لا شفعت .. لا نفعت!! [email protected] لا شفعت .. هدية عربات سوناتا جياد لكل أفراد المنتخب المصري!! لا نفعت .. عربات إسعاف هدية للبنانيين!! لا شفعت .. الـ 5 آلاف بقرة هدية للمصريين!! لا نفعت .. مليون فدان هدية للأحزاب المصراوية!! لا شفعت .. توطين 10 ملايين من الاجانب باراضي الشمالية!! لا نفعت .. عمالة أجنبية مرتباتها بالدولار!! لا شفعت .. الـ 20 ألف راس من الضان لمصر هدية!! لا شفعت .. لانفعت .. يا بنات أمي الشيء والشويات أعلاه اللي اغدقتها حكومتنا السنية لا شفعت .. لا نفعت!! ـ لا شفعت .. لا نفعت؟!! يا اختنا بدل ما تقعدي تمصمصي وتقلبي لينا في شفافيك وتشبكينا لا شفعت .. لا نفعت!! ما تفهمينا قائمة الشيء والشويات الراصاها لينا فوق دي وشابكانا تعليقا عليها لا شفعت .. لا نفعت!! هي لا شفعت .. لا نفعت في شنو؟!! نقول ليك حاجة انتي كدي ما تقولي لينا سبب ترديدك ليها يمكن اكان قلتي لينا سبب ترديدك ليها نحنا مش ح نفهم وبس بل يمكن نحنا ذاتنا نقعد نردد معاك لا شفعت .. لا نفعت!! ـ السبب هو تصريح وزير الخارجية الايراني القائل:( قبل ان تتجه الطائرات الاسرائيلية لضرب السودان مرت على 5 دول لا أريد تسميتها... ولا شك ان هذه الدول عرفت ان هناك غارة اسرائيلية قبل وقوعها). ـــ تسميتها شنو؟!! هي دي كمان دايره ليها تسمية!! الدول دي اللي بتكون مرت بيها الطائرات الاسرائيلية لتصل لوطنا السودان وتعتدي عليه الدول دي نحنا بنعرفها زي جوع بطنا ديل نحنا بيجمعنا معاهم سقف جامعة واحدة ومصير مشترك! دول اخواتنا!! اخواتنا!! اللي ياما فضلتهم حكومتنا السنية علينا.. آآآ .. اخواتنا اللي فضلتهم حكومتنا السنية علينا!! بس بس خلاص نحنا فهمنا قصدك شنو بترديدك فيما انتي بتمصمصي وتقلبي لينا في شفايفك بانه: لا شفعت .. هدية عربات سوناتا جياد لكل أفراد المنتخب المصري!! لا نفعت .. عربات إسعاف هدية للبنانيين!! لا شفعت .. الـ 5 آلاف بقرة هدية للمصريين!! لا نفعت .. مليون فدان هدية للأحزاب المصراوية!! لا شفعت .. توطين 10 ملايين من الاجانب باراضي الشمالية!! لا نفعت .. عمالة أجنبية مرتباتها بالدولار!! لا شفعت .. الـ 20 ألف راس من الضان لمصر هدية!! * بالمناسبة: هذا العمود والذي لن يفوت عن فطنتكم ايها القراء الكرام انني قد قمت بكتابته عقب قصف الطائرات الاسرائيلية لمصنع اليرموك الحربي بقلب الخرطوم العاصمة قبل اشهر! لكنكم حال قراءتكم للخبر التالي: (ذكر موقع (ديبكا) الإسرائيلي، أن سلاح الجو الإسرائيلي قام بمناورات سرية فردية في شرق ووسط أفريقيا خلال الأسابيع الماضية، وفق إتفاقيات غير معلنة مع عدد من الدول التي ترتبط إسرائيل معها بعلاقات دبلوماسية أو تعاون دولي. وجاء إسم السودان ضمن التقرير، حيث أفاد التقرير أن سرب الطائرات الإسرائيلية إخترق المجال الجوي السوداني جيئة وذهاباً مرة أخرى في رحلته للمناورات المشار إليها دون أن تلتقط الرادارات السودانية طائراته) حال انتهائكم من قراءة هذا الخبر المنشور قبل عدة ايام الا وستدركون سبب اعادتي لعمود: لا شفعت .. لا نفعت!!

Tweet

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

الطائرات دخلت بالليل وكانت الانوار مطفية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا حول ولا قوه الا بالله العلي الاكبر علي كل متعال ومتكبر
والصلاه والسلام علي رسول الامه كاشف الغمه بدين الحق جزاه الله عنا خير الجزاء .

اختي في الله اتق الله فيما تكتبيين وانت تشمتين في ضرب وطنك والشماته واضحه .

انا لسا بقول انت كتمت معاك واحسن تاخدى اجازة من الكتابة هذه الايام بدل ما تكررى نفسك وتضيفى كلمتين تلاتة على مقال قديم رغم اهميته

الاكثر مشاهدةً/ش

الاكثر تفاعلاً/ق/ش

الافضل تقييماً/ق/ش

الاكثر تفاعلاً

الاكثر تفاعلاً/ق

الاكثر اهداءً/ق

الافضل تقييماً/ق

الاكثر مشاهدةً/ق

الاكثر ترشيحاً/ق