قال أيه .. خيرية
01-12-2013 12:52 PM

قال أيه .. خيرية

الفاتح جبرا
[email protected]

في مثل هذا الوقت من العام الماضي تم إصدار قراراً رئاسياً يقضي بتصفية عدد «22» شركة حكومية، وقد قامت حينها صحيفة (الأحداث) بسؤال الدكتور بابكر محمد التوم، نائب رئيس اللجنة الإقتصادية بالبرلمان (وقتها) عن عدد الشركات الحكومية المتبقية بعد هذه التصفية والذي إجاب بأن الشركات المتبقية ( لايعرف عددها إلا الله) وقد كانت إجابة سيادته مطمئنة فعلى الأقل هنالك جهة ما تعرف أعداد هذه الشركات التى تقوم بالإستثمار فى أموال المسلمين وتنميتها من أجل مجتمع مسلم يرفل فى الرفاهية يتمسك قادته بالشريعه حكماً ومنهاجاً .
الآن وبعد عام من إصدار ذلك القرار (الرئاسي) تم إصدار قرار رئاسي آخر يقضي بالتصرف في إستخصاص ثلاث عشرة شركة وهيئة وتصفية خمس شركات من جملة الشركات الحكومية المتبقية التى ( لايعرف عددها إلا الله) !
ومصداقاً لتصريح الدكتور (أعلاه) فقد جاء في تقرير المراجع العام قبل عدة سنوات بانه لم يتمكن من مراجعة بعض الشركات الحكومية لأنها (رايحة) ولا يعرف لها مقراً أو مكاناً وقد نادينا حينها بأن تستعين الحكومة بالتومة (الوداعية) لما لها من خبرة في معرفة (الرايحة) !

حقاً لقد إستوقفنتني تصريحات بل (تبريرات) الاستاذ "عبد الرحمن نور الدين مصطفى" رئيس اللجنة الفنية للتصرف في مرافق القطاع العام عندما تم سؤاله عن الهدف من وراء هذا القرار الأخير إذ قال :
- إن الهدف من هذا القرار هو توسيع مواعين الملكية الخاصة
- طيب إنتو أساساً ضيقتوها ليه ؟
- وتشجيع القطاع الخاص
- إنتو اساساً (داقرتوهو) ليه؟
- ولأن القطاع الخاص يستخدم الموارد بشكل أفضل
- يعني دى إكتشفتوها هسه ؟
- حتى تكون هنالك منافسة حقيقية بين الشركات لصالح المستهلك والاقتصاد القومي
- وإنتو كنتو ما عارفين يعني؟
- وإيقاف النزيف في ميزانية الدولة
- يا دووووب عرفتو إنو الشركات دي عاملة نزيف؟
- وإيجاد مناخ لاستيعاب أكبر عدد من العمال في مناخ مشجع وبتعاقد مُجزٍ وتحويل صغار المدخرين لمستثمرين !
- وكت عارفين ده كوووووولو كان لزومو شنو تعملو الشركات التي ( لايعرف عددها إلا الله) دي ؟

كما إستوقفتني طبيعة عمل هذه الشركات التي أعلن عنها .. العبدلله يعرف إنو الحكومة ممكن تعمل شركات (للكهرباء) و (للماء) و(للبترول) وكافة السلع (السيادية) لكن أن تقوم الحكومة بإنشاء شركة للإنتاج التلفزيوني (أنهار) وشركة للصرافة (المهاجر) وشركة للصوتيات والمرئيات (أفنان) .. وشركة للإستثمار والخدمات (ميقات) وشركة للخدمات براها (الثنايا) .. فهذا يعني إنو (القصة هايصة) ولا أدل على ذلك أن أحدى الشركات التي شملها القرار هي شركة للبيع بالتقسيط .. يعني الحكومة كملت (واجباتا كووولها) وإشتغلت (دلالية) !!

لعل السؤال الذي يطرأ على الذهن هو عن كيفية إنشاء هذه الشركات؟ ومتى وكيف تقوم وعلى أى أساس ؟ وكيف يتم تخصيص رؤوس أموالها؟ وتعيين مجالس إداراتها ومدرائها بل ومنسوبيها وموظفيها وتحديد مرتباتهم ومخصصاتهم؟ وكيف يتم فتح حساباتها بالبنوك ومن يقوم بمراجعة هذه الحسابات؟

لا أحد بالطبع من المسئولين يستطيع الإجابة على هذه الاسئلة لأنو (ببساطة شديدة) لا توجد قوانين أو لوائح تنظم تأسيس وإنشاء هذه الشركات بدليل أن إحدي هذه الشركات (الحكومية) التي شملها قرار التصفية هي شركة (خيرية) – أي والله- إسمها شركة العون الخيرية !! .. شوفو الجماعة ديل بيحبوا الخير كيف ؟ من حبهم للخير عملوا ليهو (شركة) .. بس السؤال البيطرح نفسو هو هل الشركة دي تأسست تحت قانون الشركات لسنة 1925م أم قانون تنظيم العمل الطوعي لسنة 2006م أم قانون (اللغف) واللهط لسنة 1989م ! .... قال أيه : خيرية !

كسرة :
قال لي صديقى : شركة انهار .. شركة أفنان .. شركة ميقات .. ما يحيرني حقيقة في موضوع هذه الشركات الحكومية شئ **** وصغير لكنه جدير بالتأمل والتفكر وهو منو القاعد يقوم بإعطاء إسم لهذه الشركات .. فالمعروف في الحالات العادية أنو (أصحاب الشركات) هم القاعدين يسموها ويختارو ليها إسم .. أها شركات الحكومة دي القاعد يسميها منو ؟
قلت له : ما برضو أصحابها !!

كسرة ثابتة :
أخبار ملف خط هيثرو العند النائب العام شنو(وووو وووو وووو)+(وو)



تعليقات 19 | إهداء 0 | زيارات 5960

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#558437 [ali saleh]
0.00/5 (0 صوت)

01-14-2013 02:58 PM
ياخي الشركات دي بتسميها أمنا الحكومة ؟؟ فزورة هي !!!


#557942 [solli]
0.00/5 (0 صوت)

01-14-2013 12:10 AM
يا اخوانا الحكومه دي عندها مبررات للخصخصه لانه الموازنه ابت تلفق معاها وقالت تبيع شويه شركات وتغطي الفرق ولمن تبيع شركاتا تكون عينا قويه تفرض عليها ضرائب وتزيد الدخل امكن يغطي العجز ولو مالفقت تبيع تاني انتوالاجار ما كان احسن من البيع والتسوي الحومه في الشعب ببيع الانابيب والبتجازات تلقي في الشركات


#557697 [مهاب الفاتح]
0.00/5 (0 صوت)

01-13-2013 04:42 PM
استاذ السلام عليكم الخيرة فبما اختار الله هونحنا الناس ديل خلونا نحس انو هم المسلمين براهم ونحنا كفار بنى قريش المشكلة تكمن فى الكذب البخلى سيدوا يصدقوا بعدينزنقوا يجو يقوليك نحنا واثقين فى الشعب السودانى امانة عليك ياشيخ اكان فضل شعب سودانى ادينى خبر


#557145 [طشاش]
0.00/5 (0 صوت)

01-13-2013 02:21 AM
المقال مســـــــــــــــــــــــــــــــــــــيخ
لانو جبرة نسي يضيف ملاعق السكر اسف اقصد مصانع السكر


#557084 [abuauob]
0.00/5 (0 صوت)

01-12-2013 11:36 PM
هؤلاء القوم مصوا دماء الشعب السودانى ، وصفوا كل شئ ، والفضل هذه الشركات الوهمية وفى النهاية صفوها ،، كم حزين هو الشعب السودانى


#557047 [محى الدين]
0.00/5 (0 صوت)

01-12-2013 10:35 PM
السيد عبد الرحمن قال بانهم يبيعوا الشركات دى وياسسوا شركات جديدة ودى تانى يبيهوها بعد تخصر بالله شوف الفهم دة


#557014 [وانا زول غلباااااان]
4.50/5 (4 صوت)

01-12-2013 09:42 PM
والله انا ما عارف مين القالها لكن لو لقاها مكتوبة انا بعتذر منو المهم عجبتني وقلت اوريكم ليها

ﻋﺠﺒﻮﻧﻲ ﻳﺎ ﻧﺎﺱ ﺍﻟﻜﻴﺰﺍﻥ
ﺳﺮﻗﻮﺍ ﺍﻟﻐﻨﻢ ﻭﺍﻟﺨﺮﻓﺎﻥ
ﻟﺒﺴﻮﺍ ﺍﻟﺒﺪﻝ ﻭﺍﻟﻘﻤﺼﺎﻥ
ﺭﻛﺒﻮﺍ ﺍﻟﻜﺎﺑﺮﺱ ﻭﺍﻟﺘﻮﺳﺎﻥ
ﺳﺮﻗﻮﺍ ﺍﻟﺒﻠﺪ ﻣﻦ ﺯﻣﺎﻥ
ﻣﻦ ﻧﻴﺎﻻ ﻟﻲ ﺍﻡ ﺩﺭﻣﺎﻥ
ﻋﺠﺒﻮﻧﻲ ﺍﻟﻠﻴﻠﺔ ﺟﻮﺍ ﺳﺮﻗﻮﺍ ﺍﻟﺒﻠﺪ
ﻧﻀﻔﻮﺍ
ﻋﺠﺒﻮﻧﻲ ﺍﻭﻻﺩ ﺍﻟﻮﺍﻟﻲ
ﻟﺒﺴﻮﺍ ﺍﻟﻌﻤﻢ ﻭﺍﻟﻄﻮﺍﻗﻰ
ﻧﺒﺸﻮﻧﻲ ﻭﺷﺎﻟﻮﺍ ﺣﺎﻟﻲ
ﺳﺮﻗﻮﻧﻲ ﻭﺭﻓﺪﻭﺍ ﺧﺎﻟﻲ
ﻃﻮﻝ ﺍﻟﻠﻴﻞ ﻻﻓﻴﻦ ﻃﻮﺍﻟﻲ
ﻧﻬﺒﻮﺍ ﺍﻟﺒﻠﺪ ﺑﺎﻟﻠﻮﺍﺭﻱ
ﻭﺩﻗﺴﻮﻧﺎ ﺑﺎﻟﻜﺒﺎﺭﻱ
ﻋﺠﺒﻮﻧﻲ ﺍﻟﻠﻴﻠﺔ ﺟﻮﺍ ﺳﺮﻗﻮﺍ ﺍﻟﺒﻠﺪ
ﻧﻀﻔﻮﺍ
ﻋﺎﺟﺒﻨﻲ ﺍﺏ ﻋﻴﻨﻨﺎ ﺷﺮﺍﺭﺓ
ﺍﻟﺴﺎﻳﻖ ﺍﻟﻨﺎﺱ ﺑﺎﻟﺤﻘﺎﺭﺓ
ﻳﻮﻡ ﺩﺧﻞ ﺍﻟﺒﻴﺖ ﺯﻳﺎﺭﺓ
ﺷﺎﻝ ﻭﺩﺍﺩ ﻭﺷﺎﻝ ﻋﻴﺎﻟﻪ
ﺣﺮﻕ ﺍﺑﻮﻫﻢ ﺑﺎﻟﻄﻴﺎﺭﺓ
ﻋﺠﺒﻮﻧﻲ ﺍﻟﻠﻴﻠﺔ ﺟﻮﺍ ﺳﺮﻗﻮﺍ ﺍﻟﺒﻠﺪ
ﻭﻗﺴﻤﻮﺍ
ﻋﺠﺒﻮﻧﻲ ﺍﻟﻨﻔﺨﻮﺍ ﺍﻟﺠﻴﻮﺏ
ﻋﺠﺒﻮﻧﻲ ﺍﻟﻔﺼﻠﻮﺍ ﺍﻟﺠﻨﻮﺏ
ﻳﻮﻡ ﺍﻟﺤﺎﺭﺓ ﻳﻘﻮﻟﻮﺍ ﻭﻭﺏ
ﻭﻓﻲ ﻻﻫﺎﻱ ﻟﻴﻬﻢ ﺩﺭﻭﺏ
ﻋﺠﺒﻮﻧﻲ ﺍﻭﻻﺩ ﺍﻟﻀﻬﺎﺭﻱ
ﺧﻠﻮﺍ ﺍﻟﻤﻨﺠﻞ ﻭﺍﻟﻄﻮﺍﺭﻱ
ﻧﻬﺒﻮﺍ ﺍﻟﻄﺮﻕ ﻭﺍﻟﻜﺒﺎﺭﻱ
ﻭﺷﺎﻟﻮﺍ ﺍﻟﻤﺎﻝ ﺑﺎﻟﻠﻮﺍﺭﻱ


ردود على وانا زول غلباااااان
United States [nader] 01-13-2013 12:02 PM
بالله عليك الله وديما برنامج نجوم الغد اصلى انا اشتريت البرنامج ده بعد ما خصصوه وحا ادى تعليمات استضيفوا فيه الشيخ جبرا عشان افتى لينا فى حكاية المليون فنان دى مش فى اغنيه زمان بنقول والرقم وصل مليون طوبه اهو نحنا فى الزمن الاعجازى ده وصلنا الرقم لمليون فنان وفنانه بس عليك االله تدى الاغنيه دى للواعده نجمة النجوم عوضيه اوصال


#557005 [ابوشالايا]
5.00/5 (2 صوت)

01-12-2013 09:26 PM
انت يا الفاتح جبرة ماسك شنو على الجماعة مخليهم ساكتين عليك لي هسع !!
يعني ما قاعدين يضربوا ليك تلفون فى الليل ولا اولاد العطا قاعدين يزوروك
ف البيت مره مره وكدا .. ولا الفكي تبعك شغلوا صح !!


#557000 [salih ramtool]
0.00/5 (0 صوت)

01-12-2013 09:21 PM
قانون (اللغف) واللهط لسنة 1989م ! ....
قزية للدين . كلامك ده بو ما جاب ليك الهواء تاني الحبة ما بتجيك ,

العميد:
ملغف حسن احمد اللهيط
1989


#556980 [احمد ابونصر الشمالي]
5.00/5 (1 صوت)

01-12-2013 08:47 PM
شوف الاسامي دا وقارنها باسماء اولاد وبنات السادة وانت تعرف المالك الاصلي ... تقولي حكومية
ان شاء الله مايطلع ليك اسم مطابق في اولادك ... قول امين


#556951 [hajabbakar]
5.00/5 (1 صوت)

01-12-2013 08:06 PM
الحكاية جبانة وهايصة
فى حاجة اسمها حسن الخاتمة,مسك الختام,والسالكون الخيرية,وكافل اليتيم,والصحابة وكل هده الاسماء من ادوات النصب.
والمشكلة ليست فى الشركات التى لايعلم عددها الا الله بل فى الاموال التى نهبت وستنهب ولايعلم عددها الا الله
انها شجرة خبيثة لايصلح معها الا الاجتثاث من جدورها


#556827 [abumazin]
5.00/5 (3 صوت)

01-12-2013 04:43 PM
حلوووه وقوييية قانون اللغف واللهط لسنة 1989 خطيير يا جبرا ربنا يحفظك


#556796 [إبن السودان البار ==--/////]
5.00/5 (5 صوت)

01-12-2013 04:10 PM
قانون (اللغف) واللهط لسنة 1989: استناداً إلى المادة الأولى من هذا القانون أصدر البيان الرئاسي التالي: بهذا تتأسس شركة تحت مسمى "دفن الأموات قبال يومهم" للقيام بالأغراض التالية:
1. لغف مالذ وطاب من خيرات الموسرين إن وجدو مع التركيز على أملاك المعسرين - إذ أن بعد العسر يسرا.
2. تتم مراجعة الشركة يوم الحساب.

3- والتزوج بنسائهم أن كانوا من الحسان لمن يرغب من الكيزان وتعطي الأولية للرئيس المتيم وهيمان ؟؟؟


#556756 [ابوايمن]
5.00/5 (2 صوت)

01-12-2013 03:24 PM
عزيزى جبره خائف عليك من التوقف من السوال عن خطنا الضائع هيثرو وتلحق صاحبنا بتا ع عطبره ما منعونا وكده...


#556735 [أحمد]
5.00/5 (1 صوت)

01-12-2013 02:45 PM
قانون (اللغف) واللهط لسنة 1989: استناداً إلى المادة الأولى من هذا القانون أصدر البيان الرئاسي التالي: بهذا تتأسس شركة تحت مسمى "دفن الأموات قبال يومهم" للقيام بالأغراض التالية:
1. لغف مالذ وطاب من خيرات الموسرين إن وجدو مع التركيز على أملاك المعسرين - إذ أن بعد العسر يسرا.
2. تتم مراجعة الشركة يوم الحساب.

الدكتور لاغف علي لاهط
مساعد الرئيس


#556732 [أحمد]
0.00/5 (0 صوت)

01-12-2013 02:44 PM
قانون (اللغف) واللهط لسنة 1989: استناداً إلى المادة الأولى من هذا القانون أصدر البيان الرئاسي التالي: بهذا تتأسس شركة تحت مسمى "دفن الأموات قبال يومهم" للقيام بالأغراض التالية:
1. لغف مالذ وطاب من خيرات الموسرين إن وجدو مع التركيز على أملاك المعسرين - إذ أن بعد العسر يسرا.
2. تتم مراجعة الشركة يوم الحساب.

الدكتور لاغف علي لاهط
مساعد الرئيس


#556692 [ابو فاطنة]
0.00/5 (0 صوت)

01-12-2013 01:48 PM
ههههههههههههه
نضحك
ههههههههههههه
ونحنا عدنا حيله غير نضحك
هههههههههه
انا خايف من حااااجة واحد يقوموا يخصخصوا الضحك ،،، تبقى كارثة


ردود على ابو فاطنة
Israel [أحمد] 01-12-2013 02:47 PM
قانون (اللغف) واللهط لسنة 1989: استناداً إلى المادة الأولى من هذا القانون أصدر البيان الرئاسي التالي: بهذا تتأسس شركة تحت مسمى "دفن الأموات قبال يومهم" للقيام بالأغراض التالية:
1. لغف مالذ وطاب من خيرات الموسرين إن وجدو مع التركيز على أملاك المعسرين - إذ أن بعد العسر يسرا.
2. تتم مراجعة الشركة يوم الحساب.

الدكتور لاغف علي لاهط
مساعد الرئيس


#556664 [كتكوت]
0.00/5 (0 صوت)

01-12-2013 01:09 PM
دى شركات اسمها شركات ساتر (ساتر امنى اكثر من انها شركات خدمية )


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة