المقالات
السياسية
المرشح الأول و الأخير لخلافة البشير
المرشح الأول و الأخير لخلافة البشير
01-23-2013 09:45 AM

المرشح الأول و الأخير لخلافة البشير

شريفة شرف الدين
[email protected]

كان من المتفوقين دراسيا مذ نعومة أظافره .. حاصل على الدكتوراة في العلوم العسكرية و يتحدث العربية و الإنجليزية و الفرنسية و الألمانية بطلاقة .. عمل مستشارا في القضايا الدولية و استعانت به أكثر من دولة .. كان مهندس المفاوضات بين المصريين و الإسرائليين و لولاه لما رأت اتفاقية كامب ديفيد النور أيام الراحل السادات .. تم ترشحيه أكثر من مرة أمينا عاما للأمم المتحدة .. يتميز بذكاء وقاد و دهاء صارخ في القضايا السياسية والعلاقات الدولية .. هو المرشح الأول و الأخير لخلافة البشير إنه عبدالرحيم محمد حسين وزير دفاعنا الهمام.

رغما عنا و بمزاج بشيري خالص فُرض علينا عبدالرحيم محمد حسين وزيرا للداخلية فكان أداؤه بدرجة الممتاز جدا في الفشل و لما علت الأصوات المنادية باستجوابه ثم استبعاده رضخ البشير بأمر الاستبعاد دون الاستجواب و تم تكريمه و منحه رتبة الفريق ثم جاء غصبا عنا و نكاية بنا في التشكيل الوزاري الجديد وزيرا للدفاع .. فكانت الصفعات المتتاليات من الداخل و الخارج على حد سواء .. و لم يقف الأمر عند ذاك الحد .. بل إن البشير عجم كنانته و أحكم أمره و استفرده من بين الأربعين مليونا ليرأس الوفد المفاوض في أخطر و أهم الملفات .. ملف المفاوضات بين دولتي السودان .. شماله و جنوبه و صار وزيرنا الهمام يجوب الأجواء جيئة و ذهابا لا يرجع إلا بخيبة و الأسباب واضحة.

و حتى نعطي الرجل حقه .. فإن قضية المفاوضات معقدة لدرجة كبيرة و لا يبدي أي من الطرفين مرونة في تقديم تنازلات من أجل دفع عجلة المفاوضات الغاطس بعمق في وحل تفكير قادة الدولتين الذين وضعوا المواطن و مصلحته الملحة في قاع قائمة الأولويات .. استغرب أن قضية بهذه الدرجة من التعقيد ينتدب لها عبدالرحيم محمد حسين و كان طبيعيا أن يعود خائبا و أكاد أكون جازمة أنه لا يعي شيئا مما يدور أثناء التفاوض .. إنه يفاوض باقان الداهية الذي غلب أساطين و نخب المؤتمر الوطني حتى كانت لهم دولتهم.

بمنطق أنه الأصلح لتقلد وزارة الداخلية ثم الدفاع .. بمنطق أنه يرأس وفدا مفاوضا في قضية مصيرية لحياة الملايين .. هل تستغرب إن جاء عبدالرحيم رئيسا يخلف البشير؟






تعليقات 26 | إهداء 0 | زيارات 5960



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#567090 [فكره]
1.00/5 (1 صوت)

01-24-2013 06:35 PM
مكتشف نظرية الدفاع بالنظر......
كشف .... كشف هناك ,,,
انت ما لابس نضارة... اقصد نظارة نظر


#567027 [حسن ود برى]
0.00/5 (0 صوت)

01-24-2013 04:16 PM
والله شيخنا دا طبعا بيهظر والاصح ان البشير وخليفته المزعوم ابوريالة وباقى الفرقة حساببهم قد دنا والالشعبن كل واحد يفتش فى طريقة يتلب من المركب الغرقانة دى وضاقت عليهم بما رحبت من عمايلهم وسيلحقهم ابناء الشعب الشرفاء الاشاوس حتى لو رجعوا بطون امهاتهم وغدا ناظره قريب زززززززز


#567019 [ودالجزيرة]
0.00/5 (0 صوت)

01-24-2013 04:06 PM
أنا ما مصدق حتى الآن كيف الراجل ده بقى عسكرى


#566648 [ناصر شيت]
0.00/5 (0 صوت)

01-24-2013 08:36 AM
يا اخوانا ادهوا فرصة اخير امكن يمشي حالو

خلوهو يجرب وزي ما بقول المثل الارض جربت الحجر

ما يطلع لي واحد يقول لي الحجر منو ؟

المقال موجود على الرابط

http://www.alrakoba.net/news-action-show-id-84799.htm


#566524 [Zingar]
0.00/5 (0 صوت)

01-24-2013 01:58 AM
الأخت الكريمه شريفه أنا أخالفك الرأى تماما لأن هناك ظاهرتان متناقضتان تماما ولكنهما متفقتان فى الدلاله وهما ظاهرة الصلع والتفه وهما على حسب مفوهمنا السودانى ترمزان للعبقريه وقد حبانا الله ونحمده كثيرا بوجود تلك الظاهرتين فى بلدنا السودان وهى حاله نادرا ماتحصل متمثله فى الدكتور النابغه أمين حسن عمر والفيلدمارشال عبدالرحيم محمد حسين وماشا الله عليك ياسودان وهنيئا لك بعبدالرحيم ونائبه عمر وعينى عليكم بارده.


#566503 [خالد حسن]
5.00/5 (1 صوت)

01-24-2013 12:44 AM
هي بقت علي ابورياله .. يعني البشير في الفهم افضل من ابورياله في شنو؟
الاتنين تنابيل وعساكر مغفلين ؟ وهو الجيش ده حصل خرج زول عنده فهم ؟
غير الخوازيق جيش الخنا ده مابطلع لينا شي .. بلا في الجيش السوداني واليوم العملوا فيه جيش


#566410 [عبد النور]
0.00/5 (0 صوت)

01-23-2013 09:11 PM
وقتها باطن الارض خير من ظاهرها . او نخلى ليهم السودان خالص


#566386 [sudani 1]
0.00/5 (0 صوت)

01-23-2013 08:28 PM
ما ياها الفضل ان يحكم السودان مسطول بدون بنقواي كهربتو زايدة


#566339 [ابو الدرداء]
0.00/5 (0 صوت)

01-23-2013 07:12 PM
والله يا ريت تستلموا الحكم والكاتبة تكون الرئيسة عشان نكون دولة عظمى فى خلال شهر من قدومكم الميمون وبعقولكم النيرة يا علماء اخر الزمن...نحن نثق فى سعادتكم وفخاماتكم


#566337 [fadeil]
0.00/5 (0 صوت)

01-23-2013 07:10 PM
يا الزهره .. ان كلمة اللمبي دائما تطلق علي الشخص الأهبل وصاحب الرياله المسندامه لعبطه وهو ما يتحلي به وزير دفاغ السودان ( يا حليل زمن قوة دفاع السودان ) القوه الني كان هاماتها مسئولية هذا الوطن مش ناس اللمبي .


#566333 [ابو الدرداء]
5.00/5 (1 صوت)

01-23-2013 07:06 PM
صراحة عندنا عقول نيرة ولو جابوكم فى الحكم اكيد السودان حتكون دولة عظمى و من الاعضاء الدائمين وبعد شهر من قدومكم!!!!!!!!!!!!!!!!!!!!!!


#566287 [awad]
0.00/5 (0 صوت)

01-23-2013 06:20 PM
أختى الشريفة بنت الشرف أكاد أقول لك بأنك قد أبديتى بعض القساوة بأوصافك لوزير دفاعنا الهمام صاحب النظرة الثاقبة بأدخاله نظرية جديدة فى العلوم العسكرية والان تدرس فى أكبر الأكاديميات العسكرية وهو الأستغناء عن الرادارات المكلفة من ناحية السعر والأكتفاء بالنظر المجرد وليس النظر بالتلسكوبات وهو عبقرية عسكرية فذة وأستطاع أن يسترجع لنا حلايب والفشقة وشلاتين بدون ما نخسر جنديا واحدا والأدهى من ذلك فقد أقنع الأخوة فى دولة السودان الجديدة بعمل كنفدرالية بين البلدين برغم تعنت باقان ولذا فقد أستحق نوط الجدارة العسكرية من الدرجة الأولى ونال وسام ابن السودان البار,أما عن سيئة الذكر (الريالة) فقد عولج منها وشفى شفاءا تاما بفضل أحدى الحبوبات التى (دعكت لهاته بلالوبة محروقة فى النار)وكمان هناك خبر مفرح فقد شفى أيضا من التئتة والرجرجة فى الكلام. لذا أختى أتمنى أن لا تقسى على ولى عهدنا ورئيسنا القادم وشكرا.


#566277 [ود كنتوش]
0.00/5 (0 صوت)

01-23-2013 06:08 PM
اضافة لما ذكرته الاخت شريفة فنهاك بعض المؤهلات المنسية للعلّامة وصاحب الفخامة الفريق اللمبي:-

له دكتوراة من جمهورية بصلستان في تقشير البصل بمزاج ودراسات عليا من جمهوريات ملوخيستان في توريق الملوخية ام صفقا عُراض ! وايضا له ماجستير من جمهورية تومستان في تنظيف التوم ودقِّه في( الهون) واخيرا له دكتوراه من جمهورية نبقستان في تصدير النبق لحل مشكلة اقتصاد السودان.


#566218 [عين العقل]
0.00/5 (0 صوت)

01-23-2013 04:43 PM
لقد وصلنا منذ زمن بعيد لدرجة التشبع من الإقتناع ان الشرزمة الموخخود فى سدة الحكم لا طائل منهم و مهما تعالت الاصوات من العزل و المغلوبين على امرهم هؤلاء لا يسمعون و لا يهدأ لهم بال حتى يمتصوا أخر قطرة دم من من يزعمون انهم رعيتهم
حسبنا الله و نعم الوكيل


#566201 [بسام]
0.00/5 (0 صوت)

01-23-2013 04:15 PM
ياخوانا ده احسن واحد ممكن يعتمد عليه البشير في ظروفو دي


#566192 [ودجمعه]
0.00/5 (0 صوت)

01-23-2013 04:02 PM
واكاد اكون جازمه انه لايعي شئ من. مايدور اثناء التفاوض. ...ههههههههههههههه والله ضحكتيني لكن!!!!!!!


#566050 [كلك كلو]
0.00/5 (0 صوت)

01-23-2013 12:57 PM
نتمني أن يأتي رئيسا هذا اللمبي الهمام حتى تسهل مهمة كنس هذا الكابوس المسمى الإنقاذ.........


#566038 [فتح الرحمن الصديق الامين]
0.00/5 (0 صوت)

01-23-2013 12:43 PM
ههههه والله ياهو الفضل عايره ونديها صوت


#566030 [ابو كلوة]
0.00/5 (0 صوت)

01-23-2013 12:40 PM
ايه رأيك، لو كان لابد، حيسووها نكاية في كل الرافضين لحكمهم


#566026 [MASTER PORT]
5.00/5 (1 صوت)

01-23-2013 12:35 PM
والله لو الاهبل ابو ريالة ده بقي رئيس انا بخلي ليهو البلد انشاءالله يملاها ريالة من حلفا لي نمولي ذاتو


#566000 [عبد الله]
0.00/5 (0 صوت)

01-23-2013 12:07 PM
انا لا استغرب ان يأتى عبد الرحيم رئيسا لاننا شعب ميت


#565991 [المشتهي الكمونية]
5.00/5 (2 صوت)

01-23-2013 12:01 PM
والله ضحكتيني يا شريفة ، تعرفي لما قريت مقدمة مقالك عن مرشح الأمم المتحدة ومهندس المفاوضات الذي يتميز بذكاء وقاد و دهاء صارخ في القضايا السياسية والعلاقات الدولية قلت ياربي دا بطرس غالي ولا منو وفجأة ألقى قدامي اسم الزول بتاع الطيارة جات بالليل وطافية النور ،،، لكن كدي يا شريفة يا أختي خلينا نحسبها ، الحاكمنا منو أسـه؟ والفرق بينه وبين عبدالرحيم شنو؟ أكان للغباء الأتنين أغبياء ، أكان للفهم الأتنين ما ناقشين حاجة ، أكان للرقيص والعوارة الاتنين في الهوا سوا ، وكمان في بعض الناس طلعوا علينا بي ترشيح تاني ، قالوا ممكن البشير يكون خليفته بكري ، يعني السودانيين تطير عيشتهم ما يحكمهم غير الدلاهات والعورا ديل ، والله ما فاضل حاجة غير ما يعينو لينا ندى القلعة وزير للداخلية وحنان بلوبلو وزير للدفاع والهندي عزالدين أوأحمد البلال وزيرللاعلام وهاك يا دلوكة وغناء ورقيص


ردود على المشتهي الكمونية
United States [الضعيف] 01-23-2013 03:20 PM
صدقت يا المشتهي الكمونية..هو في فرق بين الليمبي وإسماعيل يس!!..
والمفكرين أمثال غازي والدكاترة والبرفسيرات البرضو زاتو يكونوا ويشتغلوا تحت العقول دي ومع ديل يبقوا رمم

وخلينا من الهم دا.. بس عليك الله لمن تم في كمونية ما تنسا أخوك النجرتان الضعيف دا.. لأنو نفس في كوارع إخترتها حسب إستراتيجية نظري!!

وشكرا لك يا الشريفة..

United States [abusafarouq] 01-23-2013 02:58 PM
ههههههه والله أنا أيضا ذهبت بما ذهبت إليه المفاجاءة الكبرى يطلع أبو ريالة والله دى خدعة كبيرة جد مايستبعد فى ظل حكومة البشير كل شيىء ممكن وجائز والبشير أصلو بعمل فى مستحيلات التجانس .فضل كمان يجيب الخال الرئاسى وزير داخلية كما حصل مع أحمد هارون وزير للشؤن الانسانية شريفة خلتنا عشنا فى عالم الفهم والعلاقات الدولية وعالم المعرفة ومرة واحدة ووب للأرض بأبو ريالة طمم بطونا بريالته . والله ياشريفة فعلا بالغتى فى الحتة دى باقان الرجل الفطن والمرعب للخال بتصريحاته وباقى الجماعة فى المؤتمر البطنى لم يسمعو أسم باقان الا والجقلبة تقوم عندما سمعو خبر إقالة باقان الخال الرئاسى ضبح جمل عديل تحت تحت من الفرحة ومقالات فى جريدة الانتباهة .يافرحة ماتمتش قول المصرين .


#565987 [ودشريف]
0.00/5 (0 صوت)

01-23-2013 11:55 AM
بعد التحية والتقدير هذا قدرنا ان يحكمنا فاقدى الوعى والتفكير وان يكون مصير بلادنا في يد ابوريالة اسمحى لى بهذا الاسم لانه ليس رحيما واجزم انه لايفقه مايدور في طاولة التفاوض فهو الفشل يمشي على قدمييين فهذا الرجل فضيحة بكل المقاييس وتبا لجيش وزير دفاعه ابوريالة صاحب نظرية الدفاع بالنظر لا ادرى هل حقيقة هذا الرجل تخرج من كلية حربية وهل حقا هو فريق في الجيش السودانى لانه اذا ده فهم الضباط في جيشنا الرماد كال حماد وطال ما هذا الرجل على راس وفد التفاوض لن تنجح المفاوضات وسنظل في دائرة مفرقة وبصراحة انا لدى احساس انهم ماعايزين نهاية للتفاوص لانهم لايستطيعون ان يحكمو من دون ازمات وحروب فهى حجتهم في فشلهم في ادارة الدولة التى تحولت الى مملكة المؤتمر اللاوطنى حسبنا الله ونعم الوكيل وسنظل نردد حتما غدا سيكون افضل


#565967 [ابو يوسف]
0.00/5 (0 صوت)

01-23-2013 11:28 AM
بشرط أن يظهر ب(مريلة) جديدة (عشان الريالة وكده) و يا حبذا لو كانت بالاجنحة.


#565902 [ود توتي]
5.00/5 (1 صوت)

01-23-2013 10:33 AM
والله مافضل شي غير ان هذا المعتوه يكون على راس البلد وتكون بي مويه وكملت


#565901 [ابو علي]
5.00/5 (2 صوت)

01-23-2013 10:33 AM
صدقتي يا اختي شريفه فعلا راح يكون خير خلف لخير سلف وبس يبدو انك نسيتي تضيفي الاختراع المزهل الذي ابتدعه وزير دفاعنا الهمام الا وهو الدفاع بالنظر زي في افلام الكرتون يحمر الواحد للطياره
تقوم تنفجر في الجو , لكن زي ما قرينا في كتاب الاسلاميين و ازمة رؤيا للكاتب عبدالغني احمد ادريس
قال البشير لما كلمه اكتر من واحد عن الكفاءة الزايده لوزير دفاعه قال ليهم انا دير اقابل بيه ربنا , تقابل ربنا و تبرر ليه كيف الارواح التي زهقت بسبب عبقريت اللمبي و الله الطيارات الوقعت بسبب قطع الغيار الخرده وله وله وله .


ردود على ابو علي
United States [باك الزلط] 01-24-2013 08:44 AM
هو أحد القادة العسكريين المصريين قديماً أثيرت حوله الكثير من الروايات

United States [الزهرة] 01-23-2013 11:24 AM
مسعولين من الخير كدى واحد يورينى معنى لومبى ولماذا اختير له هذا لاسم


شريفة شرف الدين
شريفة شرف الدين

مساحة اعلانية

تقييم
7.92/10 (12 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة