المقالات
منوعات
الحوت وطن !!!
الحوت وطن !!!
01-18-2013 01:44 PM

الحوت وطن !!!

سيد محمود الحاج
[email protected]

الحوت رحل

قَدْرَ الفِضِل من النسيم

ساقو وجفل

وقدر الفضل من العشم

جفَّ وضِبِلْ

وحشف الفرح ..

الباقي في قعَر الزمن

ختّاه في جيبو ونزح

سكَتْ الكنار

لا ضمّ عشّو ولا صدح

غاب الفرح بابو انقفل


الحوت رحل

كان الغمام

وسْط الهجير

الختَّ فوقنا و مانزل

وكان الدروع

ضارانا وإتْلقَّى السهام

يسقي من جرحو الأمل

وكان الشموع ..

تكْشف طريق حجبو الضلام

وكان الكلام ..

الجائي من رِحْم النحل

الحوت رحل

وزي التقول رحل الوطن

ما كان وطن

قائْد الفصيح وشايْلَ الرّطن

ما كان وطن

فيه الجمال آوى وقَطَن

ماكان وطن

وهب العُمُر من غير تمن

الحوت رحل

والباقي في روح الوطن

في دمعة الحزن إنْعَطن

قَدَرَك وطن بلْوَى ومِحن

قدرك وطن ..

حسرة و وجَل

قدرك وطن ..

يَفْنَى الربيع ويحيا المحَل !!



تعليقات 2 | إهداء 0 | زيارات 1240

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#562138 [غاندى]
0.00/5 (0 صوت)

01-18-2013 06:11 PM
وفات الربيع سكت الرباب و جف النغم
و رجعنا لي زمن الوجع ..
و أشباه المغنواتية و المحن .


سيد محمود الحاج
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة