المقالات
الشعر
مِــطرت بيـــك وغســلت إحساس الوجـــع !
مِــطرت بيـــك وغســلت إحساس الوجـــع !
01-06-2013 01:35 PM

بسم الله الرحمن الرحيم

مِــطرت بيـــك وغســلت إحساس الوجـــع !

عروة علي موسى
[email protected]



لامِن عرفت الشوق والريد البجو

دقيت على وتر الرصانة الفيك دو

رتبت الحاني على نغيمات الفرح جواك بدو

ساسقت بي وتري الحنين ..

فوق مراسي النيل وأمواجو الهدو

ولقيت عيونك حاضنة لي صخب الحواضر وكل روعات البدو

ومشيت .. طريقك

سكة الشوق البعيدة وفرحة أنغامي الشدو ...

ومشيت معاك دربي المدوزن ليك ناي

ساقتني خطواتي القبيل سوت غناي

لا من لقيتك طالعة من روعة النيل المعاي

وأنا في عيونك بحضن النيل الفيهو كم تاهت خطاي

وأنا يا حنيني بكون مسافر ليك في صبحي ومساي

وأنا بيك بغني كل غنوات الحنين يا فاردة لي شوقك جواي

يا حاضنة لي وهج الحنين منك طلع

يا حابسة لي القلب الحزين صابو الهلع

لامِن طلع ..

من بين مساماتك وقع

واتشتت كل الاحاسيس الفي القليب ..

فوق ساحة البت الدلع

وبديت ألقط كل احساسي الرجع

حاملك وجع ..

شفتك مع البرق الشلع

وشميت عبيرك في الولع

ومِطرت بيك ..

وغسلت إحساس الوجع !

عروة علي موسى ,,,




تعليقات 0 | إهداء 0 | زيارات 3483

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عروة علي موسى
عروة علي موسى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة