اسئلة مشروعة !!!!!!!
02-03-2013 03:49 PM

الانقاذ او الحركة الاسلاموية فرع المؤتمر الوطنى لماذا لا تريد عمل حكومة قومية تمهد لمؤتمر قومى دستورى يجمع كل الفرقاء وقوى المجتمع المدنى والشخصيات الوطنية حتى تقيف الحروب ويصمت السلاح فى انتظار حوار وطنى جاد ومن بعده توافق وطنى يرضى الجميع ولو فى الحد الادنى لان فى الحوار الوطنى ما ممكن اى تنظيم او حزب او جماعة تلقى كل ما تريده فلابد من التنازلات هنا وهناك ليعيش الجميع فى وفاق وانسجام على ارض هذا الوطن الاسمه السودان من خلال دستور وقانون يرتضيه الجميع ولتقف الحرب واللجوء والتدخلات الاجنبية والمعاناة للابد :
هل لان الانقاذ خايفة على الدين وشرع الله وان السودانيين ح يرجعوا لعبادة الاصنام والسكر والفجور؟؟؟؟
ولا الانقاذ خايفة على انجازاتها فى الوحدة الوطنية ولم شمل الوطن وايقاف الحروب وطرد الجنود الاجانب وارجاع اراضى الوطن المحتلة وان الشان السودانى بقى سودانى وغير مسموح لاحد شقيق او صديق من الدول الاجنبية التدخل فيه؟؟؟
ولا خايفة على الازدهار الاقتصادى خاصة فى الزراعة والثروة الحيوانية والتصنيع الزراعى؟؟؟
ولا خايفة على الاستقرار السياسى والدستورى والديمقراطية والحرية المستدامة؟؟؟
ولا خايفة من المساءلة على الاشياء العملوها خلال اكثر من 23 سنة؟؟؟؟
ولا فى ناس اذا اتعملت حكومة قومية ووفاق وطنى ح يفقدوا امتيازات ومواقع؟؟؟
هل الامتيازات والمواقع والمساءلة اهم من الوطن وجميع مواطنيه ومستقبل اجياله وتاخير الاصلاح المرتجى؟؟؟؟
معقول انه ناس الانقاذ هم الوحيدين الحريصين على الوطن وان باقى السودانيين بيكرهوا الوطن وانهم عملاء وضد الاسلام ويريدوا الفسوق والفجور؟؟؟
ولا الحكاية مزايدة وابتزاز بالدين والشريعة حتى لا ينافسهم فى السلطة والثروة منافس؟؟؟؟؟
ولا هم افهم ناس واكثر وطنية وحبا للسودان من باقى السودانيين؟؟؟؟
هل مشاكل السودان اكثر تعقيدا الآن ولا قبل 30 يونيو 1989 ؟؟؟؟
هل يستحق انقلاب الحركة الاسلاموية وليس الجيش لقب ثورة الانقاذ الوطنى ؟؟؟؟
ولا ثورة الانقاذ الوطنى الحقيقية مفروض تقوم الآن؟؟؟؟؟

مدحت عروة
mhaiaa@hotmail.com


تعليقات 1 | إهداء 0 | زيارات 942

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#575635 [الازهري]
5.00/5 (1 صوت)

02-03-2013 05:33 PM
شفا الله تنابلة الانقاذ فلم تزل سكرة السلطة وشهوتها تسيطر علي عقولهم و ليذهب السودان الي الجحيم .. بعد ان بدأ في التشظي و التفتيت الي دويلات منذ نيفاشا المشئومة وما زالوا يرفضون لغة العقل والجلوس مع الوطنيين الآخرين لمصلحة البلد كانهم اوصياء العناية الالهية علي شعبنا المقهور .


مدحت عروة
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة