اضغط نجمه وشيل الحكومه
03-02-2013 08:10 PM

¤اضغط نجمه وشيل الحكومه
¤مرحبا بكم في مركز خدمات الحكومه
¤للعربيه اضغط واحد للانجليزيه اضغط اتنين
¤واحد
¤اضغط نجمه وشيل الرئيس
¤طوالي سكتها ليك وفتحت ليك معاها موضوع وقلت ليها
¤ياخ انتي ماتديني معاك فرصه اقول حاجه انا دايرو رئيس مسلم لكن خواجه وما يكون خواجه اي كلام يكون امريكي انا مابتحنكيني انتي قايلاني هندي
¤قالت لي ايوا رئيس معدل يعني ضاربينو بوهيه انا فهمتك خلاص خليني اكمل شغلي وماتقاطعني تاني لو سمحت
¤لو داير اوباما ومسلم اضغط واحد بس قبلك
¤واحد
¤يلا ركزو معاي نقلب الصفحه شويه خلينا ندخل الفيس
¤قائمه الاشخاص المحظورين من الرئاسة
¤ملحوظه دي الحته الممكن اتجدع فيها انا برضو خطير في الانجليزي معاكم معلم @محظور يعني بلوك شوفتو لازم اتجدع يعني لازم@
¤نرجع تاني الاشخاص المحظورين
*علي عثمان
*المهدي
*الترابي
*واخر حاجه نافع لانو تحت تحت كدا سمعت قالو دا حيحكم بعد بشه والجماعه ساعين في الموضوع والكلام دا بقى يتقال طوالي في أركان النقاش عشان يضمنو طلاب الجامعه
*اها ديل المحظورين عرمان اسمك سقط لانك مابتنفع معانا شوف اسرائيل بي وين انت ماسوداني
¤نرجع تاني ونقلب الصفحه
¤الحكومه هي الوحيده المطبقه دعايه أم تي ان قرايب يعني اي مسعول بشغل طوالي اهلو يعني عادي ممكن يعمل ود اختو مدير ولا نائب مدير بنك السودان ولا يوريهم الخطه الاسكانيه ويقول ليهم يشترو أراضي في الحته الفلانيه
¤واسطه ي ابني انت بتلعب وماتستبعد الولد يكون شايل بطاقه خالو ويرمي جنسيتو عادي ممكن ينكر ابوهو
¤الغريبه الناس البتقول دايرين ديموقراطيه ماعارف عندهم عين يتكلمو كيف شكلو لمن كانو حاكمين البلد دي الديموقراطيه كانت خارج المقرر يعني ماداخله في الامتحان
¤والاغرب برضو بقولو لي عمر انت وين من عمر بن الخطاب طيب وانتو وين من الصحابه
¤سوال لي صحبي المتعافي عربات النفايات عملت ليها شنو وبصات الوالي دي عندك فيها نسبه كم .شكلو الوالي دا ماعندو ارباح غير الاسم بس ولا بلاش من السوال قالو لاتسالو عن أشياء ان تبد لكم تسؤكم
¤للعوده للقائمه الرئسيه اضغط مربع
¤للاحلام المستحيله زي تغيير الحكومه اضغط واحد ولا رسل كلمه حلم لي مصطفى الاغا في ام بي سي
¤هسي اطلع من الكلام دا كيف ايوا اشوف الحيطه المايله
¤بنات الزمن دا الواحده بقت مابتعرف تلبس التوب لكن في البناطلين اسكت ساي عقدونا عديل بعد دا لو لبست توب عادي ممكن تلقى عنوان في الدار
¤فتاه تدخل الحوادث والسبب توب
¤ملحوظه اخيره اضغط مربع وريح نفسك

معتز ابوعبيدة
[email protected]


تعليقات 1 | إهداء 0 | زيارات 1287

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#600373 [محمد]
0.00/5 (0 صوت)

03-03-2013 01:33 PM
معتز انتو قاعدين تلقوا الصنف الكارب جا وين.... ولللا أضغط نجمة؟؟


معتز ابوعبيدة
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة