المقالات
منوعات
الحواتة والجان ..؟؟
الحواتة والجان ..؟؟
02-06-2013 06:00 AM


الحواتة والجان ..؟؟
بدأها بلة بمقولته المشهورة :زايلة الدنيا من اول بدأها ما دامت لى رسلها وأنبياها .بادلة عباس ذات الاحساس خربانة ام بنايلً قش ، ما دوامة غرارة ام عبوس،..
مجلس الحواتة يتفاكرون فى تسير امورهم الخاصة بالبيت الوسيع الذى ظهر بعد ان فقدوا الجان المتحكم الاساسى فى امورهم وادارة عواطفهم ..
حاج بلة رجل خمسينى بروح الشباب والدعابة ينتمى للحواتة.
كذلك ناصر من الجيل الذى يفور شباباً وحيوية ايضاً عشق الحوت..
لم يكن مجتمع الحواتة خاص بالرجال ايضاً كمية من الشابات الجميلات يعشقن الحوت ..وهل منا من لا يحب الحوت .؟؟؟؟
تقول الاقوال المأثورة ان كثرة الاسماء تدل على عظم المسمى، الجان اولها ، والحوت ثانيها ،وابونا ثالثها ،والاسطورة رابعها، والامبراطور، وسيدا ،.وووو..؟؟.
حاج بلة امام المسجد قالها بوضوح :انا والله بسمع اغانى الحقيبة بس لانو اغانى الزمن متهافته واصوات الفنانين ما عاجبانى .. لكن عجبنى الحوت وحده فنان ومتواضع كمان،
جابو لى منو درر الحقيبة .
منال تقول لوالدها ابوى الليلة لقيت ناس بقول لى محمود الجان .؟؟ يابتى دا الجان ولادا الجنون ذاتو دا زول يابتى ما عادى دا بغنى !؟؟ وكمان بمدح النبى الكريم(ص)..وبادرها حاج بلة قائلا: يابتى البمدح ابوفاطنة دا ؟.محرمة النار على جسمو ..
دخلت زوجتة السارة قائلة لهم : كنتو بتتكلمو فينى ياحاج بلة . ويابتى ابوك كان بيقول شنو فينى ؟؟
ضحكت منال سراً اغتاظت الام من ابنتها قالتها : ووووب على داير يعرس فينى .؟؟
منال لا يا امى ابوى كان بيتكلم لى عن الحوت ..
الام الحوت مالو انتو عندكم حوت .. وانا عندى جااااااان عديل انا الايام دى موبايلى مليان اغانى ومديح للجان ..حاج بلة الله يجننك انتى برضو معنا فى مجموعة (الحواتة)..اتاريى ،، مراااات بلقاك برااااااك تحمرى فى البصلة وتدندنى ..انا عرفت فى بيتنا حواتى لانو دخلت والواطة صانة سمعت اغنية (تفارق كيف تخلينا شوقنا وذكرى ماضينا).
دخل طارق وهو طفل صغير وهو يردد (دنيتنا الجميلة ).وسكت فجأةً خوفاً من والده ..
سألة حاج بلة بأندهاش مالك ياطارق .؟؟ والله يا ابوى قالو الحوت مريض.اففففف..
ياولدى انت متأكد الحوت زاتو عيان .؟؟اى يا ابوى والله ..
الكلمك منو انت .؟؟
عندنا استاذه فى الروضة قالت لينا الليلة غيرنا اسم الروضة الى روضة الحرية لانو الحرية دى قيمة انسانية..ولانو الحوت اتخرج من روضة الحرية عشان كدا الناس بتحبو لانو حر ،قالت لينا الزول وكت يكون حر الناس بتحبو وبتريدو (وبدأ بأغنية محبة وريد لألله والنسى لى قديمو ضلا.)..
حاج بلة :حتى انت برضو حواتى الله يجازى محنك وبتعرف دا كلو من الاغانى .؟؟
انتو فى الروضة بيدوكم اغانى ولا (ماما و باب بحبونى وانا حبيتهم بعيونى ).. نحن ابونا الحوت ذاتو..
سمع صوت نغمة الرسائل التى خصص لها اغنية(عينى ماتبكى ).بعد اكتمال النغمة فتح موبايلة اذا بها رسالة من ناصر فحواها انا ابونا ان الحوت فارق الحياة.وان الجثمان يصل فى المساء ،بكى وبكت اسرتة التى توحدت فى حب الحوت ،
بينما هو نائم سمع ابنه يردد (ﻛﺘﻠﺘﻮ ﺍﻟﺠﺎﻥ ﻳﺎﻛﻴﺰﺍﻥ ).(ادونا جانا ندفنو براانا )
استغفر الله العظيم واتجه نحو المطار لكنة شاهد الشرطة والامن والوضع متغير والطرق مزدحمة بالعربات والراجلين ،.
سأل بلة رجل المرور الذى ينظم الطرق:الحاصل شنو ..؟؟ رد الشرطى رحل الغمام ساب البلد سكت الرباب ..
طيب الناس ديل مالوهم مزدحمة فى زول زاير البلد دى .؟؟
الشرطى لا لا مافى زول زاير البلد دى فى زول مفارق .
طيب ما دام فى زول مفارق والناس ديل مالهم .؟؟ديل منتظرنو
منتظرنو كيف انت قلت لى :فى زول مفارق بنتظروهو ولا بودعوه
شرطى المرور:ياعمك اسمع قفلت الطريق اتفكفك قد .
بينما بلة ينظر الى الحشود من الجماهير سأل الناس فى انقلاب ولامظاهرات.؟؟ وهم يهتفون (كتلتو الجان ياكيزاااااان).(ادونا جانا ندفنو برااانا) اخبره احدهم همساً هؤلاء هم الحواتة فى انتظار جثمان الحوت ..
طيب يا اولادى والبوليس ديل بيضربوكم مالكم بالبنبان .؟؟وانتو دايرين الجثمان .. بينما لم يجد الاجابة لأسئلتة اصابتة عبوة غاز مسيل للدموع فوقع فى الارض وكتم نفس واغمى عليه والقت الشرطة القبض عليه متلبساً بالماده (45) التجمهر غير المشروع للحواتة فى الاماكن الاستراتيجية ،والمادة الاولى الحب والغلو فى الحوت ...
رحم الله الحوت رحمة واسعة ..
بعض ورثتة لجماهير الشعب السودانى ..
غنى الفنان محمود عبدالعزيز ما يزيد على ستمائة وتسعون اغنية بالاضافة الى مائة وعشرة مدحة فى فى نبى الهدى والرحمة سيدنا محمد عليه افضل الصلاة واتم التسليم
من اشهر الاغانى للاسطورة الحوت حسب الترتب الالفبائى
ابتسامة حبيبي ، أتفضلي ، اجلي النظر ، اخلى سنين ، أذكري أيام صفانا ، آسرني يا مياس ، أفكر فيه وأتامل ، أكتبي لي ، الالايه ، ام كحيل ،امي ، أنا بيك سعادتي مؤكدة ، انا غنيت ليك اغاني ، أنت كان زعلان
إنته بدر السما ، أول جديد....
بحسك ، برتاح ليك ، بريدك ، بسال عليك ، بعد ريدك ، بعدالفراق
بعيد الدار ، بفرح بيها ، بقيت مازي زمان ، البلوم ، بنات الحور
تباريح الهوى ، تبتا منك ،تعب الريدة، تؤام روحي ، التويا
جاني طيفو طايف ، جاهل وديع ، جاي تفتش الماضي ، الجرح الأبيض
جواب للبلد ، جوبا ، جيتنا تاني ، حال الريدة ، حب غيرو ، حب ما إعتيادي ، الحبيب ، حبيب فؤادي ، الحبيب مالو ما جاء ، حبينا الاولاني
الحجل باالرجل ، حظو طيب ، حكايتي معاك ، الحلم الجميل ، حمامة
الحنين، حنيني اليك، خاتم المنى ، خايفة ، خداعة ، خدعوك ، الخطوة من دونك ، خلى العيش حرام ، خلي بالك ، خوف الوجع
دروب الشوق ، دمعي جاري ، دنيتنا الجميلة ، رغم بعدي ، الزمان زمانك
زمني الخاين، زي ما بريد ريدي ، زينوبة
ساب البلد ، سألتو عن فؤادي ، سامع صمتك، سايق دلالو، سبب الاذى
سبب الريد ، ست الفِرقان ، ست الهيج السكرى ، السفر ، سكت الرباب
السكرية، سلام الجفا ، سلامتك ، سمهرية، السنين ، سهران الليل ، سيب عنادك ، سيدا،
شايل جراح ، شذى الايام ، شقاك أزاك ، شمس المزاد ، شنو الحاصل ، شوق العيون ، الشوق غلبنا ، الشوق و الريد ،
صحوة الذكرى المنسية ، الصدف، صدقني ما بقدر أعيد ، صرف النظر
صمت الشوق ، ضامر قوامك ، طار قلبي ، طال بي بعدك ، طروني إليك
ظالمني شوف من كم سنة ، ظالمني شوفتك ،
عاش من شافك ، عامل كيف ، العجب ، عدت سنة ، غزال القوز ، عشان سمحة ، عشان نغنى ، عشقتو من نظرة ، عقلي انشغل ، علمتك تمش ، على النجيلة ،ياعمر ،العودة تاني ، عينى ماتبكى ، العيون السودا، عيوني عيونك
غصن الرياض المائد، غلبنا الهوى ،
الفات زمان ، فاكرك_معايا ، فرايحيه ، في بالي ، في غفلة رقيبي ، قالو لي سرو ، قائد الاسطول ، قدر لزمن ، قربك ، قسم منامي ، قسوة ظروف
القطار المر، قلبي الما نساك، قلبي ما حاسي ، قلبي ماهو شديد ، قنوعة
الكان زمان، كتر في المحبة ، كده برضو ، كل ما اجيك ، كلما سالت عليك
كلو منك ،
لحظك الجراح ، لقيتك ، لماردتك، الله يكون في عونك ، لهيب الشوق ، لهيجا عسيل ، لي زمن بنادي ، ليالي الخير ، ليك مدة ما بنت ، ليها
ما بتقدري ، ما بلومكم ، ما تسأل في ستين ، ماتبكي يا عيوني ، ماتشيلي هم ، متألقة ، محبة و ريد ، مداخل ريدك ، المدفع الرازم ، مرت الأيام
مساء الخير ، مسافتك ، مشروق بهمك ، مع السراب ، مع السلامة ، معرفة، معقولة بس ، مفارق كيف ، مفتون بيك ، من زمان ، منو القاليك، وسيقي ، موعودة ، ميعاد قطاري أتاخر ، ناعس الاجفان ، نريده ، النهايات ، نور العيون ، نور بيتنا، هات لينا صباح ، هجع الانام ، هو اللي اختار ، ود البجرد الألفية ، وداد ، الودعوا أرتحلوا ، وعد اللقيا ، يا بسامة ، يا بنية
يا جميل يا مدلل ، يا رائع ، يا زول يا طيب ، ، يا مدهشة ، يا مفرحة ، يا نسمة ، ياجميل ، ياروحي ،
والكثير من الاغانى التى اتمنى ان تحفظ للاجيال القادمة . كأفضل فنان سودانى حفظت ذاكرتة اكثر الاغانى السودانية
اقل ما نقدمة له هو زيارة كل جمعة ترحماً على روحة ،
اقترح ان ينصب له تزكاراً تخليداً لفنه..


[email protected]


تعليقات 2 | إهداء 0 | زيارات 3857

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#578373 [عود العشر]
0.00/5 (0 صوت)

02-06-2013 04:04 PM
انا اتفق معك استاذ يوسف ..لكن لا اقول نصب تزكارى ...بل اقول تسمية احدى المراكز الثقافية بأسم الفنان القامة محمود عبدالعزيز..
يلا يا حواته ورونا ابداعاتكم ، ورونا انو ابونا دا ما مات بل هو حى بيننا ..


#578338 [بلال]
5.00/5 (1 صوت)

02-06-2013 03:17 PM
(اقل ما نقدمة له هو زيارة كل جمعة ترحماً على روحة ،
اقترح ان ينصب له تزكاراً تخليداً لفنه..)
اتق الله واستغفر ربك


يوسف الناعم البزعي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة