المقالات
السياسة
ارشيف مقالات سياسية
تلفزيون السودان الصيني
تلفزيون السودان الصيني
02-10-2013 01:17 PM

image



آخر تقاليع الحكومة الإنقاذية بيع تلفزيون السودان للصين وبدون الخوض في التفاصيل تخيل معي الحدوتة العجيبة انه المواد لا تخضع للرقابة الحكومية السودانية وممكن نلاقي معظم البرامج وقد تم تصيينها وكمثال برنامج أسماء في حياتنا السوداني سيتم تصيينه ويقدمه واحد صيني اسمه عمر شن يانغ جوزلي ويقوم بعمل حلقات عن ماو وشواين لاي والشاعر الصيني لي باي والفاصل الغنائي يقدم اغنيات للمغنية الصينية سا دينغ دونغ بجانب الراحلة فاطمة الحاج.

وعشان الحكاية شراكة فيفتي فيفتي ممكن نشرة الاخبار تكون مشتركة صينية سودانية خبر عن البشير وخبر عن الرئيس الصيني جين تاو وخبر لنافع وآخر لرصيفه الصيني أما المسلسلات فستكون صينية علي ان يتم دبلجتها بالسوداني وذلك لضآلة الانتاج الدرامي السوداني والتتر الخاص بالمسلسل يكون مشترك اعداد شن شان بينغ .. مونتاج عامر ابو الفتوح مساعد مخرج صيني واخراج شكر الله خلف الله.

وطالما الدوري الممتاز قد تم احتكاره بواسطة قناة النيلين فيمكن للقناة الفضائية السوداصينية ان تقوم ببث الدوري الصيني من شنغهاي يعني كلتشي لمن يحترف في الصين عادي تشوفوه في الدوري الصيني مبثوثا من قناة السودان الصينية!!
برنامج عالم الرياضة السوداني البايخ المكرر كل نهار جمعة يمكن تحليته بفقرات من الاكروبات الصينية ويمكن استضافة خبير تحكيم صيني بجانب الخبير السوداني لشرح قانون التحكيم ومحلل رياضي صيني للتعليق علي مباراة هلال بكين ضد مريخ قوانزو.
اما ناس معاهد تعليم اللغات فحيغنوا من دورات تعليم اللغة الصينية للناطقين بغيرها ولا نستبعد ادخال المنهج الصيني في مرحلة الأساس من العام القادم بس ياربي شفعنا حيتعلموا يكتبوا اللغة الصينية دي كيف؟!!

أما الدعايات التي تسيطر عليها شركات الإتصالات سوداني وخليك سوداني يمكن تحويلها الي سوداني وخليك صيني وبجانب دعاية اوشاعات يا عمدة اوشاعات 25ب قرش بث تتكلم 3 ساعات حيضاف ليها شن شان شن 10 ساعات بون ين!

برنامج صحتك الذي يقدمه البروف مامون حميدة يوم الجمعة حيستضيف دكتور سوداني وآخر صيني في حلقة عن علاج الأمراض المستعصية بإستخدام الإبر الصينية، المذيعة الصينية شنغ شينغ ستقدم سهرة منوعات مشتركة صينية سودانية محورها العلاقات الأزلية بين السودان والصين.
أما برامج المسابقات الرمضانية فستكون كل الجوائز المقدمة Made in China من السيارة للموبايل بس علي الفائزين ملء استمارة الإشتراك باللغة الصينية واللي يعيش كتير في عهد الإنقاذ يشوف أكتر!!

[email protected]


تعليقات 9 | إهداء 0 | زيارات 3113

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#582371 [ياسو]
0.00/5 (0 صوت)

02-11-2013 04:43 PM
والله لاكين صفقة يا ربي العاملين اسعارهم كانت كيف اوعى يكونوا باعوهم قطع غيار بعدين هم يبيعوا فى الاول حتى يطلعوا الفتوى الدينية بتحليل صيننة الحاجة ؟ مش كان المفروض قبل الصيننة يطلعوا افتاء تناب.. اقصد علماء السلطان


#582261 [الصينى]
0.00/5 (0 صوت)

02-11-2013 02:36 PM
ما دام القصة كلها بيع فى بيع ... خليهم يبيعوا السودان للصين ونصبح مستعمرة صينية... لكن يا ربى ح يرضوا؟ ما اظن .... يشيلوا ليهم جنازة يودوها وين


#582165 [الممغوص من الكيزان]
0.00/5 (0 صوت)

02-11-2013 01:02 PM
هههههههههههههه لاااااااااااااايك ياخى على المقال الساخر


#582151 [قفة]
0.00/5 (0 صوت)

02-11-2013 12:54 PM
ومرة تجينا مذيعة تقول كان مفروض النشرة يقدمها صيني لكين وقع اتدشدش ربنا يدشدشكم ونشوف فيكم يوم أسود عليكم


#582024 [الثائر علي الباطل]
0.00/5 (0 صوت)

02-11-2013 10:34 AM
انا برضو بقول كان اصحاب المشروع الحضاري اسلاميين ,,, لكن الامر الذي لا اشك فيه انهم اصبحوا شيوعيين تب مافي كلام . الحاجة الثانية انو اي واحد من بني كوز لهف ليهو حاجة من الوطن السائب دا باعها في السوق العالمي ففكر صاحبنا محمد حاتم سلمان ولفت جاي جاي ما لقي اي شئ حوله لانو مسمر في التلفزيون بعمر الانقاذ فقال ياخي انا مالي ما ابيع ليهم تلفزيونهم دا ذاتو عشان اريحهم بالمرة من حاجة اسمها ممتلكات دولة ... لكن بلا شك القيامة تجمعنا ونشوف محمد حاتم كان بقدر يشيل معاهو مباني الفضائية بس خليك من الحاجات التانية ويجي يقيف بيها في طابور الحساب ,,,,


#581656 [اللريوش]
0.00/5 (0 صوت)

02-10-2013 09:08 PM
كله ممكن لكن نافع دا يلقوا ليهو رصيف ويييييييييييييييييييييين؟؟؟؟


#581547 [كتاحة]
0.00/5 (0 صوت)

02-10-2013 05:58 PM
كان المذيعات بكونوا زي الفي الصورة دي انا زاتي ببقى صيني


#581454 [عبداللطيف]
0.00/5 (0 صوت)

02-10-2013 04:10 PM
بالجد أنا خايف بعد ذهاب الانقاذ الواحد يقلى مرة ذاتها باعوها


#581381 [جلال صالح]
0.00/5 (0 صوت)

02-10-2013 02:43 PM
ما غريبة عليهم اذا كان شيخهم الترابي قد اصدر فتوي بضرورة زواج السودانيين من صينيات حتي يتحسن النسل السوداني ويتصين بالكامل


عمر الفاروق عبد الله
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة