المقالات
منوعات
التلفزيون القومي وعقدة اللون - مبروك للخمسينية
التلفزيون القومي وعقدة اللون - مبروك للخمسينية
02-02-2013 08:15 AM

لابد من الوقوف لتهنئة الامة السودانية بالعيد الخمسين للتلفزيون القومي وخاصة لجميع المبدعين الذين اشادوا هذا الصرح الشامخ واستطاعوا ابراز ملامح الامة السودانية للعالم وتمكنوا من ربط وتعريف السودانين بكثير من المعارف والفنون المحلية والاقليمية والعالمية واستطاعت تلك النخبة العبقرية من صناع الثقافة ان توجه وتشكل ذوق ووجدان كل الفئات العمرية اطفال شباب رجال نساء فكان التلفزيون ولا يزال حادي الركب الي غايات هو الذي يصنعها ويحددها والامة تنجرف مع سيله بلا ارادة او مقاومة . ما نراه من سلوك يظهر في الشارع او المنزل او المؤسسة ماهو الا نتاج مخرجات مباشرة لمدخلات التلفزيون المختلفة في ذهن وقلب الامة السودانية .
فلنعد الي عنوان المقال عقدة اللون في التلفزيون القومي السوداني أرجو بقليل من الصبر ان نتامل ونتدبر الكلمات تلفزيون – قومي – سوداني – فالتلفزيون ليس تلك الألة الصديقة التي تحكي عندما نسمح لها بذلك او تصمت عند الطلب بل انه ساحر ماكر يمكنه ان يفرق بين المرء وزوجه والولد وابيه ويمكنه ايضا ان يجمع بينهما . لذلك انه اخطر اسلحة الدولة واكثرها فعالية في البناء او الهدم , الدولة الوطنية القومية الراشدة تحرص على ابراز وطنيتها وقوميتها عبر تدقيقها عند بناء النظام التلفزيوني تراعي فيه التنوع القومي في مدخلات النظام وخاصة المدخلات البشرية وبرامج الثقافة التي تلامس الثقافة القومية وبمعني . ان يكون العنصر البشري وخاصة الوجوه التي تطل عبر الشاشة الي المشاهدين لابد ان تعبر عن القومية جغرافيا وثقافيا وغير ذلك .
الملاحظ من خلال برامج احتفالات التلفزيون القومي السوداني بالعيد الذهبي ان اغلب الوجوه من منطقة جغرافية واحدة دون سائر الاقاليم والمناطق السودانية .فالسؤال المشروع كيف يعكس هؤلاء بعدالة تنوع الشعوب التي تنبسط علي مساحة مليون ميل مربع قبل انفصال الجنوب وتتحدث لهجات مختلفة ولها عاداتها وتقاليدها وسحناتها المختلفة .
والسؤال الثاني اين دور الدولة القومية الوطنية التي تحترم شعوبها وتحرص على ابراز هويتهم كجزء من الهوية القومية .ولكن ان يترك الحبل على القارب مع التجاهل الذي يعمق غبن الجماهير المقصية انه آمرا يثير الدهشة والاستغراب , اما كلمة القومي السوداني ببساطة تعني أنه ملك لجميع اهل السودان ويجب ان يبرز اتجاهاتهم وفنونهم واقتصاديتهم وسحناتهم من لون وجمال الا ان المحزن والمؤسف ان التلفزيون القومي السوداني لم يعطي القومية حقها .
ليس هذا تحاملا او لشئ في نفس يعقوب بل هو من واقع ما نشاهده اذن ماذا نشاهد ؟ نشاهد في يوم الواحد وعلي مدار الساعة مناطق وجهات ووجوه معينة تنال حظا مبالغ فيه من التخطية الاعلامية ثقافيا وفنيا وسياسيا ، اما بقية مناطق وجهات ووجوه سائر اهل السودان حظها في الاعلام يكاد يكون صفرا في الخارطة اليومية على البث التلفزيوني .
والآمر الهام والخطير لماذا فقط تظهر شاشة التلفزيون القومي السوداني الوجوه البيضاء من الانسات والسيدات والرجال كمقدمي للبرامج المختلفة ، أين الوجوه السوداء والخضراء والسمراء التي تعكس قومية السودان الاصيل – هل هي سياسة التلفزيون التي تري ان الوجوه الاخري اذا اطلت عبر الشاشة الي العالم انها تلحق العار بدولة السودان ؟
واذا كان ذلك كذلك فأن ادارة التلفزيون ترسل الى الوجوه غير البيضاء رسالة مفادها انها الوانا غير مرغوبا فيها وعارا تستحي ان تقدمه لشعوب العالم .
والسؤال لماذا التغييب المتعمد لاصحاب المواهب ذات الوجوه غيرالبيضاء ؟ سبحان الله حتي فني الكاميرة في اللقاءات والاحتفالات يركزها فقط علي الوجوة البيضاء وان دعت الضرورة ان تتجه الكاميرة الي وجه اخر فأنه يخطف اللقطة خطفا سريعا !!! فنقول مقالة استاذنا المبدع الطيب صالح – من اين أتي هؤلاء!!

-------------------------
محمد احمد البشر - كاتب صحفي مقيم بالخارج
[email protected]


تعليقات 14 | إهداء 0 | زيارات 1790

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#575278 [عمار]
0.00/5 (0 صوت)

02-03-2013 11:21 AM
غايتو الشناه والكاميرا مابيتلاقن كلو كلو...احسن نرضى بى شناتنا دى ونتأقلم عليها لأننا أفارقه...زنوج ونوبة....انا بصراحة نوبى وبموت فى ماجدة حمدناالله زمنا الكانت صغيرة


#575244 [الكردفاني العديييييييييل]
0.00/5 (0 صوت)

02-03-2013 10:52 AM
تلفزيون.... الجزلي والمغاربة تلفزيون البيض والكاكاويين.... والخال الرئاسي المحتفل بذبح الثور الاسود.... والحزام الاسود.... والعقلية البغيضة المريضة..... التي تدور برامجها داخل حوش واحد.... ولا حتى الى اطراف ... ما يسمى بالعاصمة القومية....
ومن يشاهد تلفزيون..... الرقاص..... بصراحة يصاب بالكآبة .... والحزن ... والالم... والضيق... بسبب التصوير او بسبب الاضاءة... او بسبب الحوار... والتقديم..... وبسبب اخراج الحروف وغنغنتها.... الا ترون انهم لا يقيمون للمشاهد وزنا.... وتحتاج ان تتابع البرنامج من البداية الى النهاية لتعرف عن ماذا يتكلمون ...هذا اذا عرفت !!!!!( كل مقدمي البرامج) في العالم..... يشركون المشاهد.... ويضعونه في الصورة بين الفينة والاخرى الا تلفزيون السودان.!!!!

من يشاهد تلفزيون..... ليأتي بالرقاااااااص .... او بال.....الما ....نافع( الديك...تور) ليسمعك بذائته...ونتن اخلاقه.

تلفزيون من العصر الحجري ....لان الذين به من ذاك العصر...... ومن ناس اخوي واخوك ...وقريبي وقريبك.... وناسنا وناسكم....الخ...

الا ان الارجاس لا محالة الى زوال.............. وسيبقى المواطن سمحا....بسجاياه.....
الا ان الارجاس لا محالة الى زوال.............. وسيبقى المواطن سمحا....بسجاياه.....
الا ان الارجاس لا محالة الى زوال.............. وسيبقى المواطن سمحا....بسجاياه.....
الا ان الارجاس لا محالة الى زوال.............. وسيبقى المواطن سمحا....بسجاياه.....


#575131 [بصراحة شديدة]
0.00/5 (0 صوت)

02-03-2013 08:56 AM
التلفزيون أداة ترفيه، يعنى مفروض الواحد يشوف فيهو حاجة تفتح النفس، كفاية علينا اللي شايفنو في المواصلات !!


#574986 [زول ما حرقان]
3.00/5 (2 صوت)

02-03-2013 12:41 AM
انت شكلك حرقان عديل كدا يا كومي.. وبعض المعلقين المعترضين في بياض بنات التلفزيون.. زيي ما قال ليكم احد المعلقين.. بناتكم يضربن في الكريمات دي عشان اللون الابيض.. وانت محرمنه على الخلقهم الله.
وبعدين التلفزيون القومي دا من ما قام وفتح وشاف الدنيا بختاروا عندو ناس معينة حتى الشماليين ديل ما بيحق لي اي زول يقدموا اوراقوا عشان يتوظف فيه إذا كان سمح خلق واخلاق.. وبعدين المسائل اظنها من رب العالمين.. يعني يا كاتب المقال ويا كومي قسمة من رب العباد وارضوا بقسمتك وختوا الرحمن دا في قلبكم وقولوا بسم الله الرحمن الرحيم والعنوا ابليسكم..

دقيقة دقيقة يا كاتب اسئلني.. ليه التلفزيونات دي بتجيب الناس الطلتها حلوة وباسمة وضاحكة.. من زمان لأنهم ضيوف وضيوف على اي زول.. ياجماعة مرة الساعة واحدة دايرة احضر ليك نشرة الواحدة صباحاً.. والله جايبين فيه واحد أنا لو ما الزول دا قال تلفزيون السودان ونقدم لكم اخبار الواحدة وبيقى يقول يزيع في الاخبار انا ما كنت مصدق نهائياً. ياخي الزول دا اول حاجة شينة شين وما كمل نومو وفو قدا كلو صار وشو وشو اصلا مصرور ومكرفس عرفت انو دخلوه التلفزيون عشان القسمة العادلة ونصيب العرق الفلاني وترضية العرق الفلاني..
ياجماعة من زمان بيقولوا [ الماء والخصرة والوجه الحسن]
شوفوا نحنا زول شين في التلفزيون دا ما ديراينو.


#574952 [أبوكريم]
3.50/5 (2 صوت)

02-02-2013 11:43 PM
أستدراك

نسيت أن أذكر أحد أسباب التدهور النفسي الذى أصاب قطاع كبير من المجتمع

اليوم السبت 2/2/2013 وعلي قناة الخرطوم شاهدت أحد الحواه اللبنانين .. وبدون مجاملات فكفانا خجل وطيبة .. يطل علينا في برنامج دعائى غير قليل المساحة كي يحنو علينا وبخبرته الفريدةبوصفة سحرية لتنعيم الشعر وأنه يرحب بزيارة مؤسسته بجاور حديقة القرشى.

لاتعليق.


#574928 [أبوكريم]
5.00/5 (1 صوت)

02-02-2013 11:22 PM
هذه عقده أصبحت راسخة في كل أهل المنطقة المنكوبة المسماه عربيه
صحيح أن شاشة التلفاز هي نافذه علي داخل هذه المجتمعات المريضة .. فنظرة علي شاشات التلفزيون الخليجية لن تجد وجود للسحنة البدوية التي جلدتها شمس الصحراء وصبغتها بلون غير مرغوب لديهم بل حلت مكانها حصائل المصاهرات مع أهل الشام .. شاشة التلفزيون المصرى أصبحت صفراء ممابها من
شقراوات يفوق عددهم مابالتلفزيون السويدى أو الألماني .

الشرخ النفسي الذى أصاب المجتمعات العربية نتيجة طبيعة للضياع والأنجدار في باقي النواحي المعيشية.

قد يكون العلاج بيد رجل أو مجموعة رجال صالحين ..في قيادة الأمة.. يهمهم أن يعتدل حال المنزل السوداني لديهم القدرة علي حفظ الأمانة بحق ومن غير شعارات دينية تخدر أحاسيس الناس ولديهم الشجاعة لوقف هذا التسيب الأخلاقي في كل أركان الدولة ثم عندما يصحو كل رجل وتستفذه نخوة الرجولة لوضع حد للمياعة في محيطه.

قبل النهاية .. بادرة الأمل ستلوح عندما تتوقف الشاشات السودانية عن عرض العباطة المصرية

في النهاية .. عندما يتوقف كل واحد عن ترديد "وأنامالي"


#574892 [أحمد]
0.00/5 (0 صوت)

02-02-2013 10:31 PM
السودانيين قايلين أن الجمال في مقدمي البرامج التلفزيونية هو سر نجاحها علشان كدة جايبين بنات

متسمحات بالمكياج والمغالط يشوف بدقة تقاطيع الوجه هذا بالإضافلضحالة أسلوب حواراتهن ......

قنوات النيل الأزرق والشروق قنوات زبالة ولحد ما السودانية وقون .

برنامج نجوم الغد **** وبعدين القايمين عليه يروجوا في تجارة بائرة .........................

ما معقول يا محمد سليمان تنحدر من قمة الإبداع (دنيا دبنقا) ألى هذا المستوى الرخيص .

الله يحفظ :-

حمدي بدرالدين , الجزلي , وزملاءهم الميتين ذا النون بشرى - متوكل كمال ---------الخ .


#574558 [kamy]
0.00/5 (0 صوت)

02-02-2013 05:09 PM
لايوجد سودانى ابيض اللون كلهم سود فقط تتواجد بينهم درجات فى اللون
فقط عليك ان تسمى الأشياء بطريقة صحيحة قل كلهم من ابناء الشمال وهذا يوصل الفكرة


#574368 [تمساح الدميرة]
5.00/5 (1 صوت)

02-02-2013 02:17 PM
والله صدقت يا أخ محمد ما يسمى بالشعب السودانى ما لم يتصالح مع نفسه ويفتخر بجذوره سواء كانت عربية أو إفريقية فى البوتقة السودانية ويقول أنا سودانى فقط سوف ننقرض ونكون لاشىء ,, وكلامك صحيح عقدة اللون والعروبة الزائفة أضاعت تفجير طاقات السودانيين.


#574291 [Badr OK]
0.00/5 (0 صوت)

02-02-2013 12:34 PM
شفت حاجة انتا
الغريبة بيزعلوا من الخلايجة عشان ما بيجيبوا السودانيين في الشاشة؟؟؟؟؟؟؟؟؟؟؟
حكاية غريبة .. وللاخو سايكو اقول والله في نظلاية بتقول انوو عروبة ونسب السودانيين .. ابن عاطف ابن واكف ابن ناتف ريشو واقف (مع الاحترام) السلسلة دي بتقول انو العرب ديل ما كان بيلدوا الا في عمر خمسييييييييييييييييييييييييييييييين سنة ..... معقولة بس ؟؟؟؟؟؟؟؟؟؟

السلسلة نجر واااااااااااااضح لانو ما معقول من سيدنا العباس لحد احد الاحفاد السودان مافي راجل يلد الا في عمر 50 سنة ؟؟؟؟؟؟ ارحموا عقولنا شوية


#574196 [علاء محمد]
4.25/5 (3 صوت)

02-02-2013 10:42 AM
والله حيرتونا معاكم. زمان اللونه ابيض تسبوه تقولوا ليهو ياحلبي . الان بناتكم كلهم جارين وراء اللون ده وبدفعوا(الغالي) والرخيص في شراء الكريمات عشان بس الواحده لونها يبقي ابيض.
تلفزيون السودان ذنبه شنو؟ والعقدة عقدة منو؟ ارحمونا شوية يا العاملين فيها سياسيين ومناضلين .


#574172 [ستو]
5.00/5 (2 صوت)

02-02-2013 10:18 AM
هذه الأمور العنصرية لا تقدم أبدا. بالطريقة دي ح يجي واحد (جلابي) يقول، نحن مظلومين في الاختيار للمنتخب الوطني لكرة القدم !! لا مجال للقسمة (والمجاملة) في الأمور التي تتطلب موهبة ومواصفات معينة. بعدين المشكلة محلولة كل ولاية ح تعمل قناة فضائية لوحدها ... المشكلة (جماعتك) ح يتركوا قناة ولايتهم ويجوا يتفرجوا في (التلفزيون القومي !!!!!).


ردود على ستو
United States [الطيب محمود] 02-02-2013 05:08 PM
الله عليك يا عطوي كلامك صاح مية مية

United States [عطوى] 02-02-2013 01:36 PM
اية اللخبطة دى ؟؟ شو الدخل الكورة فى الامور الثقافية والاجتماعية ؟؟ معروف كرة القدم بتعتمد على الموهبة فقط لا غير ولعلمك ياريت كل المؤسسات ان تنتهج نهج مجتمع الكورة .. فهو مجتمع راقى ولا يفهم هطرقاتك التى تشيرين اليها فى الكورة (كراعك بس يا بقتك برنس يا بقتك عجب او بقتك ابراهومة ؟؟؟ اما التلفزيون ما تلفى وتدورى كل المطلوب صوت جهور او قوى او جميل + اجادة للغة التى يتخاطب بها معظم السودانيين .. يعنى مافى جنوبيين سابقا بيجيدو اللغة العربية ؟؟؟ ام لا يوجد نوبا يجيدون اللغة العربية ؟؟؟ ام لايوجد انقسنا او ادروبات يجديون اللغة العربية ؟؟؟ لكن تبقى الحقيقة المفضوحة بان التلفزيون (فعلا يستعرى من خلقتو ؟؟ وخلقتو هى (السودان الخليط ) ونفس المزيعين الابيض او الفاتحي اللون يمكنك ان تجد اخوة او اختو سوداء او غامقة اللون ؟؟؟ يعنى مشكلة التلفزيون القومى هى (انعكاس لمشكلة السودانيين النفسية مع اللون؟؟ فهم غير مؤاخزين فى الحتة دى ... حتى داخل المنزل يمارسون هذة الاشياء ؟؟ فتجد البنت او الصبى ذو اللون الفاقع (ينال حظا اوفر من بقية اخوتة من الهدايا او حصولة على (مرقات) اكتر من الاخرين ؟؟؟ فتجد الصبى او البنت الصغيرة ذوى اللون الفاتج جدا يتم اصطحابهم اكثر للمناسبات او الزيارات العامة بل يمكن حتى اقاربهم يستعينو بيهم (لزوم القشرة هههههههه بان ها ابن خالى او هذة ابنة اختى ؟؟؟؟ والمضحك قد تجد فتاة تاخذ معها بنت خالتها او عمتها معها للجامعة نظام قشرة مقابل وجود اخوتها شخصيا ؟؟؟؟؟؟
مش قلت ليكم الحكاية نفسية ومرض نفسى وشرخ فى الهوية ما تزعلووووووو الكلام دا موجوووود ... عشان كدا ناس التلفزيون عمرى ما زعلت منهم فى الحاجة دى فهم انعكاس لسلوكنا كسودانيين لو كنا يساريين او حتى كيزان نفس اللم ...


#574162 [kokomomen]
5.00/5 (1 صوت)

02-02-2013 10:06 AM
هذه سياسة ممنهجة يتبعها التلفزيون، في برنامج مدرسي في إحدي المدارس كان التلفزيون في منطقة من مناطق الريف السوداني يسجل حلقة مسابقات بين تلميذات توجه الأسئلة للتلميذات للإجابة عليها، كانت هنالك طالبة ذكية جداً كلما ترفع يدها بإلحاح للإجابة يتجاهلها مقدم البرامج، الأستاذة المعلمة طلبت منه إعطائها فرصة أجابها بكل بساطة بأنهم يبحثون عن وجوه معينه، ولتعرفوا السبب هو أن التلميذة كانت من ذوى البشرة السوداء. قالوا شريعة قال؟؟؟؟؟؟؟؟؟؟؟؟؟؟؟؟


#574139 [سايكو]
5.00/5 (1 صوت)

02-02-2013 09:42 AM
انت عايزهم يجيبوا الناس السمر و السود الشينين ديل انت عايز العرب يعرفونا عبيد ؟ خلي العرب انت ما عارف انه البشير قال انه عربي قرشي حر جده العباس ؟ طيب خلي البشير انت عايز الطيب مصطفي يزعل و احتمال تجيه البواسير لو شاف الناس الزرق ديل ؟ المشكله دي مافي التلفزيون بس المشكله اكبر من كده و بصراحه كده يا اخوان احنا مشكلتنا انه في ناس مصره في سياسه الاقصاء و التهميش للاخر و الحاجه البتغيظ انه البمارس الاقصاء هو نفسه بنتمي (للاخر) بس الفرق انه متوهم انه افضل و احق بالتعبير عن ثقافته من الاخرين ، و للاسف الكيزان استغلوا الحكايه دي كويس و اتبنوها عشان يثيروا الفتن و العنصريه بين السودانيين و هم ماشاء الله عليهم نجحوا في تقسيم المجتمع و البلد و لو واصلوا في سياساتهم الاستبداديه دي الفصلوا بيها الجنوب حينجحوا في تقسيم باقي السودان .


ردود على سايكو
United States [عاشق النورس] 02-02-2013 05:58 PM
إنتا ياسيكو هم العرب دييل عندهم رأي في ناس تسابيح بعد الميك اب الماعندو أول ولا اخر وبشبش ده قول ليهو الماعارف بقول عدس نحن يابقينا جاريين ورا العرب وفي نظرهم عبيد وجاريين من الأفارقة عشان حاااجات تانية بقينا لا لامييين في ديل ولاديل وذي ما قال واحد راجل له الرحمة لسنا عرب ومن يدعي ذلك فليرحل ..........عاد يمشي وين...علاقات الناس وترابطهم تحركها السياسة اللعينة للأسف وتعمق الفجوة والعقد لازم نصحح مفاهيمنا كلنا ونرمي العقد دي عشان نعرف نعيش كشعب واااحد

United States [دبيب] 02-02-2013 12:20 PM
ههههههههههههههههه تسلم يا سايكو


محمد احمد البشر
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة