المقالات
السياسة
ارشيف مقالات سياسية
بلد يقدل فيها الهندي عزالدين!
بلد يقدل فيها الهندي عزالدين!
02-27-2013 04:36 AM



وعلي قول الـمثل (بلد يقدل فيها الورل)..طبعا دي بلد خربانه و ما منها فايده أو هكذا هو حال الصحافة السودانية و التي يقدل فيها الهندي عزالدين مبرطعا ما بين وصفه للضابط الفاشل عمر البشير بأنه هبة إلاهية لشعب السودان و مابين تهديده لأسابير الراكوبه و سودانيز اون لاين بعظائـم الإمور!!

فيا الهندي هنالك فرق بين لغة الكتابه و لغة الكلام..فلغة الكلام لغة واعية وتتم عن وعي خلاق بحقائق التاريخ {ألإنسان} والجغرافيا.. أما لغة الكلام فهي لغة مسترسله و غير منضبطه.. لغة الكتابة تحتاج لتعلم ملكات القراءة والكتابه.. أما لغة الكلام فليست لديها أشراط.. فيا الهندي إنت بتكتب بلسانك و ليس بعقلك وإلا فما معني {ألبشير هبة إلاهية للشعب السوداني} وهل فحصت هذا الـمدلول جيدا إزاء ما يحدث ببلاد السودان والتي إفتقدت ثلث سكانها و أراضيها وثرواتها وتحاصرها الحروب من كل جانب وتتمركز بداخلها جيوش أجنبية تحت البند السابع من ميثاق الأمم الـمتحده و فوق هذا وذاك ضربت إسرائيل ميناء البلاد و عاصمتها.. أهه يا الهندي شن بتقول??

أما تهديدك لوسائط النشر الإليكتروني في مواقع الراكوبه و سودانيز اون لاين فهذا غباء من نوع تاني لا يـمكن ان يقع فيه زول يـمتهن مهنة الصحافة.. فيا الهندي هل تعلم أن وزارة الدفاع الأمريكية وبجلالة قدرها وقفت حائرة امام مؤسس موقع ويكيليكس!! وهل تعلم أن وزير الدفاع الأمريكي دونالد رامز فيلد إبن الحرب البارده وقف مندهشا وتقدم بإستقالته جراء فضائح معتقل ابو غريب والتي نشرها جنود شبان ينتمون لجيل حرب النجوم من خلال الوسائط الإلكترونية الحديثة!!
وصدق الدوش عندما صدح قائلا:
تجيني
و يجيني معاك زمن أمتع نفسي بالدهشه!!!

[email protected]




تعليقات 20 | إهداء 0 | زيارات 4229

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#598697 [الدمارى ود عطبرة]
0.00/5 (0 صوت)

03-01-2013 10:37 AM
هل الهندى عزالدين صحفى ---؟؟؟


#597922 [Ashshafo Khalo]
0.00/5 (0 صوت)

02-28-2013 08:24 AM
وزير الاعلام يريد من الاعلام ان لا يکشف عوره نظامه حتي لا يفضحوا نظامه العريان. و يامر المغتصبات ان لا يصرخن فيسمع الناس صراخهن: عيب عليگ يا وزير.
قال الشاعر مظفر النواب:
القدس عروس عروبتکم؟
فلماذا ادخلتم کل زناه الليل الي حجرتها
ووقفتم تسترقون السمع ورا الابواب
لصرخات بکارتها
وسحبتم کل خناجرکم
وتنافختم شرفا
وصرختم فيها ان تسکت صونا للعرض!
فما اشرفکم
لست خجولا حين اصارحکم بحقيقتکم:
ان حظيره خنزير اطهر من اطهرکم


#597857 [الهادى احمد]
0.00/5 (0 صوت)

02-28-2013 02:03 AM
اتمنى من المصدر الامنى لجهاز الامن (الهندى عز الدين ؟؟)ان لايتدخل فى شؤن الرزيقات والافسوف ؟وخاصة ما كتبه فى عموده هيبة الدوله فى لستك الكرزلات اياك ثم اياك يا الهندي المفتن من شؤن قبيلة الرزيقـــــــــــــــــــــــــــــــــــــــــــــــــــــات


#597727 [محاهد]
0.00/5 (0 صوت)

02-27-2013 10:38 PM
هذا زمانك يا مهازا فامرحي قد عد الهندي من الفرسان


#597723 [lwlawa]
0.00/5 (0 صوت)

02-27-2013 10:34 PM
اذا كان نقيب صحافة الهندي، مقتنع ويسعى جاهدا لإقناعنا، بأن الجراد الذي غزا السودان مؤخرا ،ينتمي الى الطائفة اليهودية الصهيونية..؟! وانه غزا السودان يإيعاذ من اسرائيل، انتقاما من السودان، لأن السودان يدعم الفسطينيين .
بلد هذا فهم نقيب صحافتها فكيف لا يقدل فيها (الضب) خلي الورل .؟!


#597681 [اب فنيسة]
0.00/5 (0 صوت)

02-27-2013 09:16 PM
الهندي ده زيه زي حسين خوجلي مدللللللللللللللللع . يستاهلوا سوط مبربح و ظيطك ...... ظيطك .......ظيطك . جلد صاح ...


ردود على اب فنيسة
United States [بي كرت] 02-28-2013 01:54 AM
مع الفارق الكبير طبعا . . حسين خوجلي راجل مثقف وواسع الاطلاع وخريج جامعي لكين اخينا ده ياحسره عريان من . . ولابس صديري يعني لا تعليم لا ثقافه ونفس الوقت رئيس تحرير بالله شوف سودان القرن ال٢١ .


#597674 [كتوشة]
0.00/5 (0 صوت)

02-27-2013 09:08 PM
والله ولد كتاب وفصيح لكن مدلع دلع لمن يغيظ .


ردود على كتوشة
United States [عباس الضو] 03-01-2013 12:24 AM
المشكلة فى الحسد... يعنى زى صاحبنا دا بكون مغيوظ منه بس.. يا اخى انت ليك راى واى واحد مفروض يحترمه وانت ايضا من المفترض تحترم اراء الناس


#597664 [العاطفي الجهني]
0.00/5 (0 صوت)

02-27-2013 08:47 PM
الهندي عزالدين ، الهندي عز الدين ، الهندي عز الدين
الهندي عز الدين دا منو ؟
من وين في متخصصي الصحافة ؟ قرا وين ؟ ومؤلفاتو شنو
ياخي دا واحد لقا هواهو في زمن الهوا دا وضرا عيشو
أكلنجي مسترزق زيو وزي أحمد البلال الطيب ناس أنظمة شمولية ساي
الهندي دا كمان أسكت خلو كوعو من بوعو مابعرفو وكمان جابت ليها كضب ، قال شنو " البشير هبة إلاهية"
باقيلكم دا زول سوي ؟


#597558 [جركان فاضى]
0.00/5 (0 صوت)

02-27-2013 06:20 PM
بعد ما خصص البشير حراسة دائمة للهندى عزالدين تحرسه صاحى ونائم حراسة لم تتوفر لكثير من الوزراء فان الهندى اصبح يقول الكلام العاجبو- وطبعا عندما يخصص لك الرئيس حراسة فانه سوف يصيبك طل من النعمة- الزول غرقان فى النعمة وهو عندما يقول ان البشير هبة من السماء فانه فى قرارة نفسه يدرى ان البشير رحمة من السماء


#597421 [غصن الرياض المايد]
1.00/5 (1 صوت)

02-27-2013 03:47 PM
الأخ الكريم / ود عبدالوهاب
تحياتي الودودة

إنه الزمن الرديء الذي شاهدنا فيه المومس تحاضر عن الشرف.

و لا نقول سوى رحم الله أهل الصحافة الحقيقيين أمثال بشير محمد سعيد ، عبدالرحمن مختار ، رحمي سليمان ، الريفي ، حسن ساتي رحمهم الله جميعا وأطال الله في عمر الأحياء مجحوب محمد صالح ، مرتضى الغالي ، حيدر المكاشفي


#597367 [Mohammed Fareed]
0.00/5 (0 صوت)

02-27-2013 02:53 PM
والله فعلا تصريحات البعض تصيب الإنسان بالدهشه وهذا فعلا ما أصابنى وأنا أستمع لحيث وزير الماليه عن المعيشه وتوفر السلع


#597296 [Hanbeero]
0.00/5 (0 صوت)

02-27-2013 01:59 PM
فعلاً هذا زمن الهندي عزالدين والدهشة. الله يرحمك يا محمد طه محمد أحمد الما حضرت زمن ولدك الهندي.


#597217 [لولاو]
0.00/5 (0 صوت)

02-27-2013 12:57 PM
لكل نظام مطبلين ؛كبار الكتاب المخضرمين في مصر مبارك يسوقون ما يريده النظام في صحف عريقة لاقناع الرأي العام الى ان اوردوه التهلكة ؛ اما الشبل الهندي كمن يملك مهندا للاستعراض في حلقات الدراويش


#597208 [هارون الرشيد]
0.00/5 (0 صوت)

02-27-2013 12:54 PM
الاستاذ الهندى عزالدين رجل سابق لاوانه صحفى لا يشق له غبار يتحرى الدقة فى تحليلاته وكتاباته بس حكاية هبة الهية باااااااااااااالغ فيها كثير


ردود على هارون الرشيد
United States [شنطة المكياج] 02-27-2013 03:52 PM
سابق لاوانو عارف ليه ؟ لانو ساقط شهادتين المدرسية والاخلاقية وبقى موجه للراى العام السودانى
لايشق له غبار عارف ليه؟ لانو من كترة المشى الكدارى ايام ماكان بلم ويجمع قروش النفايات مافى زول زيو شفا غبار الحارات والثورات وامبده
وكان جيت على الدقة فى تحلله الاكبر ملفى زول تب لحقو لمن يبقى شى ميل


#597111 [ام حقين]
0.00/5 (0 صوت)

02-27-2013 12:05 PM
شفت يا كارلوس البقت فينا ...؟ الهندى عز الدين يقود الراى العام السودانى والصحفيون السودانيون يقودون الراى العام فى معظم الدول العربية رغم ان الهندى عز الدين لم يفك الخط حتى الان ..
يكتب زى ما بيتكلم زى ما قلت لكن انا زعلان منك لانك بتحاول تقنع فى زول انطح وبليد وما مثقف عن شىء يجهله ولن يستوعبه اطلاقا ..
غايتو يا كارلوس اتلومت بالحيل


#597075 [ود البلل]
0.00/5 (0 صوت)

02-27-2013 11:46 AM
لقد بلغت بنا المهانة آخرها

والدنيا لم تهينك، النعجة تنطحك.


#597057 [زول سوداني]
5.00/5 (2 صوت)

02-27-2013 11:33 AM
الهندي عز الدين.. نافع علي نافع .. الطيب مصطفى ..اسحق احمد فضل الله .. حاج نور .. كمال عبيد .. امين حسن عمر ..
ديل بشر مش ممكن يكونوا طبيعيين على الاطلاق .... يجب فحصهم والرجوع الى تاريخ طفولتهم فيبدو ان هنالك شئ غلط وان هنالك عقد متأصلة في دواخلم .. نسأل الله السلامة .....


ردود على زول سوداني
United States [mansour] 02-27-2013 05:39 PM
انا غايتو اسألني من امين حسن عمر افندى ونحن من عطبره ونعرف كل زول فيها تمام التمام


#596970 [عثمان خلف الله]
5.00/5 (1 صوت)

02-27-2013 10:40 AM
الهندى مشكلتو هى جنون العظمه فى لا شى
بيفتكر نفسو علامه فى تحليلات تخاطب القلوب اكثر من العقول بدون منطق مهنى سليم
هو فقط له اسلوب شيق فى الكتابه ولكن هذا فقط لا يجعله كاتب متمكن


#596964 [karlos]
5.00/5 (2 صوت)

02-27-2013 10:35 AM
بلد يقدل فيها الهندي عزالدين!
و يختفى فيها محجوب محمد صالح (التمساح)

عشنا و شفنا


#596908 [ود أم مغد]
5.00/5 (2 صوت)

02-27-2013 09:56 AM
الهندي شفاه الله لا يستحق عناء الكتابة و الخوض في تحليل شخصيته .. فهو فاقد تربوي مريض نفسيآ بعقدة الدونية و جنون العظمة ابتليت به الصحافة السودانية في زمان العهر الصحفي واللامعقول .


ردود على ود أم مغد
United States [ود الاصم] 02-27-2013 07:03 PM
بارك الله فيك كلامك صاح وتحليل منطقي لشخصيه هذا المنافق

United States [mansour] 02-27-2013 06:17 PM
هذا زمن المهازل وزمن يصبح فيه مثل النكره الهندى عز الدينصاحب فكر ورأى الله يلطف بهذا الشعب المغلوب علي امره


عبد الله عبد الوهاب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة