إكسبرس الغضب ..!!
01-22-2013 11:36 AM

بالمنطق

إكسبرس الغضب ..!!

صلاح الدين عووضة
[email protected]


*عندما هُجِّر الحلفاويون إلى منطقة خشم القربة انقطعت صلتهم (الحميمة) بقطار إكسبرس حلفا الشهير..
* وانقطعت صلات لهم حميمة - كذلك - بالأرض والنيل والنخيل والمناخ..
* وفي محاولة تعويضية - ذات بعد نفسي - لكل ما يكمن تعويضه من ذلكم الذي انقطعت صلة أبناء حلفا به تفتق ذهن أحدهم عن (إكسبرس) آخر..
* إنه إكسبرس (باصات) حلفا لصاحبها رجل الأعمال خليل محمد خليل سالم..
* وخليل هذا هاتف كاتب هذه السطور قبل أيام - من على فراش المرض - محتجاً على ما قال إنه توق إلى مزيد من (التهجير) يستهدف النوبيين كافة وليس أبناء حلفا وحدهم..
* والنوبيون الذين يعنيهم خليل هنا هم سكان المنطقة الممتدة من دنقلا وحتى أسوان..
* والتهجير الذي يعنيه هو الاجتثاث من الجذور والتاريخ والإنتماء..
* أما الساعون إلى التهجير هؤلاء - حسب قوله - هم (إخوان) هنا وهناك عقب اعتلاء الأخيرين سدة الحكم في مصر..
* وخليل - رغم غضبه - لا يطالب نوبيي السودان بإنشاء حركة احتجاجية مماثلة لتلك التي أعلن عنها رصفاؤهم في مصر باسم (كتالة) وإنما يدعو إلى (الانتباه) وحسب..
* وما لا يعلمه خليل - ربما -أن صاحب هذه الزاوية سبق أن دعا لمثل الاهتمام هذا قبل خمس سنوات في كلمة له تحت عنوان (صوت النوبة)..
* وفي كلمته تلك طالب - كاتب هذه السطور - بعدم المبالغة في (استهداف) النوبيين إلى حد دفعهم إلى الاحتجاج (الخشن)..
* وأبناء النوبة الذين عناهم هؤلاء ليسوا القابعين فقط في الرقعة الجغرافية بين دنقلا وأسوان - كما قال خليل - وإنما الذين هم في جبال النوبة كذلك..
* ولما لم تر كلمته تلك النور كتب أخرى - ذات (لولوة) - يقول فيها إن (تمام) الهوية العربية ليس شرطاً من شروط (تمام) الإسلام..
* بل إن الحضارة العربية ذاتها ما كان لتصير إلى القدر من (التمام) ذاك - إبان عصر الظلام الأوروبي - لولا الذين ليسوا هم (عرباً) من فلاسفة وعلماء وأطباء وفلكيين..
* وإذ استلم (جماعة) مرسي مقاليد الأمور في مصر الآن فإن شعوراً مثل الذي تولد لدى نوبيي السودان تجاه (إمبراطورية السدود) يتولد لدى نوبيي مصر - أيضاً - تجاه (الإخوان) هذه الأيام..
* ولا ندري إن كان ثمة شبيه للطيب مصطفى قد ظهر هناك (برضو) - مع ظهور (الإخوان) - أم هو محض نزوح عروبي طاغٍ لدى إخوان مرسي..
* ولكن ما نعلمه تماماً أن متاحف مصر تحوي آثاراً (رومانية) و(هسكوسية) و(يونانية) إضافة إلى (الفرعونية) بالطبع..
* والفراعنة هؤلاء إنما هم (نوبيون) في الأصل..
* ومتحف السودان (القومي) لا آثار فيه خلاف التي تنتسب إلى (الفراعين النوبيين)..
* والغضب النوبي - حسب صاحب الإكسبرس - ينطلق بسرعة الإكسبرس ما لم (يفرمله) مرسي و(إخوانه) بالحكمة !!!!


الجريدة





تعليقات 21 | إهداء 0 | زيارات 3705


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#566512 [adil]
0.00/5 (0 صوت)

01-24-2013 01:15 AM
بعد فرتقوه وكل زول داير حقو دولة الفور دولة الزغاوة دولة البجة ودولة النوبة لكن ناس الجزيرة يمشو وين. نديهم منطقة محايدة باشراف الامم المتحدة. من افكار الطيب خال الريئس


#566156 [ود كردفان الغرّاء أم خيراً جوّة و برّة]
5.00/5 (1 صوت)

01-23-2013 02:59 PM
الشئ البنعرفو انو دولة كوش كانت بتغطى مساحات شاسعة من السودان الحالى وآخر الممالك النوبية المسيحية وصلت حدودها وين ووين.. بدليل اغلب العادات السودانية واسماء المدن هى نوبية اصيلة بالذات على امتداد النيلين الازرق والابيض واودية الغرب.. وبرضو اللغة الدارجية فيها كلمات نوبية كتيرة ده غير الرطانات المحلية.. يعنى لو مشيت جبال النوبة فى جنوب كردفان او جبال ميدوب وجبال تِن فى دارفور حتسمع نفس الرطانة مع اختلافات بسيطة.. بعدين المهاجرين الاوائل اختلطوا بالنوبة وبقت الخلطة الموجودة دى.. ده واضح فى سحنات الشعب السودانى بصورة عامة وانتو بصورة خاصة.. يعنى مفروض انتو يا رطّانة الشمال تكونوا قوميين اكتر من غيركم.. والمطالبة بالحفاظ على الهوية الخصوصية تشمل كل شعوب السودان البجا والفونج والنوبة والفور والعرب وغيرهم.. مش محصورة بس بين دنقلا و اسوان..


#566133 [النوبى]
5.00/5 (1 صوت)

01-23-2013 02:29 PM
ويسألونك عن النوبيين الذين وقفوا ضد المسلمين سنبن عددا لقوتهم وبأسهم حتى سموا رماة الحدق ووقعوا اتفاقية البقط مع عبد الله بن ابى السرح ايام سيدنا الفاروق عمر رضى الله عنه وكان ذلك فى عاصمة النوبيين دنقلا مقر المملكة وحاضرتها والنوبة اهل ابداع وفن كما هم ملوك يحسنون ادارة الشأن العام منذ القدم وهكذا توارث الابناء عن الاباء والاجداد صفاتهم الوراثية واهل الحكم والادارة والملك اصبحوا حكاما الى الان فى السودان كله ( المهدى النميرى الزبير عبد الله خليل ) واهل الفن الطرب والغناء ورثوها ابناءهم ( وردى وخليل فرح )


#566126 [حسن على شريف]
0.00/5 (0 صوت)

01-23-2013 02:22 PM
أستوت يا نوبة !!!! الباقى الأكل , وما تنسوا الجيران والضيوف مهما جاروا عليكم


#565578 [دابى الليل]
1.00/5 (1 صوت)

01-23-2013 01:15 AM
يا ود عووضه دنقلا العجوز اللهى الغابه هى موطن البديريه الدهمشيه يعنى يا ابو الشباب عن طريق النوبه نحن فيها وكان اسا نحن فيها يعنى بالعربى كدا عود عشر انا ما بفسر وانت ما بتقصر وقرّط على كدى


#565478 [الحردان]
4.00/5 (1 صوت)

01-22-2013 08:59 PM
هسي ياعووضة انت قادينا من سنه نوبة نوبة ... بتقول الكلام ده لي منو ؟؟؟ نحن الضيعنا منو غير النوبة وبلادتهم؟؟؟؟ وناس الانقاذ ديل والمؤتمر الوطني الحاكم ده لو ما النوبة الفيهو ماكان قام اصلا 75% من الحكومة والمسئولين من الدناقلة والمحس والنوبة بشكل عام وبصراحة لو كانو من غير النوبة كان الوضع حيكون احسن بكتير جدا ... منو المتحمل منو ؟؟؟؟ والجاك في محلك منو وناس دنقلا مستهدفين كيف ومن منو ؟؟؟؟؟؟ ماتقول كلام مامؤسس وتشعل فتيل غبي زي كتابتك !!! واكان عمك بتاع الاكسبرس الله يشفيهو بقي كويس ... جيبوا وادخل لي ناسك في المؤتمر الوطني بتاعين النوبة الماسكين الاستثمارات والامن والدفاع والتعليم وقيادات المرأة وهلم جرا وقول ليهم عاوزين تضيعو النوبة اهلكم ليييييييييييه .... ماقلتو نوبه ..
بالمناسبة الطاهر ساتي ده مانوبة ولا شنو ؟؟؟؟؟؟


#565388 [الزبير]
0.00/5 (0 صوت)

01-22-2013 06:37 PM
المتجهجه بسبب الانفصال دليلك ما فى محله يعنى حيكتب بى شنو ؟ ما مضطر


#565377 [زول]
4.00/5 (1 صوت)

01-22-2013 06:19 PM
ياخ أنتو أكثر ناس عنصرين واسواء من الطيب مصطفي وباقان وانتم والمحسوبية والدناقلة ماعندكم احترام للغير منما تجدون شخص معاك بيرطن مابتحترمو الموجودين معاكم والله رأيتكم في المصالح الحكومية بكلمة رطانة أمورك تمشي ولو رفعتو سلاحكم علي الحكومة والله نحن نقعد فراجا بس لأننا ضد أي عنصري وبنعترف بالسوداني المش العنصري والبحترم الجميع


ردود على زول
United States [زول دنقلاوى] 01-23-2013 07:35 AM
يا زول ما تظلمنا نحن الدناقلة لا نرطن امام الاخرين لان ذلك ليس من الحضارة فى شئ ورسولنل الكريم ( ص) يقول اذا كنتم ثلاثة فلا يتناجين اثنان دون الاخر ولذلك يقول بعضهم اننا نخجل من لغتنا


#565368 [عطوى]
0.00/5 (0 صوت)

01-22-2013 05:58 PM
فكونا باللله عليكم من الكلام الفارغ عرب عرب نوبة وغيرو ياخ عليكم الله (سودانى دى بس ما كفاية )
الاستاذ عووضة مش عنصرى ذى ما يصرخ بعض المعلقين هو كل ما شخص شكى من عنصرية ناس المؤتمر الواااااضحة ومش ملبدة يبقى عنصرى
؟؟؟؟
اتقو الله يا عالم ااااااااخ
الله يرحمك يا حوتا ...


#565364 [هادى]
0.00/5 (0 صوت)

01-22-2013 05:52 PM
ناس عبد الواحد ومن على شاكلته يلجاون الى النوبية والتنوب كملاذ امن من عقدة دفينة لا تتوفر فينا والحمد لله وممالك النوبة القديمة عاصمتها دنقلا والرطانة النقلاوية هى اللغة النوبية الاصلية والتى استخرج منها د. عوض ساتى 400 كلمة مشتركة نطقا ومعنى بينها والانجليزية والقاموس النوبى الانجليزى لمن اطلع عليه فى معارض التراث النوبى التى كانت تقيمه الروابط النوبية هى بين الانجليزية والرطانة الدنقلاوية ولا يستطيع المتنطعون ومدعى النوبية ليس حبا فيها ولكن هروبا من جانب اخر ينقصهم المزايدة على اهل دنقلا ولكن بعد كل ذلك نركل النوبية والعنصرية والتقوقع لما هو احسن منه لغة القران ولفة التفاهم بين كل قبائل السودان ونكرر اعتزازنا بالعروبة من ناحية عملية وعلمية ودينية اكثر من من اعتزازنا بالنوبية والتى ولى عصرها ورجالها وحضارتها ونقاؤها من قرون خلت


#565276 [ادروب]
0.00/5 (0 صوت)

01-22-2013 04:09 PM
استغفرالله .. انتو شنوالعنصرية دي ..عرب وما عرب .. طيب اساميكم دي جبتوها من وين وكدي واحد يقول لينا جدو توت عنخ امون وللا تحتمس للاحبوبتو حتشبسوت56


#565258 [راجل المرا]
5.00/5 (1 صوت)

01-22-2013 03:55 PM
يا ود عووضة بالغت..... ياخى انت اكبر من كدى
وبعدين هو السودان دا الحاكمنو منم غيرالنوبة؟؟؟؟؟ نميرى نوباوى والان عبدالرحيم مواسير نوباوى وبكرى سيجارة ومصطفى شحدة وقادة الجيش الكبار
بالله ابعدونا من العنصرية براها خربانة


ردود على راجل المرا
United States [عز العرب] 01-22-2013 06:27 PM
انت مالك يا اخى داير تعمل مشاكل الحلفاويين لا يحبون النميرى وكل من ذكرتهم من القيادات وحتى عبد الرحيم من كرمة والمحس والحلفاويين لا يعتبرون كل من جنوب ابو فاطمة منهم وكل القيادات التى ذكرتهم والشهيد الزبير هم اصل النوبة والتاريخ فى دنقلا العرضى ودنقلا العجوز وكرمة وبعض الناس يتمسكون بما ليس لهم فبه حق كثير وكثير من بقايا الاتراك والحلب لا يعترفون بالقيادات المتناسلة من ملوك النوبة


#565175 [عبد الله عبدالله]
5.00/5 (1 صوت)

01-22-2013 02:23 PM
النوبة في السودان أصل والعرب فرع رغم أننا كسودانيين جميعاً لا يهمنا أصل هذا من فرع ذاك و(لهذا ولهذا فقط سنسمح لناس الطيب مصطفى والبشير وآخرين بأن يظلوا بين ظهرانينا). والعنصرية لم يؤسس لها نظام في السودان كما أسس لها نظام البشير! أنا شخصياً صدمني سؤال العسكري عندما قدَّمت للرقم الوطني (قبيلتك شنو؟). الاستهداف ليس للنوبة فقط يا أستاذ! الاستهداف ممنهج من جانب المؤتمر الوطني وخاصة بوزيرهم الكارثة هذا علي محمود وهو استهداف للنوبة ولكل من لا ينتمي للمؤتمر الوطني ويتم بالضرائب الباهظة ورفع الأسعار فيضطر الناس إلى الهجرة حتى يخلوا الجو للمؤتمر الوطني فيأتي بالجنوبيين بمسمى الحريات الأربعة وربما كان ذلك جزءاً من البنود غير المعلنة لاتفاقية أديس فالبشير لم يوقع اتفاقية اديس من فراغ (وأخشى أن يكون سكوت الحكومة نفسه على ضربة اليرموك جزءاً من البنود السرية لاتفاقية أديس أبابا)


#565115 [عبد الله عبدالله]
5.00/5 (2 صوت)

01-22-2013 01:25 PM
السودان أصلاً نوبي أما العرب فوافدين عليه وليسوا أصلاً فيه مع أن الميلاد في البلد يجعل منك مالكاً لجنسيتها (ولهذا، ولهذا فقط سنسمح للطيب مصطفى والبشير وبقية العرب المستعربة أن يظلوا بين ظهرانينا)! يا أستاذ عووضة! ليس الاستهداف للنوبيين فقط، الاستهداف لكل من لا ينتمي للمؤتمر الوطني بالتهجير والإفقار والدفع إلى الانخراط في المؤتمر الوطني وممارسة الأنشطة الحرام للحصول على لقمة العيش (الحلال) وقد يكون كل ذلك مقصوداً لكي يأتي المؤتمر الوطني بالجنوبيين مكان النوبيين والأجناس الأخرى التي تضطر إلى الهجرة من السودان بسبب الغلاء وسياسات علي محمود التهجيرية المتعمدة والمدعومة من البشير والمؤتمر الوطني، وتوقيع البشير على اتفاقية أديس بدعم امريكي صهيوني لم تأت من فراغ (وأخشى أن يكون سكوت الدولة على ضربة اليرموك جزءاً من البنود السرية لاتفاقية أديس)!


#565095 [ود فارس]
0.00/5 (0 صوت)

01-22-2013 01:05 PM
عليك الله ياود عوضة فكنا من القبلية الغارغه دة بلا نوبه بلا جعليه


#565093 [هادى]
5.00/5 (2 صوت)

01-22-2013 01:04 PM
استغرب جدا للذى يتحدث عن استهداف نوبى واستغرب جدا من يتحدث عن التمسك باصالتنا ولغتنا من الطمس باللغة العربية واستغرب جدا للذى يرى العروبة واللغة العربية على اتجاه مضاد للنوبة ( ان وجدوا فى الشمال بصورة نقية ) ذلك انى دنقلاوى ولدت بدنقلا وترجع اصولى الى الكنوز وتعلمت العربية فى المدارس والان كيرا ما اخطأ فى التذكير والتأنيث ورغم ذلك لا ارى داعيا لرفض العربية التى هى جزء من دمائنا فى كل مناطق الشمال ويجب ان نعتز به كما نعتز بالشق الثانى النوبى منا وان كنا نعتز بالنوبية كحضارة سبعة الاف سنة ويجب ان نعتز بالعروبة وفروستها واشعارها وحكمها ولغتها التى نزل بها القران المعجزة الخالدة واللغة العربية هى من اكثر اللغات انتشارا فى العالم وبالتالى ومن منطلق( عملى )نحرص على تعلمها ولايفوتنا شئ كثير ان تركنا رطانتنا التى لا يمكن التعامل بها حتى بين القبائل المتنوبة الثلاث فى الشمال وطبعا ككلام مثقفين وكدا سوف اجد من يقول لى هذا كلام غير مثقف واقول انى رجل عملى ثم ان جون قرنق كان مضطرا للتحدث بالعربية ليصل الى مواطنيه فى الجنوب . وللذين يقولون بفرض الثقافة العربية والاسلامية نقول ان العربية قرضت نفسها بقوتها ولارتباطها بالدين القويم ولم يسجل التاريخ ان كل الحكومات المتعاقبة ديمقراطية او شمولية فرضت ثقافة ورفضت اخرى ولكنها كلها بم فيها الانقاذ سارت لتوصيل برامجها عبر اسهل الطرق التى يمكن بها ذلك واقولها كما قال سيد الخلق دعوها فانها نتنة


ردود على هادى
United States [عبدالواحد المستغرب أيما إستغراب!!] 01-22-2013 03:30 PM
دنقل ومن هم على شاكلته نقول لهم (عييييك!!) إنتو راكبين من وين؟!! عووضه خط احمر بالنسبه لنا نحن النوبيين!! الرجل كتب مقالته الرصينه بلغه عربيه فصيحه لاشق فيها ولا طق!!يعجز من يدعون العروبه من مجاراته من أمثال اولئك الذين يتمسحون بالعروبيه وانا اتحدى أن تجرى مناظره فى (فنون) اللغه العربيه يكون اطرافها ود عووضه والطيب مصطفى بإعتباره من القلائل (المسكونين) بلغة القرأن الكريم حسب إدعائه لنرى النتيجه!!وبالمناسبه نقول للذين لاينفكون يذكروننا بأن القرآن جاء بلغه عربيه فصيحه إنما ينم عن عجز من يحاولون تذكيرناطرا ولا يرون إعجازا آخر فيه غير أنه جاء بلغه عربيه فصيحه وكأنه كان من المفترض أن ينزل القرآن الكريم بكل لغات ولهجات سكان الكره الارضيه قاطبه ناسين أن الغير ناطقين بلغة القرآن هم خير من يتحدثون به فى الماضى والحاضر وقطعا فى المستقبل ويعملون بالمنهج الذى جاء به.


#565063 [صقر الكواهلة]
0.00/5 (0 صوت)

01-22-2013 12:40 PM
كتبت مررا وتكرارا من المدعواعاوووضة تجدة دائما يتحدث عن قوميتة وكانهم الجنس الارى عند الرومان وتجدة يسخر من العرب فى السودان مع ان الله تعالى انزل القران بالعربية وارسل الرسالة المحمدية عبر العرب لجميع العالم وتجد فى كل كتاباتة يدعوا للتنصل من العرب والعربية وبعد الاحيان يدعوا لمحو العرب من السودان او ترحيلهم من سياق كتاباتة
لكناذا كان النوبة اوالنوبيين هم كعاووضةفلا مجال للمخاشنة لان النوبيين ماتو مع الفراعنة والرجالةانتهت مع الاوليين


ردود على صقر الكواهلة
United States [مواطن] 01-22-2013 05:40 PM
عجبي منك يا صقر الكواهلة عووضة كلامه صاح ذي انتسابك الافريقية الحقيقية للعروبة الكاذبة

United States [محمد] 01-22-2013 02:25 PM
والله ؟ والعرب وقعوا البقط مع منو يا كاهلى؟ لو قدرواعلى النوبة كان وقعوا اتفقيات؟ احنا الرجالة ماتت فينا؟ منو القال للزبير فى وجهه لمن قال الدين دخل من هنا انو كمان حطيلع من هنا؟(استغفر الله) بعدين للقال الغابة وما الغابة, احنا لو شلنا سلاح والله حننتهى من الحكومة دى فى شهور مش سنين, هاهاهاها قال الرجالة انتهت فى النوبة قال ,خلى البشير يمشى بلدك و يمشى بلدنا شوف منو البيطلع يستقبلو و يكسر ليهو تلج احنا ولا انتو.

United States [المتجهجه بسبب الانفصال] 01-22-2013 01:30 PM
هو ليس ضد العروبة ولا العربية بدليل انه يكتب بقلم عربي حديد،، هو ضد إنو الناس في السودان يدوا العروبة كوز كوزين على حساب التعددية عشان البلد ما تروح وتصبح كيمان،،


#565035 [عمك]
0.00/5 (0 صوت)

01-22-2013 12:21 PM
عنصرى وفيك ريحه العنصريه كثير جدا وضاربه فيك لى الجزور


#565030 [كاسر قيدو]
5.00/5 (1 صوت)

01-22-2013 12:16 PM
اخي صلاح انالتحدث باسم الكيانات والقبيله والجهويه هو مانجح فيه هذا النظام لضعضعه النسيج الاجتماعي حتي يتفرق الجميع ايدي سبا ويسهل الانتصار علي كل فئه وضرب كل فئه باختها الاخري فكل مايمس ساتي يمس كوكو ... وادروب ... وخليل ...ومحمد احمد ... وادم دون فرز فان الصحافه النظيفه العفيفه الذي يمثلها امثالك تمثل الجميع فانت مناره من منارات الصحافة نهتدي بك فوفقك الله وسدد خطاك .


#565021 [عبد الله]
5.00/5 (1 صوت)

01-22-2013 12:05 PM
اذا استلم الاخوان المسلمون الحكم فى اى بقاع فمصيرها التدهور والتشتت والتقسيم
ليش ؟؟؟؟؟


#565018 [jangy]
0.00/5 (0 صوت)

01-22-2013 12:03 PM
الناس يا ود عيوضة بتتمرد وتدخل الغابة وللا الجبال والكهوف اها انتو تتمردو تخشو وين صحراء بيوضة واللة النتنوف تحصدكم حصد وما تفضل حلفاو لافى يا زول قول لى اهلك ديل يسمعوا الكلام


ردود على jangy
United States [صقر الكواهلة] 01-23-2013 10:42 AM
هههههههههههههههههههههههههههههههههههههه احبك يا جنقاوى انت اظرف زول سودانى


صلاح الدين عووضة
صلاح الدين عووضة

مساحة اعلانية

تقييم
10.00/10 (7 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة