المقالات
السياسة
ارشيف مقالات سياسية
قال مورينقا قوم لف ياوزير!!!
قال مورينقا قوم لف ياوزير!!!
02-05-2013 12:44 PM

قبل فترة من الزمن الكل كان يسمع بجياد وصافات وسد مروي وتعالت الهتافات وسط رقص مدي للرئيس والشعب وظن الكل ان هنالك دولة صناعيه كبره ستقتحم السوق العالميه او السوق الافريقيه باقل تقدير من صناعات ذات وزن ثقيل وكانت تلك (اعظم اكذوبه علي 40 مليون مواطن ) وطمبرت وسائل الاعلام الحكوميه كثيرا لهذه الاحداث وحتي الان لن نجني ثمار تلك الفتوحات ليتها كانت طرق او كانت مدارس او مستشفيات ولكن لا اقول مساجد لان اغلب المساجد التي افتتحت لم تكون لله فموقعها لم يكن الموقع المناسب ولا حتي الاموال التي بنيت بها لم تكن مراقبه .
فجياد افتتحت وهي تجميع لسيارات وغيرها والان البلاد فيها ندرة في الاسبيرات فكانت تلك جميعها فتوحات (هوا في هوا )وكذب فلم نسمع بطائره صافات تحلق في السماء حتي لو (طائرة رش في مشروع زراعي) ولم نسمع باكتفاء من كهرباء سد مروي او تصدير كما قيل حين الافتتاح ولم نسمع باكتفاء من صناعة الادوية وتاهت شعارات نلبس مما نصنع وناكل مما نزرع تاهت وسط دوشة رقصات الافتتاح وتحولت كل هذه الانجازات الي اكذوبه مثلها مثل وعود اول خطاب في عام 1989 م فلا تم تصدير كهرباء ولا سياره ولا حلقت طائرة بل ظلت الطائرات الموجوده اصلا ذات الموديلات القديمه تتوحل في الفضاء الي ان تسقط الي وحل الارض وتحرق بما فيها من عقول وطاقات بشريه , ولا كهرباء تكفي بل هنالك دراسه لاستيراد كهرباء من اثيوبيا واظن سيتم تحويل سد مروي الي متحف او غيره من المزارات وهل تنقصنا مزرارت ينقصنا دواء وكساء وغذاء وامن وايضا كان كل عيد في 30 يونيو يتم عرض عسكري حتي تحس بانك تشاهد جيش الماني او اعظم جيش من حيث التكوين وتغتصب المدن نهارا وتسلب عذريتها وتغتصب حرائرها علي عين الرجال فكان كل هذا فريه عظيمه وكذب مؤلم استباح مصداقية اذان امه باكملها .
قال بعض المسئولين ان الله اكرمنا ببدائل لحب الله لهذا الشعب بدائل عن ماذا بدئل عن البترول والصناعه وهكذا وهل كان يوجد بترول وماذا ذاق الشعب من طعم البترول البترول كما دخل خرج دخل جيوب خاصه وحسابات خاصه وخرج لموقعه الطبيعي جنوب السودان ,بل افقد البلد كثيرا من الصادرات لاهمالها مثل صادرات الزراعه التي انتهت بانتهاء مشروع الجزيره فلا قطن ولا قمح ولا ذرة ولا حتي الويكه هنالك دراسات لاستيرادها كما تم اتفاق علي استيردا الخضروات من الاردن (مثل العجور والطماطم والجرجير وغيرها ) ولكن فتح الله علي السودان ببديل عظيم خيرا من كل ما قالو علي حسب قول سادتنا : (القاده العظماء الذين يحبهم الله ويكرمهم كلما فقدو شئ ابدلهم الله خير هم الذين قدموا الشهداء لحمية دينه فلا يخذلهم الله) ابدلهم الله (بالمورينقا)مورينقا قال قوم لف يا وزير مورينقا شنو البتقوم اقتصاد كفايه سفه عقول وغش نسال الله ان يبدلنا قيادة رشيده وصادقه خيرا منكم وان يمنحنا صبرا لبناء ما اتلفه الكذب .
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض .

مصعب الصديق
[email protected]


تعليقات 12 | إهداء 0 | زيارات 3291

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#578646 [موجوع بالحيل]
0.00/5 (0 صوت)

02-06-2013 10:30 PM
عليك الله الوزير ده لو شاف مشكلة مرعي لاهلي المسيريه ديل وعمل اتفاقيه مع الجنوبيين وليس حكومة الجنوب ماكان افضل من اكلام البتقال في ميدان جاكسون محل ستات الشاى نحن عندنا قنابير قول مابنفهم في السياسه ورق شجره بحل ازمة اقتصاد دوله دا بعد البرسيم للامارات طبعا والبلح لي روسيا حسب الاتفاق الاخير نشفتو البلد زفكوها يفك فيكم اسهال للمقابر الفي لستت اوكامبو والفي اللجنه الشعبيه وكل الحاميه


#578416 [بت كردفان]
0.00/5 (0 صوت)

02-06-2013 04:56 PM
القرض كيف يا وزير المورينقا خجلونا مره وزير الطياره طافيه نو ومره واحد بتاع مورينقا ومره مركوب ؟


#578199 [ود ام درمان]
0.00/5 (0 صوت)

02-06-2013 12:55 PM
قتلوك يا بلد .......وطلعوا زيتك الله اريحنا منكم كرهتونا قومو لفو يا وهم!!!


#578195 [زول قهران من الوضع]
0.00/5 (0 صوت)

02-06-2013 12:51 PM
قوم لف يا وزير تلف قايمتك وقيامة الحكوووووووومه والرقاص ديل حاقدين دمروا كل شئ !!


#577476 [الحهج عبدالله]
5.00/5 (1 صوت)

02-05-2013 07:39 PM
ايام نميري واحد عامل فيها خبير زراعي قال ليهم نزرع نبات اسمه الهوبب والنبات يستخرج منه زيوت العربات اها زرعوا كمية ضخمة من الافندة وفي النهاية صفر هكذا الانظمة العسكرية الغبية


#577428 [khalid]
5.00/5 (1 صوت)

02-05-2013 06:28 PM
الوزير ده في اخر تعديل وزاري لم اهلو من البلد كلهم واجر ليهم كم شقه كده وهاك يا لقاءات مع زيد ومع عبيد لما ثبتوهو والوزارة بتاعتتو الهي اصلا جزءمن التعليم العالي والبحث العلمي ده زماااان الزول ده نحن طفشنا من البلد من تحتو ومن تحت وزارتو وهي اسجم وزارة في السودان قال بحث علمي قال صحي قوم لف


#577410 [الكاهلي]
5.00/5 (1 صوت)

02-05-2013 06:06 PM
الاخ مصعب مقالك اطرق لكل الاخفاقات ..لكن بقول ليك ديل هم يهود السودان((بقايا اليهود))) اغتصبو الارض وقتلو الانفس وسباحو الكذب . لكن لهم يوم سينال منهم الشعب السوداني الابي ...اما عن استيراد الخضروات هي سلسلة من مراحل قتل الزراعة في السودان ويعنو بها مشروع سلة غذا العالم ((مشروع الجزيرة العملاق ))ارادو قتله لكن لن ولم يفلحو وسينهض المشروع ان شاءالله


#577351 [kola]
5.00/5 (1 صوت)

02-05-2013 04:18 PM
مورينقا دي شنو؟!!!!!!!!!!!!!!!!!!!!!!


#577343 [Zoul sakit]
5.00/5 (1 صوت)

02-05-2013 04:06 PM
تستورد الطماطم والسلطة من الاردن ؟ بالله لو قارنا مساحة الاردن بجبالها وصحاريها
فقط بمشروع الجزيرة حسبنا الله ونعم الوكيل علي من حطم هذا المشروع العظيم ظنا منه ان البترول سيكون هو المورد الاول الذي يضخ الدماء في شرايين الاقتصاد ونسوا ان العالم كله سيدخل حرب الغذاء والماء


#577285 [اليشكري]
5.00/5 (1 صوت)

02-05-2013 02:41 PM
طريقة عمل المورينقا:
1- لزيادة سعر العملة خلط المورينقا بعدة عملات قديمة ماركة أبوجمل واجعلها في شاي وماء- محافظ ينك السودان لتناولها على الريق .
2- للفوز بالبطولات الافريقية والتأهل لكأس العالم خلط المورينقا مع اوراق اللبلاب وعصير الدوم وشربها على الريق لللاعبين وتقديمها لحكام المباريات يتطلب اضافة 2 جرام كافور مع زنجبيل مهروس لتعمية الابصار.
3-للقضاء على حركات التمرد استخدم المورينقا مع نص جرام زرنيخ مخلوط بمياه من محطة الكلاكلة وتشريبها لقادة التمرد مع البارد والساخن من المشروبات في حالة الساخن قم بزيادة كمية الزنجبيل
4-لاصطياد طائرات العدو وتقوية نظر الجندي المرابط استخدم المورينقا مع 2 حبة جزر ويتم شربها برضو على الريق .
5- لدفع رسوم الامم المتحدة ارسال 3 طن لملجة نيويورك تباع الكمية لصالح بان كي مون لسداد الرسوم المتأخرة.
6-...................


ردود على اليشكري
United States [كوز بن لاهط الحرامي] 02-07-2013 09:03 AM
ينصر دينك
أخوي اليشكري،، أضحكتنا رغم الغم الذي يسكننا،
ما عندك وصفة مورينقا تريحنا من قرف الكيزان ،،، بس لو سمحت لاتكون وصفتك علي الريق،، لأنو ريقنا نشف،، ملعون أبو الكيزان،، دائر ما يدور،،


#577237 [يحي البطري]
5.00/5 (1 صوت)

02-05-2013 02:01 PM
الخلإص فى تكوين مجلس الانتقالى وفى مجلس انتقالى اتكون ومعلن عنه فى الراكوبه كدى اتصل بيهم واتفقو والحاجات الطرحوة او معالم الطريق ما بطاله ونحن عاوزين اى قشه نتعلق بيها وتكون عمليه اكتر من الكلام المشتت فى كل موقع اسرعوووووووووووو .... ودة انسب وقت


#577224 [algandawi]
5.00/5 (1 صوت)

02-05-2013 01:46 PM
عرض شيق يا أخ/مصعب وطبعاً الجماعة الكبار خلاص ما لقوا حاجة يكذبوا بها على الشعب الغلبان وقالوا للوزير دا بشِرهم بالفتح الجديد الذي يسمى ((مورينقا)) لكنك نسيت تسرد لنا موضوع التنقيب الأهلي عن الذهب ومصفاة الذهب علماً بأنه منذ عشرات السنين قروش ذهب مناجم جبيب ما عارفنها مشت وين... الله المستعان.


مصعب الصديق
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة