(صينية) توتي..!ا
11-08-2010 01:42 PM

حديث المدينة

(صينية) توتي..!!

عثمان ميرغني

ما أسوأ من التنفيذ الخطأ إلا التخطيط الخطأ.. تزمع ولاية الخرطوم تشييد جسر جديد بين جزيرة توتي ومدينة الخرطوم بحري.. ويقال أنّ جسراًً ثالثاً سيربط جزيرة توتي بمدينة أم درمان.. لتكتمل الصورة وتصبح جزيرة توتي.. مجرد (صينية) توتي للعابرين بين المدن الثلاث.. مثل هذا التفكير مدمر للغاية فعلاوة على أنّه لا يرتب الأولويات كما ينبغي.. فهو يهدر موارد وأموال دافعي الضرائب.. ثم إنّه يبدد أجمل.. ما في أجمل جزيرة في السودان.. عذريتها ودلها.. فجزيرة توتي سحرها في كونها هادئة مستكينة بعيدة عن الزحام والضجيج.. ويجب أن تظل لمن يطلبها.. الذي يقصدها وحده من يدخل إليها.. لكن أن تتحول إلى معبر.. بين المدن الثلاث.. مجرد (صينية).. لن تكون حينها جزيرة.. وتفقد كل دلالها, وتكتظ بالسيارات العابرة بين المدن الثلاث.. فن التخطيط أن تمنح العقلية المخططة كل مدينة.. وكل حي في المدينة طابعه المميز.. فسحر المكان – أي مكان – في عطره الخاص.. سماته المميزة .. شخصية المكان وهويته.. فشاطئ أبروف مثلا.. ليس كشاطئ المنشية.. و لا ينبغي له.. لكن عندما تصبح جزيرة توتي مثل أحياء العاصمة الأخرى.. بزحامها وشهيق وزفير حركتها.. تصبح مسخاُ مُشوّهاً.. لنحسبها بالمنطق.. ما المقصود من الكوبري الجديد... هل لعبور أهل توتي إلى بحري.. أم للعبور بين الخرطوم وبحري لكل العابرين.. إذا كان الهدف الأخير هو المقصود ( عبور بين الخرطوم وبحري) فلماذا عبر توتي.. لماذا لا يقام هذا الكوبري الجديد في أي موقع آخر على النيل الأزرق.. ليحمل الناس والسيّارات بين الحرطوم وبحري.. الأجدر أن تحافظ جزيرة توتي على كوبري واحد فقط يربط بالبر الجنوبي مع الخرطوم.. لمن أراد إليها سبيلاً.. حتى لا يعبر الجسر إلا من يبتغي الدخول إليها.. وفي كل الأحوال.. تشييد أنفاق في تقاطعت الطرق المزدحمة.. و البدء في تشييد خطوط مترو في العاصمة أكثر أهمية وأولوية من مثل هذا الكوبري.. خاصة أنّ تحويل الوزارات والمقار الرسمية من شارع النيل إلى مدينة الخرطوم سيقلل كثيراً من حاجة سكان العاصمة للانتقال والحركة بين المدن.. يأهل توتي، جزيرتكم في خطر.. لن تظل جزيرة.. ستصبح أكبر (صينية) في العاصمة.. ومن حقكم قانوناً أن تصونوا شخصية جزيرتكم.. قاوموا حركة مسخ الجزيرة.. يأهل توتي، اتحدوا ضد مخطط تحويل جزيرتكم إلى (صينية).

التيار


تعليقات 9 | إهداء 0 | زيارات 3238

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#45646 [ابو خالد]
0.00/5 (0 صوت)

11-11-2010 11:13 AM
و الله يبدو ان كاتب المقال بحب يكتب و بس يعني العمود بتاعه لازم يصدر بكلام كويس خارم بارم اي كلام... التلاعب بالالفاظ وحكاية متنفس و الكلام المن النوع دا لا يسمن و لايغني من جوع توتي عبارة قرية صغيرة تقع في اجمل موقع في السودان و لو كانت في مكان اخر غير السودان لاصبحت جنة و لكن....و اهل توتي ديل ما محتاجين لزول يحرشهم بس انا بشوف انك انظر للموضوع بزاوية اخري


#45039 [بت الخرطوم]
0.00/5 (0 صوت)

11-09-2010 05:41 PM
ابوكوج اانت ابوجهل اماماذا نقول لك ماهذا التناقض اهل توتى شيوخ المحس ويتمسكون تمسك الجاهلية بالاصنام انت لاتعرف قيمة الارض والتراب والاماكنت شبة اهالى توتى بسكان العشش شن جاب لجاب الاهالىتوتىهم من اسس الخرطوم سودانين ابا عن جدا اماساكنى العشش فهم اخوة من دول الجوار لاارتباط لهم بالارض اينما يرحلونهم يذهبون فالمقارنة مرفوضة جماة وتفصيلة بعدين ياابوجهل من تعتبرهم اصحاب فكرة مستقبيلة هم فى حقيقة الامر اصحاب مصلحة ذاتية نفعية يرجون ماترجوه من الحكومة مناصب وجاه وعز عسى ولعل يحترهم العامة بتوتى ولكن هذا مالاولن يحدث وسيقاوموااهالى توتى يااخ زول وباذن الله الاحد الاحديااخ ابوشريف لن نهيم فى ربوع السودان كما كاخوتنا الحلفاوين ماانت ياابوعمار اقول ليك شوف ليك منطقة اخرى تنافس بيها شرم الشيخ خلافة توتى لانو تصورك دا عشم ابليس فى الجنة


ردود على بت الخرطوم
Saudi Arabia [سلامات حامدابوعبدالمجيد] 11-09-2010 08:09 PM
سلام تعظيم
لوعرفو توتى صحيح واهلها الميامين ماكان قالو كلامهم ده التحيه ليهم وهاكم الخيط ده للزميل ناجى عزالدين
http://www.sudaneseonline.com/cgi-bin/sdb/2bb.cgi?seq=msg&board=310&msg=1286424501
...............تصبحوا على وطن


#44970 [واحد مستغرب]
0.00/5 (0 صوت)

11-09-2010 02:44 PM
يا أبو عفان لا تؤاخذنى إذا سألتك إنت عبيط ولا شكلك كده؟ 00أنت صدقت بالبساطة دى وأنا أعرف إنك مهندس (لايشق لك غبار)00 والله عرفو بالعقل كما تعلم00والله الشئون الهندسية وهى معنية بالامر كان لديها متل القدرة دى 00كنا نحن المواطنين مسكناها من يدينا وعفيناها من المهمة دى على مسئولينتا00وقلنا ليها أرجوكى بجهد أقل وإنفاق أقل كدى باصرى لينا الشوارع الحولتيها لمطبات !!وده فى أحسن الاحوال !!ولاول مرة نسمع بأن الميزانية المقررة لرصف شارع او إنارة طريق أو تعبيد سكة إنشاء الله بالرقيطة خليك من الخرسانة وغيرها من المواد المكلفة قطعت وبموجبها يتوقف العمل!!وطبعا الكل يعلم بأن جميع الانشاءات فى عهد الانقاذ آلت الى شركات مجهولة الهوية !!لايدرى عنها أحد أى شىءإلا ملاكها!!ويمكن تذكر المرحومة (وزارة الاشغال)طيب الله ثراها والتى لاقت حتفها مع أختها( المخازن والمهمات)والمولودتان من رحم الامبراطورية البريطانية!!وهى تعتبر من أكبر القلاع الراسمالى0إذا كان سبب وئدهما هو نية النظام للاتجاه لانتهاج سياسةالسوق الحر!! لكن يبدو أنه كان هناك أمرا مبيتا!!لتدمير كل أثر أرساه المستعمر او سار ت عليه الحكومات الوطنية (وكله لله) وأضحك حتى تبين نواجذى عندما أتذكر (نصب الجندى المجهول )والمصير الذى آل اليه!!والحجة فى إزالته لانعاش الذاكرة (لانها فى مفهوم الجماعة)عبارة عن (أصنام وأنصاب وازلام) ودى خيارات لمن شاء أن يتكهن؟!!وبالمناسبة مسئولين عن الخير أين ذهبت بوابة السكة حديد ؟ كتلة من الحديد ثمنهابالشىء الفلانى!!ولا أدرى أذا كان النصب الجديد الذى أنشء فى مكان غير بعيد من طيب الذكر (نصب الجندى المجهول)مسببا مضايقات للمارة هو بمثابة اعتذار (لنصب الجندى المجهول) وللترضية صنع من حديد بوابة السكه حديد!!وشرف بإلاهداء المكتوب عليه والذى يحمل إسم أكبر قامة فى البلد بمناسبة إكتساحه 0000!!0


#44866 [بت الخرطوم]
0.00/5 (0 صوت)

11-09-2010 11:39 AM
بارك الله فيك استاذنا عثمان ميرغنى اتفق معك تمام فى كل ماقلته جزيرة توتى اضحت الان مفتوحة عربات مظللة وجريمة واختطاف اى والله دا كله بسبب كوبرى واحد فكيف يكون الحال بعد اقامة ثلاثة كبارى اذا كان الغرض راحة اهالى الجزيرة يكفينا كوبرى واحد فقد أدى الغرض اما اذا كان الامر فك احقتناقات المرور فلا والف لا ويا شباب توتى قبل شيوخها ويانساء توتى قبل رجالها ويا اطفال توتى قبل صباه قاوموا قيام هذة الصينية ;( ;( ;(


#44839 [ابو عمار ]
0.00/5 (0 صوت)

11-09-2010 10:46 AM
والله انا ماعارف لزوم التحريش ده شنو متين نحن نتطور توتي توتي
توتي دي من المفترض تكون اجمل واكبر منتج سياحي ومقر للمؤتمرات والفنادق العالمية - اجمل منطقة وكلها شوية جوافة وبقر ومافيها شارع واحد صاح من الكوبري وعلي اقرب بيت توووووووووووش
فكونا وفكروا صاح ليه ما تكون زي شرم الشيخ


#44790 [ابو كوج]
0.00/5 (0 صوت)

11-09-2010 09:14 AM
ما المقصود من الكوبري الجديد... هل لعبور أهل توتي إلى بحري.. أم للعبور بين الخرطوم وبحري لكل العابرين.. إذا كان الهدف الأخير هو المقصود ( عبور بين الخرطوم وبحري) ///الم اقول مرة ومرة اخري وسعوا افاقكم ايها الصحفيون اهلنا في توتي (جزيرة شيوخ المحس) ظلت سنوات يرفضون سكانها الا البقاء في هذه المنطقة التي شبيهة (بموناكو ) دون ان تطرأ علي الجزيرة لمسة حضارية رغم انها تمثل حشاشة البطن للخرطوم /// كم من اقتراح طرح لتطويرها وجعلها بقعة ما اجملها الا ان صدود اهلها وتمسكهم بهاتمسك الجاهليين باصنامهم /رغم اغارات الفيضانات لها كل عام الا ان بركة اهزوجة ///عجبوني الترسوا البحر ) كانت هي االقوة الخفية التي ابقت هذه المنطقة على حالها رغم تآكلها المستمر عام بعد عام / فكر اهل النظرة المستقبلية بان آن الاوان لترك هؤلاء السكان هذه الجزيرة التي يظنون انها حصن تهميم من زوار الليل ستظل الي الابد مصونة حينما تؤبد المسالك لاي منطقة هي بداية التطوير الفعلي وهذا ما لم يكن في حسبان ثقافتنا وعليه فالدولة رعاها الله لن تترك شاردة ولا واردة معوجة الا اقامها حتى ولو ادى ذلك الي بعض الجرح من تهجير انظر ما صار في حي ((( العشش))) التي ظلت بؤرة (باطنية الخرطوم ) زهاء سنين لك اخي صاحب القلم الموجع ان تنكأ الجروح بمقص طبي لا بمشرط مصدأ


#44718 [زول]
0.00/5 (0 صوت)

11-09-2010 05:01 AM
لعلم الساده ناس توتى الجسر البربطكم بالخرطوم ده ماكان عشان الحكومة بتحبكم ده مخطط بداء من زمن طويل والكبرى ده والكبرى الجديد المقترح دى كلها مشاريع تشريد وسوف تاتيكم اغراءت مالية عشان تبيعون للسادة الكيزان والعرب بمبالغ ضخمة وماقصة العشش فلاته ببعيده وبكرة حيقولون ليكم تخطيط ومظهر وناس لهم حق وناس مؤاجرة وناس وارثة وناس وافده وكلكم تطلعون بقد القفه وتجدون محلكم ناس غرباء واهرمات اسمنت وتبقو انتو مدورين صينية بين عضو دائرتكم والحكومة ولما اتذكروكم يقولون ليكم يبقى الحال على ماهو عليه وتتنسىء القضية وتبقو مجدعين عند الضواحى والاهل والحذر ثم الحذر


#44692 [ابوشريف السودانى]
0.00/5 (0 صوت)

11-08-2010 11:27 PM
حرب الاصالة ........

اصلو دى الانقاذ وده حالها .....

تحارب كل شىء جميل واصيل ....

عشان هى نبت شيطأنى عاوزة تلوث كل انيق وجميل ....وتدمره كما دمرت اخلاقنا السودانية

الاصيلة.......

حرام توتى تكون مباحة لليسوى والما يسوى توتى حضارة توتى اصالة ........توتى ملحمة

الصمودوالتحدى شوفوا اضابير التاريخ ودور توتى ......

المحس عمروا توتى واليوم الانقاذ تدمر المحس فى شخصية توتى .....


#44610 [ممم]
0.00/5 (0 صوت)

11-08-2010 06:09 PM
مالو ما تكون صينية.... البلد كلها بقت صينية...حلو مشكلة البلد بعدين تعال حرش ناس توتى


عثمان ميرغني
عثمان ميرغني

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة