يعني اي زول يعمل ليهو مزرعة او مصنع او دكان بيكون أرستقراطية دينية ؟
ها! بتقصد لما برضو يكون عندو اهداف سياسية و اجتماعية- زي الامام عبدالرحمن-فوق لنشاطو الاقتصادي؟
طبعاجماعة كتار بيستكثروا شغل زي دا على غيرهم، بس لانهم،اتخرجوا من الجامعة. طيب ما المهدي نفسه ما قرى جامعة! و كان مزارع (و ما عندو بوابير) و فقران. و ثورته بداها مما كان تلميذ في الخلوة. يعني انك تكون فقير ما بتمنع انك تقوم بعمل كبيرو تلم الناس. و القروش برضو وحدها ما كفاية انك تقوم بعمل كبيرو تلم الناس حولك. ما الراسمالية السودانية كانت موجودة ايام الامام عبدالرحمن.
كل المطلوب ان يكون عندك هدف و يخص الناس و يكون عندك اصرار شديد. بتعملوا لما يجوك الناس. مش لمن تكون فاشل تسمي الناس ارستقراطية، قال ايه، دينية كمان. الجماعة ديل كان عندهم موضوع بيهم الناس و الناس جاتم. معقول تطرح شيوعية في بلد مصنع ما فيها و تقول الناس يجوك و لما ما يجوك تقول التانيين ارستقراطية اخدوا الناس؟
بعدين قصة طائفيةدينية دي يعني شنو؟ السودان ليس فيه طوائف دينية و الناس كلهم سنة. يعني مافي شيعة مافي دروز مافي علويين الخ. و اذكر ان حلتناكان فيها انصاري واحد و هو عمنا. هو الوحيد الكان بقرا الراتب. باقي الناس بشربوا المريسة كلهم و ما بصلوا. يعني ناس حلتنا ديل ياتو طايفة؟ بعدين بمشو بزوروا البرعي وود الهندي و الشيخ الولي. ديل طايفة منوة؟ وعلى فكرة كان عندنا اهلناة في الحلة اتحاديين. يعني تبع الميرغني. يعني نفس الاسرة فيهاحزب امة - انصار و اتحاديين- مراغنة. لاقاك درزي-علوي؟ المهدي في يوم كان شيخ كل السودانيين (يعني كل السودان كان طايفة واحدة) وقال اي زمان يجب ان يكون عندو شيخو.يعني مافي شيخ ميت يبقى شيخ ناس حيين. يعني فى زمان المهدي شيخنا المهدي و بعدو نشوف شيخنا. (لكل زمان حال و لكل حال رجال). يعني ماتعلق لي في ابن تيمية ولا ابن حنبل و لا غيرهم ولا لينين ولا عفلق و لا المهدي ذاتو. دي فكرة المهدية. دي فكرة بسيطة و واضحة يعني ما دايرة يقرو ليها جامعة . معقولة زول بيقول واحد زايد واحد تساوي اتنين يكون طايفة براهو؟ الباقين مجانين؟ طبعا الفكرة دي كان حتوحد المسلمين شيعة و سنة. يعني الشيعة ذاتم شايلين افكار موروثة(مذاهب). يعني لما تقابلني بدون احمال تاريخ و ماضي سنتفق حتما. دي كل الفكرة المهدية. المشكلة انو لما جو الانقليز الجماعة (السودانييين) نطو. و اي زول مشى لشيخو الميت زمان داك.و في جماعة مشوا روسيا (الشيوعيين) و جماعة مصر (الاخوان) وجماعةالعراق (البعثيين) و جماعة السعودية (السلفيين).ديل الجماعة الطائفية الراساعديل- يعني البمش يشيل افكار زول ميت زي لينين او خورشوف طايفي .لكن الانصار مسحوا الكتابة القديمة كلها و حضروا القلم عشان الناس تكتب من جديد يكون طايفيين كيف؟
قوانين سبتمبر عارضها الانصار علنا في منشور قبل ان يعارضها محمود محمد طه.
المنشور قال ان قوانين سبتمبر لا تساوي الحبر الذي كتبت به.
الانصار عارضوها و لم يكن هناك اصلا وقتها قوى ديمقراطية كما تقول- شوية طلبةجامعات جبهة ديمقراطية.
3 | 
0 | 
646
