم داخل البلد وتتوظف في السعودية ودول الخليج...إذا أنت سوداني.
إذا كنت جنك جلوس في الدكان وللا مع ستات الشاي ولللا تحت العمود...إذا أنت سوداني.
إذا كنت تحلم بالزواج وتعمل بيت مستقل ...أصحى من الكابوس دة ...وأنت سوداني.
إذا كنت نباتي الطعام ومائي المشرب وخشن الملمس ...أنت سوداني.
إذا كنت دايما وسنويا تصاب بالملاريا ....إنت سوداني.
خرمة: سوداني الجوة وجداني بريدووو وبحبووو وبعشقوو وبموت فيهووو .... سوداني
خرمة ونص: كل سنة وإنت سوداني.




تعليقات 4 | إهداء 1 | زيارات 1708

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#551301 [جراداي في سروال ما بعضي لكن قعادو ولا حلو]
0.00/5 (0 صوت)

01-05-2013 11:58 AM
.... وخليك سوداني ...


#550446 [murmoly]
0.00/5 (0 صوت)

01-03-2013 07:15 PM
كلام فارغ و الكاتب الموضوع ما عندو موضوع


#550183 [ابو خنساء]
5.00/5 (3 صوت)

01-03-2013 11:30 AM
اذا كنت تعتقد انك دائما على صواب والاخرين على خطأ اذا انت سوداني
اذا كنت لا تتقبل النقد وتغضب لاتفه الاسباب وانطباعي في تعاملك اذا انت سوداني
اذا بقيت لعمر متقدم ولا زلت تشغل نفسك بانا مريخابي ولا هلالابي اذا انت سوداني
اذا خرجت خارج حدود الوطن ولا زلت تجلس في مكان عام ولا تروح مكان عام وتستعمل الصعوط اذا انت سوداني
اذا - بعد تقدم العمر ومعايشة شعوب اخرى - ظللت تستصحب معك بعض عاداتنا السودانيةالسيئة وانفعالاتنا التي تفضح بعض حماقاتنا اذا انت سوداني وسوداني غريب كمان

الاخوة الاعزاء اعذروني الصفات هذه انا اعرف لا يتصف بها اغلب اولاد البلد لكن انا موجوع لان تصرفات ومظاهر وعادات بعضنا اصبحت تجلب لنا انطباع وفكرة مش كويسة يا ريت الواحد خارج حدود الوطن او داخله يتذكر انه سودانييييييييييييييييييييي ولكم تحياتي


#550131 [مصطفى]
5.00/5 (1 صوت)

01-03-2013 10:38 AM
صلاه النبي قول ماشاء اللة
ما تسحرنا؟؟؟؟؟


احمدالخير
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة