المقالات
السياسة
مكتبة كتاب المقالات والأعمدة
بكري الصائغ
الحساب ولد!! وين راح المليون دولار ياسفارة النظام في القاهرة
الحساب ولد!! وين راح المليون دولار ياسفارة النظام في القاهرة
01-06-2013 07:11 PM

الحساب ولد!! وين راح المليون دولار ياسفارة النظام في القاهرة؟!!

بكري الصائغ
[email protected]

مقدمة:
----
(أ)-
***- ما ان طالعت ذلك الخبر الذي بث من عبر موقع "سودانيات" الموقر بتاريخ السبت 5 يناير الحالي وجاء تحت عنوان:
( شقيق عمر البشير يستولي علي أكثر من "5" مليون دولار منحة سعودية أرسلت لمركز السودان للقلب)، حتي تذكرت علي الفور ذلك الخبر القديم الذي بث من موقع جريدة "الراكوبة" الموقر بتاريخ الجمعة 30/09/2011، ويفيد بان النائب الأول للرئيس السوداني علي عثمان محمد طه المتوقع له أن يصل القاهرة نهاية الأسبوع المقبل في زيارة تستغرق ثلاثة أيام في أول زيارة له لمصر بعد الثورة. وجاء ضمن سياق الخبر القديم ان النائب الأول للرئيس السوداني كان قد وعد في زيارته للقاهرة قبل الإنتخابات السودانية الماضية الجالية السودانية بمصر بمبلغ مليون دولار تحسينا لأوضاعهم ، وعلمت جريدة "أفريقيا اليوم" أن المبلغ وصل السفارة السودانية بالقاهرة، وتحت تصرفها الآن، وأن السفير السوداني بالقاهرة كمال حسن علي التقى قيادات الجالية الأحد الماضي وبحث معهم تصورات للإستفادة من هذا المبلغ، واستقرت الآراء على تخصيص مقر كبير يليق بالجالية بالقاهرة لتعقد به كل مناشط أبناء الجالية)...

***- انتهي الخبر ولكن ماانتهت تساؤلات السودانيين منذ سبتمبر 2011وحتي اليوم - (16 شهرآ) !!، وكلها تساؤلات ما وجد احدآ من افراد الجالية السودانية في مصر الاجابة عليها ، وكلها تحوم وتلف وتدور حول:

(أ)-
***- ( وين راح المبلغ ياسفير النظام في القاهرة?)...
(ب)-
***- هل اجتمعت ياسفير مجددآ بعد اجتماعك الاول مع اعضاء الجالية السودانية بالقاهرة وتشاورت معهم في امر مبلغ المليون دولار التي تخصـهم?...
(ج)-
***- واذا كانت الاجابة ب(نعم)..بمن اجتمعت مع اعضاء?.. الجالية ?..ومتي?..وماذا كانت حصيلة الاجتماعات?...
(د)-
***- هل اوصيت ياسعادة السفير بتسليم المبلغ بالكامل للجالية?..ام مازال بالسفارة?..واذا كانت الاجابة ب(النفي)، فلماذا اذآ لم يتم تسليم المليون دولار للجالية السودانية التي تعاني من مشاكل ومحن لاتحصي ولاتعد?!!... ولماذا ابقت السفارة المبلغ داخل خزانتها وهو اصلآ مبلغ لا يخصها من قريب اوبعيد?!!...
(هــ)-
***- هل تعرف الجالية السودانية اصلآ ان هناك مبلغ يخصهم، وتم اخطارها رسميآ بوجود المليون دولار باسمها بالسفارة?...
(و)-
***- هناك من يؤكد ان موضوع المليون دولار المرسل للسفارة كتبرع للجالية هو في حقيقة الأمر مبلغ دفع لمحمد عثمان الميرغني مقابل موافقته علي دخول حزبه في تشكيلة الحكومة التي تشكلت اخيرآ...ودخل ابنه القصر!! ..ماتعليقكم علي هذه الشكوك، خصوصآ وان هناك تساؤلات طرحت وقتها بشدة حول: (لماذا تم تخصيص هذا المبلغ الكبير للجالية السودانية بالذات دون الأخريات?!!.. هل لان الميرغني عضوآ فيها?)!!
(س)-
***- ستة عشر شهرآ مرت منذ ان دخل مبلغ المليون دولار (نحو 7مليون جنيه مصري) خزينة السفارة، ومانطق خلالها احدآ في السفارة بكلمة او ادلي بتصريح حول المبلغ...ولا افادنا السفير:( وين راح المبلغ?!!)...
(ح)- والغريب في الأمر، ان لا احدآ من اعضاء سكرتاريات الجاليات المنشرة بالمدن المصرحة وصرح بان جاليته قد تلقت نصيبها او دعمآ ماليآ خصمآ من المبلغ الموجود في خزينة السفارة?!!...

المـدخل الأول:
----------
***- جاء في خبر قديم:( ان السفير السوداني بالقاهرة كمال حسن علي التقى قيادات الجالية الأحد الماضي وبحث معهم تصورات للإستفادة من هذا المبلغ ،واستقرت الآراء على تخصيص مقر كبير يليق بالجالية بالقاهرة لتعقد به كل مناشط أبناء الجالية)...

***- ونسآل: هل الذين التقي بهم السفير فعلآ من قيادات الجالية?!! ...ام اجتمع هو بالمحسوبيين علي النظام من ابناء الجالية?!!...ولماذا لم نسمع حتي الان باي اخبار تفيد بتاسيس مقر كبير يليق بالجالية بالقاهرة?!!...

المـدخل الثاني:
----------
***- نعود مجددآ لنطرح سؤالآ مهمآ يقول:

(أ)-
***- هل يمكن اعتبار خروج المليون دولار كتبرع وبهذا الشكل الغامض والغير مقنن ويخالف قانين رقابة النقد ،ولايستند علي اي قانون واضح ، ولا يعطي الحق للنائب الاول او غيره بالتبرع..هو نوعآ من التهريب ( المقنن)?!!...وهل عندنا جهة قانونية تراقب خروج الملايين بلا حساب ولارقيب?!!..ام ان النائب الأول فوق القوانين، وفوق جهاز الأمن الأقتصادي، والبنك المركزي، وقبلهم المجلس الوطني ( الادارة الاقتصادية)?!!
(ب)-
***- هل خروج مبلغ المليون دولار بحجة التبرع به للجالية السودانية واحدة من اساليب (غسيل الأموال)?!!...
(ج)-
***- مارآي مدير البنك المركزي في تبرع النائب الاول?!!... وهل تسمح له القوانين المالية وقوانين بنك السودان بخروج مثل هذا المبلغ الكبير كتبرع?!!..
(د)-
***- ونسأل المتبرع علي عثمان: من اي المخصصات او البنود المالية تم خروج هذا المبلغ?!!...
(هـــ)-
***- ونسأل النائب الأول: من هم اولي بالمليون دولار..سكان ابيـي الذين يبحثون عن من يمدهم بالغذاء والادوية، وسكان حلفا الذين يموتون بمرض "الاستبسوس، واطفال مشردون لايجدون الماوي والتعليم...ام الجالية السودانية بالقاهرة?!!
(و)-
***- نسآل الأخوات والاخوة المغتربيين بالسعودية ودول الخليج واليمن ( وهم بالفعل اصحاب هذا المليون دولار )، والذين هم في نظر اعضاء الحزب الحاكم (ابقار حلوبة) : مارأيكم في تصرف النائب الاول وتبرعه للجالية السودانية بمصر باموالكم وضرائبكم واتاواتكم...علنآ وجهارآ نهارآ ونشر بالصحف?!!...

الـمدخل الثالـث:
-----------
(أ)-
***- طالعنا بالصحف المحلية وقتها (عندما تبرع علي عثمان بمبلغ المليون دولار) ،ومازلنا نطالع يوميآ عن الأزمة الأقتصادية الطاحنة وكيف ان الحكومة تعاني من نقصآ حادأفي العملات الصعبة بعد انفصال الجنوب، وان مدير البنك المركزي ناشد الحكومة القطرية بالمساعدة املآ ان تضع حكومة قطر بعضآ من اموالها في الخرطوم!!

***- وايضآ طالعنا تصريح وزير الخارجية ومناشدته دول الغرب باسعاف الوضع الاقتصادي المتدهور بالسودان....فكيف بالله وفي ظل هذا الحال المزري والمخجل.. قام النائب الأول بالتبرع للجالية السودانية بالقاهرة?...ومتي? في عز الأزمة الطاحنة والعصيبة!!...( انتو الزول ده مابقرأ جرائد.. ولاعارف شنو الحاصل في بلده?!!)...

***- بل ونستغرب بشدة،انه وبينما الرئيس سافر الي قطر للتسول و(الشحتة)، وايضآ سافر وزير خارجيته للرياض وقابل الأمير طلال ليستجديه العون لاسعاف الاقتصاد المغمي عليه، نجد ان النائب الأول قد قام وبكل اريحية وخيابة بالتبرع الذي كان يمكن وان يبقي هذا المبلغ في السودان ( لليوم الأسود)..بل كان يمكنه ارجاع المبلغ الي الخرطوم لاسعاف خزينة المالية الفارغة،لانه ايضآ هناك حالات بالبلاد تحتاج فعلآ لهذا المبلغ!!
(ب)-
***- مع الأسف الشديد، قامت بعض الصحف التابعة للنظام وراحت وتهلل لاريحية النائب الاول (الاب الحنون!!) علي جالية السودان وتبرعه الكريم، وسكتت عن خروج الأموال بلا رقابة او ضوابط!!

المـدخل الرابع:
---------
***- هناك بعض السودانيين في القاهرة قالوا بمنتهي الصراحة وبكل وضوح وبلا لف ولا دوران، ان مبلغ المليون دولار التي دخلت مصر كتبرع للجالية السودانية - بحسب مزامع علي عثمان-، قد ذهبت وقتها لدعم محمد مرسي وحزبه الاسلامي!!

المدخل الاخير:
---------
***- علي عثمان يخرج من مطار الخرطوم بحقيبة فيها مليون دولار ولا احدآ يقربه!!
***- شقيق عمر البشير يستولي علي أكثر من (5) مليون دولار منحة سعودية أرسلت لمركز السودان للقلب...ولا احدآ يسأله!!

***-
***- ياأخوانا!!...وبعدين?!!




تعليقات 29 | إهداء 0 | زيارات 1821


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#554017 [بكري الصائغ]
0.00/5 (0 صوت)

01-08-2013 02:37 PM
13-
أخــوي الحبوب،
عوض ابراهيم احمد ارباب،

تحياتي ومودتي الصادقة، وسعدت بزيارتك الثانية وبمشاركتك المقدرة، وجاءت فقرة في تعليقك الأول وكتبت:

( اموالنا تُهدر ـ هكذا من غير حسيب ولا رغيب ، تذهب لمرسى او جيوب اللصوص من اهل الانقاذ او المتسلقين النفعيين لا يهم ، والمواطن المسكين يموت بالملاريا والتيفوئد والسرطان والايدز والكبد الوبائى تلك الامراض التى استوطنت البلد مع ليل الانقاذ الذى طال)..

***- وتصديقآ لكلامك بث موقع "الراكوبة" الموقر اليوم الثلاثاء 8 يناير الحالي موضوعآ كتبه الدكتور عبدالوهاب الأفندي والذي مازال - في نظر كثير من القراء- محسوبآ علي النظام الاسلامي الفاسد، اكد فيه ( الموضوع) ان الفساد مازال مازال ينخر في عظام النظام، وراح يكتب ويقول:

( إن علامة جدية الحكومة في الإصلاح تظهر إذا ما تمت إقالة نافع وبقية أقطاب القمع والفساد، وعلى رأسهم أسامة عبدالله وكمال عبداللطيف، وتقديمهم للمحاكمة ومساءلتهم عن مصدر ثرواتهم المتضخمة. عندها فقط نشعر بأن التغيير قد بدأ. أما بخلاف ذلك، فإن الإقالة والمحاكمة لهؤلاء وغيرهم آتية، ولكنهم لن يعانوا من الوحدة في سجن كوبر وقاعات المحاكمة)!!...

***-وفي رائي الخاص، ان ماكتبه الدكتور الافندي" اكتر من كلام فارغ!!"، فهل لوتم اعتقال علي نافع والبطانة الفاسدة -بحسب كلام الافندي-، وتم تقديمهم للمحاكمة بتهم الفساد تكون مشاكل البلد قد انتهت وحصل التغيير?!!...بالله ده تفكير دكتور وكمان اسلامي وماسمع بهتافات الملايين ضد الوضع القائم و..." الشعب يريد تغيير النظام"?!!


#553537 [عوض ابراهيم احمد ارباب]
0.00/5 (0 صوت)

01-08-2013 05:17 AM
الاستاذ بكرى : تحية صباحية .
انا اطلقت الكل واردت الجزء حينما قلت بأننا نستاهل مافعله ويفعله بنا الانقاذيون ..
اشكرك من قلبى لاهتمامك بما سجلت


#553492 [بكري الصائغ]
0.00/5 (0 صوت)

01-08-2013 01:25 AM
12
أخـــوي الحـــبوب،
زقزوق،

والله فرحت كتير بزيارتك التانية، وسعدت بطلتك المنيرة، لكن ماكنت عاوزك تشتغل بالزول الاسمو امين حسن عمر ده!!، قالوا - والعهدة علي الراوي- انو عمر البشير زهج مرة من المرات من وجود امين حسن بصفة دائمة بمقر الحزب الحاكم وبكلامه الفارغ الكتير وبتدخلاته السمجة المللة في اي موضوع بمناسبة او بلا مناسبة ، فعينه وزير برئاسة الجمهورية بشرط الا يقرب مبني الحزب!!...

***- ياأخي الزول ده....اسمع صوته مجبرآ احسن مما اراه!!


#553488 [بكري الصائغ]
0.00/5 (0 صوت)

01-08-2013 01:14 AM
11-
أخـــوي الحـــبوب،
أبومحمد،

تحية طيبة وسلام حار عطر، وألف ألف شكر علي الطلة الميمونة، ووصلتني رسالة من أخ عزيز يقيم في القاهرة يؤيد فيها بشدة رأيك الذي قلت فيه:

***- ( انا ما نسيت موضوع المليون دولار التي تبرع بها نائب الرئيس للجالية في مصر بس كان عندي احساس قوي بان ذلك المبلغ ذهب لدعم اسلاميي مصر حتى يفوزوا في الانتخابات وقد كان ذلك يا اخي ناسنا سفيهين بيصرفوا اموال الشعب السوداني على غير السودانيين وانا متأكد الان بأن ذلك المبلغ هو من ساهم في جلوس مرسي على كرسي الرئاسه ولو ما مصدق اسال العنبه الرامية فوق بيتنا)...

***- انه يقول في رسالته، كان وقتآ مريبآ للغاية ومثيرآ للجدل وصول النائب الاول علي عثمان للقاهرة وقبيل الانتخابات المصرية وقبل فوز مرسي بكرسي الرئاسة!!، ومريبآ ايضآ قصة تبرعه للجالية السودانية في مصر بمبلغ مليون دولار ووصول المبلغ والانتخابات المصرية في اوج سعيرها!!....

***- وكان السؤال المطروح بشدة بين اعضاء الجاليات في مدن مصر:( لماذا جاء هذا التبرع وتحديدآ مع اشتداد الصراع الانتخابي في مصر وليس بعد الانتهاء من اعلان النتيجة النهائية في مصر?...ولماذا جاء اصلآ النائب الاول للقاهرة وقت زنقة الانتخابات والكل فيها مشغول بها للغاية ولا وقت لاستقبال الضيوف والوفود الرسمية?!!)...


#553486 [بكري الصائغ]
0.00/5 (0 صوت)

01-08-2013 12:57 AM
12-
أخـــوي الحـــبوب،

وطن حدادى مدادى،

تحياتي الطيب، وسعدت وفرحت بظهورك المنير، لكن مع الأسف تجدني لا اوافقك علي فقرة جاءت في تعليقك الكريـم وقلت:

( ياخوى انت معارف شى ساكت. اذا كان موظف يصين بيت الحكومة ب2مليار الان اصبح موظفو الحكومة اثرى اثرياء البلد)!!

***- اخوي الحبيب، الطبقة المتوسطة وطبقة الموظفين ماعدا لهما وجود بالمرة!!...هناك فئة غنية جدآ امتلكت كل شئ، بالقوة وبالرجالة وبالتقنين المسيس، وفئة دنيوية مسحوقة وماقادرة تلقي حق التلات وجبات!!...السودان الأن هو البلد الوحيد في العالم الما فيه موظفيين!!،

***- والكلام ده ما من عندي، فقد طرح المجلس الوطني من قبل مشكلة تدهور وتدني الخدمات بجهاز الخدمة المدنية، ووصلوا النواب الي قناعة الي ان البلد ماعاد فيه موظفيين وموظفات، وان هجرة العقول والمفكرين والاساتذة والمعلميين بل حتي الخفراء والفراشيين والسعاة قد اثرت بصورة كبيرة علي الاداء الحكومي وبالقطاع الخاص، واعترف البرلمان صراحة ان الطبقة الوسطي مابين الاغنياء والفقراء ماعاد لها وجود اطلاقآ، وان الذين يديرون جهاز الدولة الان هم الفقراء!!

***- اخر كلام بث عن معاش اساتذة ودكاترة الجامعات يساوي الأن ثمن 3 كليو لحمة!"....كيلو اللحمة العجالي يساوي 52 جنيهآ!!


#553482 [بكري الصائغ]
0.00/5 (0 صوت)

01-08-2013 12:35 AM
11-
أخـــوي الحـــبوب،
محموم جدا،

السلام المتلج لانو جسمك اصلآ سخن!!..(والله يشفيك ويزيل عنك الحمي ويجازي الكان السبب!)، والف شكر علي الطلة الكريمة والتعليق الواعي الجميل،

***- تعرف ياأخ محموم جدآ، رجعت قبل قليل من حفل كبير اقامته الكنيسة للمسيحيين في الطائفة الروسية والقبطية الذين عندهم اليوم هو عيد ميلاد السيد المسيح عليه السلام، وهناك تبادلت الحديث مع بعض اقباط السودان الذين يتمنون ان يحتفلوا العام القادم بعيدهم في السودان بلدهم الاصلي والذي ترعروا فيه، ومن الاشياء التي اثرت فيني بشدة، ان بعضآ منهم قد قالوا ان مساكنهم ومنازلهم الخاصة في الخرطوم وكوستي وبورتسودان قد انتزعت منهم بالقوة وألت لشخصيات اسلامية كبيرة وبدون اي وجه حق، وبدون اي تنازل منهم عنها، وان الاوراق الرسمية الدالة علي ملكيتهم للعقارات مازالت معهم!!، احدهم قال بحسرة شديدة ان مسكنه في الخرطوم الأن يساوي حاليآ باكثر من 800 ألف يورو!!

***- واخر يقول، انه وعندما خرج من المعتقل عام 1993 وتوجه لمحله التجاري بعد قضاء اربعة شهور باحدي الزنزانات بلا اي تهم قد وجهت اليه، وجد هناك من امتلكه وسجله باسمه، والغي علانية ملكية (الكافر النجس!!) - بحسب ماقاله له صاحب المتجر الاسلامي!!


#553473 [بكري الصائغ]
0.00/5 (0 صوت)

01-08-2013 12:08 AM
10-
أخــوي الحــبوب،
الزهجان من الغربة،

( انا غايتو لمن اسمع بى جنس الاخبار بتاعت النهب والاختلاس وغسيل الاموال البقومو بيها ناس الانقاز ديل بحس بى انو مرارتى انفقعت وضغطى ارتفع وبطنى طمت ! وماعارف السبب شنو اتقول الاموال دى سارقنها منى !!...

***- أخوي الحبوب الزهجان من الغربة، بالله انت لسه محتفظ بمرارتك سليمة معافية ولسه ماانفقعت?!!..وكمان ضغطت ماارتفع?!!، والله انت حقو يسجلوا حالتك دي في كتاب "غينيس" للارقام القياسية علي اعتبار انك وطوال 23 سنة مازلت محتفظ بالمرارة وماتحت المرارة ولم ينفقعوا، علي عكس 34 مليون سوداني!!..اللهم نسألك ان تحفظ لاخونا الحبيب زهجان من الغربة مرارته وتبعده من ضغط الدم والطمام...اللهم انك سميع مجيب...

***- سلامي الحار لك بعد هذه المقدمة التي كان ولابد منها، وسعدت بطلتك "الصحية"، وألف شكر علي المشاركة المقدرة، واشكرك مرة تانية انك ذكرتني بموضوع تبرع الامير الوليد بن طلال بن عبد العزيز لجامعة الخرطوم في العام الماضي مقابل منحة الدكتوراة الفخرية!!..اما وعن سؤالك وان كان مبلغ المليون دولار قد مشت فى محلها الصحيح?!!..فلا اعتقد ان الجامعة قد استفادت من المبلغ والا لكان هناك تصريح من مدير الجامعة وكيف استفادت من المبلغ!!

***- الحزب الحاكم دائمآ يقوم بمصادرة اي تبرعات او منح وقروض تجئ من الخارج بحجة دعم القوات المسلحة!!..لذلك اذا عرف اين ذهب واختفي تبرع الامير وليد...بطل العجب!!


#553463 [بكري الصائغ]
0.00/5 (0 صوت)

01-07-2013 11:44 PM
9-
أخــوي الحــبوب،
عوض ابراهيم احمد ارباب،

تحياتي ومودتي الطيبة، وألف شكر علي زيارتك المفرحة، ولكن بخصوص تعليقك الذي (احترمه عملآ بحرية الرأي، وقبول الرأي الاخر)، فاختلف معك فيه، فغالبية أهل السودان لم يهللوا للطغمة الفاسدة، بدليل انه وبعد شهور قليلة من الانقلاب عام 1989 شعر الحكام الجدد بانه وهناك نقمة شعبيىة حادة وكراهية شديدة للوضع القادم، فبادروا بتاسيس "بيوت الاشباح" وماادراك ماهي من بيوت!!...وارسلوا الشباب قسرآ وبالقوة لمناطق القتال ضد معارضيهم...وحشدوا عشرات الألآف من الطلاب وارسالهم ل"ساحات الفداء"، ومنذ 23 عامآ ماحصد الانقاذ الا السمعة السيئة محليآ وعالميآ، وكل يوم يزداد انتكاسة ومحنآ ومصائب!!، الملايين لم يصفقوا ولا هللوا للنظام ولا هادنوه او استسلموا له، بل ناصبوه العداء بالسلاح والقلم، ولم يسلم احدآ رقبته طوعآ للحكم القائم كما كتبت!


#553455 [بكري الصائغ]
0.00/5 (0 صوت)

01-07-2013 11:24 PM
8-
أخــوي الحــبوب،
سيد إبراهيم محجوب،

تحياتي الطيبة العطرة، وسعدت بقدومك الميمون، واشكرك علي مساهمتك بتعقيبك علي اخونا عوض ابراهيم احمد ارباب،

***- وصلتني رسالة من أخ عزيز يقيم في برلين قال فيها:
( علي عثمان طلع من مطار الخرطوم ومعاه مليون دولار دي عرفناها!! ...
عاوزين نعرف كيف طلع علي الحاج بمبلغ 50 مليون دولار?!!

***- وتوقف حمار الشيخ عند العقبة!!


#553444 [بكري الصائغ]
0.00/5 (0 صوت)

01-07-2013 11:06 PM
7-
أخــوي الحــبوب،
أبوهبة،
التحية الحارة ، والقومة لزيارتك المفرحة، والف الف شكر علي سلامك العطر ومشاركتك المقدرة، وتعقيبك علي تعليق اخونا حليم-براغ،

***- وصلتني رسالة من أخت عزيزة تقيم في سويسرا، وتطلبت مني ان افتح ملفات مليارات الدولارات التي تبرعت بها دول كثيرة لنظام الانقاذ منذ عام 1989 وحتي الأن، وما دخل ولا مليم واحد خزينة الدولة!!، وسالتني بما معناه:" اشمعني كلامك بس عن المليون دولار الما معروف اصلآ هي وين?!!...في سفارة النظام في مصر?!!..ام دخلت خزينة جماعة محمد مرسي?!!..ام تم بهذا المبلغ شراء قصر فاخر فخم لمسؤول حزبي كبير?!!"،

***- الاخت العزيزة تود ن تعرف اين ذهبت الملايين التي تبرع بها الرئيس العراقي صدام حسين عام 1990 لنظام البشير?!!..

***- وين راح كميات الذهب الكبيرة التي تبرع بها صدام للبشير، وهي اصلآ كميات الذهب المنهوبة من البنك المركزي الكويتي بعد غزو العراق للكويت?!!

***- وين راح مبلغ ال10 مليون دولار والمدفوع من الحكومة الفرنسية لحسن الترابي بعد تسليمه كارلوس للمخابرات الفرنسية?!!،

***- وين راحت ملايين اسامة بن اللادن الكانت موجودة في بنك "البركة" الاسلمي في الخرطوم?!!،... ولمنو راحت عقاراته ومزارعه والمدبغة في كسلا والقضارف?!!

***- واشكر الاخت علي رسالتها واقول لها لقد سبق وان كتبت كثيرآ عن هذه المبالغ الملياردية، والذهب الكويتي، واملاك اسامة المجهولة مكانها...ولكن لاباس وان نعيد بث سيرة هذه المواضيع مرة اخري!!

***- لحظات ونواصل البث...فكونا معانا!


#553421 [بكري الصائغ]
0.00/5 (0 صوت)

01-07-2013 10:36 PM
6-
أخـتي الحــبوبة،
المتفائلة جدا،

***- التحية لك وللقبك الجميل، وماأجمل وان يكون عند الانسان تفائل ومقبل علي الحياة بروح طيبة ،و لا قنوط، ولايآس فيه رغم المحن والمصائب عندنا، وسعدت بزيارتك الكريمة وتعليقك المقدر وكتبتي:
( والله يعلم الله كم نتألم كل ما نسمع باعوا بيت السودان وباعوا هيئة الموانىء وناوين على مستشفى الخرطوم وناوين يبيعوا داك... ما ناقص إلايبيعوا الشعب السودانى !! الله يأذيهم زى ما أذونا)!!...

***- ياأختي الحبيبة، عمليات بيع السودان بدأت عام 1962 عندما ***- باع الفريق عبود منطقة النوبة بمبلغ 15 مليون دولار!!،
***- وبعدها منطقة حلايب وشلاتين عام 1995!!،
***- وتم بيع منطقة الفشقة عام 1995!!،
***- وفي زمان السودان الموحد عام 1995 تخلت الانقاذ عن منطقة مثلث ليمي لكينيا!!،
***- حاليآ منطقة ابيي تحت الوصاية الدولية، وبها الأن قوات اثيوبية تحرس المنطقة بدلآ عن القوات المسلحة التابعة لحزب البشير!!،
***- منطقة دارفور والتي مساحتها اكبر من مساحة فرنسا خاضعة للقوات الاجنبية بقرار دولي!!،
***- ومازالت منطقة النحاس محل نزاع بين السوداني الشمالي والجنوبي!!،
***- منطقة الميل (14) الحدودية بين الشمال والجنوب دخلت مرحلة صراع كسر العظم!!
***- ولن وما استغربت اطلاقآ ماكتبته بعض المواقع السودانية الحزب الحاكم قد قام ببيع منطقة كبيرة في شرق السودان لايران لاقامة اكبر قاعدة عسكرية ايرانية في افريقيا، وهو الامر الذي اغضب السعودية وبلدان دول الخليج، لان القاعدة العسكرية الايرانية موجهة اصلآ ضدهم!!

***- اختي الحبيبة المتفائلة جدا، خليكي متفائلة، عكس حالتي التي انا فيها، فلا اري خيرآ في سودان واقع تحت حكم الانقاذ....ولا معارضة لا يعرف احدآ متي ستعارض بحق وحقيق!!


#553183 [بكري الصائغ]
0.00/5 (0 صوت)

01-07-2013 04:45 PM
5-
أخــوي الحـبوب،
زقزوق،

***- سلامي لك وللجميع، وسعدت بزيارتك ومشاركتك المقدرة، وبتعقيبك علي تعليق اخونا نوبيان،
***- قبل ثللثة ايام مضت كنت قد قد كتبت مقالة بثت من عبر "الراكوبة" بمناسبة مرور عام علي تاسيس مفوضية "محاربة الفساد داخل مؤسسات الدولة" قبل عام، وسألت في المقالة ، ان كانت هذه المفوضية فعلآ موجودة علي ارض الواقع?...واذا كانت موجودة لماذا صممت عن الكلام وافادتنا بانجازاتها?!!

***- وفوجئت اليوم الاثنين 7يناير الحالي واثناء مطالعتي لاخبار موقع "الراكوبة" الموقر بتصريح ادلي به وزير الدولة برئاسة الجمهورية الدكتور امين حسن عمر سخر فيه من الذين يضخمون حجم الفساد فى البلاد ،وقال «يتحدثون عن الفساد من باب الهجاء السياسى ولكننا لانقول انه غير موجود»، واضاف «موهوم من يفترض ان مفوضية الفساد تستطيع محاربته وعلينا تقوية البنية التشريعية»!!

***- لقد اعترتني الدهشة واقرأ تصريحه الغريب، فلماذا يرد هو ويدافع عن مفوضية "محاربة الفساد" نيابة عنها?!!..لماذا لايرد الدكتور الطيب ابوقناية بنفسه علي تساؤلات الملايين الذين يودون ان يعرفوا ماهي انجازات مفوضيته من لحظة تاسيسها في يوم 3 يناير 2012 وحتي اليوم?...ولماذا يدافع امين حسن عن المفوضية وكانها مؤسسة تابعة لرئاسة الجمهورية?!!...ومن اعطاه حق الكلام نيابة عن ابوقناية ?!!

***- نرجع لموضوع المليون دولار ( الما معروف وين راح?!!)، ونسأل الملحق الاعلامي بسفارة النظام في القاهرة: ( من مهامك وصميم عملك ان ترد علي تساؤلات واستفسارات المواطنيين ورعاياكم في مصر عن اي موضوع يخص سفارتكم، لذلك نطلب منك - وهذا من حق من حقوقنا - ان تردوا علي السؤال المطروح ومنذ 16 شهرآ :"وين راح مبلغ المليون دولار?!!"...

كسرة:
--------
***- قام الأخ عمر الفاروق عبد الله وعبر موقع "الراكوبة" بكتابة موضوع رد فيه علي تصريح الدكتور امين حسن عمر، وتجد الرابط ادناه:

(أ)-
يا أمين حسن عمر "ما تبالغ ياخي"!!
http://www.alrakoba.net/articles-action-show-id-28935.htm

(ب)-
ورابط تصريح الدكتور امين حسن:
***- أمين حسن عمر : لابو عيسى وامثال ابوعيسى الحكومة لن تسقط بأمانى المعارضة،،ولا ارى فى الساحة السودانية افضل منا!!
http://www.alrakoba.net/news-action-show-id-83068.htm


ردود على بكري الصائغ
Israel [زقزوق] 01-07-2013 07:41 PM
والله ياامين حسن عمر عملت ليك قرينات وبقيت تظهر لينا وشك القبيح دا كتير فى التلفزيون طيب ماتشوف ليك حمام تستحم فيو واحلق شعرك العامل زى ( هبوت الرماد دا)

وبالله بطل ماتقعد تحاكى لينا الترابى فى حديثك وتجغمز لينا اللغة العربية ياخى اتكلم دارجى كما الله خلقك وخلق الشعب السودانى

ماسك لينا حاجات كدة ماعارف وزير الدولة بوزارة الجمهورية والقيادى بالمؤتمر الوثنى وماعارف شنو كدة فى دارفور وكدة فى الدوحة --بصراحة نطلب منك ان تستقيل وتوفر المصروفات بتاعتك دى للشعب الجعان دا لانو منصبك مافى ليو داعى ( بالدارجية كدة زيادة عدد)


#553007 [أبومحمد]
0.00/5 (0 صوت)

01-07-2013 01:11 PM
يا أستاذ بكري والله انا ما نسيت موضوع المليون دولار التي تبرع بها نائب الرئيس للجالية في مصر بس كان عندي احساس قوي بان ذلك المبلغ ذهب لدعم اسلاميي مصر حتى يفوزوا في الانتخابات وقد كان ذلك يا اخي ناسنا سفيهين بيصرفوا اموال الشعب السوداني على غير السودانيين وانا متأكد الان بأن ذلك المبلغ هو من ساهم في جلوس مرسي على كرسي الرئاسه ولو ما مصدق اسال العنبه الرامية فوق بيتنا


#552943 [وطن حدادى مدادى]
0.00/5 (0 صوت)

01-07-2013 12:06 PM
الاخ بكرى
ياخوى انت معارف شى ساكت. اذا كان موظف يصين بيت الحكومة ب2مليار الان اصبح موظفو الحكومة اثرى اثرياء البلد ،وكمان ناس ساحات الفداء والخدمة الالزامية هم الذين يضعوا استراتجيات وسياسات وزارة الكهرباء. العاجبو عاجبو ماعاجبو يخليها.


#552873 [محموم جدا]
0.00/5 (0 صوت)

01-07-2013 10:56 AM
إنت ما سمعت أبو الجاز في بليلة قال أموال البترول في السنوات الماضية كلها ما حقت السودان الشركات عندها فيها نصيب و الباقي صرف في التنمية شئ سدود و شئ كباري و شئ ....الخ هل تصدق إنه في إجابة مثل التي أجاب عليها أبو الجاز ايام الأزمة الإقتصادية العالمية في منبر سونا أن السودان لن يتاثر بهذه الأزمةو الإجابة على ملايينك هذه معطوفة على ما قبلها من الملايين المهدرة...
وين و ين المليارات وييين وييين!!
والتي أصبحت ديون مستحقة السداد مع ارباحها الربوية
والتي تشكل العصب في إقتصاد الدولة الإنقاذية الاسلامية
والتي لا اشبعت جائعا و لا كست عاريا و بقت بهرجة دنيوية
والتي محقت الصناعة و الزراعة و الثروة الحيوانية
والتي فتت و الى الأبد الوحدة الوطنية
والتي أرضعت و اشبعت الحركات الإنفصالية
والتي ألهبت في الناس العنصرية و الجهوية


#552788 [الزهجان من الغربة]
0.00/5 (0 صوت)

01-07-2013 09:37 AM
والله ياعمنا الصايغ انا غايتو لمن اسمع بى جنس الاخبار بتاعت النهب والاختلاس وغسيل الاموال البقومو بيها ناس الانقاز ديل بحس بى انو مرارتى انفقعت وضغطى ارتفع وبطنى طمت ! وماعارف السبب شنو اتقول الاموال دى سارقنها منى !!

طيب ليه مازكرت لينا المليون دولار التى تبرع بها الامير الوليد بن طلال لى جامعة الخرطوم بعد منحه شهادة الدكتوراة الفخرية ؟ هل القروش دى مشت فى محلها الصحيح ول فى حتة برضو حاتفقع لى مصارينى ؟
وصاحبنا الصافى جعفر بتاع مشروع سندس ؟ ادى الناس حقها ول برضو حا......

وبدون مناسبة ( قالو جلال الدين بتاع القضاء امبارح البشير عفاه من منصبو نسبة للمرض الشديد ) طبعا زى الاخبار دى بترفع معنوياتى شوية من باب ان الله يمهل ولايهمل


#552635 [عوض ابراهيم احمد ارباب]
0.00/5 (0 صوت)

01-07-2013 07:23 AM
الاستاذ بكرى : تحية قلبية .
الحقيقة نستاهل اكثر من ذلك ، الم نهلل ونكبر لهذه الطغمة الفاسدة ؟ الم نمكنها حينما منحناها ارواحنا رخيصة فى سبيل اعلاء كلمة الله ، ذلك ( الشعار ) الحق الذى ارادت به تلك الفئة الباغية ( مرمطة ) الشعب واذلاله ؟ نعم نستاهل اكثر من ذلك ، فنحن من سلم اولئك اللصوص رقابنا حين اطعناهم فاستخفونا .
اموالنا تُهدر ـ هكذا من غير حسيب ولا رغيب ، تذهب لمرسى او جيوب اللصوص من اهل الانقاذ او المتسلقين النفعيين لا يهم ، والمواطن المسكين يموت بالملاريا والتيفوئد والسرطان والايدز والكبد الوبائى تلك الامراض التى استوطنت البلد مع ليل الانقاذ الذى طال .


ردود على عوض ابراهيم احمد ارباب
Israel [سيد إبراهيم محجوب] 01-07-2013 10:34 AM
إن كنت فعلاً هللت وكبرت لهذه الطغمة الفاسدة في أي وقت مضى !!! فإنك وأمثالك فعلاً يستاهلون ما يجري لهم ، فماذنب الذين لم يهللوا لهم منذ ساعة الإنقلاب حتى تاريخه ودفعوا ويدفعون الثمن غالية بأرواحهم وأموالهم وأسرهم وتاريخهم وصحتهم وتعليمهم ...؟؟؟


#552584 [shah]
0.00/5 (0 صوت)

01-07-2013 06:04 AM
أخى الحبوب استاذ بكرى: صباح الخير
خطر ببالى مقارنة تبرع بيل قيتس بستة وثلاثين "مليار" دولار لإنشاء مؤسسة لمكافحة الفقر و الأمراض المعدية فى العالم مع تبرع الشيخ المسلم المتدين نائب رئيس الدولة الإسلامية وهدفه من التبرع ومصدر المال الذى تبرع به، فارتد الى بصرى كاسفا حائرا حسيرا من هول طول المسافة بين الإثنين والتى لا أظنهاتقل عن عدة مليارات سنة ضوئية.


#552558 [بكري الصائغ]
0.00/5 (0 صوت)

01-07-2013 03:22 AM
روابـــــط لها عــلاقة بالموضــــوع:
-------------------
1-
مليون دولار للجالية..و20 ألف رأس أغنام لمصر!!
http://www.hurriyatsudan.com/?p=40312

2-
مليون دولار للجالية السودانية بالقاهره...
http://whitenileonline.com/vb//showthread.php?t=15471

3-
الأرامل السودانيات بالمملكة.. كيانات تبحث عن ملاذات...
http://www.islang.net/vb/showthread.php?p=22695


#552555 [بكري الصائغ]
0.00/5 (0 صوت)

01-07-2013 02:59 AM
كسرة:
الشعب يريد ارجاع الفلوس...
http://www.alrakoba.net/news-action-show-id-62383.htm


#552553 [بكري الصائغ]
0.00/5 (0 صوت)

01-07-2013 02:52 AM
4-
أخـــوي الحـــبوب،
Nubian- نوبيــان،

***- سلامي الحار، وتحياتي الطيبة، وألف شكر علي الزيارة والتعليق السمح، ولكن والله الحكاية مافيها (فليق) طوب ورمي حجارة علي النائب الاول والسفير واخو البشير، المسألة ومافيها عاوزين نعرف وين راح مبلغ المليون دولار: (7 مليون جنيه مصري- 450 ألف كيس بالسوداني!!)، '

***- من حقنا ولانها فلوس الغلابي والمغتربيين وبائعات الشاي واللقيمات ، عاوزين نعرف ليه السفارة نامت بالفلوس وما سلمتها للجالية في القاهرة، ولا حتي وضحت للجاليات وين المبلغ ده!!!....

من حقنا ونسأل ناس السفارة:

( انتو ماسمعتو : إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعًا بَصِيرًا.
[ سورة النساء : الآية 58.


#552550 [بكري الصائغ]
5.00/5 (1 صوت)

01-07-2013 02:34 AM
3-
أخــوي الحـبوب،
طشاش،

وين طشيت ولك زمن غائب عن عيني?!!، سلامي الحار الممزوج بفرحة الطلة والزيارة المقدرة، ولكن بخصوص تعليقك الكريم وقلت:

( اقترح عليك ان تضع كسرة ثابتة كالاتي:
--------------------------------------
كسرة:
اخبار المليون دولار الاتبرع بيها النائب الاول للسفارة بمصر شنو(و)..

فما بقدر علي تنفيذالاقتراح لان حقوق الطبع محفوظة لاخونا الحبيب الفاتح جبرا!!

***- وصلتني رسالة من أخ عزيز يقيم في القاهرة وشارك بتعليقه الكريم فقال:
( والله انا ساكن في مصر من سنة 1979،وعضو في سكرتارية الجالية السودانية في مدينة الاسكندرية، وماسمعت بحكاية المليون دولار الا الليلة!!، وما خاطبتنا سفارة او جهة رسمية وافادتنا بوجود مبلغ كبير زي دا!!..ياأخي بالمليون دولار ممكن نبني مستشفي خاص بالسودانيين يعملوا ويشتغلوا فيه اطباءنا وما اكثرهم في مصر، يخفف المستشفي علي مرضانا في الداخل والبجو من السودان...بس وينو المبلغ?!!!


#552546 [بكري الصائغ]
0.00/5 (0 صوت)

01-07-2013 02:17 AM
أخــوي الحبوب ود براغ ام الدنيا،
حليم-براغ،

***- سلامي الحار (عشان يدفيك!!) لك وللاسرة الكريمة، والله ياحليم السودان ده بلد يخوف!!، ياأخي واحد قريبي عريس وقف قدام ضابط الجمارك في مطار الخرطوم مع عروسته، وبدأت اجراءات تفتيش المحتويات في الشنط، الضابط لقي شريط فيديو مسجل فيه حفل الزواج، اصر الضابط علي مصادرته بحجة وجود اشرطة تسئ للسودان!!، العريس طلب من الضابط بكل ادب ويطالع محتوي الشريط في جهاز فيديو المطار، رد عليه الضابط: ماعندنا جهاز فيديو في المطار!!، ناس الجمارك يصادروا شريط فيديو... .....ويسكتوا عن خروج مليون دولار!!،

***- نرجع لحكاية المليون دولار في سفارة النظام بالقاهرة ونسأل: لماذا لا تقوم السفارة بمساعدة الاطباء السودانيين المبعوثين من قبل وزارة الصحة في الخرطوم وتوقفت اعاناتهم وهددتهم جامعاتهم المصرية بطردهم مالم يلتزموا بسداد المصاريف الخاصة بالدراسة وخصمآ من مبلغ المليون دولار?...انظر الروابط ادناه:

(أ)-
يموت أطباء السودان المبعوثين لمصر جوعا ولحم الضأن يرمي للجاهلين...
http://sudanyat.org/vb/showthread.php?t=25541
(2)-
مظاهرة الاطباء السودانيون المبعوثون للدراسات العليا بجمهورية مصر العربية...
http://osmannawaypost.net/?p=11606
------------------------------
***- قام الاطباء السودانيون المبعوثون للدراسات العليا بجمهورية مصر العربية (والبالغ عددهم 213 طبيب) بتنفيذ وقفة احتجاجية ظهر اليوم الاربعاء 3 اكتوبر 2012 داخل مباني السفارة السودنية بالقاهرة وعقدوا جمعية عمومية فوق العادة اقرت التصعيد الاعلامي لطرح قضيتهم على الاعلام عبر تنفيذ عدة وقفات احتجاجية لاحقة حيث ستكون لهم وقفة يوم الاحد القادم في الشارع امام مباني السفارة بقاردن سيتي قد تعقبها اعتصامات مفتوحة للاطباء واسرهم ان لم يحدث تقدم في حل اشكالياتهم.. وتأتي هذه الاحتجاجات بسبب تنصل الحكومة من الايفاء بالتزاماتها المالية تجاههم في ظل ظروف انسانية بالغة التعقيد يعيشونها في بلاد الغربة حيث لم يصرفوا مرتباتهم لاكثر من ستة اشهر وبعضهم له متأخرات عام كامل! اغلبهم متزوجون ولهم اسر واطفال باتوا مهددين بالتشريد والطرد من مساكنهم بسبب عدم تمكنهم من دفع الايجارات خاصة بعد رفع بعض المؤجرين دعاوى اخلاء ضدهم! بعضهم اضطر لبيع اثاثات منزله ليطعم اطفاله وبعضهم الاخر حرموا من الجلوس للامتحانات بسبب عدم سداد الرسوم! وكل ذلك يحدث في حين تقوم السفارة بالصرف البذخي على التهريج السياسي وعقد الاحتفالات خاوية المحتوى والمضمون!!
الخبر بتاريخ: أكتوبر 4, 2012-

3-
بيان من الأطباء السودانيين المتدربين بجمهورية مصر العربية...
http://www.sudanile.com/2008-05-19-19-50-30/45516-2012-10-08-04-30-39.html


#552530 [nubian]
5.00/5 (1 صوت)

01-07-2013 12:26 AM
انت يا اخ بكرى بتلقى الحجار دى من وين دى الان تلاتة حجارة الجمتها بهم حجر للسفير وحجر( للصغير النايب التانى ) وحجر لاخو البشير عشان السجع يابكرى والمشتهى الحنيطير يطير سلام ياصحبى


ردود على nubian
Israel [زقزوق] 01-07-2013 09:20 AM
حجر يقع فى راسك ويكسرو ليك حتة حتة


#552506 [طشاش]
0.00/5 (0 صوت)

01-06-2013 11:23 PM
الانسان
أ/الصائغ

كل عام وانت بحير
ومتعك الله بالصحة والعافية

اقترح عليك ان تضع كسرة ثابتة كالاتي

كسرة:
اخبار المليون دولار الاتبرع بيها النائب الاول للسفارة بمصر شنو(و)


#552490 [بكري الصائغ]
0.00/5 (0 صوت)

01-06-2013 10:34 PM
***- غريبة!!!..
***- نحو 3 مليون سوداني يقيمون في مصر، ولا واحد فيهم سأل او اهتم بموضوع المليون دولار?...ولا قرأنا بالمواقع السودانية بان جالية من الجاليات السودانية الموجودة بالمدن المصرية قد سألت عن المبلغ!!.....

***- ياتري هل السودانييون في مصر اعتبروا هذا المبلغ (فلوس حرام!!) وفضلوا الابتعاد عنه....ام كانوا علي اتصال دائم بالسفارة وطوال 16 شهرآ وباءت جهودهم بالفشل الذريع?!!...


#552488 [حليم-براغ]
0.00/5 (0 صوت)

01-06-2013 10:30 PM
العزيز الصائغ تقبل تحيتي..
زمان ناس لصوص جهاز المغتربين ناس المجرم النصاب كرار التهامي لأفين الدنيا كلها بحتالوه علي المغتربين ..ده غير ناس الأرضي كانوا برضوه لأفين في النمسا الإيام الفاتت عاوزين ينصبوه ..والحكاية كلها بقت نصب في نصب ..وبعدين مبلغ مليون دولار وله مليارد يطلع بيها علي عثمان من مطار الخرطوم ده شي طبيعي جدا البلد وحقتهم والمال وحقهم ..وأخر كلام للبشير بيقوا مافي زول مالي عينه.. وده مثل المثل البيقول يلمها النمل ياطاها الفيل ...أنا بقترح إنو البشير يغير إسم السودان من جمهورية لمملكة ..يسموها مملكة أخوان الشيطان البشيرية.. المهم كل أول ليه أخر يا عزيزي الصائغ والعالم كلوه في إنتظار نهاية الفيلم..حيكون كيف؟؟؟؟


ردود على حليم-براغ
Israel [أبوهبة] 01-07-2013 01:30 PM
مملكة أخوان الشيطان البشيرية.... دى جبتها من وين ياحليم؟ لك وللحبيب بكرى كل الود


#552483 [بكري الصائغ]
0.00/5 (0 صوت)

01-06-2013 10:20 PM
1-
أخــوي الحـبوب،
أبو الدقير،
التحايا الطيبة العبقة لشخصك الكريم، وسعدت وزادت افراحنا بطلتك البهية وبزيارتك المقدرة، وعجبني بالحيل تعليقك الواعي وقلت بسخرية شديدة:( تقول لي مليون وخمسة مليون يا أخي دى مبالغ هايفة ويمكن تكون مصروف جيب!!)...
***- والله فعلآ ده مصروف جيب كان شايلو علي عثمان في طرف محفظته!!...

***- وهاك ياأخوي الدقير اخر كلام (وجديد لنج) ومنتشر بين السودانيين في القاهرة:

***- ( سفارة النظام في القاهرة انتقلت نهائيآ قبل ايام قليلة مضت لمبني جديد، اما المبني القديم والذي كان سفارة للسودان وطوال 57 عامآ بمنطقة "جاردن سيتي" في القاهرة فقد بيع هذا المبني الاثري والغالي الثمن باعتباره مبني في منطقة حية ووسط القاهرة لشخصية انقاذية كبيرة بتراب الفلوس..... البعض يؤكدون ان علي الكرتي هو الشاري!!..

***- واخرون يقولون ان الذي باع مبني السفارة في القاهرة... وباع قبل اقل من شهرين "بيت السودان" في لندن...وبعدهما باع الفندق الكبير في الخرطوم قبل ثلاثة مضت هو الحزب الحاكم!!... وعائدات هذا البيع مادخلت اطلاقآ خزينة الدولة ببنك السودان، ولكنها عائدات رأسآ لجيوب الكبار في حزب المؤتمر الوطني!!

***- النية كانت مبيتة من عصابة البشير لبيع عقارات السودان في الخارج بدون عطاءات مقفولة كما جرت العادة بغرض ان يكونوا المستفيدين من امتلاك العقارات هم اعضاء الحزب الحاكم، ولاننسي ان الفلل الرئاسية قد بيعت بنفس طريقة بيع بيت السودان في لندن...وسفارة السودان في القاهرة...والفندق الكبير في الخرطوم...ومسشفي العيون!!...

***- بلد غريبة عجيبة ياأخي الدقير، كل شئ فيه قابل للبيع...وكان مامصدقني، مش علي عثمان قام قبل تلاتة ايام وباع هيئة الموانئ البحرية لدولة الامارات بدون استشارة او موافقة المجلس الوطني?!!


ردود على بكري الصائغ
Israel [المتفائلة جدا] 01-07-2013 05:34 PM
الشكر الجزيل لك ياأخ بكرى إنتوا زعلانين فى مصير مليون إتنين ولا حتى خمسة ملايين دولار ده ماخفى أعظم وصدقنى الذى لم نسمع ولم تسمعوا به يشيب الولدان وازيدك من المغطى وتحته شطه زى ما بقول المثل.. كدى وقت الكلام جاب الكلام ما تسأل على عثمان طه من المليون دولار العفينة دى..؟؟ أسال على عثمان طه من الخمسين مليون دولار بتاعة صفقة شركة سيمين الألمانية اللهفوهاهو وجلال؟؟
أما مرضة بيع العقارات والمبانى التى ملك للدولة لو فى أى إنسان عنده ذرة من الوطنية أو الأخلاق لا يمكن يفكر حتى فى البعملوهوا ده والله اولاد الحرام ما يعملوا عمايلهم دى ولو كانوا بيعرفوا قيمة الأشياء لما باعوها لكن لأنهم كلهم ما عندهم أخلاق ومخلوعين وقالوا الماشفتوا فى بيت أبوك بيخلعك الله الخلعة التوديهم فى ستين داهية الحاقدين ديل وتريحنا منهم يا رب.. والله يعلم الله كم نتألم كل ما نسمع باعوابيت السودان وباعوا هيئة الموانىء وناوين على مستشفى الخرطوم وناوين يبيعوا داك... ما ناقص إلايبيعوا الشعب السودانى !! الله يأذيهم زى ما أذونا..


#552434 [أبو الدقير]
5.00/5 (1 صوت)

01-06-2013 08:43 PM
***- ياأخوانا!!...وبعدين?!! أخونا بكري الصايغ أريتها كن وقفت على الملاليم دي السؤال الكبير كيف قفز الدين العام في خلال أربعة سنوات من 28 مليار إلى 42 مليار وأين ذهبت أموال البترول التي قدرها الاقتصاديون بـ 60 مليار دولار دي المعروفة؟؟؟!!!! وكيف اغتني المتردية والنطيحة وما أكل السبع وهم قبل سنوات كانوا لا يملكون شرواء نقير وكيف وكيف وكيف تقول لي مليون وخمسة مليون يا أخي دى مبالغ هايفة ويمكن تكون مصروف جيب هو السودان ده أفلس بالساهل...قول يا لطيف وإن غدا لناظره لقريب.


بكري الصائغ
بكري الصائغ

مساحة اعلانية

تقييم
4.00/10 (2 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة