رسالة للشعب السوداني
01-06-2013 08:33 PM


رسالة للشعب السوداني

حسن محمود حسن
[email protected]

الخرطة
يا حليل خرطتنا السمحة
الفيها معالم زول سوداني
فيها جبينو الدايما شاخ
فيها معالم نيلنا الجاري
يشر شريانو لكل الخرطة
يسقي الكل والكل سوداني
وفي الخرطوم هداك حدانا
تلقى الابيض يلاقي الازرق
ومرة الازرق يصد الابيض
و تلقى الموج يصارع الموج
داخل مجراه يعانق بعضو
و تبقى الوحدة امل قدامو
يبقو بحار يصارعوا الصخرة
من شلال لوادي مخضر
من صحاري وجبال و مجاري
يسقي الارض الدايما طاهرة
لا بفرق انت فلاني و لا فلاني
يروي الارض الاصلآ خرطة
الفيها ملامح زول سوداني
ومهما يطول مشواره بسافر
لا يوم ازرق هزم الابيض
ولا يوم ابيض طرد الازرق
داخل الجرى يثوروا يدوروا
وفي الدوران كمان بيثوروا
يعلنوا وحدة بعد الثوره
تلقى الموج يعانق الموج
عشان إتحدوا الطين الراحل
عشان إتهد الصخر الفاصل
ولامن يشرب زول سوداني
تكون ممزوجة بياض بالزرقة
عشان تطفي الم الحرقة
و عشان تنسينا الم الفرقة
ويمكن نرجع تاني مهما تطول المدة
ما دام النيل إتوحد وعرف الوحدة
نحنا كمان نتحدي زمان الفرقة
و ترجع تاني الرطة ملامح زول سوداني
ويكون عنواني صورة الخرطة
ويكون جيراني هم حباني
الكانوا بصارعوا زي النيل
لاكن ابدا النيل ما بفارق اخوه البتة,,,

رائد(م):حــسن محمود حــسن بــشير
6/1/2013


تعليقات 0 | إهداء 0 | زيارات 666

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسن محمود حسن
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة