البلطجة الديموقراطية
02-16-2013 08:08 AM

يتبجح رجالات نظام الانقاذ بأنهم ديمقراطيين وان البلد فيها ديمقراطيه وحريه تعبير ؛ وطبعا علي أساس نحن ريالتنا سايله وحنصدق الكلام الفارغ ده ؛
وطبعا هذا الحديث الفارغ يجد من يروج له؛ فهنالك بعض السذج ممن تنطلي عليهم مثل هذه الاكاذيب اما نحن فنقول وببساطه ؛ الحديث عن ديمقراطيه النظام كمن يشبه الحديد بأنه ماء يجري ؛ فالديمقراطيه؛ ليست ابره؛ لكي لاتظهر لنا ؛ الديمقراطيه سلوك شخصي في المقام الاول فالشخص يجب ان يقبل الاخر ورأي الاخر مهما كان لا يعجبه ،وان لايفرض رؤيته ويري فيها الصواب المطلق ؛ا ليست هذه السمات هي أبعد ما يكون عن سمات الانقاذين ؟
تانيا في بلد فيها ديمقراطيه تمنع فيها التظاهرات السلميه ؟ هل في بلد فيها ديمقراطيه لايمكن ان تقيم اي جهه ندوه بدون اذن من جهاز الامن والذي يعلم الغاشي والماشي انه يسبح بحمد الحزب الحاكم؟ مع العلم ان الدستور يكفل حريه التعبير والتظاهر ؛
في بلد فيها ديمقراطيه بيعتقلو فيها اصحاب الاراء المعارضه ثم يعزبوا وينكل بهم ؟وهل يفتح نظام ديمقراطي بيوت اشباح؟ وماأحداث يوليو ببعيدة عن الاذهان حيث اعتقل جهاز الامن اكثر من 3116 مواطن ومكثوا مده تراوح بين الاسبوعين والشهرين ؛و التحيه لمحمد زين العابدين و أنتصار العقلي و يوسف الكودة داخل زنازن جهاز الامن ؛؛ هل في نظام في الدنيا يدعي الديمقراطيه يقتل في عهده قرابه ال١٠٠ طالب داخل اسوار الجامعات ؟
وهل ماكان يحدث من كشات للخدمه الالزاميه وحادث مجزره معسكر العيلفون يمت للديمقراطيه بصله ؟ وهل ماحدث لاهلنا في كجبار وبورسودان وامري من الديمقراطيه؟
وهل تجاهل قضيه المناصير والضرب بحقوقهم عرض الحائط من الديمقراطيه؟ وهل دخول قوات الشرطه لحرم الجامعات ودخولهم للداخليات لحدي الغرف وضرب الطلاب ضرب مبرح من الديمقراطيه ؛ وهل دخول كوادر الجهاز متنكرين بزي نسائي لداخليات البنات لضرب وترويع الطالبات ؛وحاجات تانيه حامياني؛؛ هل ذلك من الديمقراطية ؟؟
انا اظن لو زول بعد ده كلو لسا شايف النظام ده ديمقراطي اكيد الزول ده ضارب حاجه ؛ يعني مسطول وله مسطول !!!!

واخيرا سؤال مهم ؛؛ هل يولد من رحم نظام شمولي ديكتاتوري نظام ديمقراطي ؟؟

؛معا لاسقاط النظام الذي سلب الديمقراطيه ؛
؛ودمتم للنضال؛


محمد حسن بوشي
[email protected]


تعليقات 12 | إهداء 0 | زيارات 1733

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#587641 [سيف الله عمر فرح]
0.00/5 (0 صوت)

02-17-2013 03:38 PM
لا نستغرب من مداخلات بعض المتداخلين لإحباط همة البوشى فى الكتابة ، لأن هذا عملهم الذى يتقاضون بمقابله أجر . البوشى أكبر من أن يتأثر بمثل هذه الكتابات السطحية ، فهو الذى أفحم مؤسس بيوت الأشباح نافع على نافع بكلمات واضحات خلال أقل من خمسة دقائق وشهد بقوة رسالته خصومه قبل معجبيه ، والآن يرسل رسالة أيضآ واضحة لقرائه الذين يتزايدون يومآ بعد يوم لكتاباته التى تدغدغ عقول القراء قبل قلوبهم .


#587490 [زول الله]
0.00/5 (0 صوت)

02-17-2013 01:11 PM
قد اسمعت لو ناديت حياً ولكن لا حياة لمن تنادى
هسى انت مقتنع انك ما بتعرف تكتب والناس كلها قالت ليك كدة ولسة مصر على الكتابة
ثم الثورة دى لو بقودوها امثالك والله عمرها ما تقوم وانا قاعد وانت قاعد والزمن بيننا.


#587369 [ابوعديلة]
4.00/5 (1 صوت)

02-17-2013 11:29 AM
أسلوب صياغة,ركاكة,افكار غير مرتبة,أنفعال داخلى وماعارف شنو داك .لقد تركتم مضمون المقال ونصبتم أنفسكم معلمين لقواعد اللغة العربية وقمتم بمحكمة الرجل . ياخواناالأخ البوشى بيعبر عن نفسه بتلقائية وهو قال انه لا هو بصحفى ولا هو بكاتب محترف ولا هو يملك مقوماتهما فأين المشكلةاذن؟ ولا ياربى كل من يريد ان يكتب او يتداخل فى المواضيع المطروحة لابد من أن يكون مالكا لناصية اللغة.
مش كتر خيرو هو بيكتب بالعربية وهو من الناطقين بغيرها ؟


#587010 [heba]
3.00/5 (1 صوت)

02-16-2013 10:00 PM
ارى ان تشتشير زملاء فى مهنة الكتابة والصحافة من اجل الصياغة النهائية لمقالاتك


#586912 [محمد حسن بوشي]
0.00/5 (0 صوت)

02-16-2013 07:39 PM
لكم التحيه والتقدير جميعا وشكرا للناصحين والناقدين والداعمين ،،
وقد تحدثت مرارا وتكرارا ولا أريد التكرار عن أني لست بكاتب محترف ولا امتهن الصحافة ولن امتهنها لأنني لا امتلك الموهبه فيها ،، أنا أدعو للثوره ولاسقاط النظام والكتابه في الراكوبه أو في غيرها أو الحديث في المنابر بالنسبة لي هي رساله اود ايصالها و اكتب فقط لإيصال رأي لقراء الراكوبه ( الثوار منهم ) !!!


ردود على محمد حسن بوشي
United States [ابو خلف] 02-18-2013 03:43 AM
طيب بي صراحه اذا انت ما قادر تعبر باسلوب راقي وواضح وغير ركيك وماقادر ترتب أفكارك . معناها عندك مشكله كبيره في ثقافتك الشخصيه . ومعلوم ان السياسه بالذات ام كل العلوم وتحتاج لثقافه عاليه أساسها اللغه والتعبير .وهو ماتفتقده لانو أفكارك السياسيه حاتكون ركيكه ذي كتابتك ، وكل محبي الراكوبه افكارهم مرتبه عشان كدا ماتفقع مصلرينا كل يوم بكتابه جديده . ويا جود لغتك ورتب أفكارك ويا شوف لك شغله غير السياسه . هي البلد ناقصه لكاكه وركاكه ، وماتزعل يابني ،،؛*

United States [لتسألن] 02-17-2013 02:10 AM
(و اكتب فقط لإيصال رأي لقراء الراكوبه ( الثوار منهم ) !!! )
* ما هذه لك بحجة يا بوشي؛ الثوار كفوك مؤونة الكتابة اليهم فانت بحاجة لمحاولة تثوير الناس عامة و ليس تثوير الثائرين و لن يكون تاثيرك ايجابيا بمثل هذا الخطاب؛ بل حاول تحسين ادوات الكتابة ان اردت اتخاذها وسيلة لغايتك و الا (فدعها و جاوزها الي ما تستطيع.)؛ و (ما لا يتم الواجب الا به فهو واجب.)


#586784 [السفاح]
4.00/5 (1 صوت)

02-16-2013 04:48 PM
حقيقة كتاباتك هزت الصورة الجميلة بتاعتك .؟ في ناس ربنا بيديهم موهبة الخطابة وتلقاهم فاشلين في الكتابة ،،،،،،،؟ معليش بس لغتك ركيكة؟ وافكارك غير منتظمة . مع تحياتي ،؟ معجب سابق


#586759 [سيف الله عمر فرح]
0.00/5 (0 صوت)

02-16-2013 04:18 PM
أستاذ محمد حسن البوشى ، الله يديك الصحة والعافية ورضى الوالدين ،
عند محبى الحرية والعدل والمساواة كتاباتك مثمنة ومقدرة لأنها فعالة لما تريد أنت وأمثالك .. أثبت للطغاة أن المناضلين فى سبيل الحرية والعدالة والمساواة لا ييأسون من الكفاح بشتى السبل مهما تنمر الفاسدون ، ولا يرهبهم تجبر الطغاة ، وهم مصممون لقهر الظلم .. كما كنت تنشد كلمات محجوب شريف وأنت فى زنزانة نافع ، فالثوار ينشدونها أينما كانوا .

مساجينك مساجينك
نغرد فى زنازينك
عصافيرا مجرحة بى سكاكينك
نغني ونحن في أسرك
وترجف وأنت في قصرك
سماواتك دخاخينك

برغمك نحن ما زلنا
بنعشق فى سلاسلنا
بنسخر من زنازنا
وبنسخر من زنازينك

للسودان مواقفنا
وللسودان عواطفنا
ولما تهب عواصفنا
فما حيلة قوانينك


#586520 [كيف ما اندم]
0.00/5 (0 صوت)

02-16-2013 12:37 PM
التحية لك ايها المناضل البطل محمد حسن بوشي سؤالك مطروح لابواغ النظام من الصحفين والتنابله للاجابة عليه وهم يضعون الدين درع لمواجهة الذين قال فيهم الله (لِلْفُقَرَاء الَّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْباً فِي الأَرْضِ يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ(273) البقرة


#586394 [الغاضبة]
0.00/5 (0 صوت)

02-16-2013 11:04 AM
وصلت رسالتك بوشي، شكرا..... لا أعتقد أن بوشي يطرح نفسه كاتب، ورغم ذلك لديه المقدرة على توصيل رسائله وأفكاره التي يريد أن يوصلها وعلى نطاق واسع... ويكفي انه يكتب ويناضل ويواجه المجرم في وشيهو....


#586308 [سايكو]
1.00/5 (1 صوت)

02-16-2013 09:38 AM
حرام عليك يا بوشي نظامنا ديمقراطي جدا ، و في حريه تعبير زايده عن الحد كمان ، ناس الكوده ديل كفار و يهود و ضد (المشروع الاسلامي) و عشان كده قبضوا عليهم . غير كده حريه التعبير و التظاهر ما عليها اي قيود و الربيع العربي قالوا جانا في السودان قبل 23 سنه و احسن حاجه عملتها الانقاذ توفير الحريات لكل الشعب و اقرب مثال انت نفسك لما اتناقشت مع (المجاهد) نافع في جامعه الخرطوم في زول سألك ؟ احنا في نعمه كبيره يا بوشي و البشير و زوجته الشريفه (المخزوميه) وداد باكر اطهر ناس و الانقاذ كلها ما فيها زول مجرم و لا صقر ، بعدين انت عندك اعتقاد خاطئ عن بيوت الاشباح انت قايلها في تعزيب و اغتصاب و كده و انا زاتي كنت قايلها حقيقه لكن لما زرتها لقيتا مدينه ملاهي عملوها للترفيه عن الشعب السوداني . تكبير ، تهليل ، رقيص .


#586286 [عثمان خلف الله]
4.50/5 (2 صوت)

02-16-2013 09:12 AM
النظام فعلا غير ديمقراطى ولكنه حاليا الانسب لمواجهة السيوله الفوضويه الموجوده فى مجتمعنا والمجتمعات العربيه على وجه العموم
بالنسبه للتظاهر لا احد خرج ده كل الكلام


ردود على عثمان خلف الله
United States [أبو علأمة] 02-16-2013 05:15 PM
ياااااااااااااااااااااااا خلف الله ما عزبتنا.


#586280 [سلاق بيض]
0.00/5 (0 صوت)

02-16-2013 08:57 AM
كتابتك انفعال داخلي مترجم بضعف لكلمات لعدم تمكنك من اسلوب الصياغة!! ارتوي كثيراً بالحديث ثم أظهر بمقالات تشد القارئ اليك ولا تجعل الصدفة تخلق منك كاتب بمستوى حضيض!!


ردود على سلاق بيض
United States [جيفارا] 02-17-2013 01:29 AM
اسمك سلاق بيض مفصل عليك .. فما كل ثائر في وجه الطغاة بكاتب محترف .. والا لكنا جميعآ صحفيين اصحاب اعمدة نباهي بها المدعين اشباه الهندي والبلالات .. و ليتك تملك شيئآ من جرأة البوشي وحماسه السوداني بالوقوف مستنكرآ امام الطغاة و ليس بسلق البيض خلف الكي بورد .

United States [صالة المغادرة] 02-16-2013 07:06 PM
والله انت فعلا سلاق بيض وبياكلوا نافع كمان ياخى البوشى السواها لاانت ولاانا ولا كل زعماء وقيادات وقواعد المعارضة بالداخل قدروا عليها والزول ده عندما يكتب بكون في قمة القرف والغضب من الحاصل في البلد نحن شايفين كلامو ده قمة البلاغة والبيان وانت خليك مع بيضك يا كوز يا مقدود ياجراد الكترونى والله البوشى لو في 200 سودانى من شاكلتو كان زمان المحلى دخل عطبرة

United States [وجع بطن من الوضع] 02-16-2013 11:49 AM
هو ليس كاتب محترف والراكوبه منبر لاي شخص يكتب والادلاء براي الخاص وانت ماشايف الا نصف الفارغ

United States [حلمي] 02-16-2013 10:43 AM
يا سلاق بيض اي شخص يعبر بطريقته الخاصه سواء كان كاتب مميز متمكن او كاتب عادي واي شخص يعبر عما يجوش بداخله بطريقته والمجال مفتوح لاي شخص انشاء الله يكتب بالرطانه . لك التحية يا مناضل بوشي . انت مناضل وشجاع وجسور والي الامام ولا تنظر خلفك .

United States [Zoul sakiit] 02-16-2013 10:34 AM
انا زاتي مافهمت من مقالك حاجة ماذا تعني باسلوب الصياغة ؟ انت تنصح وتحتاج لمن بنصحك وفاقد الشئ لايعطيه *


محمد حسن بوشي
محمد حسن بوشي

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة