المقالات
السياسة
ارشيف مقالات سياسية
جلكسات (هناي) في سلطنة (بروناي).. !!
جلكسات (هناي) في سلطنة (بروناي).. !!
01-09-2013 08:21 PM

تلاقيط كلام
نعمان غزالي


جلكسات (هناي) في سلطنة (بروناي).. !!

*لا تزال (أزمة) المواصلات في مواقف الخرطوم.. و ارتفاع الأسعار في (السوق السودانية) قائمة .. ولم تشهد أي (بشريات) تعطي (المواطن).. (بصيص) أمل لحلٌ عاجل أو آجل ..
*فالمقارنة بيننا وبعض (الجيران) معدومة برغم الامكانات التي يذخر بها السودان ويتفوق بها علي (الكبار والقدرو)..
*حتي (بلاد الواق الواق) .. والبلدان (الغير معروفة) كـ(ترينداد وتوباقو) .. وسلطنة (بروناي) .. والأخيرة هذه (خلونا نحكي عنها شويه)..
*ففي سلطنة (بروناي) يعيش المواطن .. (زي الورد) ..
*(مساكن .. كهربا .. ومويه .. ومواصلات) .. إضافة للعلاج .. (كلو مجاااني).. !!
*حتي (الطير) يجيها جيعان .. (برضو ما بقصروا معاهو) ..!
*ويقال أن الزائر لهذه السلطنة (بيرجوهو بي مفتاح عربية من المطار) .. وتقدم له جميع الخدمات التي تجعله (مبسوط) .. وراااايق.
*ويمتهن سكان (سلطنة بروناي) مهنة (صيد السمك) .. (يعني حواته بالدارجي بتاعنا ده) .. والحواته عندنا (برضو) هم معجبي الفنان محمود عبد العزيز (ربنا يواليهو بالعافية) .. وعلى ذكر (الحوت) فإننا نقول أنه (فنان عظيم جاء في زمن أغبر) .. زمن كثرت فيه (الترترة) .. و (الورا ورا.. وحاجات تانية حامياني) .. وغابت عنه الكلمة الرصينة والمعاني السامية .. وأستبدلت بـ(راجل المرة حلو حلا) ..!!
*المهم نعود (لي ناس بروناي) .. (المرطبين) .. الذين لا يتحدثون عن (السياسة) نهائي وذلك لأن (واليهم) .. وليس (والينا) .. قد وفر لهم جميع سبل الراحة والعيش الكريم .. (يعني بالواضح كده الناس ديل لا بدفعوا إيجار ولا رسوم مدارس ولا حتي نفايات وجبايات .. !! ورسوم عبور .. وأشياء أخري (غير مفيدة) .. !!
*وكذلك أنهم (سادين دي بي طينة ودي بي عجينة) وليس لهم علاقة (بي قضية هيثم مصطفي والبرير) .. ولا حتي (ديون الوالي علي نادي المريخ) .. ولا اعتصامات (النادي الشهيرة) ..؟
*عليه فقد قرر (كاتب هذه الزاوية) وباقي .. (الرجرجة .. والدهماء) الذهاب إلى (سلطنة) بروناي والعيش فيها (زي باقي خلق الله) .. !! فمن أراد أن يذهب فعليه أن يستخرج الآتي:- (جواز .. كرت حمي صفراء.. وباقي الأوراق الرسمية) .. ودي طبعاً حتطلع من (هنا) .. يعني تاااني حتلحقنا الرسوم والدمغات .. (سيك .. سيك .. !!).. والحمد لله على نعمة الإسلام.


تعليقات 2 | إهداء 0 | زيارات 1348

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#555066 [اللاحس كوعو وبوعو]
5.00/5 (1 صوت)

01-10-2013 07:36 AM
للمعلومية ان فائض الزكاة في بروناي العام الماضي 90 مليار دولار ما لاقين ليها مصرف الشعب كلو شبعان وبدفع زكاة


#555054 [hodhod]
5.00/5 (1 صوت)

01-10-2013 06:01 AM
أخي الكريم يبدو أنك لم تزر بروني، ولو كنت زرتها لما تحدثت بالذي ذكرته، فأرجو منك أخي الكريم تحري الدقة فيما تذكر، لان كثير من حديثك يجانبه الصواب عن هذا البلد العجيب.


نعمان غزالي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة