المقالات
مكتبة كتاب المقالات والأعمدة
الطاهر ساتي
تحالف المفسدين ...(هكذا الميلاد) ..!!
تحالف المفسدين ...(هكذا الميلاد) ..!!
02-02-2013 03:38 PM

** قبل خمس سنوات لم يكن بالبلد كياناً مستقلاً يسمى حاليا بمجلس الصيدلة، بل كانت هناك إدارة الصيدلة بوزارة الصحة المركزية كجهة رقابية وذات لوائح مسؤولة و معمول بها - منذ العام 1963 - في الرقابة الدوائية..وقبل خمس سنوات لم يكن العبيد المروح أميناً عاما لمجلس الصحافة، بل كان الدكتور هاشم الجاز هو الأمين العام لمجلس الصحافة..وقبل خمس سنوات، أصدر مجلس الصحافة بياناً أدان فيه إحدى الجهات لتقديمها رشاوي لبعض الصحفيين، ثم أشاد البيان بالصحفيين الذين قدموا للمجلس كل وقائع الرشوى بما فيها المبالغ المالية المراد بها شراء نزاهتم و تضليل الرأي العام.. بيان المجلس عامئذ لم يذكر اسم الجهة الراشية ولا أسماء الزملاء المستهدفين بالرشاوي المالية..لاندري لماذا لم يذكر بيان مجلس الصحافة تلك الأسماء لكي يعلمها الرأي العام المراد تضليله ..؟؟

** المهم، الجهة التي حدثتها نفسها بشراء الصحفيين والتأثير على نزاهتهم - حسب وصف بيان مجلس الصحافة للحدث - هي شركة كمبال العالمية التي يملكها الدكتور صلاح كمبال رئيس غرفة المستوردين..أما الزملاء الذين إستهدفتهم تلك الشركة بأموالها، فهما الأستاذ ياسر عبد الله رئيس قسم الأخبار بالسوداني والأستاذة إبتسام حسن الزميلة بصحيفة القرار حالياً..وشكرهما مجلس الصحافة على عدم إستجابتهما للتأثير السالب ولرفضهما أموال تلك الشركة، وأشاد بنزاهتهما التي رفضت الدفاع عن أدوية غير مطابقة للمواصفة ومرفوضة من قبل المعمل القومي للرقابة الدوائية، وهي الأدوية الذي جاءت بها تلك شركة التي يملكها صلاح كمبال رئيس غرفة المستوردين..لقد تم سحب الأدوية من الصيدليات بأمر قضائي..ولكن، رغم أنف الأمر القضائي والمعمل المرجعي ، نجحت شركة كمبال في إنتزاع قرار من رئاسة الجمهورية بتوقيع الفريق بكري حسن صالح ، وبموجب هذا القرار تم توزيع الأدوية غير المطابقة للمواصفة..أما واقعة رشوة شركة صلاح كمبال - رئيس غرفة المستوردين - فهي موثقة، ليست في بيان مجلس الصحافة فحسب، بل في ذاكرة شرفاء السلطة الرابعة أيضاً..!!

** وبعد تلك الواقائع مباشرة، تدخل البرلمان - عبر لجنة العمل التي كان يرأسها عباس الخضر - موجها مجلس الوزراء بالنص القائل : (أن يكون لمجلس الصيدلة أمانة عامة ومقر خارج وزارة الصحة وأن يكون الأمين العام متفرغاً)، هكذا النص، أي قصد به إضعاف الدور الرقابي لوزارة الصحة بإخراج مجلس الصيدلة من سلطة الوزارة، بحيث يكون (كما هو حاليا).. خرج مجلس الصيدلة من سلطة ومقر وزارة الصحة، ولكن لم يخرج مستقلاً، أو كمايزعمون..بل خرج كما تشتهي مراكز القوى التجارية الفاسدة والنافذة.. لقد جمعت شركات الأدوية أموالا قيمتها تكاليف إيجار أول مقر للمجلس- لمدة عام - بالعمارات شارع (5)..نعم، الشركات المستوردة - عبر غرفة المستوردين التي يرأسها صلاح كمبال حالياً- هي التي ظلت تدفع إيجار مقر الجهة الرقابية للدواء بالسودان، وكان هذا في العام 2008، وهذا لا يحدث إلا في السودان.. !!

** ووثائق الغد ذات التبرعات الموثقة والمستلمة من قبل موظف الحسابات بمجلس الصيدلة هي التي سوف (تفصح وتفضح)، ومعها وثائق أخرى تكشف أن تحالف مجلس الصيدلة وغرفة المستوردين كان - ولايزال - ضد الوطن والمواطن..وعليه، نسأل الناس والحياة : مجلسا رقابيا لايملك قيمة إيجار مقره - بحيث تدقع القيمة الشركات الخاضعة لرقابته - كيف يملك سلطة المراقبة والمحاسبة ؟، بل لماذا لايحفز الشركات الداعمة برفع سعر الدولار عند بيع الأدوية إلى (9جنيهات)..؟ لم يسأل عباس الخضر نفسه هذا السؤال عندما أخرج المجلس الرقابي من سلطة الحكومة ودارها إلى سلطة الشركات - وتبرعاتها - بعد وقائع أدوية شركة كمبال ورشاويها وذاك الحكم القضائي والرفض المعملي و القرار الرئاسي بالتوزيع..!!

** والمؤسف،عندما تقدم بعض شرفاء الصيدلة بشكوى ومستندات واقعة تلك التبرعات والهبات - التي دفعتها شركات الأدوية عبر غرفة المستوردين كقيمة إيجار لمقر مجلس الصيدلة - للبرلمان، إجتمعت لجنة التحقيق البرلمانية وحققت في الأمر وأكدت صحة الواقعة، ثم قالت للصحف - على لسان عباس الخضر ذاته - بكل براءة ( نعم تبرعت الشركات لمجلس الصيدلة، ولكن بحسن نية، وخلاص وقفناهم)، والحديث موثق ولا مانع للتذكير..و..عذراً أيها الأكارم، الزاوية لن تسع تفكيك أكاذيب بيان غرفة المستوردين التي يرأسها صلاح كمبال، وهو البيان المراد به تخدير الصحافة و الثراء بغير وجه حق، أي من (عرق الناس)..والأسطر الفائتة محض سيرة ذاتية لمن انتظرنا نزالهم طويلاً، فأهلا بهم في الهواء الطلق، إذ فسادهم يعيد ذاته، ولازلنا على العهد بأن نكون أوفياء لوطننا وأهلنا.. ويتواصل السرد غدا باذن الله، ولكن أغادر هذه الزاوية إلى حيث الصفحات الرحبة التي لاتضيق بالحقائق والوثائق ..!!

[email protected]


تعليقات 30 | إهداء 0 | زيارات 5858

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#575889 [فيصل]
3.00/5 (2 صوت)

02-03-2013 11:47 PM
هل راجعتم موضوع دربات كور التى حاول صلاح كمبال رشوة معمل استاك لاصدار شهاده بفساد الدربات لانها نافسة منتجاته رغم انها مستورده بواسطة الامدادات الطبيه


#575474 [اسماعيل جمعة]
3.38/5 (5 صوت)

02-03-2013 02:15 PM
ووووووووووووووووووب جاتنا فى الدواء ؟؟؟؟؟؟؟؟؟


#575251 [ود الحاج]
4.00/5 (3 صوت)

02-03-2013 10:55 AM
مقترح للصحفيين الشرفاء أن يمسك كل واحد منكم بملف ذيك كدي ياوساتي حتى اجيب خبر الرأس الكبيرة الوارهووبكدي تزيلواالغشاوة من اعين هذا الشعب الطيب الصابرلأنو بعد دا كلوا بيعلموا في تسويق بضاعتهم الكاسدة(اماماً اماماجنود الفداء -دايريين تسونا سلطة والله شنو )عليكم الله مش منتهي الاستهتار ؟؟؟؟ كما اضيف لهذا المقترح أن تخصص فئة اخري من الصحفيين الشرفاء في إعادة سيرة السياسيين الشرفاء الذين تحلوا بالأمانة والشرف أمثال من كان يوزع الأراضي بموجب لوائح منضبطة ومات في بيت ايجار بدون ضحيج ولا هوس حتى يعرف الشباب حال السودان قبل وبعد المشروع الحضاري.


#575001 [محمدالطيب]
3.75/5 (5 صوت)

02-03-2013 01:10 AM
اللهم إنى أسألك أن تحفظ أخانا الطاهر فقد توسط غش الدبابير
وعليك الله با ساتى كب الموضوع كلو مرة واحدة لأنو إشارتك دى يا وقفتك
من الكتابة أو وقفت نشره أو وقفت الجريدة ولك فى عثمان مبرغنى عبرة


#574913 [زول]
3.63/5 (4 صوت)

02-02-2013 11:05 PM
حتي أتت يا بكري خزلتني مع اني كنت مقتنع ان ناس المزاج والبابور ديل شرفاء لكن اليوم طلعته فعلا كوز أصلي وحنصبر لانه أصلا عمركم انتهي وكلها عامل أيام والدافوري مدور


#574851 [mohamed]
4.00/5 (3 صوت)

02-02-2013 09:52 PM
تشكر كتير استاذ الطاهر فعهد هؤلاء الطغمة عم الفساد البوادي والحض ربنا يورينا فيهم يوم


#574822 [في الغربه]
4.19/5 (6 صوت)

02-02-2013 09:12 PM
واجب الاحترام و التقدير للذين يقاتلون بأقلامهم الطاهرة لكشف الحقائق للرائ العام


#574810 [ود الجزيرة]
3.75/5 (5 صوت)

02-02-2013 09:00 PM
لا حولة ولا قوة إلا بالله ...حسبنا الله ونعم الوكيل ...
جزاك الله خيرا الطاهر سآتي وحفظك من كيدهم والله أصبحت أخشي عليك


#574706 [فرنا س]
3.88/5 (5 صوت)

02-02-2013 07:04 PM
البلد فيها المسطول بكرى صاحب التوقيع وصلاح كمبال الفاسد والرئيس حامى الفاسدين خليناهم للعزيز
الجبار نشوف فيهم ونحن حييين مامتنا


#574701 [صالة المغادرة]
4.19/5 (6 صوت)

02-02-2013 06:58 PM
الفساد فى الانقاذ كالبقرة المقدسة فهو يجد كل رعاية وحماية والطاهر ده مسكين مسمع بقصة ست الروب لاقاها راجل فى الشارع قال ليها الفى الجردل ده شنو قالت ليهو عندى روب للبيع صاحبنا شرب لم اقتنع قالت ليهو ادينى حق الروب قال ما عندى قالت ليهو انا ماشة اشتكيك لشيخ الحلة قال ليها بوب بوب شيخ الحلة شرب الروب عشان يا اخونا الطاهر الناس شاربين الروب ومافى زول بحاكمهم او يقول ليهم خافوا الله


#574627 [ود شندي]
4.00/5 (3 صوت)

02-02-2013 05:53 PM
قم بواجبك أخي الطاهر ولا تلتفت للمثبطين وثق للتاريخ وجزاءك على الله


#574616 [zayed]
1.50/5 (6 صوت)

02-02-2013 05:48 PM
قداجبت عليك في صفحتك علي الفيسبوك يا استاذ ساتي لو كنته ما بتجي هنا الراكوبة عشان بتخافو من الشبهة بتاعت الهندي عز الدين (االهندي دي من فلم هندي وكده ) قال حيقبضو علي رواد الراكوبة دي واحد واحد فاعملو حسابكم الكشة جاية ، متزكرين كشة نميري بتاعت البطاقات زمان لمن تطلع من اسنما تلقي البدفورد واقف معاك بطاقة تعدي ما معاك شرف معانا حتي لو معاك قزازة شري ما بيسالوك منها بس البطاقة هي البتحلك
المهم يا سادتي اليوم الاستاذ ساتي اظهر لنا طريقة الجبهجبة والصحافة الصفراء في الحرب علي الراي الاخر ، فمالنا وكمبال ورشوة الصحفيين وتكريم المجلس لهم لانهم صحفيين شرفاء خد عندك طيب الهندي ده مطبلاتي الحكومة ده كان صحففوني ساي ولا السمين الملمع داك بتاع الوان ولا ولا ديل كلهم شرفاء ما بياخدو رشوه ياخي تخ .
صلاح كمبال اداهم رشوه دي مشكلتهم مموضوع ادويتو فاسده ده موضوع طيب الصحفيين الشرفاء ديل ما يسالو الامدادات الطبية عشان الامن يوديهم يصيفو جنب قوش .
انت زاتك يا ساتي لو ما كنته من المرضي عنهم كنته حسي بتقشر بصل في سوق سته عشان صحن بوش

وذي ما قلتها مليون مرة انا ما من الجداد الاكتروني ولا من مصلحجية الادوية انا شخص عندي معلومة مختلفة خالص عن الجابها اخونا ساتي دي وده هو اختلافي معاهو ياهو صاح يا انا صاح وبلاهي انصحوهو يخلي المواضيع الانصرفية بتاعت ده رتشي وده حرامي وبتاعين الدواء بيرشو في ادارة الصيدلة وماجرين ليهم بيت وايه رايك كمان من ضرايب شركات الادوية دي كل العاملين في الدولة بياخدو مرتباتهم
ما تحول تتملص من الموضوع وتخلق موضوع تاني ورينا موضوع ال 9 جنيه حاصل فيهو شنو
انت عارف انا حاسال واحد صحبي محامي انو انا كمواطن عادي ممكن ارفع عليك قضية بانك ضللتني كمواطن وجبت لي معلومة خطاء واوعدك حانشرها ليك في الراكوبة دي عشان اي واحد يعرف انك يا سامري ضلالي

------
داير اوريكم حالتي دي بدات كيف بضرب مثل

تكون موظف في شركة وبتجيك معلومات وحسابات تتاكد من صحتها المحاسبية
تجي يوم تقراء في الصحف واحد ارزقي بيقول كلام معارض للمعلومات الانته عند دي مع انك متاكد مليون في الميه انها صحيحة قانونيا ومحاسبيا . تكتب في الراكوبة تقول يا جماعة يا استاذ معلومتك دي غلط
يطلعوا عليك يوصموك بانك من الحكومة وانك مندس وووووو طيب اقوليهم شنو خلاص انا غلطان عشان يرضو عني واتجاهل الحقيقة الانا ماكد منها ، وده كلو عشان الناس ما بتحب تصدق الا الزول البينبز الحكومة طيب ك ا الحكومة بس كلام ساتي ده غللللللللط
صاحب ساتي بتاع حماية المستهلك ده هو في الاصل صاحب صيدلية وتاريخو في التعامل مع الشركات فيهو شبهة اها ده ممكن ناخد برايو زي ما ساتي ما دايرنا ناخد براي كمبال عشان هو بتاع رشاوي يعني حق شركات الادوية والمستوردين يضيع لانو المعلم ساتي اكتشف انو كمبال ده رشونجي
ياخي تخين

وعلي راي كسرة جبرة

يعني تتصور لو شركات الادوية دي بتسعر الدولار بي 9 جنيهات ناس الثراء الحرام عاوزين ليهم مليون يوم عشان يقولو انو كلامك ده صح . امسك في موضوع ال1% اسال منو ناس الادارة القروش دي ماشة وييين
قالو ماشة المالية طيب ناس المالية عاوزنها له موازنتهم خربانة وعاوزين كل ادارة تشوف تجيب مواردها من وين ، هل تعلم انو اي مؤسسه حكومية تخصم من فاتورتك عند السداد 1% عبارة عن ضريبة تسيير تتدثر بعبائة ضريبة مقدمة .
اخي ساتي ارجو ان نكون في مركب واحدة فكلنا زهجنا وهرمنا وان كان الحق معك واشك في هذا فاوعدك انو كل يوم لمدة عشرة ايام اعتزر ليك في صفحة الراكوبة واي موضوع تضعه وفي صفحتك علي الفيسبوك
علي الملا


ردود على zayed
United States [دابي الليل] 02-02-2013 11:07 PM
والله ما فهمنا حكايتك يا زايد !!! انت معانا ولا مع الخيانة ؟؟؟
ود ساتي شقيان و بيحفر في مافيا الدواء .. وانت تبخس في مهنيته العالية .. و ربنا يأمرنا ان لا نبخس الناس أشياءهم .. لو عندك وثائق ارمي قدام .. مش كل مرة طالع لينا صاحبي قال و فلتكان قال

United States [cour] 02-02-2013 08:14 PM
يا زايد نحن نصدق الطاهر السبب شنو مصلحتة فى انة يدخل متاهات المحاكم والجرجرة فى وقت عم الفساد البر والبحر والجو .فعية انت انشر ماينفى كلام الطاهروبس


#574591 [سوداني وبس]
2.75/5 (4 صوت)

02-02-2013 05:31 PM
عندي احساس قوي ارجع السودان واضرب ليك تعظيم سلام وادافع عنك بكل ما املك سير يا بن عمي الله يحفظك


#574582 [kamy]
3.25/5 (3 صوت)

02-02-2013 05:27 PM
ياود ساتى انت بديت تدخل فى الغريق واللة أخشى الاتستمر طويلا لن يتركوك وتذكر كلامى دا


#574579 [عنيد]
1.00/5 (1 صوت)

02-02-2013 05:24 PM
الهندى كمان اليله داير يكتب فى مجال الادويه مش قلت ليكم لو بتجى كفوه بتجى من الهندى دا الموضوع دا مسكوهو رجال وقطعو فيهو شوط امسك ليك موضوع تانى لو راجل البلد مليانه فساد لوداير تفيد وتستفيد00 بس انا الوحيد العارفك بتكتب فى الموضوع دا ليه وهم


#574562 [عنيد]
3.38/5 (6 صوت)

02-02-2013 05:11 PM
ودساتى يوم الجمعه بتغيب الصحافه بتكون ماسخه يديك العافى 0الهندى خبرو شنو


#574555 [كيف ما اندم]
2.50/5 (3 صوت)

02-02-2013 05:08 PM
قضيتك العادله والمنصفه يا استاذ الطاهر هى التى سوف تجعل اكلى مال اليتامى والمرضى والمعاقين يتحركون فى كل الاتجاهات لطمس الحقائق برغم ما تملك من وثائق ومستندات وها انت بعد ان سطرت بسم الله الرحمن الرحيم طفأ المريض سئ الذكر بكرى حسن صالح اعانك الله لعوننا واعاننا لنقول قال الطاهر كما قال زين العابدين
حسبنا الله ونعم الوكيل


#574536 [محمد احمد]
4.10/5 (6 صوت)

02-02-2013 05:01 PM
الطاهر ساتي انت تحرث في البحر
والفساد ليه ضل اذا بتقول بامر بكري حسن صالح وزير رئاسة الجمهورية تم توزيع الادوية غير المطابقة للمواصفات وعباس الخضر هو رئيس لجنة العمل بالبرلمان هو عارف الرشاوى المدفوعة والهبات المقدمة للمجلس
بعد ده انت تتشاكل مع نفسك؟؟؟؟ الاشخاص الكنت حتشتكي ليهم هم اس الفساد
اشكي لرب العباد وقول حسبنا الله ونعم الوكيل وروح نووووووووووووووووووووووم في بيتك مع عيالك


#574529 [الزهاوي سيدهم]
3.88/5 (5 صوت)

02-02-2013 04:58 PM
اعانك الله اخي ساتي في فضح المفسدين ودمت زخرا للغلابة من ابناء بلادي الذين يساسون وينهبون باسم الدين


#574520 [ABU SHAWARIB]
3.13/5 (4 صوت)

02-02-2013 04:50 PM
استعير عبارة اخونا صلاح عووضة وأقول :


ولد ده


#574519 [الرمنـتـــــــــــــــــــــوج]
4.00/5 (4 صوت)

02-02-2013 04:49 PM
نسأل الله القدير ورب العرش العظيم أن يحفظ الطاهر ساتي وكل الشرفاء مناهضي الفساد والمفسدين وأن يسدد علي طريق النصر خطاهم ويرد كيد المفسدين والظالمين إلي نحورهــم..... وحسبنا الله ونعم الوكيل.


#574518 [المنـتـــــــــــــــــــــوج]
3.75/5 (5 صوت)

02-02-2013 04:48 PM
نسأل الله القدير ورب العرش العظيم أن يحفظ الطاهر ساتي وكل الشرفاء مناهضي الفساد والمفسدين وأن يسدد علي طريق النصر خطاهم ويرد كيد المفسدين والظالمين إلي نحورهــم..... وحسبنا الله ونعم الوكيل.


#574507 [ابوالمكارم]
2.75/5 (4 صوت)

02-02-2013 04:41 PM
الله الله عليك ياود ساتى ضربك فى الصميم وبالجملة من الناقة بكرى والسجم عباس والفاسد المفسد صلاح كمبال اللة يقويك عليهم والله فارس وود رجال فى ميدان الحق والحقيقة منصور ان شاء الله ونحن امامك وادعوحميع الشرفاء لمقاطعة شركات وصيدليات المقتات من دم وعلل الغلابة..


#574504 [محمد علي]
1.50/5 (2 صوت)

02-02-2013 04:40 PM
يعني بقت بس كمبال ما كله فاسد


ردود على محمد علي
United States [فرقتنا] 02-03-2013 05:05 AM
دا كلام احباط والظاهر عندك مصلحه وما عارفين


#574503 [خالد حسن]
3.00/5 (2 صوت)

02-02-2013 04:40 PM
الكيزان رجز من عمل الشيطان يصعب التعايش معه ...
هل اقتنع الطاهر بهذه الحقيقه .. فأثر الهجره ..
إسأل زميلك المكاشفي يا استاذ ..
تحياتنا لهذا القلم الشريف النضيف الذي لم يباع ويشتري من قبل ازلام النظام
فلك التحيه استاذ المكاشفي


#574481 [خليل عــزة]
2.50/5 (4 صوت)

02-02-2013 04:25 PM
اضـــرب


بيد من حــديد

ولا تخشى في الله لومة لائم

فهــو حسبك


#574479 [مواطن مجروح]
2.75/5 (4 صوت)

02-02-2013 04:23 PM
اخي الطاهر احيكم علي هذا الطرح البناء واسال الله ان يتركوك في حالك وتواصل فضح هذه العصابة التي تتاجر في ارواح الناس وان لا ياتي امرا من النيابة العامة توقف النشر فقد تعودنا علي افعال هذه النيابة التي تقطع الطريق عن كشف الحقائق لتداري سوءة هولاء افراد العصابة ماذا ينتظر البرمان وصحة المواطن تنتهك ماذا تنتظر المجالس ومنظمات المجتمع المدني واحزاب المعارضة ومايسمي بحماية المستهلك والمواطنين انفسهم اصحاب المصلحة ليحاسبوا هذه العصابة ولا حولا ولا قوة الا بالله


#574468 [ود توتي]
2.75/5 (4 صوت)

02-02-2013 04:15 PM
والله قمة الأنانية والتجرد من القيم الاخلاقية والانسانية أن يسعى البعض الثراء على حساب معاناة المرضى .ولكننا في عهد الإنقاذ وكل شي جايز


#574462 [غصن الرياض المايد]
4.19/5 (6 صوت)

02-02-2013 04:08 PM
ياود ساتي هذا الشعب المعلم الأنقاذيين نخروا في جسده المنهك 24 سنة ونيف وكل الضرب تحت الحزام وبالتحديد ضربونا في عفتنا وكرامتنا ليسهل الطلوع فوق اجسادنا، أي شخص في السودان عاوز فيلا وعربية جديدة وإمرأة جميلة ورصيد في البنك وجلابية بيضاء وعمة سويسرية ومركوب نمر وعصاية موسى وموبايل آخر صيحة عشان كدا من أين تأتي هذه الأشياء لو لم تكن مرتشيا لازم تبيع مشروع أو تتخلص من سكة حديد أو مصنع أو خطوط بحرية أو قشلاق بوليس لذا لن تكون وكالة الأدوية ورقابتها في جزيرة معزولة .


#574459 [مارتن]
3.35/5 (7 صوت)

02-02-2013 04:06 PM
من سنوات عديدة خلت و الفساد يتجذر و يتعمق فينا .. حتى وصل هذه المراحل المتقدمة من المباركة و التنسيق و الحماية(تشريعية او تنفيذية) .

سواء كانت هذه هي قدراتهم الفكرية و العقلية او انهم يستخفون بنا)فالنتيجة هي ذاته .............

ثم م هو المقصود من جملة (أغادر هذه الزاوية إلى حيث الصفحات الرحبة التي لاتضيق بالحقائق والوثائق ..!!)


ردود على مارتن
United States [د بله] 02-02-2013 11:53 PM
الاستاذ قاصد انو حيكتب فى صفحة او اتنين مش فى عمودوا الراتب لأنو صغير و ما بيسع كل الحقائق و المستندات.

United States [ابو دياب] 02-02-2013 06:38 PM
ثم هو المقصود من جملة (أغادر هذه الزاوية إلى حيث الصفحات الرحبة التي لاتضيق بالحقائق والوثائق ..!!)
يعني تعال بكرة (ويتواصل السرد غدا باذن الله ..... هكذا قال الاستاذ )


الطاهر ساتي
الطاهر ساتي

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة