رجعت من تاني صفوف البانزين...,وبرميل الجاز عامل مليون؟؟!! محمد سعيد حلمد [email protected] في البلد الحالها مدهول ,رجعت من تاني صفوف البنزين ,وكيفن ماترجع والحال من بعضوا سياسة تجنن. كل ماضاقت رجعت ضاقت ,والشعب مزرور ,طيب ياناس ماشين لي وين ,واصلين لي وين ,وبرميل الجاز عامل مليون وكلامنا ياناس بالجد في مدينة العز نيالا البحير, اتخيلوا كيف جنون الجاز حصل مليون ,وانبوبة الغاز مافيشه عديل. وحكاية يازول محنانه عديل ,تطلع من جاز تخش بنزين ,تمرق من دقيق يطلع لك زيت وايك ولا ايك. وسيادة الوالي بي موكبو ,طالع نازل وكمان في الفاضي ,ماتحلها دي وينك ما فاضي للجوطه عملت لنا فلقه ,واخر الاخبار افتتح لو ظلط ما لاحق مية امتار ,وجوطه وهيصه ,خليك من دي وفرلينا بس حق البزين مع انو بقولوا , خيرنا كتير ومخزونا كتير ,كمين برميل في مخزون الشعب "المسمنو استراتيجي". القصه يا اخوانا وبي بساطه انو جهاز الامن اصبح يتلاعب بقصة الوقود , واي وقود طالع ولاداخل لمدينة نيالا بيتحكموا فيه ,يعني اكان داير لك جالون الا بتصديق ,ومدينه زي مدينة نيالا بها اكتر من 4 مليون نسمه فكم ياتري معدل استهلاكها,وازمة الوقود دي قبل كدا جابت لها كلام بس الجماعه يشدوا حيلهم لانوا حيكون في كلام.

Tweet

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

عايزين بنزين لي شنو مال الحمير دي سووها لي منو

حمدلله زي مارجعنا ذي ماجينا وكيه للمابينا!!
فكرنا نفسنا خلاص ناقصنا العقال!!
قام الريس صحانه من الحلم وقال!!!
سجم امكم في مسكين مقطع بيبقي ليهو عقال!!
ارجعو لي قدميكم حمار وكربه وكفاكم ركشه بلابدال!!!
حينا ننقذكم سوري كتلناكم وفقعنا ليكم كبده مع الطوحال!!!
اصلو انتو وهم مكتوب في جبينو يظل تربال!!!
ويدوم الحال اكيد ده محال!!!
ويصبح ظابط حاكم فاهم ؟ده .....استهبال!!!
من يوم كليتو تحت برنيطه بشيلو طاستو وبختولوا................امله الفاضي.......لو اصلك قاضي...... من الاستقلال....الي الاستغلال..................الي الاستهبال...........

الاكثر مشاهدةً/ش

محتويات مشابهة/ق

الاكثر تفاعلاً/ق/ش

الافضل تقييماً/ق/ش

الاكثر تفاعلاً

الاكثر تفاعلاً/ق

الاكثر اهداءً/ق

الافضل تقييماً/ق

الاكثر مشاهدةً/ق

الاكثر ترشيحاً/ق