المقالات
السياسة
ارشيف مقالات سياسية
هل انفصال دارفور هو الحل
هل انفصال دارفور هو الحل
01-22-2013 10:41 AM

هل انفصال دارفور هو الحل

محمد على تورشين
كاتب وباحث سياسى
[email protected]
-1-
اقليم دارفور فى السودان تقدر مساحته بخمس مساحة السودان وتبلغ حوالى 510الف كليو متر وتحد الاقليم اربع دول من الشمال الغربى لبيبا ومن الغرب تشاد ومن الجنوب الغربى افريقيا الوسطى ومن الجنوب دولة جنوب السودان فضلا متاخمة لبعض الولايات السودانية شمال كردفان والشمالية ويمتد الاقليم الى الصحراء الكبرى فى شماله الى السافنا الفقيرة فى وسطه الى السافنا الغنية فى جنوبه به بعض المرتفعات الجبلية واهمها جبل مرة الذى يبلغ ارتفاعه 3088م حيث توجد اكثر الاراضى الدارفورية خصوبة كما ينقسم الاقليم ادراريا الى خمس ولايات شمال دارفور وعاصمتها الفاشر وجنوب دارفور وعاصمتها نيالا وغرب دارفور وعاصمتها الجنية ووسط دارفور وعاصمتها زالنجى وشرق دارفور الضعين وترجع تسمية دارفور بهذا الاسم نسبة الى قبيلة الفور ودار تعنى موطن الفور وهى احد اكبر القبائل فى الاقليم حيث قامت عدد من المماليك والسلطنات مثل الداجو والتنجر والفور 1916 م ويبلغ عد سكان الاقليم مايقارب 6مليون نسمة يستخدمون لغات محلية الى جانب اللغة العربية ويسكن دارفور عدد من القبائل التى تنقسم الى مزارعين (الفور والمساليت والداجو الزعاوى) مجموعة الرحل ( الفلاتى والرزيقات والهبانية والبنى هابة والتعايشة والترجم .......)ويكثر فى دارفور غابات الهشاب المصدر الرئسى للضمغ العربى فضلا عن حقول القطن والتبغ فى الجنوب الغربى من الاقليم كماتنمو اشجار الفاكهة المختلفة وتزرع الخضروات فى جبل مرة الذى يتميز بمناخ البحر الابيض المتوسط.
-2-
نجد ان ازمة دارفور جاءة نتجية للتراكم ازمات وسياسات وفى مطلع الاستقلال بعد نشوب حركة الانيانيا نشأة فى دارفور حركة اللهيب الاحمر التى كانت تطالبت بالتنمية والعدالة الاجتماعية ووقف تصدير البرلمانيين وانتخاب ابناء الاقليم فى البرلمان ثم حركة سونى التى كانت تطالب بانفصال دارفور ووجدت دعما مقدرا من من زعماء الادارة الاهلية وبعض السياسيين وبعد انتفاضة اكتوبر 1964 ثم تكوين جبهة نهضة دارفور بزعامة احمد ابراهيم دريج وعلى الحاج ومحمد جماع وذهب دريج زعيما للمعارضة فى حزب الامة وعلى الحاج الى الجبهة الاسلامية ومحمد جماع الى الاتحاد الاشتراكى وفى مطلع الثمنيات فى الديمقراطية بدء نشوب صراعات ونزاعات بين الرعاة والمزاعيين وقام حزب الامة الذى يحصل على تأييد من الرعاة بتسليح ودعم التجمع العربى وبناءا على ذلك قام الحزب الاتحادى الديمقراطى بدعم الجانب الاخر وانشرة الحروب الاهلية بين القبائل العربية والفور والقبائل العربية العربية والقبائل العربية والمساليت ومع مطلع التسعينات ومع مجئ بمايسمى بثورة الانقاذ تحولت ازمة دارفور الى حرب شاملة.بين المكونات الاجمتاعية حيث قاد داود يحى بولاد حملة عسكرية بدعم من الحركة الشعبية وبولاد من ابناء الفور درس الهندسة فى جامعة الخرطوم وصل رئيس الاتحاد مع الجبهة الاسلامية وعمل لحل ازمة دارفور من موقعه لكن بائت مساعيه بالفشل وقال مقولته المشهورة (الدم احنى من الدين )وتم اعدام بولاد بواسطة ابن عمه جعفر عبد الحكم ظلت دارفور تعانى من التهميش والاضطرابات وانعدام العدالة الاجتماعية فى عهد الحكومات الوطنية والشمولية بنسب متفاوتى الاان الانقاذ كانت السبب فى تفجير الاوضاع بصورتها البشعة وفى بدايات الحركات المسلحة فى جبل مرة حيث كان عدد المتردين 18 بزعامة عبد الواحد وانضم اليه 22 من اهلى بئر طويلة وقرجى وتم تكوين لجنة لتقصى الحقائق برئاسة عبدالله جيريل رئيس لجنة الدفاع والامن فى المجلس الوطنى وقال يوجد بوادر تمرد وبعد انعقاد مؤتمر الفاشر الذى حدد مطالب ابناء دارفور مطالبهم العادلة فى التنمية والسلطة والثروة الاان البشير الداير حق يمشى الغابة فى 2003 اندلاع التمرد وكانت حركة جيش تحرير دارفور بزعامة عبد الواحد ثم تغيير اسمها تحرير السودان وتدعو الى العلمانية والتنمية والعدالة الاجتماعية والامين العام منى اركو والقائد الميدانى عبداللة ابكر وحركة العدل والمساواة بزعامة خليل ابراهيم من ابناء الزغاوى من الكوادر الاسلامية شغل العديد من المناصب وزير الصحة فى الشمالية ودارفور وامير المجاهدين والقائد الميدانى التيجانى سالم واشدد المعارك فى دارفور بخسائر كبيرة فى الارواح والممتلكات حيث يبلغ عدد القتلى 200الف قتيل بينما تقول الحكومة 10الف( بس حديث البشير ) وتم تدمير البنية التحية للخدمات المياه فى شمال دارفور 488من ابار خزانات وفى جنوب دارفور 207وفى غرب دارفور 244والجملة 869من ابار وخزانات واهلاك الثروة الحيوانية عدد الماعز التى هلكت 1.300راس والابقار 20.00.00راس والجمال 300,00راس وكذلك القرى والمساكن اكثر من600قرية فى دارفور وكذلك المرافق الصحية تم تدمير 653مرفقا صحيا فى شمال دارفور و91مرفقا فى غرب دارفور و52مرفقا فى جنوب دارفور وكذللك المدارس 475مرسة فى شمال دارفور 214فى جنوب دارفور 107فى غرب دارفور وكذلك تدمير الاسواق وسرق البضائع ورؤس الاموال وقدرت الاحصائيات عدد النازحين فى المعسكرات 2.300.00 الف نسمة يمثلون اكثر من ثلث سكان دارفور واستمرة المعارك بين الطرفين مماادى بروز حركات اخرى وصلت 37حركة للحكومة دور كبير فى صناعة حركات وهمية من اجل اضعاف اصحاب القضية الحقيقة والتقليل من مطالبهم العادلة فى التنمية والسلطة والثروة وتم التوقيع على اتفاقية ابوجا للسلام مع مناوى بعد مؤتمر حسكنية الذى ادى الى انقسام الحركات على اساس اثنى وعرقى الاان مصيرها بائى بالفشل وتمرد مناوى مرة اخرى حيث نجد ان نظام المؤتمر الوطنى ماهر فى توقيع الاتفاقيات وشق والاحزاب والحركات دون الوفاء بالالتزامات والاتفاقيات _3_
مع تطور الاحداث ظهور مجموعة من الانتجلسيا الدارفورية تدعو الى الانفصال صراحة الى واقامة دولة دارفور والابتعاد عن الشمال النيلى الذى ينظرالى انسان دارفور بانه انسان من الدرجة الثانية وتم اختيار خريطة الدولة وعلم الدولة الذى يتكون من الاحمر والاخضر والاسود وفى داخله هلال اعتقد ان قوى الهامش فى دارفور وغيرها يجب ان يتوحدوا حتى ناخذ حقنا من المركز الذى يظلمنا من فجر الاستقلال وضع خيار الانفصال الحل الاخير
وهنالك بعض الاسئلة يجب الاجابة عليها.................
1.لماذا مازالت دارفور معزولة عن باقى السودان حيث لايوجد طريق برى يربط دارفور وجميع السودان مربط بشكة مواصلات ...............؟
2.لماذا مازالت دارفور بعيدة كل البعد عن التنمية بالرغم من انها اغنى مناطق السودان من حيث الموارد ...........؟
3.لماذا مازالت الادارة الاهلية موجود وصاحبة نفوذ قوى بالرغم من انعدامها فى الشمال النيلى .............؟
4.هل صدقت جدلية الهامش والمركز عندما قتل ابناء نيالا فى التظاهرات المطالب باسقاط النظام وفى الوقت ذاته قبيلة التظاهرات فى المركز بالمبمباب والهروارت وليس الذخيرة كما هو الحال فى الهامش ............؟
5.هل انفصال دارفور يحل ازمات دارفور العرقية والاقتصادية ............؟ام بقى فى السودان الواحد اخذ حقوقنا عنوة واقتدارة.................؟


تعليقات 11 | إهداء 0 | زيارات 3729

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#566455 [Bade]
0.00/5 (0 صوت)

01-24-2013 12:36 AM
والله اذا الانفصال بحل المشكله ليهم يسهل وعلينا يمهل لأن ناس دارفور ديل ما عندهم مشكله وهم اذاىسالتهم مشكلتكم شنوا ماعارفنها. بس سوي ان كل واحد دائر منصب ونحن ما عندنا ليهم مناصب قدر دي فعشان كده اذا الانفصال بحل ليهم مشكلة المناصب دي فرحب بالانفصال والله مشكلتهم الأولي مشكلة مناصب ما اكثر من كده وكل واحد فيهم دائر يبقى ارباب


#566183 [Ahlia]
0.00/5 (0 صوت)

01-23-2013 05:46 PM
Do you think the separation is good idea ?
Let me tell you that's the separation is mean separate and separate is divide and by the way the people home those talk about separation darfour thy want to give up thy have to fight and fights
You suppose to know that the way for freedom is very longer


#566174 [بسام]
0.00/5 (0 صوت)

01-23-2013 05:32 PM
انفصال ليكم مافي يا اخوانا انتو اساس السودان - تنفصلو من منو ؟


#565825 [عادل]
0.00/5 (0 صوت)

01-23-2013 11:39 AM
لماذا مازالت دارفور معزولة عن باقى السودان حيث لايوجد طريق برى يربط دارفور وجميع السودان مربط بشكة مواصلات ...............؟
صحيح ما في طريق بري لكن بنسمع باستمرار عن مشاريع طرق بينية تربط مدن الولاية ببعضها ، كمان مطارات الفاشر ونيالا والجنينة برضو عاملة ربط ما بطال والعافية درجات ، ومشاريع الطرق دي بالذات ناس الحركات دايما بستهدفوا المهندسين الصينيين والسودانيين الشغالين فيها مع إنو مفروض يكرموهم ويوفورا ليهم الحماية.
2.لماذا مازالت دارفور بعيدة كل البعد عن التنمية بالرغم من انها اغنى مناطق السودان من حيث الموارد ...........؟
سؤال بتسألوا كل مناطق السودان
3.لماذا مازالت الادارة الاهلية موجود وصاحبة نفوذ قوى بالرغم من انعدامها فى الشمال النيلى .............؟
هل نفهم من كده إنو إنت ضد الإدارة الأهلية ؟
الإدارة الأهلية هي النظام الذي يعبر عن طريقة القبائل المحلية في إدارة أمورهم قبل نشأة الدول الحديثة في أفريقيا ، وحين جاء المستعمر وجد إن بالحفاظ على سلطة الإدارات القديمة ممكن يدر شئون البلد بأقل التكاليف ، والأسر التاريخية صاحبة الممالك القديمة في الشمال النيلي ما زالت موجودة ، لكن كل نظام الإدارة الأهلية في السودان تم إضعافه زمن مايو (1969م- 1985م) ويستوي في ذلك الشمال النيلي ودارفور وكردفان ، وعلى كل فنظام الإدارة الأهلية وبقائه وذهابه أمر يجب أن يخضع للنقاش العلمي الهادي ولا يستحق أن يحمل من أجله السلاح
مرحب بالحوار


#565656 [عاصم]
0.00/5 (0 صوت)

01-23-2013 09:01 AM
والدى دنقلاوى والدتى رزيقية جدتى لامى فوراوية من برام هذا على سبيل المثال قول كيف تنفصل دارفور يا تور شين دارفور هى السودان فكر بخلع حكومة الكيزان المنافقين فافعالهم تخرج الناس من الملة ناهيك عن السودان .


#565455 [ود الفندكوك]
0.00/5 (0 صوت)

01-22-2013 10:31 PM
قبل الانفصال لازم نتفق على الحدود ياتور شين عشان مانكرر اخطاء نيفاشا مرة تانيةعشان بعد الانفصال نحن السودان النيلى دا عايزين نبيعه


#565381 [جلابي]
0.00/5 (0 صوت)

01-22-2013 08:23 PM
ممكن... وتعملو معانا حريات أربعة!!!


#565363 [دارفورى اخر]
0.00/5 (0 صوت)

01-22-2013 07:51 PM
عندنا حدود مع دولة مصر يا تورشين تم اضافتها الى الولاية بواسطةالزبير محمد صالح


#565150 [دارفوري]
0.00/5 (0 صوت)

01-22-2013 03:54 PM
ياتور شين دارفور لا تنفصل وانا بقول ليك الكلام دا وانا من دارفور لان اهل دارفور ليسو كأهل الجنوب مختلفين في كل شي اذا كان هناك تصويت حر فأن اكثر من نصف اهل دارفور سيصوتون للوحدة وذلك لاعتبارات كتيرة منها عدم الاتفاق بين اهل دارفور بين العرب والزرقة كل يريد ان يكون صاحب الشأن الاول وخاصة الزرقة وكما كان ذلك ملاحظا في الحركات المسلحة وانا لي اخوتي انضمو للحركات بأعتبارها صاحبة قضية وما الي ذلك لكن ومع الاسف قتل من قتل وهرب من هرب من سوء المعاملة بأعتبارهم عرب ، ثانيا يري البعض ان القضية هي قضية حقوق مستلبة وليست قضية هوية او ما الي ذلك وهناك اعتبارات كثيرة لا تدع المجال للانفصال وانا اقول للحالمين بذلك هذا لايمكن ان يتحقق.


#564826 [ودالجزيره]
0.00/5 (0 صوت)

01-22-2013 11:25 AM
والله يا وددارفور علمكم شكلوا جميل وظريف .بس ماوريتونا حدودكم الشرقيه حدها وين ؟؟يمكن يكونو دايرين ارجعوا سلطنة على دينار والله اعلم..على كل عليكم يمهل وعلينا يسهل .وشكرا


ردود على ودالجزيره
United States [عطوى] 01-22-2013 06:32 PM
اطئن اخى الحدود الشرقية مدينة امدرمااااااان البقعة .. وهى ستكون عاصمة دارفور والغرب عامة ..


#564822 [صريح جدا]
0.00/5 (0 صوت)

01-22-2013 11:24 AM
الشمال ديراكم تكونوا معاهو، لكن اذا كان شايفين مصلحتكم في الانفصال، ما ح يقيف قدام مستقبلكم، ربنا يسهل علينا وعليكم.


محمد على تورشين
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة