المقالات
منوعات
عديل المدارس في الوادي الأخضر
عديل المدارس في الوادي الأخضر
01-13-2013 08:56 AM

image


عديل المدارس في الوادي الأخضر
بعد ان ختمت مبادرة عديل المدارس العام 2012م بصيانة وتأهيل 36 مدرسة أساس بالعاصمة والولايات والفوز بجائزة أفضل مبادرة لحماية الأطفال من معهد حقوق الطفل . دشن متطوعو المبادرة صباح الجمعة 11يناير بداية حملة العام الجديد بمدرسة الوادي الأخضر صحفيين الأساسية بنات بمحلية شرق النيل بمشاركة بوهيات المهندس والهواء السائل والجمعية السودانية للمكتبات وفرقة الهيلاهوب وقناة النيل الأزرق والمجلس التربوي وأسرة المدرسة ورابطة شباب الوادي الأخضر بالجامعات وعدد من الصحفيين والإعلاميين ..
إستقبال حاشد حظيت به بعثة برنامج عديل المدارس أمام المدرسة .. وقد إشتمل برنامج الصيانة علي طلاء المدرسة وعمل رسومات ولوحات تشكيلية علي الحوائط وكذلك طلاء الأبواب والنوافذ وصيانة المسرح وتجميله وغرس 50 شجرة ونظافة كاملة لفناء المدرسة والفصول ...
وفي المساء كان البرنامج الترفيهي من فرقة الهيلاهوب التي قدمت فقرات شيقة تجاوب معها الحضور الغفير.. في الختام تم تكريم بعض الجهات التي ساهمت في إنجاح اليوم وايضا تكريم خاص من مبادرة عديل المدارس لستة من تلميذات المدرسة تقديرا وتحفيزا لهن علي إجتهادهن في النفير .. الأستاذ طارق الأمين منسق عديل المدارس شكر أهالي الوادي الاخضر والصحفيين علي كرم الضيافة وحفاوة الإستقبال وتحدث رئيس المجلس التربوي شاكرا عديل المدارس علي اليوم الرائع مطالبا بزيارة أخري لمدرسة البنين .


تعليقات 5 | إهداء 0 | زيارات 2296

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#558612 [جقلو ولا مشي عُرجا]
3.00/5 (1 صوت)

01-14-2013 04:36 PM
الله يعدلها عليكم دنيا وآخرة


#557827 [سوداني أنا]
1.00/5 (1 صوت)

01-13-2013 07:09 PM
والله ناس عديل المدارس ديل ارجل ناس . لان الناس شغاليين معارضة للحكومة وانها ماسوت وما عملت وماجابت وهم قاعدييين ساكت ! ديل رجال شغالين تصليح في المدارس بلا معارضة بلا نيلة يلا ابقروا من ديل واشتغلو ا قال وثيقة قال .أرجو تعميم الفكرة في كل الولايات وسعوا الماعون عوووووك . يتولوها الخيرين في كل اقاليم السودان عديل مدارس على مستوى البلد كلها .


#557798 [بت ملوك النيل]
2.00/5 (1 صوت)

01-13-2013 06:27 PM
اجمل برامج عرضته قناة النيل الازرق حتي الآن..البرنامج الوحيد البحسسني السودان لسه فيه ناس اوادم..طارق الامين مبدع راقي ود ناس والشباب المعاو لا يقلو عنو..يا ريت الشركات تدعم اكتر..يا ريت بدل الجير نشوف بوهيات فهي اطول عمرا وانضر شكلا..يا ريت تتحرك قوافل التشجير مع العديل..وين نجيلة السودان الزمان كانت بتقوم في الشارع والخور براها ديك ؟؟عايزنها جوه المدارس يا جماعة التشجير مهم جدا نفسيا وصحيا..ووين المكتبة؟؟ اول مررررررة اشوف برنامج من بعد الصلات الطيبة واتفاعل معاو كده وابكي في كل حلقة..ببكي علي الطفولة الضائعة في السودان..ببكي علي البؤس الفي المدارس خصوصا لما اقارنها بالمدارس هنا واشوف الرفاهية والدلال للطلبة ورغم كده متمردين علي الدراسة ..والله من يبدأ لمن انتهي انا في حالة انفعال وشجن..وفي كل حلقة طبعالازم انادي اولادي يحضروه معاي عشان يعرفو النعمة اللي هم فيها وعشان يحسو ويتعاطفو مع اطفال السودان..يا ريت زمن البرنامج يزيد شوية ونتعمق اكتر واكتر في مفهوم النفير..بدل الوقت المهدر في البرامج السمجة بتاعت عروسات المولد دي.

كسرة: الا بصحيح يا رغب برنامغ افراح افراح وآآفوه؟؟آآآآه يا قناة النيل فكيتونا من الاشباح المتمكيجة


#557454 [ابومحمد]
5.00/5 (2 صوت)

01-13-2013 11:27 AM
من اجمل ماشاهدت وسمعت من مبادرات هادفه في السودان وفقكم الله ياشباب والله انتم فخر لنا ولانفسكم واهليكم.


#557342 [نجم الدين شريف]
5.00/5 (2 صوت)

01-13-2013 09:48 AM
يا طارق الامين الله يحفظك ويوفقك ويحفظ الشباب القائمين معك في هذا العديل وهذه دعوة من القلب لكل من حمل فرشاة او غرس شتلة او هيأ مسرحا فإلى الامام دوما


مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة